iFisus 2:5 - ɛWee ne ìTsɛm iHywas

⁵ Nten de ne njwɛɛn kaa so te ikpom ba lenɛ ne ɛfɔt njwɛɛn no, ɛTaanggbey ya yiisik njwɛɛn niken nɛ ndɔ ɛKiriti gha. Kaa lenɛ ne izɛɛng ɛbhɛ i phɔt nyini wo.

iFisus 2:5 ပူးပေါင်းရင်းမြစ်များ

ɛLuka 15:24

Daa ɛli ne ɛNgɔn ngeghaa wo kaa ku, ɛ kɛ ne bhɛ kyii dɔng. Ɛ kaa birit, kɛ ne ta sɛ ɛbhɛ.” Nibhɛ ho ne ijɔwɔ de.

ɛYohana 5:21

ɛLi ne ɛKyɛɛ gha kyii tes ninyi na nɛ nibhɛ kɛ kus niken na, ɛlɛy ne ɛNgɔn na yaa ne tes ninyi na nɛ nibhɛ kɛ kus so niken ne mang.

ɛYohana 6:63

iKabyik ɛTaanggbey de iphɛ phɛ so ɛkɔn na ne iphɛ nang iken; sɔng ibek bok ito ne nang iken nang. iVol da ne nggɛ ne bol ne nyinɛn no ne so ivaa ne iKabyik ɛTaanggbey ne ifɛ ne nang iken.

ɛTomɛ 15:11

Njwɛɛn kɛ ne nang ne itin nɛ wu sɛ phɔt njwɛɛn lenɛ ne izɛɛng ɛDaray ɛYɛso de, ɛlɛy ne sɛ ne ma mɔn ninyi na ne hame nibhɛ so niYahodawa na.

iRooma 16:20

ɛTaanggbey ne nang irway ne laal da yaa yungaa phɔsɔm ɛShɛtan negha ɛ tek ɛbhɛ ndɔ ɛta mon. Te izɛɛng ɛDaray njwɛɛn ɛYɛso ɛKiriti shɛɛ ne nyinɛn.

iRooma 3:24

Kɛ ne lenɛ ne izɛɛng ɛTaanggbey de ne ɛ kɛ nang ngo, kɛ ne say ɛrɔngɔ wu so cik ɛnu ɛyisɛ ɛTaanggbey ya, lenɛ ne isay da ne kɛ say ɛbhɛ ndɔ ɛYɛso ɛKiriti gha.

iRooma 4:16

iPhɛ ɛlɛy, ìtsɛm mɛdee wo kɛ kyinak daa ìnang ne itin nɛ, te iphɛ ne kyinak daa ne izɛɛng ɛTaanggbey, te ne ta sang to irway wu icwaang ɛBaraying ngo gbik sɛ say ìtsɛm be. Sɔng iphɛ so daa ninaa ne roos iMɛmɛ ɛMuusaa zɔng nang, iphɛ ma so daa ninaa nibhɛ kɛ nang ne ihywee ne itin ɛBaraying ngge, ne ɛ so ɛkyɛɛ njwɛɛn na gbik ko.

iRooma 5:10

Kaa kyii ryɔng njwɛɛn ne ɛTaanggbey ya nten de ne njwɛɛn kaa tɔ ninaa ne iphup ɛbhɛ lenɛ ne iku ɛNgɔn ɛbhɛ. ɛLyilyɛghaa wo, njwɛɛn kɛ ne ji teye nitaay ɛbhɛ, njwɛɛn sɛ ne phɔrɔt lenɛ ne iken ɛNgɔn ɛbhɛ de!

iRooma 5:6

Yaang ɛn, kaa ne ji sɛ nten nɛ kɛ shwaak ghe, nten de ne njwɛɛn kɛ tɔ iMarasha, ɛKiriti gha ne ku ɛlɔ njwɛɛn ninaa ne ɛfɔt to.

iRooma 5:8

ɛTaanggbey ya kɛ yang tɔɔrek ishwim ɛbhɛ daa njwɛɛn daa ɛli ne njwɛɛn kɛ tɔ ninaa ne ɛfɔt, ɛKiriti gha ne ku ɛlɔ njwɛɛn!

iRooma 8:2

Daa ɛli ne kɛ lenɛ ne ɛYɛso ɛKiriti ihwet iKabyik ne iphɛ nang iken de kɛ ne sɔnɔ me ndɔ ne ihwet ne ɛfɔt to ne ɛbhɛ yɛɛs ne iku de.

2 iKɔrɔntos 13:14

Te izɛɛng ɛDaray njwɛɛn ɛYɛso ɛKiriti, ne ishwim ɛTaanggbey ne gbik ìtsɛm ne iKabyik ɛTaanggbey shɛɛ ne nyinɛn gbik. Ɛɛy.

iFisus 2:1

Ne ile de, ˆɛ kaa so ɛn ikpom ndɔ ne ikabyik lenɛ ne ˆɛ kɛ ben ɛn ikpii ɛTaanggbey da nɛ ɛ mɔn ɛn ɛfɔt.

iFisus 2:8

Nzo kɛ lenɛ ne izɛɛng ɛTaanggbey de i phɔt nyini lenɛ ne ìnang ne itin. Sɔng kɛ phɔt nyini daa ɛdɛ ɛkɔn ɛyɛnɛng nga ne ɛ kɛ mɔn ɛn nang, iphɛ so ìnang ɛbhɛ.

iFisus 5:14

Daa ɛli ne iwɛwɛy de iphɛ tɔɔsel nikɔn na gbik a ɛli nɛ nibhɛ so. iPhɛ phɛ kɛ te kɛ haa i bo, “Seme! iGyɛ wo ne ˆɛ so inwa da! Yilitsik ɛlɔ ne ikpom ba! ɛKiriti gha yaa ne tol lɛ.”

iKɔlɔsi 2:13

ˆƐ kaa so ɛn nyini ikpom ɛlɔ ne ɛfɔt mon no gbik ne iyɔm ne hyɛ itee ne tul nyini ndɔ ne ishwɛɛ ne ibek ge, ɛTaanggbey ya ne yiisik nyini niken nɛ ndɔ ɛKiriti gha, ɛtsim mɛ ne ɛ kɛ hana njwɛɛn ne ɛfɔt njwɛɛn no.

ɛTitus 2:11

Daa ɛli ne ɛTaanggbey ya kɛ tɔɔrek izɛɛng ɛbhɛ de tɛ ninyi na gbik sɛ iphɔrɔt.

ɛTitus 3:5

ɛTaanggbey ya ne phɔt njwɛɛn, sɔng daa nikɔn nicik ne njwɛɛn kɛ mɔn nang. Kɛ yang lenɛ ne isan iyɔm ɛbhɛ ɛ phɔt njwɛɛn no lenɛ ne ikabyik ɛTaanggbey de ne iphɛ kɛ kuus njwɛɛn, iphɛ nang njwɛɛn iyɛk ifas, iphɛ ta i tes njwɛɛn niphas sɛ.

Nikɔn ne kɛ Phaal 22:21

Te izɛɛng ɛDaray ɛYɛso de shɛɛ nɛ ninyi ɛTaanggbey ya gbik. Ɛɛy.