iFisus 2:10 - ɛWee ne ìTsɛm iHywas

¹⁰ Njwɛɛn no ne ito njwɛɛn, njwɛɛn soye ɛtomɛ ne iwɔ ɛTaanggbey ya. Ɛ kɛ ryɔng njwɛɛn ndɔ ɛYɛso ɛKiriti gha te njwɛɛn mɔn nitomɛ niyɛnɛng ninaa ne ɛTaanggbey ya kaa ku ryɔng njwɛɛn nɛ.

iFisus 2:10 ပူးပေါင်းရင်းမြစ်များ

ɛMacu 5:16

Ɛlɛy ne mang, te iwɛwɛy mon de ne tol ɛnu ɛyisɛ ninyi na tɛ nibhɛ ne yaang nikɔn ne yɛnɛng mon na ne ɛ mɔn ɛn no, tɛ nibhɛ dɛp ɛKyɛɛ mon na ne ɛ so dak ne irywa wo.

ɛYohana 3:21

Ninaa nɛ nibhɛ ne roos itin de nang, nibhɛ ne yɛɛset ndɔ ne iwɛwɛy de cɛcɛɛy te iwɛwɛy de ne i tɔɔsel wɛsɛrɛk nikɔn na nɛ nibhɛ mɔn no so ɛli ne ɛTaanggbey i sim.”

ɛTomɛ 9:31

iDira ninaa ne roos de nɛ nibhɛ so ne iYahudiya de, ne iGalili de, ne iSamariya de ne sɛ irway ne laal. Nibhɛ ne yɛk ihwet, iKabyik ɛTaanggbey de ne i tes nibhɛ itsɔngɔl gɛgɛy, nibhɛ te gbom, ihywel nibhɛ da ndɔ ne ɛnik ɛDaray yo ne hantey yɛ.

ɛTomɛ 9:36

ɛDɛ ɛhaa ne roos sa kaa ne sonɛ ne iYopa ne kaa bok ɛbhɛ ɛTabita, ne ta yeres ɛbhɛ ɛDokas ne ilem ne iGirik. ɛTabita gha kaa mɔn nikɔn niyɛnɛng cɛcɛɛy, ɛ ta phyighis ninyi nihala.

iRooma 8:1

iPhɛ ɛlɛy, sɔng yaa ne tang hyɛ ninyi na nɛ nibhɛ kɛ byinki ishwɛɛ da ne ɛYɛso ɛKiriti gha ɛshara ne iku nang.

iRooma 8:29

Ninyi na ne ɛTaanggbey ya kaa ku yɛɛ ne ile de ɛ kaa ku kasa nibhɛ tɛ nibhɛ te tɛ ɛNgɔn ɛbhɛ, te ɛNgɔn na ɛbhɛ ji teye ɛngɔn ɛkɔɔn nɛ ndɔ nigwaa ɛbhɛ na nɛ nibhɛ so gbom mo.

1 iKɔrɔntos 3:9

Njwi so nitaay ndɔ ɛtomɛ ɛTaanggbey ya, nyinɛn no ne ɛ ji so ɛn te ihwap ɛTaanggbey da, ɛ ta so ɛn te ijwee ne ɛTaanggbey ya i lɔl dɔng.

2 iKɔrɔntos 5:17

iPhɛ ɛlɛy, gbik ɛnyi gha ne ɛ so ndɔ ɛKiriti gha ɛ kɛ ne teye ɛnyi ɛphas, nikɔn nitɛl la kɛ ne phebhe ɛ kɛ ne teye ɛphas sɛ!

2 iKɔrɔntos 5:5

ɛTaanggbey ya ne ito ɛbhɛ, ɛbhɛ kɛ ryɔng njwɛɛn ìsunu yɛdaa wo. Ɛ kɛ nang njwɛɛn iKabyik ɛbhɛ te njwɛɛn seng ncɛncɛng wu ɛ sɛ shwaak ɛkɔn na ne ɛ kɛ ku sim njwɛɛn nɛ wo.

2 iKɔrɔntos 9:8

ɛTaanggbey ya i yɛɛ ne sit nyini nɛ Niwɛng nga gbik, tɛ nibhɛ hɔn nyini gbik, te ɛ sɛ ɛn gbik nikɔn na nɛ nibhɛ yaa hɔn nyini cɛcɛɛy, ɛ ji mɔn ɛn ne ɛtomɛ ɛyɛnɛng nga.

iGalatiya 6:15

Sɔng ibol ne hyɛ itee de ne sang hyɛ itee de iphɛ phɛ soye ɛgbaang ɛkɔn nang. ɛGbaang ɛkɔn no so, te kyii ryɔng ɛnyi gha iryɔng ifas.

iFisus 1:1

ɛWee yɛwoo wo le ɛlɔ ɛBulus ne ɛ so ɛNgɔn ne tom ɛYɛso ɛKiriti lenɛ ne icwas ɛTaanggbey. ɛbhɛ phɛɛs ɛlɔ ninyi ɛTaanggbey ne iFisus nɛ nibhɛ so sɛ kyinak daa ne ibol nibhɛ daa ne ibol ne roos ɛYɛso ɛKiriti ye.

iFisus 1:4

Ɛbhɛ kaa kasa njwɛɛn lenɛ ne ɛYɛso ɛKiriti. Ɛ kaa ne kasa njwɛɛn no ɛli ne kaa tang tum ɛzay ya wu te njwɛɛn tul en kang, wɛlɛng ɛkɔn ne tok. Kaa ne lenɛ ne ishwim ne ɛ bok ne njwɛɛn,

iFisus 2:13

ɛLyilyɛghaa wo nang, ne ˆɛ so ɛn ndɔ ɛYɛso ɛKiriti gha. Nyinɛn no ne ˆɛ kaa so ɛn kyakyak ko, kɛ ne yɛɛs ne nyinɛn cɛcɛk lenɛ nɛ neyi ɛKiriti.

iFisus 2:15

Ɛ kɛ tek iMɛmɛ ɛMuusaa da ne ikpii yɛ gbik nɛ nikabhak kɛ gɔɔ, lenɛ ne iku ɛbhɛ, te ɛ kyii ryɔng icwaang ifas ndɔ itaang iphaa yɛdee nggyɛ wo. ɛLɛ wo ne ɛ kɛ ne yɛɛs ne irway ne laal ndɔ nibhɛ wo.

iFisus 2:2

Nten nɛdee nggyɛ wo ˆɛ kaa ne i roos ɛn icwas ɛzay yɛdaa wo nɛ, ˆɛ roos ɛn ɛShɛtan ne ne ɛ re igbɔm daa ikpabyik ɛzay ne i sang yaang. Ɛbhɛ ɛ soye ikabyik kɛdee nggyɛ wo ne iphɛ mɔn ɛtomɛ gha ndɔ ne irway nisang-phok.

iFisus 2:6

Ndɔ ne ìtsɛm njwɛɛn de ne ɛYɛso ɛKiriti gha, ɛTaanggbey ya kɛ ne yiisik njwɛɛn gbik ɛKiriti gha, ɛ nang njwɛɛn ɛcuruu ne igbɔm ɛzay ɛdaa ne irywa ne ɛKiriti gha.

iFisus 4:1

iPhɛ ɛlɛy, mee wo ne nzo ne nyang ngge daa ɛli ne nzi roos ɛKiriti yegha, nzi roro ne nyinɛn, shɛɛ ɛn ishwɛɛ da ne ifɛ so kancɛng yel-le da ne kɛ yel-le nyini nɛ wo.

iFisus 4:24

Bo ɛn ishwɛɛ ifas da ne ɛTaanggbey ya kɛ ryɔng ɛli ne ɛ so wo. iShwɛɛ yɛdaa nggyɛ wo i tɔɔrek ghe ndɔ ne ishwim gbik ne ishwɛɛ ne tul le kang.

iFilibi 1:6

Nzi ne yɛɛ ncɛncɛng ɛhaa ne ɛ kɛ tsa ɛtomɛ ɛyɛnɛng ngɛ gha wo ndɔ mon no, aa ne re ɛnu ɛyisɛ ɛ taal ɛtuk ka ne ɛYɛso ɛKiriti gha sɛ bhɛ kyii wo.

iFilibi 2:13

Daa ɛli ne ɛTaanggbey ya ɛbhɛ ɛ mɔn ɛtomɛ ne irway mon da. Ɛbhɛ ɛ ne yɛk ngɛ ˆɛ sim ɛn ɛkɔn na ɛ sim, ˆɛ ta mɔn ɛn ɛbhɛ.

iKɔlɔsi 1:10

Te ne lenɛ ɛlɛy, ˆɛ shɛɛ ɛn ishwɛɛ da ne ifɛ so kancɛng ne ivaa ninaa ne roos ɛDaray yegha, ifɛ nang ɛDaray yegha irway ihwala. Te ishwɛɛ mon da ne tɔɔrek nikɔn niyɛnɛng ndɔ nitomɛ na gbik, ˆɛ raras ɛn ndɔ ne seng ɛTaanggbey yegha.

iKɔlɔsi 3:10

ˆƐ kɛ bo ɛn ishwɛɛ ifas. iShwɛɛ yɛdaa wo ne ɛTaanggbey ya ne ɛbhɛ kɛ ryɔng ngo i ne hanas ne tes ifɛ ifas ndɔ mon no ne ˆɛ so ɛn izazurum ɛbhɛ de te ˆɛ hɔn ɛn ndɔ ne seng ɛbhɛ.

2 iTasɔlɔnika 2:17

te nyini itsɔngɔl gɛgɛy, ɛ nang nyini ihwet ne mɔn nikɔn niyɛnɛng gbik ne bol ivol iywɛnɛng.

1 ɛTimɔti 2:10

tɛ nibhɛ yang mɔn nitomɛ niyɛnɛng ninaa nɛ nibhɛ yaa tɔɔrek ishɛɛda ne roos nibhɛ.

1 ɛTimɔti 5:10

Te ɛ so ɛkuk ne ngka nitomɛ ɛbhɛ kɛ jam, kaabi ɛ boos ninɔn ɛbhɛ byirik, ɛ say ninaa ne ikpoo, ɛ mɔn ninaa roos ɛTaanggbey ye ɛtomɛ, ɛ phyighis ninaa nɛ nibhɛ i tɔk iphyik, ɛ kɛ see ito daa ne mɔn nikɔn niyɛnɛng cɛcɛɛy.

1 ɛTimɔti 5:25

ɛLɛy ne mang, ɛtomɛ ɛyɛnɛng nga ne ma so kpas, ɛhaa ne ɛ sang so kpas so nang, sɔng aa ne re ɛnu ɛyisɛ ne rɛrɛs se nang.

1 ɛTimɔti 6:18

Yaak nibhɛ tɛ nibhɛ mɔn nikɔn niyɛnɛng, tɛ nibhɛ hɔn gbom ndɔ ne mɔn nikɔn niyɛnɛng nga, tɛ nibhɛ phyik ninyi na ne irway walala, nibhɛ yɛk irway ne nang.

2 ɛTimɔti 2:21

ɛLɛy ne iphɛ ne sonɛ ninyi na ne mang. Wu ɛnyi gha kɛ kuus ito ɛbhɛ ndɔ ne ibebhe de, ne ɛ so tɛ nikɔn na ne i mɔn ne ɛtomɛ ɛgbaang ɛtuk ka. Ɛ kɛ tul le kang ɛ teye ɛnyi ne aa mɔn ɛkyɛɛ ne ijwee ɛbhɛ gha ɛtomɛ, ɛ kɛ ne ryɔng te ɛ mɔn gbik ɛtomɛ ɛyɛnɛng nga ne ɛ kɛ jam.

2 ɛTimɔti 3:17

Te ɛnyi ɛTaanggbey ya te hyɔrɔ, ɛ ryɔng nge te ɛ mɔn gbik nitomɛ niyɛnɛng nga.

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.

ɛTitus 2:7

Ndɔ nikɔn na gbik teyɛ ɛkɔn ne mɛmɛ nɛ ɛlɔ nibhɛ gha daa ne mɔn nikɔn niyɛnɛng. Ndɔ ne imɛmɛ mo da tɔɔrek itin nɛ, sɔng ˆɛ ra ne ijɔwɔ nang.

ɛTitus 3:1

Taate ninyi mo na nɛ wu tɛ nibhɛ laasek nindiinday ne ivel la nɛ gbik nɛ nigɔm ma. Tɛ nibhɛ roos ibol nibhɛ, nibhɛ ryɔng en ɛli nɛ nibhɛ yaa i mɔn nikɔn niyɛnɛng gbik.

ɛTitus 3:14

iPhɛ so nggbinggbing ninyi njwɛɛn na mɛmɛ ne nang ito nibhɛ ne mɔn iyɛnɛng tɛ nibhɛ yɛɛ ne phyik nɛ nikɔn nɛ nibhɛ so ninyi na nggbinggbing. Sɔng nibhɛ shɛɛ ishwɛɛ ɛbuu da nang.

ɛTitus 3:8

iBol lɛdee wo so sɛ kyinak nɛ. Nzi ne sim te ɛ sɛ tiil ninyi na nikɔn nɛnaa wo gbik. Tɛ ninyi na nɛ nibhɛ kɛ nang ne itin nɛ ne ɛTaanggbey ya ne nang ihwet nibhɛ gbik ɛlɔ ne mɔn nikɔn niyɛnɛng. Nikɔn nɛnaa wo kɛ jam gbom, nibhɛ ne bok iphyik daa ninyi na gbik.

iBirani 10:24

Nɛ njwɛɛn wɛɛ en, te phyighis en ɛli ne njwɛɛn yaa tɔɔrek ishwim i mɔn nikɔn niyɛnɛng.

iBirani 13:21

Nzi ne roro ne ɛTaanggbey ya te ɛ te nyini hyɔrɔ nɛ nikɔn niyɛnɛng gbik te ˆɛ mɔn ɛn ɛkɔn na ne ɛɛ sim. Nzi roro ne ɛTaanggbey te ɛ ku i mɔn ɛtomɛ ndɔ mon no lenɛ ne ɛYɛso ɛKiriti gha ne aa nang ɛbhɛ irway ihwala. Te ne nang ɛYɛso ɛKiriti yegha ne ndiinday idee ne ishay-ishay! Ɛɛy.

1 ɛBiturus 2:12

Shɛɛ ɛn ishwɛɛ iywɛnɛng ndɔ ninyi na nɛ nibhɛ sang yɛɛ ɛTaanggbey yegha. Te yaa ne sɛ nibhɛ bol ivol ne rip ba daa mon no nang, ne yang kyii lenɛ nɛ nikɔn niyɛnɛng nga ne ɛ mɔn ɛn no nibhɛ nang ɛTaanggbey ye ne ndiinday ɛtuk ka ne ɛTaanggbey ya sɛ yɛɛs ɛlɔ njwɛɛn na.

1 ɛYohana 1:7

Wu njwɛɛn i ne hyel ndɔ ne iwɛwɛy de ɛli ne ɛTaanggbey ya so iwɛwɛy de, njwɛɛn i ne byingis ìtsɛm be nɛ nigwaa. Neyi ɛNgɔn ɛbhɛ ɛYɛso ɛKiriti na i ne kuus ɛfɔt njwɛɛn no gbik.

1 ɛYohana 2:6

Gbik ɛnyi gha ne ɛ bo wu so ndɔ ɛTaanggbey ya, iphɛ ne so nggbinggbing ɛ hyel ihywel da ɛli ne ɛYɛso ɛKiriti gha kɛ hyel lo.