iFisus 3:1 - ɛWee ne ìTsɛm iHywas

¹ ɛKɔn nɛghaa wo bhɛ kɛ te mee ɛBulus sa, nzo ne nyang, ɛlɔ ɛYɛso ɛKiriti te iphɛ phyik nyini, nyinɛn no ne ɛ sang so ɛn niYahodawa. Nzi ne bol ne ɛTaanggbey ya daa ne ito mon de.

iFisus 3:1 ပူးပေါင်းရင်းမြစ်များ

ɛLuka 21:12

Sɛ ne wumus nyini i baasek nyini nggbang, i phɛɛs ne nyinɛn ne itsɔɔy bhɛ bol nyini ɛshara ji cwaasek nyini ne idee ne nyang. Sɛ kpuusi nyini i phɛ nɛ ɛlɔ ne igbaang nigɔm nɛ nishɛɛrɛng ngɛ lenɛ ne irywɛɛk nge wo, nyɛɛn nikɔn nɛnaa wo kyi tes so.

ɛTomɛ 21:33

Ɛndiinday ya ne yɛɛs ɛ wum ɛBulus segha, ɛ yɛk ngɛ rop ɛbhɛ ne inyang ihywɛɛ ihywaa. Nɛ ji phom ɛBulus segha ɛ yaak ɛbhɛ. “I bok kɛ ɛhay? Kyee ne ɛ kɛ mɔn no?”

ɛTomɛ 23:18

ɛNdiinday nisooja na ne bo ɛngɔn na ɛ phɛ nɛ ɛlɔ ɛgbaang ɛndiinday nibhɛ na, ɛ yaak ɛbhɛ, “ɛBulus sa ne kɛ rop ɛbhɛ wo kɛ tom mɛ wu te yel-le me, ne ɛ ji yaak me wu te n bo ɛngɔn sɛghaa n yɛɛs nɛ ɛlɔ mo, wu ɛ bok ibol ne aa mɔng ngɛ.”

ɛTomɛ 26:29

ɛBulus sa ne yɔng, “Hang ndɔ ne nten ncɛt yɔɔ hang ndɔ ne nten gbom yɔɔ nzi roro ne ɛTaanggbey nzi bo sɔng igyɛ wo zɔng nang te byinki nɛ ninyi na nɛ nibhɛ so ɛbɛ wo gbik nibhɛ tenes me izenge wo, kang ne nyang ngɛdee, tɛ nibhɛ sɛ ma tes se nikirita na te me wo.”

ɛTomɛ 9:15

ɛDaray ya ne jung yaak ɛbhɛ, “Cwi, nggɛ ku kasa ɛShawulu yegha te ɛ mɔn me ɛtomɛ. Ɛbhɛ aa bhɛ tɔng ninyi na ne hame nibhɛ so niYahodawa na nɛ nigɔm gbik nɛ niSɛrɛla na ibol nge de.

2 iKɔrɔntos 1:6

Wu njwii ne sɔ nggbang ngga, njwii ne sɔ te ɛ sɛ ɛn iphɔrɔt gbik ne iwɔrɔp. Wu kɛ ne wɔrɔp njwii, te ne ɛ ma sɛ ɛn iwɔrɔp ba ɛli ne aa bo ɛn ɛbɔk ɛ rop ɛn iku daa ne nggbang ngga ne ɛ sɔ ɛn no ɛli ne njwii ma sɔ wo.

2 iKɔrɔntos 10:1

Mee ne ɛBulus so ne ito nge nzi roro ne nyinɛn, mee wo ne i bo wu nzo hywɛɛ wo ne i sɛ nzo nɛ nyinɛn no, ne ji yɔng wu nzo nzaratat to ne i sɛ n sang so ne nyinɛn no. Nzi ne roro ne nyinɛn ndɔ ne irywɛɛk ɛKiriti ne ɛ so ihywɛɛ ɛ ta so lyaak.

2 iKɔrɔntos 11:23

Wu nibhɛ so ninaa ne mɔn ɛtomɛ ɛKiriti, ne n phyin nibhɛ. Nzi bol te ɛhaa nisan! N phyin nibhɛ ne mɔn ɛtomɛ ɛKiriti gha, nggɛ sɔ nggbang gbom, kɛ robhos me ndɔ ne ijwee ne nyang, kɛ hal me gagak tang ɛgak, nggɛ wɛɛ iku gbom.

iGalatiya 5:11

Nigwaa en, nzi bol nzi bo wu hang iphɛ so wu nggbinggbing ninaa nɛ nibhɛ kɛ nang ne itin hyɛghɛ icwee, i ne baasek ne me nggbang. Sɛɛ yɔngɔ nzi bo wu tɛ ninaa ne nang ne itin na hyɛghɛ icwee da, n tek ibol ne iku ɛKiriti de daa ne ihon no, sɔng nibhɛ sɛɛ ne sɛ ɛkɔn nɛ nibhɛ yaa baasek me ne nggbang ngga nang.

iGalatiya 5:2

Phok ɛn ibol nge de, mee ne ɛBulus so nzi bok nyini, Wu ɛ kɛ sim ɛn i hyɛghɛ nyini icwee da, kaabi sɔng ɛKiriti gha kɛ mɔn ɛkɔn nang ne aa phyik nyini nang.

iGalatiya 5:24

Ninyi na nɛ nibhɛ soye ninaa ɛYɛso ɛKiriti na, nibhɛ kɛ ne ku phoo ihyop ne bek nibhɛ de daa nikɔn ne ɛfɔt ta ne ibek ge sim mo gbik.

iFisus 3:11

ɛTaanggbey ya kaa mɔn ɛlɛ wo lenɛ ne icwas ɛbhɛ ne ɛ kaa ku bok, ne ɛ kɛ shwaak ifɛ ndɔ ɛDaray njwɛɛn ɛYɛso ɛKiriti gha.

iFisus 3:13

iPhɛ ɛlɛy, nzi ne roro ne nyinɛn, sɔng ˆɛ te ɛn kyɔkyɔt daa ne nggbang ngga ne nzi sɔ ɛlɔ mon na nang. Nggbang nge da so te iphɛ phyik nyini.

iFisus 3:8

Gbik ɛli ne mee nggɛ taasek n shɛs ndɔ ninyi ɛTaanggbey ya, ɛTaanggbey ya kɛ ne nang me izɛɛng ne sanga iBol iYɛnɛng ngɛdee wo ndɔ ninaa nɛ nibhɛ sang so niYahodawa na, ibol ɛwɛng ne ɛ sang ɛgak ne i sɛ lenɛ ne ɛYɛso ɛKiriti.

iFisus 4:1

iPhɛ ɛlɛy, mee wo ne nzo ne nyang ngge daa ɛli ne nzi roos ɛKiriti yegha, nzi roro ne nyinɛn, shɛɛ ɛn ishwɛɛ da ne ifɛ so kancɛng yel-le da ne kɛ yel-le nyini nɛ wo.

iFisus 6:20

ɛTomɛ ne iBol iYɛnɛng ngɛghaa wo ɛbhɛ kɛ te nzo me ɛhaa ne nzi bol daa ne ncwincway ɛTaanggbey da, gbik ɛli ne n jung so ne nyang ngge. Bol ɛn ne ɛTaanggbey ya daa mee te yaa ne sɛ nzi sanga ibol ɛbhɛ de, ne n sanga ne irway nviit, ɛli ne iphɛ kɛ jam mɛ.

iFilibi 1:7

Gbik mon no ˆɛ so ɛn ne irway nge. iPhɛ kɛ ne jam mɛ nzi tas nɛ nyinɛn ɛlɛ wo, daa ɛli ne ˆɛ kɛ byinki ɛn ito ne mee ndɔ ne izɛɛng ɛTaanggbey de nten de ne kɛ gangke me ndɔ ne ijwee ne inyang ngo, ˆɛ phyik ɛn mɛɛn nten de ne nggɛ kyinak ne ihwet daa ne itin ne iBol iYɛnɛng ngge ɛnu ɛyisɛ ninaa nɛ nibhɛ mbaray yo.

iKɔlɔsi 1:24

ɛlyilyɛghaa wo, ne n bok irway ihwala ɛlɔ ne nggbang ngga ne nzi sɔ ɛlɔ mon no. Daa ɛli ne yaa lenɛ ne nggbang ngɛdaa wo n shwaak ɛkɔn na ne ɛ kɛ mak ndɔ ne nggbang ngga ne ɛKiriti gha kaa sɔ ɛlɔ idira ninaa ne roos de nɛ nibhɛ soye ibek ɛbhɛ de.

iKɔlɔsi 4:18

Mee ɛBulus, nzi haa kyiisi yɛdaa wo ne iwɔ nge. Sɔng ˆɛ te ɛn bap wu nzo ne nyang ge nang. Te izɛɛng ɛTaanggbey shɛɛ ne nyinɛn. Ɛɛy.

iKɔlɔsi 4:3

Ma bol ɛn ne ɛTaanggbey ya ɛlɔ mos ne mang, te ɛTaanggbey ya phaal njwi ɛnu ne izuk ne tɔng ibol ɛbhɛ de, te njwi tɔng ibol igying ɛbhɛ de daa ɛKiriti gha. iBol igying ngɛdee wo iphɛ iphɛ kɛ te nzo ne nyang ge.

2 ɛTimɔti 1:16

Te ɛTaanggbey ya sit ninaa ne ijwee ɛNisipharus sa ne ɛwɛng. Ɛbhɛ kɛ i phyighis me cɛcɛɛy, sɔng ɛ kɛ ne ta kyii phok ncwa ne inyang ngge ne nzo nɛ wo nang.

2 ɛTimɔti 1:8

iPhɛ ɛlɛy, sɔng ne ˆɛ phok ncwa ne tɔng ibol ɛDaray ɛYɛso njwɛɛn de ne ncwa nge ne nzo ne inyang ngge ɛlɔ ɛDaray ɛYɛso gha nang. Yang byinki ito ne mee ndɔ ne nggbang ɛlɔ ne sanga ibol iyɛnɛng ngge, te ɛTaanggbey ya nang njwii ihwet tɛ.

ɛFilimɔn 1:1

ɛWee yɛwoo wo le ɛlɔ ɛBulus, ne kɛ rop ɛbhɛ ne nyang ɛlɔ ne mɔn ɛtomɛ ɛYɛso ɛKiriti gbik ne ɛgwaa njwɛɛn ɛTimɔti. Ɛbhɛ phɛɛs ɛlɔ ɛFilimɔn, ɛtaay ɛtomɛ mos ne njwii sim,

ɛFilimɔn 1:23

ɛPafaras sa ne kɛ rop njwii ne ɛbhɛ ndɔ ne nyang ngge ɛlɔ ɛYɛso ɛKiriti gha i kyiisi yɛ.

ɛFilimɔn 1:9

Gbik ne phɛ ɛlɛy, mee ɛBulus, nzi ne roro ne igyɛ ndɔ ne ishwim. Mee wo ne nggɛ helem mo, n da so ne nyang nggɛ ɛlɔ ɛYɛso ɛKiriti gha.

Nikɔn ne kɛ Phaal 2:10

Sɔng ɛ phok ɛnik ne nggbang ngga ne ɛ yungaa sɔ wo nang. Nzi tɔng ngɛ ɛShɛtan na yaa bo ɛbyin mon ɛbhɛ rop nibhɛ ndɔ ne ijwee ne nyang te ɛ sɛ ɛ phɔwɔ nyini, ne ɛ sɔ ɛn nggbang ngga nituk ɛnduwubɔ. Kyinak ndɔ ne ìnang ne itin mon de, kɛsim i phoo yɛ, naa ne nang ngɛ ɛkɔn ne ito ne igbɔm ne iken.