iFisus 2:18 - ɛWee ne ìTsɛm iHywas

¹⁸ Daa ɛli ne i lenɛ ne ɛKiriti gha njwɛɛn itaang ifaa de, niYahodawa na nɛ ninaa nɛ nibhɛ sang so niYahodawa na i yɛɛ ne lel ɛnu ɛyisɛ ɛTaanggbey ya ne ɛ so ɛTaa gha ne ɛnkiinɛ ɛdaan nɛ, kaabi iKabyik ge.

iFisus 2:18 ပူးပေါင်းရင်းမြစ်များ

iFisus 3:12

Kɛ lenɛ ne ìtsɛm be ne njwɛɛn bok ne ɛKiriti gha, gbik ne ìnang ne itin de ne ɛbhɛ wo, njwɛɛn i ne phɛ ɛnu ɛyisɛ ɛTaanggbey ya tɔrɔk wɛlɛng ɛnik.

1 iKɔrɔntos 12:13

Daa ɛli ne gbik njwɛɛn no, hang ɛYahodawa yɔɔ, hang ma sang so ɛYahodawa yɔɔ, hang nikpuru yɔɔ, hang ninɔn ne ijwee yɔɔ, kɛ yɛk njwɛɛn ne ibatisima idaan ne ikabyik idaan, njwɛɛn kɛ teye ibek idaan. Kɛ ne ta nang njwɛɛn iKabyik idaan ndɔ ne irway njwɛɛn.

iRooma 5:2

Kɛ lenɛ ne ɛbhɛ ne njwɛɛn kɛ sɛ lel ndɔ ne izɛɛng ngɛdee wo lenɛ ne ìnang ne itin njwɛɛn da. iPhɛ ɛlɛy njwɛɛn ne bok irway ihwala daa ɛli ne njwɛɛn kɛ yɛk ne irway njwɛɛn sɛ so ndɔ ninaa nɛ nibhɛ so ndɔ ne ndiinday ɛTaanggbey de.

iFisus 4:4

Ɛ so ɛn ibek idaan, iKabyik ɛTaanggbey idaan nɛ iphɛ so ndɔ mon. ɛLɛy dɔng sit ne irwisɛ ijwaan nɛ ne ta sonɛ ne kɛ yel-le nyini nɛ.

ɛYohana 14:6

ɛYɛso gha ne kyii nɛ ɛ yaak ɛbhɛ, “Mee nzo ɛnkiinɛ wo ne itin de gbik ne iken de. Sɔng ɛnyi yaa phɛ ɛlɔ ɛKyɛɛ gha tang roos ɛlɔ nge gha nang.

ɛYohana 10:9

Mee n so ɛnu ne izuk ne ibang nga, ɛhiha ɛnyi ne ɛ kɛ roos ɛlɔ nge gha ɛ lel, aa ne phɔrɔt. Aa ne i leesel ɛ ta wuusi, ne i hyep ɛbhɛ yɛnɛng.

ɛYohana 10:7

iPhɛ ɛlɛy, ɛYɛso gha ne ta ɛ yaak nibhɛ, “Nzi tɔng nyini itin nɛ, Mee nzo ɛnu ne izuk ne ibang ntsabhak ge.

iKɔlɔsi 1:12

Nzi bol ne ɛTaanggbey ya te ˆɛ tɔɔsel ɛn ɛTaa yegha irway ihwala daa ɛli ne ɛbhɛ kɛ te njwɛɛn kɛ hɔn sɛ ma yɛk ne ihop njwɛɛn ne isha de ne kɛ ryɔng ninyi ɛbhɛ na nɛ, nɛ nibhɛ so ndɔ ne igbɔm iwɛwɛy da.

iGalatiya 4:6

ɛLyilyɛghaa wo ne njwɛɛn kɛ tes en ninɔn ɛTaanggbey ya, ɛTaanggbey ya kɛ ne tom iKabyik ɛNgɔn ɛbhɛ ndɔ ne irway njwɛɛn. iKabyik kɛdee wo i ne te njwɛɛn yɔngɔ, “Abba, ɛTaa nge.”

iRooma 8:15

Daa ɛli ne iKabyik ge ne ɛTaanggbey ya kɛ nang nyini wo sɔng iphɛ soye dee ne aa te ɛn nyini nikpuru ɛ yɛk ɛn ɛnik nang. Kwa! iKabyik kɛdee wo kɛ yang te nyini ɛ te ɛn nyini ninɔn ɛTaanggbey, i ne lenɛ ne iphɛ wo, njwɛɛn ne yel-le ɛTaanggbey yegha i yɔngɔ: “Abba! ɛTaa nge.”

1 ɛBiturus 3:18

ɛLɛy ne iphɛ kaa ne so daa ɛKiriti gha. Ɛ kaa so cik ne ɛ ku ɛlɔ ninyi nɛ nibhɛ sang so cik. Ɛ kaa ku ɛlɔ ne ɛfɔt ɛdaan zɔng te ɛ phɛ nɛ nibhɛ ɛlɔ ɛTaanggbey. Kaa phoo ɛKiriti yegha ndɔ ne ibek, ne yiisik ɛbhɛ ndɔ ne ikabyik.

iFisus 6:18

Te nɛ i bol ɛn ne ɛTaanggbey cɛcɛɛy ɛli ne iKabyik ge i hyel ne nyinɛn. Bol ɛn ɛTaanggbey ya daa nikɔn na gbik ne ɛ sim ɛn. Shɛɛ ɛn ɛkanang te ˆɛ nang ɛn ihwet mon daa ne bol ne ɛTaanggbey ya daa ninyi ɛbhɛ.

1 iKɔrɔntos 8:6

gbik ne iphɛ ɛlɛy, ɛlɔ njwɛɛn na, ɛTaanggbey ya ne so ɛdaan. Ɛbhɛ ɛ so, ɛTaa gha ne ɛ kɛ ryɔng nikɔn na gbik, ɛhaa ne ishwɛɛ njwɛɛn da lenɛ ne ɛbhɛ, ɛDaray ya ta so ɛdaan, ɛbhɛ ɛ so ɛYɛso ɛKiriti gha ne kɛ lenɛ ne ɛbhɛ i ryɔng nikɔn na gbik, i ta lenɛ ne ɛbhɛ njwɛɛn sonɛ wo.

iBirani 7:19

Sɔng iMɛmɛ ɛMuusaa da kaa hɔn ifɛ sɛ te ɛnyi ɛ te hyɔrɔ nang. ɛLyilyɛghaa wo kɛ ne ji yɛɛs ne ɛkɔn ne ɛ phyin ne njwɛɛn yaa sit irwisɛ da ɛbhɛ te i lenɛ ne ɛbhɛ njwɛɛn yɛɛs cɛcɛk ne ɛTaanggbey ya.

iFisus 3:14

ɛKɔn nɛghaa wo ɛbhɛ kɛ te nggɛ te ne irwa-nggburuk ɛnu ɛyisɛ ɛTaa gha.

ɛYahuza 1:20

Nyinɛn no nigwaa nge ne nzi sim, te ɛrɔngɔ ne phyik ɛrɔngɔ te ˆɛ lɔl ɛn itso mon daa ne ɛtum ne ìnang ne itin mon de ne kɛ tul kang i shɛs so. Bol ɛn ne ɛTaanggbey ya ndɔ ne ihwet ne iKabyik ɛbhɛ de.

1 ɛBiturus 1:21

Kɛ ne lenɛ ne ɛKiriti gha ne ɛ nang ɛn ne itin nɛ ne ɛTaanggbey ne ɛ kɛ yiisik ɛKiriti yegha tsik ne ikpuu da ɛ nang ɛbhɛ ito-ndiinday. iPhɛ ɛlɛy, ìnang ne itin mon da, ne ìyɛk ne irway mon da ne so daa ɛTaanggbey.

1 ɛBiturus 1:17

Ɛɛ yel-le ɛn ɛbhɛ ɛTaa nten de ne ɛɛ bol ɛn ne ɛTaanggbey ya ne ɛ sang bok sim ito da nten de ne ɛ bol ɛrɔngɔ ɛshara gha daa ɛkɔn na ne ɛ kɛ mɔn no. iPhɛ ɛlɛy ne ɛ taal ɛn ishwɛɛ mon da ndɔ ɛzay yɛghaa wo ne ɛ so ɛn nɛ tɛ ninaa ne kpoo na, ɛ phok ɛn ɛnik ɛTaanggbey yo.

ɛMacu 28:19

iPhɛ ɛlɛy, ne ɛ cwi ɛn ɛbhɛ tɔng ɛn igbagha ɛzay yo gbik wu tɛ roos me, nibhɛ tes en ninɔn ne icwam nge, ɛ yaak ɛn nibhɛ ne ibatisima de ndɔ ne irywɛɛk ɛkyɛɛ, ne irywɛɛk ɛNgɔn ne ihoo ne iKabyik ɛTaanggbey.

ɛYakub 3:9

Ne ilem be ne njwɛɛn i dɛp ɛDaray njwɛɛn na nɛ gbik ne ɛTaa gha. iLem be ne njwɛɛn i ne ta towos nɛ ninyi na ne kɛ ryɔng nibhɛ ɛli ne ɛTaanggbey ya so wo.