Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




iFisus 2:14 - ɛWee ne ìTsɛm iHywas

14 Nzo ɛKiriti gha ɛbhɛ soye irway ne laal njwɛɛn. Ɛ kɛ byinki niYahodawa na nɛ ninaa nɛ nibhɛ sang so niYahodawa na nibhɛ teye nidaan nɛ. Ɛ kɛ ne bunga iwabha ne ifɛ kaa hosop niYahodawa na nɛ ninaa nɛ nibhɛ sang so niYahodawa na, kaabi iwabha ishishim be ne iphɛ kaa so ɛceree nibhɛ gha.

အခန်းကိုကြည့်ပါ။ ကော်ပီ




iFisus 2:14
28 ပူးပေါင်းရင်းမြစ်များ  

iPhɛ ɛlɛy ninyi ɛzay ya ne labhe ɛnu ɛyisɛ ɛTaanggbey ya nang. Sɔng niYahodawa na labhe nɛ ninyi na ne hame nibhɛ soye niYahodawa na nang, sɔng ɛkpuru labhe ne ɛngɔn ne ijwee nang, sɔng ɛras labhe ne ɛkuk kang. Gbik mon no ɛ so ɛn nyini nidaan nɛ ndɔ ɛYɛso ɛKiriti gha.


Ɛli ne ˆɛ kɛ bo ɛn ishwɛɛ ifas da, sɔng ihosop ne ta tɔ nɛ ndɔ mon no nang. niYahodawa nɛ ninaa ne hame nibhɛ soye niYahodawa, ɛhaa ne kɛ hyɛ ɛbhɛ itee ne ɛhaa ne hame kɛ hyɛ itee, ɛnyi ne ito iben, ne ɛhaa ɛhay nang, ne ɛkpuru ne ɛngɔn ne ijwee nang. Nibhɛ so ɛkɔn ɛdaan nɛ daa ɛli ne ɛKiriti gha ɛbhɛ bok nikɔn na gbik, ɛbhɛ ɛ ta so ndɔ njwɛɛn gbik.


Te irway ne laal ɛKiriti da hyel ne nyinɛn ndɔ nikɔn na ne ˆaa mɔn ɛn gbik, daa ɛli ne kɛ lenɛ ne irway ne laal lɛdaa wo ɛTaanggbey ya yel-le nyini ndɔ ne ibek idaan. Te ɛ te ɛn nyini ninaa ne tɔɔsel ɛTaanggbey yegha irway ihwala.


Ɛ kɛ tek iMɛmɛ ɛMuusaa da ne ikpii yɛ gbik nɛ nikabhak kɛ gɔɔ, lenɛ ne iku ɛbhɛ, te ɛ kyii ryɔng icwaang ifas ndɔ itaang iphaa yɛdee nggyɛ wo. ɛLɛ wo ne ɛ kɛ ne yɛɛs ne irway ne laal ndɔ nibhɛ wo.


iPhɛ so ɛTaanggbey yegha ɛkɔn ne irway ihwala ɛ kyii nɛ nikɔn na ne ɛ kɛ ryɔng ngo gbik ɛlɔ ɛbhɛ lenɛ ne ɛNgɔn na. Kaabi kɛ lenɛ nɛ neyi na ne ɛNgɔn na kɛ lok daa ne ihon, ɛ kyii ne ìtsɛm ndɔ nikɔn na ne ɛ kɛ ryɔng ngo ne ɛbhɛ, nikɔn gbik, ninaa ɛzay nɛ ninaa ɛdaa ne irywa.


ˆƐ kɛ ku ɛn ne ɛKiriti gha, kɛ ne phɔt nyini ndɔ ne ihwet ne ikpabyik ɛzay yɛdaa wo. iKyee iphɛ kɛ ne te ˆɛ shɛɛ ɛn te ˆɛ tɔɔ ɛn nyini ninaa ɛzay yaa? iKyee iphɛ kɛ te ˆɛ kɛ nang ɛn itso mon da daa ne ikpii ɛzay yɛdaa woo?


iPhɛ ɛlɛy, ɛlyilyɛghaa wo ne kɛ say njwɛɛn wu njwɛɛn so icik ɛnu ɛyisɛ ɛTaanggbey ya lenɛ ne nang ne itin de, njwɛɛn ne bok irway ne laal ɛnu ɛyisɛ ɛTaanggbey lenɛ ne ɛDaray njwɛɛn ɛYɛso ɛKiriti.


Ɛ yɛɛ ɛn ibol de ne ɛ kaa tom niSɛrɛla na nɛ wo, iphɛ phɛ so ibol iyɛnɛng ne irway ne laal da ne ɛYɛso ɛKiriti gha kaa yɛɛs nɛ wo. ɛYɛso ɛKiriti gha ɛbhɛ ne ɛ so ɛDaray ninyi na gbik.


ɛBiturus sa ne yaak ninyi na, nyinɛn no ɛ ku yɛɛ ɛn gbik ɛShara mos sa kɛ ring njwii niYahodawa na ne byinki ito nɛ ninyi na nɛ nibhɛ sang so niYahodawa na, ɛ ta ring njwii ne phɛ ne ijwee nibhɛ. ɛTaanggbey ya ɛbhɛ ɛ kɛ ne yaak me wu hang n yaak ɛnyi wu hang ɛ so wɛwɛy.


ɛTaanggbey ne irway ne laal la kɛ yiisik ɛDaray njwɛɛn ɛYɛso yegha ne ikpuu. Ɛ mɔn ɛlɛ wo lenɛ nɛ neyi ne ìtsɛm ne inat ne kɛ rop. ɛYɛso yeghaa wo ɛbhɛ ɛ soye ɛGbaang ɛHaa ne Hyep ntsabhak ge.


“ito-ndiinday so idee ɛTaanggbey ɛdaa ne irywa! Te irway ne laal ne shɛɛ ɛzay ya, ndɔ ninaa ne ɛTaanggbey ya i phok iyɛnɛng nibhɛ de.”


Ne n bok idɛ ntsabhak de ne hame ihywɛ so ndɔ ne ibang ngɛdee wo. Naa ne bhɛ yɛɛs ne ihywɛ, ihywɛ ne yaa tenes izɔlɔs nge. iHywɛ ne ji teye iwa ijwaan, ɛhaa ntsabhak ɛdaan.


Te iphɛ tol ninaa gbyik ka ne iku de kɛ cwaal nibhɛ wo, te iphɛ hyel ne njwɛɛn nkiinɛ ne irway ne laal.”


ɛBaraying nga ne nang ɛbhɛ ɛzaka nikɔn no gbik. ɛNting ne irywɛɛk ɛMakyisɛdɛk ko ne so, “iCik.” ɛMakyisɛdɛk ka kaa ne soye ɛgɔm ne iSalɛm ne i yeres ɛgarang ngɛ ɛgarang ne irway ne laal, ɛdɛ ɛnting ne irywɛɛk kɛ ne ta so, “ɛGɔm ne irway ne laal.”


Ɛbhɛ ɛ bok igbɔm ndɔ ne idira ninaa ne roos de nɛ nibhɛ so tɛ nilɔ ne ibek ka. Nilɔ ne ibek ka ne kɛ byingis lenɛ ne ᐩitsibhi de, ɛrɔngɔ i mɔn ɛtomɛ ɛbhɛ gha te ibek ge ne i hanas ne hɔnɔs sɛ ndɔ ne ishwim ba.


ɛTaa gha ne kɛ lenɛ ne ɛbhɛ icwaang ɛdaa ne irywa wo gbik icwaang ɛzay yo sɛ irywɛɛk nibhɛ wo.


“Nggɛ tɔng nyini nikɔn nɛnaa wo te ɛ bok ɛn irway ne laal ndɔ me wo. Aa sɔ ɛn nggbang ndɔ ɛzay ya. Nzi ne bok, te ɛn irway nviit daa ɛli ne nggɛ ku phoo ɛzay ya nɛ.”


Sɔng ɛ sɛ ne ku ɛlɔ igbagha niYahodawa na zɔng nang, ɛ sɛ phyii tumɛ ninɔn ɛTaanggbey ya nɛ nibhɛ kɛ sangay ndɔ ɛzay ya, nibhɛ teye ɛkɔn ɛdaan.


Ɛ kaa yɛɛs ɛ tɔng ibol iYɛnɛng ne irway ne laal ndɔ mon no ne ˆɛ sang so ɛn niYahodawa na, nyinɛn no ne ˆɛ kaa so ɛn kyakyak ne ɛTaanggbey ya. Ɛ kaa ne ma ta tɔng ibol idaan nɛdee wo ndɔ niYahodawa na nɛ nibhɛ kaa so cɛcɛk ne ɛbhɛ wo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ