iFisus 2:8 - ɛWee ne ìTsɛm iHywas

⁸ Nzo kɛ lenɛ ne izɛɛng ɛTaanggbey de i phɔt nyini lenɛ ne ìnang ne itin. Sɔng kɛ phɔt nyini daa ɛdɛ ɛkɔn ɛyɛnɛng nga ne ɛ kɛ mɔn ɛn nang, iphɛ so ìnang ɛbhɛ.

iFisus 2:8 ပူးပေါင်းရင်းမြစ်များ

ɛMacu 16:17

ɛYɛso gha ne kyii nɛ ɛ yaak ɛBiturus segha, “ɛSimɔn ne ɛ soyɛ ɛngɔn ɛYunana, ɛ soyɛ ɛhaa ɛwɛng! Sɔng ɛten ɛsii ɛbhɛ kɛ mɔng ngɛ ibol lɛdee wo nang, ɛKyɛɛ nge ne ɛ so daa ne irywa ɛbhɛ kɛ mɔng ngɛ.

ɛMacu 20:9

“ɛNyi gha ne tal ninaa nɛ nibhɛ yɛɛs ɛtomɛ gha igyɔs iwii de ijam ɛtuk ɛdaan.

ɛMarakus 16:16

ɛHiha ɛnyi ne ɛ kɛ bhɛ say ibol mon de, wu ɛ kɛ ne yɛk ɛn ɛbhɛ ne ibatisima de, ɛbhɛ sɛ ne phɔrɔt. ɛHaa ne ɛ kɛ ne bhɛ mbaray tang say iphɛ, kɛ ne ku hyɛ ɛbhɛ ɛshara ne iku.

ɛLuka 7:50

ɛYɛso gha ne yaak ɛkuk ka, “ìNang ne iTin mo de kɛ phɔt tɛ, cwi me ncaang.”

ɛYohana 3:36

Gbik ɛnyi gha ne ɛ kɛ nang ne itin nɛ ne ɛNgɔn na, ne ɛ bok iken ne inat. ɛHaa ne ɛ kɛ ne sang phok ɛNgɔn na, sɔng ɛ sɛ ne yaang iken de nang; njenjek ɛTaanggbey yaa ne shɛɛ daa ɛbhɛ.”

ɛYohana 4:10

ɛYɛso gha ne kyii ɛbhɛ nɛ ɛ yɔngɔ, “Sɛɛ yɔng ɛ yɛɛ ɛkɔn negha ne ɛTaanggbey yaa nang ngo, ɛ ta i yɛɛ ɛnyi gha ne ɛɛ phomos sɛ inɛn ba nang, ɛ sɛɛ ne ku roo ɛbhɛ, ɛ sɛɛ ne nang ngɛ inɛn ne mpɛ nang iken.”

ɛYohana 5:24

“Nzi tɔng nyini itin nɛ, gbik ɛnyi gha ne ɛ kɛ phok ibol nge de ɛ kyii ta nang ne itin nɛ ne ɛhaa ne ɛ kɛ tom me wo, ne ɛ bok iken ne inat. Sɔng i sɛ ne bol nibhɛ ɛshara nang; nibhɛ kɛ ku phee ibol ne iku de nibhɛ so ndɔ ne iken.

ɛYohana 6:35

ɛYɛso gha ne ji phaal le kpas ɛ yɔngɔ, “Mee nzo ire de ne iphɛ nang iken de. ɛHiha ɛnyi ne ɛ kɛ yɛɛs ɛlɔ nge gha sɔng aa ne tang phok ikpyak kang, ɛhaa ne ɛ kɛ nang ne itin nɛ ne mo wo sɔng irway ɛbhɛ yaa ne tang has sang.

ɛYohana 6:37

Gbik ninyi na ne ɛKyɛɛ nge gha kɛ ne ku nang me wo, nibhɛ yaa ne yɛɛs ɛlɔ nge gha, ɛhiha ɛnyi ne ɛ kɛ ne yɛɛs ɛlɔ nge gha sɔng naa ne mbaray me ɛbhɛ nang.

ɛYohana 6:40

iShwim ɛKyɛɛ nge da i bo wu ɛhiha ɛnyi gha ne ɛ kɛ yaang me ne nzo ɛNgɔn ɛTaanggbey ya, ɛ nang ne itin nɛ ne mee, aa ne bok iken ne inat. Nzɛ ne yiisik ɛbhɛ ɛtuk ne taal ɛzay ya.”

ɛYohana 6:44

Sɔng ɛnyi yaa yɛɛ ne yɛɛs ɛlɔ nge gha ne hame ɛKyɛɛ nge gha ne ɛ kɛ tom me wo ɛbhɛ kɛ hɔwɔ ɛbhɛ nang. Mee nzɛ ne yiisik ɛbhɛ ɛtuk ne taal ɛzay ya.

ɛYohana 6:65

Ne ɛ hante nɛ ɛ yɔngɔ, “iPhɛ phɛ kɛ te nggɛ ku yaak nyini wu hang ɛnyi sonɛ ne aa yɛɛ ne yɛɛs ɛlɔ nge gha kang ne ɛhaa ne ɛKyɛɛ nge gha ɛbhɛ kɛ nang ɛbhɛ ito ne yɛɛs sɛ wo.”

ɛTomɛ 13:39

Kɛ ne lenɛ ne ɛYɛso, gbik ɛnyi gha ne ɛ kɛ nang ne itin nɛ, kɛ ne say ɛbhɛ wu ɛ so cik ɛnu ɛyisɛ ɛTaanggbey, ɛkɔn na ne hame ɛShara ɛMuusaa gha kaa sang yɛɛ ne mɔn nɛ wo.

ɛTomɛ 14:27

Ne sɛ nibhɛ kɛ tuu iNtakiya de nibhɛ ne tumare ninaa ne roos sa ɛlɔ ɛdaan, nibhɛ ji tɔng ɛkɔn na ne ɛTaanggbey ya kɛ mɔn lenɛ nibhɛ wo. Nibhɛ ne ta phyii tɔng nibhɛ ɛli ne ɛTaanggbey ya kɛ phaal ninyi na ne hame nibhɛ so niYahodawa na ɛnkiinɛ wo nɛ nibhɛ yaa nang ne itin nɛ wo.

ɛTomɛ 15:11

Njwɛɛn kɛ ne nang ne itin nɛ wu sɛ phɔt njwɛɛn lenɛ ne izɛɛng ɛDaray ɛYɛso de, ɛlɛy ne sɛ ne ma mɔn ninyi na ne hame nibhɛ so niYahodawa na.

ɛTomɛ 16:14

Ndɔ nikuk kɛnaa nggyɛ wo, ɛdɛng kaa ne sonɛ ne bok ɛbhɛ ɛLidiya ne ɛ kaa le ɛgarang ne iTiyatira. Ɛ kaa ne i lɛbhɛl itsura ne jam ne ifɛ bok inɛn ntseng ngɛ mpumpuk ne ɛ re ɛTaanggbey ye ntsong. ɛDaray ya ne yɛk ngɛ ɛ kyii ne irway ɛbhɛ daa ne ibol de ne ɛBulus sa tɔng ngo, ɛ say iphɛ.

ɛTomɛ 16:31

Nibhɛ ne yaak ɛbhɛ, “Nang ne itin nɛ ne ɛDaray ɛYɛso, aa ne sɛ iphɔrɔt da igyɛ ne ijwee mo gbik.”

iRooma 10:14

Yaa ne mɔn ɛli nibhɛ yel-le daa ɛnyi gha nɛ nibhɛ kɛ sang nang ne itin nɛ ne ɛbhɛ woo? Yaa ne mɔn ɛli nibhɛ nang ne itin nɛ ne ɛnyi gha nɛ nibhɛ kɛ sang phok ibol ɛbhɛ dee? Yaa ne ta mɔn ɛli nibhɛ phok ko wu ɛnyi kɛ sang bhɛ sanga nibhɛ ibol lɛ woo?

iRooma 10:17

iPhɛ ɛlɛy i ne nang ne itin nɛ wo lenɛ ne kɛ phok ibol de, i ne phok ko lenɛ ne sanga ibol ɛKiriti.

iRooma 4:16

iPhɛ ɛlɛy, ìtsɛm mɛdee wo kɛ kyinak daa ìnang ne itin nɛ, te iphɛ ne kyinak daa ne izɛɛng ɛTaanggbey, te ne ta sang to irway wu icwaang ɛBaraying ngo gbik sɛ say ìtsɛm be. Sɔng iphɛ so daa ninaa ne roos iMɛmɛ ɛMuusaa zɔng nang, iphɛ ma so daa ninaa nibhɛ kɛ nang ne ihywee ne itin ɛBaraying ngge, ne ɛ so ɛkyɛɛ njwɛɛn na gbik ko.

iRooma 4:5

ɛNyi gha ne ɛ kɛ ne sang hal ɛgyɛy ne ɛtomɛ ɛbhɛ gha, ɛ yang nang ne itin nɛ ne ɛTaanggbey ya ne ɛbhɛ ɛ say nibebhe ninyi na wu nibhɛ so cik ko, sɛ ne bo ìnang ne itin ɛnyi yɛdee nggyɛ wo i say ɛbhɛ wu ɛ so cik.

iRooma 9:16

iPhɛ ɛlɛy, sɔng ibol lɛ ne so daa ɛkɔn na ne ɛnyi gha i sim, hang ɛ kɛ mɔn nang, iphɛ yang so ibol ne san iyɔm ɛTaanggbey zɔng.

iGalatiya 3:14

ɛKiriti gha kɛ mɔn ɛlɛ wo te ne lenɛ ne ɛbhɛ ɛYɛso ɛKiriti gha ninaa ne hame nibhɛ soye niYahodawa na ma sɛ ɛwɛng nga ne ɛTaanggbey ya kɛ sit ɛBaraying nge gha nɛ wo, lenɛ ne ìnang ne itin de te iKabyik ge ne ɛTaanggbey ya kaa ku sim-mɛ wo.

iGalatiya 3:22

Sɔng ɛlɛy ne iphɛ ne so nang, ɛWee ne bol ɛTaanggbey yo i bo wu ɛfɔt to bok ito da ɛzay ya gbik, te ibol de ne kaa ku sim-mɛ wo, lenɛ ne ìnang ne itin ndɔ ɛYɛso ɛKiriti gha te nang ninaa nɛ nibhɛ kɛ nang ne nang ne itin nɛ wo.

iFisus 1:19

Nzi ta bol ne ɛTaanggbey ya wu te ˆɛ seng ɛn igbom ne ihwet ɛTaanggbey da ne sɛ sang ten ne ɛkɔn na ne ɛtomɛ gha ndɔ njwɛɛn no ne kɛ nang ne itin nɛ ne ɛbhɛ wo. iHwet tɛdaa wo ne ifɛ i mɔn ɛtomɛ gha ndɔ njwɛɛn no so ijwaan nɛ ne ivaa ɛTaanggbey da.

iFisus 2:10

Njwɛɛn no ne ito njwɛɛn, njwɛɛn soye ɛtomɛ ne iwɔ ɛTaanggbey ya. Ɛ kɛ ryɔng njwɛɛn ndɔ ɛYɛso ɛKiriti gha te njwɛɛn mɔn nitomɛ niyɛnɛng ninaa ne ɛTaanggbey ya kaa ku ryɔng njwɛɛn nɛ.

iFisus 2:5

Nten de ne njwɛɛn kaa so te ikpom ba lenɛ ne ɛfɔt njwɛɛn no, ɛTaanggbey ya yiisik njwɛɛn niken nɛ ndɔ ɛKiriti gha. Kaa lenɛ ne izɛɛng ɛbhɛ i phɔt nyini wo.

iFilibi 1:29

Daa ɛli ne sɔng kɛ nang nyini izɛɛng ngge te ˆɛ nang ɛn ne itin nɛ ne ɛKiriti gha zɔng nang, kɛ nang nyini te ˆɛ ma sɔ ɛn nggbang ngga ɛlɔ ɛbhɛ gha ne mang.

iKɔlɔsi 2:12

ɛLi ne kaa yɛk nyini ne ibatisima de, iphɛ ne so te kɛ rɛɛ nyini ne ɛKiriti gha. Kaa ne ta lenɛ ne ibatisima de, ne yiisik nyini ne ɛbhɛ lenɛ ne ìnang ne itin mon daa ne ihwet ɛTaanggbey da ne ɛ kɛ yiisik ɛbhɛ ndɔ ne ikpuu da.

2 iTasɔlɔnika 1:9

Sɛ baasek nibhɛ nggbang, i bees nibhɛ ibees ne inat. Sɛ kas nibhɛ ɛnu ɛyisɛ ɛDaray ya gbik ne ɛlɔ gha ne ito-ndiinday ɛbhɛ de ne ihwet ɛbhɛ da sonɛ wo.

iBirani 6:4

Daa ne ito ninyi de nɛ nibhɛ kɛ kyii ne ɛtsim ma nibhɛ tek ìnang ne itin de, sɔng tang yɛɛ ne kyii nɛ nibhɛ nibhɛ san ɛbɔk ka nang. Daa ne ito ninaa nɛ nibhɛ kaa tsa nibhɛ so ndɔ ne ɛwɛwɛy ɛTaanggbey yo, nibhɛ phɔwɔ ɛnggɔnggɔɔt nikɔn niyɛnɛng ɛdaa ne irywa na, nibhɛ bok ihop ndɔ ne iKabyik ɛTaanggbey de.

1 ɛBiturus 1:5

iSha mon nɛdee lɛ, nyinɛn no ne ɛTaanggbey ya i hyep nyini daa ne ihwet ɛbhɛ lenɛ ne ìnang ne itin mon de. iCwas ɛbhɛ da i bo te ɛ sɛ ɛn iphɔrɔt da ne sɛ phaal ɛtuk ne taal ɛzay ya.