iFisus 2:11 - ɛWee ne ìTsɛm iHywas

¹¹ iPhɛ ɛlɛy ne ˆɛ taate ɛn ɛli ne ˆɛ kɛ so ɛn ne ile de. Sɔng ˆɛ kaa so ɛn iyɛk niYahodawa da nang. niYahodawa na nɛ nibhɛ kaa i yeres itso nibhɛ ninaa ne hyɛghɛ icwee da kaa i yeres nyini ninaa ne sang hyɛghɛ icwee. Nzo ihyɛghɛ icwee yɛdaa wo ne so idee ne ibek ne i hyɛghɛ ne ibɔ.

iFisus 2:11 ပူးပေါင်းရင်းမြစ်များ

ɛMacu 20:7

“Nibhɛ ne kyii nɛ nibhɛ yɔngɔ, ‘Sɔng ɛnyi kɛ bo njwi ɛtomɛ gha nang.’ “Ɛnyi gha ne yaak nibhɛ, ‘Ne ɛ ma cwi ɛn ɛbhɛ mɔn ɛn ɛtomɛ gha ne ihwap ɛnap nge da.’

iRooma 11:17

Kɛ ne hyɛghɛ ɛbyin ne ilaak ɛphaa de ne kɛ tup i ryɔng ne ji bo ilaak ɛphaa ne ɛ kɛ wuru ɛhay i sang ryɔng ɛbhɛ, i byinki ne ɛphaa gha ne kɛ tup po ɛli ne i rop ɛlɛɛmu ɛwɛrɛ. Nyinɛn no ne hame ɛ so ɛn niYahodawa na ne ɛ so ɛn te ilaak ɛphaa ɛhay de, nyinɛn ne kɛ ne byinki ne itin nɛdee nggyɛ wo. Kaabi i bokɛ byinki nyini nɛ niYahodawa na ninaa ne lenɛ nɛ nibhɛ ɛ sɛɛs ɛn Niwɛng ɛTaanggbey ya.

iRooma 2:26

Wu ninaa ne kɛ sang hyɛghɛ nibhɛ icwee da kɛ shwaak ibol ɛshara de, ɛTaanggbey ya yaa ne sang bo nibhɛ tɛ ninaa ne hyɛghɛ icwee daa?

iRooma 2:27

Ninyi na nɛ nibhɛ sang hyɛghɛ icwee da ndɔ ɛli ne iMɛmɛ ɛMuusaa da i bo wo, nibhɛ kyii hyep iMɛmɛ yɛwo sɛ phoo yɛ ne. Nyinɛn niYahodawa na, ne ɛ bok iMɛmɛ da ne kɛ haa wo, ɛ ta so ɛhaa ne hyɛghɛ icwee da, ɛ kyii tes ɛkɔn na ne iMɛmɛ yɛ kɛ bol lo tsaan no.

1 iKɔrɔntos 12:2

Ɛ yɛɛn nten de ne ɛ kɛ tang te ɛn nyini ninaa ne roos sa, kaa ne luk nyini ɛ yaa re ɛn igunkyi ne iphɛ sang iken ntsong.

1 iKɔrɔntos 6:11

ɛLɛy nɛ nidɛng ndɔ mon ka ne ma so ne ile de, ɛlyilyɛghaa wo kɛ ne kuus nyini, i tek nyini ɛ so ɛn ninaa ɛTaanggbey, kɛ ne say nyini wu ɛ so ɛn cik ɛnu ɛyisɛ ɛTaanggbey ndɔ ne irywɛɛk ɛDaray ɛYɛso ɛKiriti, gbik ne ikabyik ɛTaanggbey njwɛɛn.

iGalatiya 2:15

Njwi so iyɛk niYahodawa, sɔng njwi so ninaa ne ɛfɔt, tɛ ninyi na ne hame nibhɛ soye niYahodawa na nang.

iGalatiya 6:12

Ninyi na nɛ nibhɛ sim tɛ nibhɛ yaa yɛk nyini nɛ nggbinggbing ɛ hyɛghɛ ɛn icwee da, nibhɛ sim te sɛɛ yɔng wu nibhɛ mɔn ɛkɔn ɛyɛnɛng. Nibhɛ mɔn nyini ɛlɛ wo ɛlɔ nɛ nibhɛ yaa yung sɔ nggbang daa ne ibol ne gangat ɛKiriti ye.

iFisus 2:2

Nten nɛdee nggyɛ wo ˆɛ kaa ne i roos ɛn icwas ɛzay yɛdaa wo nɛ, ˆɛ roos ɛn ɛShɛtan ne ne ɛ re igbɔm daa ikpabyik ɛzay ne i sang yaang. Ɛbhɛ ɛ soye ikabyik kɛdee nggyɛ wo ne iphɛ mɔn ɛtomɛ gha ndɔ ne irway nisang-phok.

iFisus 5:8

Ne ile de ˆɛ kaa tsa ˆɛ so ɛn ndɔ gbyik, ɛlyilyɛghaa wo, ˆɛ kɛ ne sɛ ɛn iwɛwɛy lenɛ ne ɛDaray ya. iPhɛ ɛlɛy, ne ˆɛ shɛɛ ɛn ishwɛɛ ninaa ne iwɛwɛy da.

iFilibi 3:3

Njwɛɛn, njwɛɛn yang soye ninaa ne kɛ hyɛghɛ njwɛɛn icwee ne itin da. Njwɛɛn no ne njwɛɛn i re ɛTaanggbey yegha ntsong ngga lenɛ ne iKabyik Ɛbhɛ de. Njwɛɛn no ne njwɛɛn i hal ɛggyɛy ya ne ɛYɛso ɛKiriti gha. Njwɛɛn no ne njwɛɛn i sang hal ɛggyɛy ya daa ne ikpii ɛten ɛsii da ne i yaang ne irwisɛ da.

iKɔlɔsi 1:21

ˆƐ kaa tsa ˆɛ so ɛn kyakyak ne ɛTaanggbey ya, ˆɛ so ɛn nyini ninaa ne iphup ɛbhɛ lenɛ ne icwas ivebhe nɛ nikɔn nibebhe ne ˆɛ mɔn ɛn.

iKɔlɔsi 2:11

Ndɔ ɛbhɛ dɔng ne kɛ ne hyɛ nyini ne itee de. Sɔng ne so ihywee ne idee ne i hyɛ ne iwɔ nang, yang so idee ne ɛKiriti gha kɛ hyɛ nyini nɛ lenɛ ne ɛ kɛ tul nyini ndɔ ne ishwɛɛ ne ibek ne iphɛ so ishwɛɛ ɛten ɛsii.

iKɔlɔsi 2:13

ˆƐ kaa so ɛn nyini ikpom ɛlɔ ne ɛfɔt mon no gbik ne iyɔm ne hyɛ itee ne tul nyini ndɔ ne ishwɛɛ ne ibek ge, ɛTaanggbey ya ne yiisik nyini niken nɛ ndɔ ɛKiriti gha, ɛtsim mɛ ne ɛ kɛ hana njwɛɛn ne ɛfɔt njwɛɛn no.

iKɔlɔsi 3:11

Ɛli ne ˆɛ kɛ bo ɛn ishwɛɛ ifas da, sɔng ihosop ne ta tɔ nɛ ndɔ mon no nang. niYahodawa nɛ ninaa ne hame nibhɛ soye niYahodawa, ɛhaa ne kɛ hyɛ ɛbhɛ itee ne ɛhaa ne hame kɛ hyɛ itee, ɛnyi ne ito iben, ne ɛhaa ɛhay nang, ne ɛkpuru ne ɛngɔn ne ijwee nang. Nibhɛ so ɛkɔn ɛdaan nɛ daa ɛli ne ɛKiriti gha ɛbhɛ bok nikɔn na gbik, ɛbhɛ ɛ ta so ndɔ njwɛɛn gbik.