iFisus 2:3 - ɛWee ne ìTsɛm iHywas

³ Njwɛɛn gbik kaa tsa so tɛ nibhɛ wo. Njwɛɛn kaa i roos ihyop igywebhe ne ibek njwɛɛn nɛ, i roos ɛkɔn na ne ibek ge ne irway i shɔk njwɛɛn te mɔn zɔng. Njwɛɛn kaa ne teye ɛkɔn ne baasek ɛTaanggbey ye njenjek, iphɛ ne te nggbinggbing njenjek ɛTaanggbey de ho daa njwɛɛn te ɛbyin ninyi ɛzay ya.

iFisus 2:3 ပူးပေါင်းရင်းမြစ်များ

ɛMarakus 4:19

nibhɛ ne kyii ta i tas icwas nikɔn nggyɔngyɔɔt ɛzay, te sim iryat, gbik nɛ ɛbyin nikɔn nɛ. Nikɔn nɛnaa nggyɛ wo ne i ring ibol ɛTaanggbey de ne hyel cik ndɔ nibhɛ wo. Sɔng nibhɛ ne yɛk ibɔrɔk kang.

ɛYohana 1:13

Sɔng i bo nibhɛ kaa tes se ninɔn ɛTaanggbey ya wu nibhɛ soye neyi ɛbhɛ nang, sɔng kaa yɛk nibhɛ ɛli ne ɛras i shɛɛ ne ɛkuk ɛbhɛ nibhɛ ji yɛk ɛngɔn nang. ɛTaanggbey ya ne ito ɛbhɛ, ɛbhɛ kaa yɛk ngɛ nibhɛ teye ninɔn ɛbhɛ na.

ɛYohana 8:44

Ɛ so ɛn ninaa ɛkyɛɛ mon ɛShɛtan, ɛɛ sim ɛn te ɛ sɛɛ roos ɛn ɛkɔn na ne ɛkyɛɛ mon na sim. Ne le ne itsa yɛ ɛ kaa ku so ɛhaa ne phobho ninyi ne ɛ sang bok itin nɛ, daa ɛli ne hame itin de so ndɔ ɛbhɛ. I sɛ ɛ kɛ hyɛ irywɛɛk ga, kaa so ɛɛ ku bol ɛkɔn na ne ɛbhɛ yɛ ɛ ku so, daa ɛli ne ɛ ku so ɛhaa ne irywɛɛk ka, ne ɛ ta so ɛkyɛɛ ninaa ne irywɛɛk ka.

ɛTomɛ 14:16

Ne ile de ɛTaanggbey ya kaa tek igbagha ɛzay yo nibhɛ hyel ihywel da nɛ nibhɛ sim.

iRooma 1:24

iPhɛ ɛlɛy, ɛTaanggbey kɛ ne tek ndɔ mɔn nikɔn nibebhe na ne irway nibhɛ da i sim mo, nibhɛ mɔn nikɔn ne yɔm ncwa ne ibek de.

iRooma 11:30

Ne ile de, nyinɛn no ne hame ɛ so ɛn niYahodawa na, sɔng ɛ kaa ma roos ɛn ibol ɛTaanggbey de nang, ɛlyilyɛghaa wo ɛTaanggbey ya kɛ ne san iyɔm mon, daa ɛli ne sɔng niYahodawa na kɛ roos ibol ɛbhɛ de nang.

iRooma 13:14

Te njwɛɛn yang boos ɛDaray ɛYɛso ɛKiriti yegha cɛcɛk ne ibek te ɛtura ne njwɛɛn kɛ yɛk ngɛ, sɔng njwɛɛn sim i roos icwas ne irway njwɛɛn da ne ifɛ aa te njwɛɛn yaa sim ibebhe de nang.

iRooma 2:14

Sɔng ninyi na ne hame nibhɛ so niYahodawa na bok iMɛmɛ ɛMuusaa da nang, gbik ne iphɛ ɛlɛy, i ne sɛ idɛ nten nɛ nibhɛ ne mɔn ɛkɔn na ne iMɛmɛ da i bo wo. ɛLɛy iphɛ ne tɔɔrek wu nibhɛ wo nɛ nibhɛ sang iMɛmɛ ɛMuusaa da nibhɛ kɛ ne kyii teye ɛshara ne ito nibhɛ.

iRooma 5:10

Kaa kyii ryɔng njwɛɛn ne ɛTaanggbey ya nten de ne njwɛɛn kaa tɔ ninaa ne iphup ɛbhɛ lenɛ ne iku ɛNgɔn ɛbhɛ. ɛLyilyɛghaa wo, njwɛɛn kɛ ne ji teye nitaay ɛbhɛ, njwɛɛn sɛ ne phɔrɔt lenɛ ne iken ɛNgɔn ɛbhɛ de!

iRooma 5:9

Wu ɛTaanggbey ya kɛ ne say njwɛɛn wu njwɛɛn so cik ko lenɛ nɛ neyi ɛKiriti na, yaa ne ji mɔn ɛlii i sang phɔt njwɛɛn ndɔ ne njenjek ɛTaanggbey dee?

iRooma 6:12

iPhɛ ɛlɛy, sɔng ne ɛ sim ɛn ɛfɔt to tɔ re igbɔm ne ibek mon nɛdee wo ne iphɛ sɛ ku wo, ɛ roos ɛn nikɔn nibebhe na ne iphɛ sim mo nang.

iRooma 7:18

Nzi yɛɛ sɔng ɛkɔn ɛyɛnɛng i shɛɛ ndɔ mee wo nang, ndɔ ne icwas ne irway ɛten ɛsii da ne ifɛ so ndɔ nge de. Nzi yang sim te nzɛ mɔn ɛkɔn ɛyɛnɛng nga, sɔng nzi ne ji kyi yɛɛ ne mɔn nɛ nang.

iRooma 9:22

ɛLɛy ne ɛtomɛ ɛTaanggbey ya ne so. Ɛ kɛ sim aa tɔɔrek njenjek ɛbhɛ de ɛ ta tɔɔrek ihwet ɛbhɛ de kpas, ne ɛ ma kyi bo ɛbɔk gbom daa ninaa na ne iphɛ ku so aa te njenjek nɛ nibhɛ, nɛ ninaa ne iphɛ ku so yaa bees nibhɛ.

1 iKɔrɔntos 4:7

ɛHay ɛbhɛ ɛ bok kɛ wu ɛ phyin ɛbyin niten nisii naa? iKyee ne ɛ bok ne hame ɛTaanggbey ɛbhɛ kɛ nang ngɛɛ? Wu iphɛ ne so ɛlɛ wo ikyee iphɛ kɛ ne te ɛ hal ɛgyɛy ya te hame kɛ nang woo?

2 iKɔrɔntos 7:1

Daa ɛli ne kɛ ku sim njwɛɛn nɛ nikɔn nɛnaa wo gbik ko nigwaa nge ne nzi sim, ne njwɛɛn kuus ito njwɛɛn daa nikɔn na nɛ nibhɛ aa te ibek njwɛɛn de ne irway njwɛɛn da yɛk ivebhe da, te njwɛɛn ku tul en kang lenɛ ne ɛnik ɛTaanggbey ne njwɛɛn bok.

iGalatiya 3:22

Sɔng ɛlɛy ne iphɛ ne so nang, ɛWee ne bol ɛTaanggbey yo i bo wu ɛfɔt to bok ito da ɛzay ya gbik, te ibol de ne kaa ku sim-mɛ wo, lenɛ ne ìnang ne itin ndɔ ɛYɛso ɛKiriti gha te nang ninaa nɛ nibhɛ kɛ nang ne nang ne itin nɛ wo.

iFisus 2:2

Nten nɛdee nggyɛ wo ˆɛ kaa ne i roos ɛn icwas ɛzay yɛdaa wo nɛ, ˆɛ roos ɛn ɛShɛtan ne ne ɛ re igbɔm daa ikpabyik ɛzay ne i sang yaang. Ɛbhɛ ɛ soye ikabyik kɛdee nggyɛ wo ne iphɛ mɔn ɛtomɛ gha ndɔ ne irway nisang-phok.

iFisus 4:22

iPhɛ ɛlɛy hana ɛn ishwɛɛ icwɛl mon da ne ˆɛ kaa i shɛɛ ɛn nɛ wo. iShwɛɛ icwɛl mon da ne ifɛ i bees ibek ge lenɛ ne iluk ga ne ibek ge i sim mo.

iKɔlɔsi 1:21

ˆƐ kaa tsa ˆɛ so ɛn kyakyak ne ɛTaanggbey ya, ˆɛ so ɛn nyini ninaa ne iphup ɛbhɛ lenɛ ne icwas ivebhe nɛ nikɔn nibebhe ne ˆɛ mɔn ɛn.

1 iTasɔlɔnika 4:13

Nigwaa en, sɔng njwii sim te ˆɛ sɛ tɔ ɛn gbyik daa ne ibol ninaa nɛ nibhɛ kɛ wum nwa da ndɔ ɛKiriti gha nang, kaabi ninaa nɛ nibhɛ kɛ kus so. Daa ɛli ne ˆaa yung bees ɛn irway tɛ ninaa ne hame nibhɛ kɛ sit irwisɛ da nibhɛ sɛ́ bhɛ shɛɛ ne ɛTaanggbey ya.

1 iTasɔlɔnika 5:6

iPhɛ ɛlɛy, sɔng njwɛɛn ne te te ɛbyin ninyi na nɛ nibhɛ kɛ wum nwa da nang. Te njwɛɛn shɛɛ semey te kyii ne ihywɛɛ njwɛɛn ɛlɔ ɛdaan.

1 ɛTimɔti 6:9

Ninyi na nɛ nibhɛ kat irway ne tɔk iryat de i ne hoghɛ ndɔ ne itɛrɛk, ne irwa gbik ne ihyop igywebhe hywee-hywee ne ihywɛ so iwamang, ihywɛ hɔ nibhɛ ndɔ ne bees se gbik ne iku.

ɛTitus 3:3

Njwɛɛn kaa ma tsa soye niwamang nɛ nisang-phok, ihyop nikɔn ɛzay de luk njwɛɛn, i teye nikpuru nibhɛ. Njwɛɛn ne yaa shɛɛ ishwɛɛ ne boos en ne irway ne ɛnkyis, ninyi i mbaray njwɛɛn, njwɛɛn ne ma i mbaray nibhɛ.

1 ɛBiturus 1:14

ɛLyilyɛghaa wo ne ɛ kɛ te ɛn nyini ninɔn ɛTaanggbey ya, ne ɛ roos ibol ɛbhɛ de, sɔng ne ɛ sim ɛn nikɔn na ne ɛ kaa bok ɛn ihyop pɛ ne ile de ta bo ihywɛɛ mon de nang. Nzo ɛ kaa so ɛn ndɔ gbyik nten nɛdee nggyɛ wo.

2 ɛBiturus 2:14

iCwas nibhɛ da ku so ivaa ne nzangas, sɔng nibhɛ te kpos ne mɔn ɛfɔt to nang. Nibhɛ luk ninaa nɛ nibhɛ so kyɔkyɔt ndɔ ne ìnang ne itin. Nibhɛ kɛ ku tɔk irway nibhɛ da ne irisɛ. Nibhɛ ne so ninaa ɛkawɛy.

2 ɛBiturus 2:18

Nibhɛ rɛrɛ, nibhɛ ton itso nibhɛ daa ne ivol ɛbuu. I ne lenɛ ne sim phok yɛnɛng ne yɔm ncwa nibhɛ de, nibhɛ ne i sim tɛ nibhɛ sɛɛ hɔ ninyi na nɛ nibhɛ tɔɔ le ne iphɔrɔt ndɔ ne ishwɛɛ ne ɛfɔt da.

1 ɛYohana 2:16

Daa ɛli nɛ nikɔn na nɛ nibhɛ so ndɔ ɛzay ya, te ihyop igywebhe ne ibek, ne irisɛ ne gbik ɛdɛ ɛkɔn nɛ ninyi i hal ɛgyɛy daa nibhɛ, sɔng nibhɛ le ɛlɔ ɛTaa gha nang. Nikɔn nɛnaa wo yang le ndɔ ɛzay ya.

1 ɛYohana 2:8

Gbik ne iphɛ ɛlɛy, nzi ne haa nyini ikpii ifas, daa ɛli ne i yaang itin ne ifɛ ndɔ ɛKiriti gha gbik ne nyinɛn, igbyik ge i taasel le, ɛwɛwɛy ne itin de kɛ ne tsa itol.