iFisus 2:12 - ɛWee ne ìTsɛm iHywas

¹² Taate ɛn nɛ, nten nɛdee nggyɛ wo, ˆɛ kaa hosop ɛn nyini ne ɛKiriti gha. Sɔng ˆɛ kaa bok ɛn ihop ɛkɔn ndɔ niSɛrɛla na nang. ˆƐ kaa so ɛn tɛ ninaa ne kpoo daa ne ibol ne rop ìtsɛm be ne ɛTaanggbey ya kɛ sim-mɛ wo. Sɔng ɛ kaa bo ɛn ɛkɔn ne ˆɛ kɛ sit ɛn ne irwisɛ nang, sɔng ɛ bok ɛn ɛTaanggbey ye ndɔ ɛzay yeghaa wo nang.

iFisus 2:12 ပူးပေါင်းရင်းမြစ်များ

ɛLuka 1:72

te ɛ tɔɔl isan iyɔm ɛbhɛ daa nikyɛɛ-nikyɛɛ njwɛɛn, ɛ ta taate ne ibol ne rop ìtsɛm ɛbhɛ ne kɛ tul kang.

ɛYohana 10:16

Ne n bok idɛ ntsabhak de ne hame ihywɛ so ndɔ ne ibang ngɛdee wo. Naa ne bhɛ yɛɛs ne ihywɛ, ihywɛ ne yaa tenes izɔlɔs nge. iHywɛ ne ji teye iwa ijwaan, ɛhaa ntsabhak ɛdaan.

ɛYohana 15:5

“Mee nzo me ɛhon ne inabi gha, ɛ ji so ɛn ilaak ge. Wu ɛnyi gha shɛɛ ndɔ me ma nzi shɛɛ ndɔ ɛbhɛ, aa ne yɛk ikpam gbom, daa ɛli ne sɔng ɛ sɛ yɛɛ ne mɔn ɛn ɛkɔn tang me wo nang.

ɛYohana 4:22

Nyinɛn ninyi ne iSamariya na, ɛ re ɛn ɛkɔn na ne ɛ doo ɛn ntsong ngga, njwit niYahodawa na nang njwii ne yɛɛ ɛnyi gha ne njwii re ɛbhɛ nɛ, daa ɛli ne ɛTaanggbey ya sɛ lenɛ nɛ niYahodawa na ɛ phɔt ɛzay ya.

ɛTomɛ 2:39

ɛKɔn ne ɛTaanggbey ya kaa ku sim-mɛ wo kaa so ɛhaa mon, nɛ ninɔn mon, ne gbik ne ɛhiha ɛnyi ne ɛ kaa so kyakyak; kaabi i bo ɛhaa ne ɛDaray ɛTaanggbey nyɛɛn kyi yel-le ɛbhɛ ɛ kɛ teye ɛhaa ɛbhɛ.”

ɛTomɛ 28:20

iPhɛ phɛ kɛ ne te nggɛ tɔk te naa yaang nyini wu, te ne n da boote ne nyinɛn daa ne ibol ne ɛnyi de nɛ niSɛrɛla na kɛ yɛk ne irway da nibhɛ hyep po, ibol ɛKiriti de. Daa ne ibol ɛbhɛ de ne kɛ rop me ne nyang ngɛdee wo.”

ɛTomɛ 3:25

Nyinɛn ɛ so ɛn ninɔn ninabawa na, ɛ ta so ɛn ninɔn ne ìtsɛm ma ne ɛTaanggbey ya kaa ne ta rop nɛ nikyɛɛ mon na nten de ne ɛ kaa yaak ɛkyɛɛ mon ɛBaraying ngegha, ‘Sɛ ne lenɛ ne ihywee mo, ɛzay ya sɛ ne sɛ ɛwɛng gbigbik.’

iRooma 9:8

Kaabi i bo wu hang ninɔn na ne kɛ yɛk nibhɛ ndɔ ne ibek nibhɛ bhɛ soye ninɔn ɛTaanggbey ya. Yang so ninɔn na ne kɛ yɛk nibhɛ daa ne ibol de ne ɛTaanggbey ya kɛ ku sim-mɛ nibhɛ ne i bok nibhɛ ninɔn ɛTaanggbey ya.

iGalatiya 4:8

Ne ile de, sɔng ɛ ka yɛɛ ɛn ɛTaanggbey yegha nang. Ɛ ka so ɛn nikpuru nihak nitaanggbey ne sɔng nibhɛ ma yung so ɛkɔn nang.

iFisus 2:19

iPhɛ ɛlɛy yang, nyinɛn no ne ˆɛ sang so ɛn niYahodawa na, sɔng ne ˆɛ tɔ ɛn kyakyak tɛ ninaa ne kpoo nang, sɔng ne ˆɛ sang ihop daa ɛkɔn ninaa ɛTaanggbey ya nang. ˆƐ kɛ yang te ɛn nyini nidaan nɛ ne ninyi ɛTaanggbey ya, ninaa ne ijwee ɛTaanggbey ya.

iFisus 4:18

iRway nibhɛ da so hyɔrɔ ne igbyik. Kɛ hosop nibhɛ ne iken de ne ɛTaanggbey ya i naas so daa ne iyɔm ne seng nɛ nibhɛ bok lenɛ ne ito ihet.

iKɔlɔsi 1:21

ˆƐ kaa tsa ˆɛ so ɛn kyakyak ne ɛTaanggbey ya, ˆɛ so ɛn nyini ninaa ne iphup ɛbhɛ lenɛ ne icwas ivebhe nɛ nikɔn nibebhe ne ˆɛ mɔn ɛn.

iKɔlɔsi 1:27

iCwas ɛTaanggbey da ne so tɛ ninyi ɛbhɛ na seng wu ɛkɔn ɛgying ngɛghaa wo ne ɛ soye iryat de ɛ bok ne ndiinday de ma so ɛhaa ninyi na ne hame nibhɛ so niYahodawa na. ɛKɔn ɛgying ngɛghaa wo ne so ɛlɛ, ɛKiriti gha so ndɔ mon, ˆɛ sɛ ne sɛ ɛn ihop ne ito-ndiinday ɛbhɛ de.

iKɔlɔsi 1:5

Daa ɛli ne ìnang ne itin mon de so daa nikɔn na ne ɛ kɛ yɛk ɛn ne irway ne kɛ tek nyini nɛ daa ne irywa. Ɛ kaa tsa ɛ phok ɛn ibol nikɔn nɛdee wo ndɔ ne ibol ne itin de ne iphɛ so ibol iyɛnɛng ngge.

1 iTasɔlɔnika 4:13

Nigwaa en, sɔng njwii sim te ˆɛ sɛ tɔ ɛn gbyik daa ne ibol ninaa nɛ nibhɛ kɛ wum nwa da ndɔ ɛKiriti gha nang, kaabi ninaa nɛ nibhɛ kɛ kus so. Daa ɛli ne ˆaa yung bees ɛn irway tɛ ninaa ne hame nibhɛ kɛ sit irwisɛ da nibhɛ sɛ́ bhɛ shɛɛ ne ɛTaanggbey ya.

1 iTasɔlɔnika 4:5

Sɔng ˆɛ te ɛn tɛ ninaa ne hame nibhɛ so niYahodawa na nɛ nibhɛ doo ɛTaanggbey yegha nibhɛ soye nikpuru ne ihyop ne ibek nibhɛ de nang.

2 iTasɔlɔnika 2:16

Te ɛDaray ɛYɛso ɛKiriti njwɛɛn na ne ito ɛbhɛ gbik ne ɛTaanggbey ya ne ɛ soye ɛKyɛɛ njwɛɛn na, ne ɛ kɛ sim njwɛɛn no, ɛ wɔrɔp njwɛɛn no, ɛ ta nang njwɛɛn iyɛk ne irway iywɛnɛng ngga, lenɛ ne izɛɛng ɛbhɛ de,

1 ɛTimɔti 1:1

ɛWee yɛwoo wo le ɛlɔ ɛBulus, ɛngɔn ne tom ɛYɛso ɛKiriti lenɛ ne iyɛk ngɛ ɛTaanggbey ne ɛ so ɛHaa ne phɔt njwɛɛn gbik ne ɛYɛso ɛKiriti ne ɛbhɛ ɛ so ɛhaa ne sit ne irwisɛ njwɛɛn.

iBirani 11:34

Nibhɛ ne te ɛgbaang ne igboo wo te tang ihwet ɛlɔ nibhɛ, nibhɛ ne phɔrɔt ɛlɔ ninyi nɛ nibhɛ sim nibhɛ yaa tɛm nibhɛ ne ihywa. Kaa hyere ikyɔkyɔt nibhɛ de iphɛ kyii teye ihwet. Nibhɛ kaa ne yɛk ihwet ne ta itsom, nibhɛ roos nisooja nigarang nga kang-ka-kang.

iBirani 6:18

ɛTaanggbey ya kɛ nang nikɔn ifaa, ibol ne ɛ kɛ rop ne iLɛlɛm ihywa. Sɔng i ne yɛɛ ne hyere nikɔn nɛnaa nggyɛ wo nang, daa ɛli ne sɔng ɛTaanggbey ya i yɛɛ ne hyɛ irywɛɛk nang. iPhɛ ɛlɛy, njwɛɛn no ne kɛ tel bhɛ kyɛngɛy ɛlɔ ɛbhɛ gha, njwɛɛn yaa ne yɛɛ ne kyinak ne ihwet i hyep ibol ɛbhɛ de ne ɛ kɛ ku rop po ne njwɛɛn kɛ sit irwisɛ da.

iBirani 8:6

ɛLyilyɛghaa wo, kɛ ne nang ɛYɛso yegha ɛtomɛ nibo gha ne ɛ phyin ne iyɛnɛng, te ɛli ne ibol ne rop ìtsɛm ne byinki ninyi na ne ɛTaanggbey ya, ne ɛbhɛ ɛYɛso gha so ɛhaa ɛceree yɛwo phyin ne iyɛnɛng ngge. iBol ne rop ìtsɛm mɛdee nggyɛ wo ne phyin ne iyɛnɛng ngge daa ɛli ne kɛ rop iphɛ daa nikɔn nɛ nibhɛ phyin ne iyɛnɛng.

1 ɛBiturus 1:21

Kɛ ne lenɛ ne ɛKiriti gha ne ɛ nang ɛn ne itin nɛ ne ɛTaanggbey ne ɛ kɛ yiisik ɛKiriti yegha tsik ne ikpuu da ɛ nang ɛbhɛ ito-ndiinday. iPhɛ ɛlɛy, ìnang ne itin mon da, ne ìyɛk ne irway mon da ne so daa ɛTaanggbey.

1 ɛBiturus 1:3

Te njwɛɛn dɛp ɛTaanggbey yegha ne ɛbhɛ so ɛkyɛɛ ɛDaray njwɛɛn ɛYɛso ɛKiriti gha. Ɛbhɛ kɛ san iyɔm njwɛɛn gbom, ɛ nang njwɛɛn ishwɛɛ ifas lenɛ ne iyilitsik ɛKiriti ndɔ ne ikpuu. iBol lɛ kɛ ne te njwɛɛn bok ìyɛk ne irway ne iphɛ so iken.

1 ɛBiturus 3:15

Yang nang ɛn ɛKiriti yegha ne ndiinday ndɔ ne irway mon da daa ɛli ne ɛbhɛ ɛ so ɛDaray. Shɛɛ ɛn ɛkanang cɛcɛɛy ɛli ne aa kyii ɛn ɛnyi gha nɛ ne ɛ kɛ phom nyini ɛkɔn na ne ɛ kɛ te ɛ kɛ yɛk ɛn irway mon daa ne roos ɛKiriti yegha. Gbik ne iphɛ ɛlɛy, ne ɛ mɔn ɛlɛ wo ndɔ ne ihywɛɛ, ne ìnang ne ndiinday.

1 ɛYohana 3:3

Gbik ɛnyi gha ne ɛ bok iyɛk ne irway yɛdaa wo daa ɛKiriti gha, te ɛ te ito ɛbhɛ wɛwɛy ɛ shɛɛ wɛwɛy daa ɛli ne ɛKiriti gha so wɛwɛy.