iFisus 2:17 - ɛWee ne ìTsɛm iHywas

¹⁷ Ɛ kaa yɛɛs ɛ tɔng ibol iYɛnɛng ne irway ne laal ndɔ mon no ne ˆɛ sang so ɛn niYahodawa na, nyinɛn no ne ˆɛ kaa so ɛn kyakyak ne ɛTaanggbey ya. Ɛ kaa ne ma ta tɔng ibol idaan nɛdee wo ndɔ niYahodawa na nɛ nibhɛ kaa so cɛcɛk ne ɛbhɛ wo.

iFisus 2:17 ပူးပေါင်းရင်းမြစ်များ

ɛTomɛ 10:36

Ɛ yɛɛ ɛn ibol de ne ɛ kaa tom niSɛrɛla na nɛ wo, iphɛ phɛ so ibol iyɛnɛng ne irway ne laal da ne ɛYɛso ɛKiriti gha kaa yɛɛs nɛ wo. ɛYɛso ɛKiriti gha ɛbhɛ ne ɛ so ɛDaray ninyi na gbik.

ɛTomɛ 2:39

ɛKɔn ne ɛTaanggbey ya kaa ku sim-mɛ wo kaa so ɛhaa mon, nɛ ninɔn mon, ne gbik ne ɛhiha ɛnyi ne ɛ kaa so kyakyak; kaabi i bo ɛhaa ne ɛDaray ɛTaanggbey nyɛɛn kyi yel-le ɛbhɛ ɛ kɛ teye ɛhaa ɛbhɛ.”

iRooma 5:1

iPhɛ ɛlɛy, ɛlyilyɛghaa wo ne kɛ say njwɛɛn wu njwɛɛn so icik ɛnu ɛyisɛ ɛTaanggbey ya lenɛ ne nang ne itin de, njwɛɛn ne bok irway ne laal ɛnu ɛyisɛ ɛTaanggbey lenɛ ne ɛDaray njwɛɛn ɛYɛso ɛKiriti.

2 iKɔrɔntos 5:20

iPhɛ ɛlɛy, njwi ne so ninyi ne ɛKiriti gha kɛ tom; ɛTaanggbey ya ne bol ne nyinɛn lenɛ ne njwit. Njwi roro ne nyinɛn ndɔ ne irywɛɛk ɛKiriti, sim ɛn te ɛTaanggbey ya hyere nyini te ɛ te nyini nitaay ɛbhɛ sɔng ninaa ne iphup ɛbhɛ nang.

ɛLuka 2:14

“ito-ndiinday so idee ɛTaanggbey ɛdaa ne irywa! Te irway ne laal ne shɛɛ ɛzay ya, ndɔ ninaa ne ɛTaanggbey ya i phok iyɛnɛng nibhɛ de.”

ɛMacu 10:13

Wu ninaa ne ijwee yɛ kɛ ne say nyini, irway ne laal ɛTaanggbey da yaa ne shɛɛ nɛ nibhɛ, wu nibhɛ kɛ ne sang say nyini, sɔng ifɛ yaa ne shɛɛ nɛ nibhɛ nang.

iRooma 10:14

Yaa ne mɔn ɛli nibhɛ yel-le daa ɛnyi gha nɛ nibhɛ kɛ sang nang ne itin nɛ ne ɛbhɛ woo? Yaa ne mɔn ɛli nibhɛ nang ne itin nɛ ne ɛnyi gha nɛ nibhɛ kɛ sang phok ibol ɛbhɛ dee? Yaa ne ta mɔn ɛli nibhɛ phok ko wu ɛnyi kɛ sang bhɛ sanga nibhɛ ibol lɛ woo?

iFisus 4:21

ɛTsak, ˆɛ kɛ phok ɛn ibol ɛbhɛ de, kɛ ne mɛmɛ nyini ne itin de ne i sɛ ndɔ ɛYɛso gha.

ɛLuka 15:8

“ɛKuk sɛɛ bok ntsɔk ne ijam ɛnduwubɔ, ihywɛ izaan ne ji birit, aa ne mɔn ɛli daa mɛɛ? Nzi bo wu aa ne yɛk ne igboo ndɔ ne ijwee wo, ɛ yes ifɛ, ɛ tɔk ninggbyak kɛ hywɛɛ, ɛbhɛ sɛ ihywɛ nyɛɛn.