iFisus 3:17 - ɛWee ne ìTsɛm iHywas

¹⁷ Te ɛKiriti gha shɛɛ ndɔ ne irway mon lenɛ ne ìnang ne itin. Nzi ne bol ne ɛTaanggbey ya te ˆɛ see ɛn iling kyukyum ndɔ ne ishwim,

iFisus 3:17 ပူးပေါင်းရင်းမြစ်များ

ɛMacu 13:6

Kɛ ne sɛ igbey kɛ ta, ifɛ ne hal ire de, ire de ne te yɔɔy iphɛ howo, daa ɛli ne sɔng ilwing ngɛ kaa tɔm kyukyum nang.

ɛLuka 6:48

Ɛ so te ɛnyi ne aa lɔl ijwee; ɛ kɛ ne tsa ɛ rum ivel, ɛ cwaasek ne ikpɛɛ, ɛ lɔl ɛtum mɛ, ɛ ji lɔl ijwee ɛbhɛ wo dak ne ɛtum mo. Kɛ ne sɛ inɛn ne ihywel kɛ bo ɛzay, mpɛ ne kyi ijwee wo, ifɛ ne i shɛɛ kɔs, daa ɛli ne kɛ lɔl ifɛ daa ne ɛtum ɛyɛnɛng.

ɛYohana 14:17

ɛHaa ne iPhyik ka ɛbhɛ so iKabyik ntin de ne aa phaal itin de. Sɔng ɛzay ya yaa ne yɛɛ ne say ɛbhɛ nang, daa ɛli ne sɔng ɛ yaang ɛbhɛ ɛ ta yɛɛ ɛbhɛ nang. Nyinɛn no nang ˆɛ yɛɛ ɛn ɛbhɛ, daa ɛli ne ɛ kɛ shɛɛ ndɔ mon no, aa ne ku i shɛɛ nɛ nyinɛn.

ɛYohana 14:23

ɛYɛso gha ne kyii nɛ ɛ yɔngɔ, “ɛNyi gha ne ɛ sim me wo, aa ne roos ibol nge de. ɛKyɛɛ nge gha yaa ne ma sim ɛbhɛ, njwi yaa yɛɛs njwi shɛɛ ne ɛbhɛ.

ɛYohana 17:23

Nzo ndɔ nibhɛ, ne ɛ ma so ndɔ mee. Tɛ nibhɛ ne byinkit gbik te ɛzay ya seng wu igyɛ ɛ kɛ tom me, wu ɛ sim nibhɛ ɛli ne ɛ ma sim me wo.

ɛYohana 6:56

ɛHiha ɛnyi ne ɛɛ re ibek nge de ɛ ta i sɔ neyi nge na, ne ɛ so ndɔ mee, ma nzo ndɔ ɛbhɛ.

iRooma 5:5

Sɔng iyɛk ne irway da yaa ne te buu nang, daa ɛli ne ɛTaanggbey ya kɛ sit ishwim ɛbhɛ da ndɔ ne irway njwɛɛn da lenɛ ne iKabyik ɛTaanggbey de ne ɛTaanggbey ya kɛ nang njwɛɛn.

1 iKɔrɔntos 3:6

Mee nggɛ tubhus, ɛPolos sa ne ramas, ɛTaanggbey ɛbhɛ ne yɛk ngɛ ɛkɔn na ne kɛ tup po raras.

1 iKɔrɔntos 8:1

Daa ne ibol ne ire de ne kɛ nang igunkyi de nang, njwɛɛn i yɛɛ ncɛncɛng wu gbik njwɛɛn no bok ishweng. iShweng ngga ne ito ne ifɛ, ifɛ ne yɛɛs ne itɔɔsek ito, ishwim ifɛ ne lɔl ɛnyi gha.

2 iKɔrɔntos 13:5

Tɛɛsek ɛn itso mon, ɛ phom ɛn itso mon te ɛ seng ɛn hang ɛɛ shɛɛ ɛn ndɔ ne ìnang ne itin da yɔɔ. Ɛ doo ɛn ɛli ne ɛYɛso ɛKiriti gha so ndɔ mon no naa? Wu ɛ doo ɛn ɛli ne ɛKiriti gha so ndɔ mon no, kaabi sɔng ɛ bok ɛn ɛbhɛ nang.

2 iKɔrɔntos 6:16

ɛYakɔn ɛbhɛ kɛ byinki ideng ɛTaanggbey de ne ɛlɔ ne ikpii ghaa? Njwɛɛn soye ideng ɛTaanggbey ɛhaa ne iken, te ɛli ne ɛTaanggbey ya kɛ boote ɛ yɔngɔ, “Naa shɛɛ ndɔ nibhɛ, ne n hyel ndɔ nibhɛ. Naa te me ɛTaanggbey nibhɛ, nibhɛ ne teye ninyi nge.

iGalatiya 2:20

Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

iKɔlɔsi 1:23

iPhɛ so nggbinggbing ˆɛ re ɛn ɛnu ɛyisɛ ndɔ ne ìnang ne itin mon de te ˆɛ kyinak ɛn nting daa ne itin nɛdee wo. Sɔng ɛ sim ɛn i sungki nyini, ˆɛ hana ɛn iyɛk ne irway yɛdaa wo ne ˆɛ kaa sɛ ɛn nten de ne ˆɛ kaa phok ɛn ibol iyɛnɛng ngɛdee wo nang. iBol iyɛnɛng ngɛdee wo ne kɛ sanga ndɔ nikɔn na ne kɛ ryɔng ngo, ne mee ɛBulus sa nggɛ te me ɛhaa ɛtomɛ yɛwo.

iKɔlɔsi 1:27

iCwas ɛTaanggbey da ne so tɛ ninyi ɛbhɛ na seng wu ɛkɔn ɛgying ngɛghaa wo ne ɛ soye iryat de ɛ bok ne ndiinday de ma so ɛhaa ninyi na ne hame nibhɛ so niYahodawa na. ɛKɔn ɛgying ngɛghaa wo ne so ɛlɛ, ɛKiriti gha so ndɔ mon, ˆɛ sɛ ne sɛ ɛn ihop ne ito-ndiinday ɛbhɛ de.

iKɔlɔsi 2:7

ˆƐ see ɛn iling ˆɛ lɔl ɛn nyini ndɔ ɛbhɛ te ìnang ne itin mon de yɛk ihwet ɛli ne njwi kɛ ku mɛmɛ nyini nɛ wo, irway ihwala mon da yɛɛnɛ njɛnjɛt ɛbyin nɛ loghɛt.

1 ɛYohana 4:16

ɛTsak, Njwii yɛɛ, njwi kɛ ne ta nang ne itin nɛ ɛTaanggbey ya i sim njwii. ɛTaanggbey ya so ishwim, gbik ɛnyi gha ne ɛ tɔɔsel ishwim ba, ɛ ne shɛɛ ndɔ ɛTaanggbey ya ɛTaanggbey ya ma i shɛɛ ndɔ ɛbhɛ.

1 ɛYohana 4:4

Nyinɛn ninɔn nge ne nzi sim, ˆɛ so ɛn nyini ninɔn ɛTaanggbey. ˆƐ kɛ re ɛn daa ninabawa ne irywɛɛk ka daa ɛli ne iKabyik ɛTaanggbey de ne iphɛ so ndɔ mon no phyin idee ninaa ɛzay de ne ihwet.

Nikɔn ne kɛ Phaal 3:20

Mee woo bɛ nggɛ kyinak ɛnu ne izuk, nzi hal ɛnu ne izuk ka. Gbik ɛnyi gha ne ɛ kɛ ne phok izɔlɔs nge de ɛ phaal ɛnu ne izuk ka, naa ne lel, naa ne re ɛkyee ɛdaan nɛ ne ɛbhɛ, ɛ ma re ne mee.