iFisus 2:1 - ɛWee ne ìTsɛm iHywas

¹ Ne ile de, ˆɛ kaa so ɛn ikpom ndɔ ne ikabyik lenɛ ne ˆɛ kɛ ben ɛn ikpii ɛTaanggbey da nɛ ɛ mɔn ɛn ɛfɔt.

iFisus 2:1 ပူးပေါင်းရင်းမြစ်များ

ɛMacu 8:22

ɛYɛso gha ne yaak ɛbhɛ, “Kungus me, te ɛ tek ikpom ba ifɛ rɛrɛs ikpom ba.”

ɛLuka 15:24

Daa ɛli ne ɛNgɔn ngeghaa wo kaa ku, ɛ kɛ ne bhɛ kyii dɔng. Ɛ kaa birit, kɛ ne ta sɛ ɛbhɛ.” Nibhɛ ho ne ijɔwɔ de.

ɛLuka 15:32

iPhɛ kɛ ne jam mɛ njwɛɛn tɔɔl irway ihwala ba, daa ɛli ne ɛgwaa mo gha kaa ku ɛ kɛ ne bhɛ kyii, ɛ kaa birit kɛ ne sɛ ɛbhɛ.’ ”

ɛYohana 10:10

ɛHaa ɛyi gha yɛɛs te ɛ hyel ɛyi, ɛbhɛ phoo, ɛ ta bees. Nggɛ ne yɛɛs tɛ nibhɛ sɛ iken, nibhɛ ne sɛ iphɛ hyɔrɔ.

ɛYohana 14:6

ɛYɛso gha ne kyii nɛ ɛ yaak ɛbhɛ, “Mee nzo ɛnkiinɛ wo ne itin de gbik ne iken de. Sɔng ɛnyi yaa phɛ ɛlɔ ɛKyɛɛ gha tang roos ɛlɔ nge gha nang.

ɛYohana 5:21

ɛLi ne ɛKyɛɛ gha kyii tes ninyi na nɛ nibhɛ kɛ kus niken na, ɛlɛy ne ɛNgɔn na yaa ne tes ninyi na nɛ nibhɛ kɛ kus so niken ne mang.

ɛYohana 5:25

Nzi ne tɔng nyini itin nɛ, nten nɛ yaaso, iphɛ kɛ tuu nɛ ninyi na nɛ nibhɛ so ikpom sɛ phok izɔlɔs ɛNgɔn ɛTaanggbey de. Ninaa nɛ nibhɛ sɛ ne tenes, nibhɛ sɛ́ ne tes niken.

iRooma 8:2

Daa ɛli ne kɛ lenɛ ne ɛYɛso ɛKiriti ihwet iKabyik ne iphɛ nang iken de kɛ ne sɔnɔ me ndɔ ne ihwet ne ɛfɔt to ne ɛbhɛ yɛɛs ne iku de.

1 iKɔrɔntos 15:45

ɛLɛy ne kɛ haa ndɔ ne ɛWee ne iBol ɛTaanggbey i bo, “ɛDɛmu gha ne ɛ kaa so ɛnyi ɛyisɛ gha, kaa ryɔng ɛbhɛ i nang ɛbhɛ iken.” ɛDɛmu ɛtsim ma ne soye ikabyik ne iphɛ nang iken.

2 iKɔrɔntos 5:14

Gbik ɛkɔn na ne njwii mɔn, njwi mɔn ɛbhɛ daa ɛli ne ishwim ɛKiriti bok igbɔm daa mos. Daa ɛli ne njwii kɛ nang ne itin nɛ wu ɛKiriti gha kɛ ku ɛlɔ ninyi na gbik, iphɛ ɛlɛy ninyi na gbik kɛ ne ma kus ndɔ ɛbhɛ.

iFisus 4:18

iRway nibhɛ da so hyɔrɔ ne igbyik. Kɛ hosop nibhɛ ne iken de ne ɛTaanggbey ya i naas so daa ne iyɔm ne seng nɛ nibhɛ bok lenɛ ne ito ihet.

iFisus 5:14

Daa ɛli ne iwɛwɛy de iphɛ tɔɔsel nikɔn na gbik a ɛli nɛ nibhɛ so. iPhɛ phɛ kɛ te kɛ haa i bo, “Seme! iGyɛ wo ne ˆɛ so inwa da! Yilitsik ɛlɔ ne ikpom ba! ɛKiriti gha yaa ne tol lɛ.”

iKɔlɔsi 2:13

ˆƐ kaa so ɛn nyini ikpom ɛlɔ ne ɛfɔt mon no gbik ne iyɔm ne hyɛ itee ne tul nyini ndɔ ne ishwɛɛ ne ibek ge, ɛTaanggbey ya ne yiisik nyini niken nɛ ndɔ ɛKiriti gha, ɛtsim mɛ ne ɛ kɛ hana njwɛɛn ne ɛfɔt njwɛɛn no.

1 ɛTimɔti 5:6

ɛKusang nga ne ɛ ne roos ɛnggɔnggɔɔt ɛzay yo zɔng ngo nang, ne ɛ ku soye ikom gbik ɛli ne ɛ kyi so ɛken na.

1 ɛYohana 3:14

Njwɛɛn i yɛɛ kɛ ku phee iku de, so niken daa ɛli ne njwɛɛn i sim nigwaa njwɛɛn. ɛNyi gha ne ɛ ne sang sim ɛgwaa ɛbhɛ gha, ne ɛ tɔ shɛɛ ishwɛɛ ne iku de.

Nikɔn ne kɛ Phaal 3:1

Haa ɛmalɛka ne idira ninaa ne roos ne iSadis sa nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ bok iKpabyik ɛniitaa ɛTaanggbey da nɛ niYiyɔrɔ ɛniitaa na. Nzi yɛɛ nikɔn na ne ɛ mɔn no gbik, i wɛɛ yɛ te ɛ so ɛken kaabi ɛ so ikom.