iFisus 1:9 - ɛWee ne ìTsɛm iHywas

⁹ ɛTaanggbey ya kɛ yɛk ngɛ njwɛɛn seng ɛduk ne icwas ɛbhɛ daa ɛkɔn na ne aa mɔn, ɛhaa ne ɛ kɛ ryɔng ɛ shwaak lenɛ ne ɛKiriti gha.

iFisus 1:9 ပူးပေါင်းရင်းမြစ်များ

ɛMacu 13:11

ɛYɛso gha ne kyii ne ɛ yaak nibhɛ, “Kɛ phaal nyini ɛduk ne igbɔm ɛTaanggbey da, sɔng kɛ ne ma phaal nibhɛ nɛ nang.

ɛLuka 12:32

“Sɔng ne ɛ phok ɛn ɛnik ko, nyinɛn ninyunyɔn ne ᐩigyol nge wo nang, ɛKyɛɛ mon naa phok iyɛnɛng ne sɛ nang nyini igbɔm ba.

ɛLuka 2:14

“ito-ndiinday so idee ɛTaanggbey ɛdaa ne irywa! Te irway ne laal ne shɛɛ ɛzay ya, ndɔ ninaa ne ɛTaanggbey ya i phok iyɛnɛng nibhɛ de.”

ɛTomɛ 13:48

Ne sɛ ninyi na ne hame nibhɛ so niYahodawa na kɛ phok ɛlɛ wo, nibhɛ ne yɛk irway ihwala nibhɛ nang ibol ɛTaanggbey de ne ndiinday. Ninyi na ne ɛTaanggbey ya kɛ ku kasa nibhɛ nibhɛ aa sɛ iken ne inat de ne nang ne itin nɛ.

ɛTomɛ 2:23

ɛTaanggbey ya kaa ku lɔl lɛ, ne ɛ ku i yɛɛ iphɛ ɛlɛy. Ɛ kaa nang ɛn ɛYɛso yeghaa wo ndɔ ne iwɔ nibebhe ninyi, nibhɛ ne phoo ɛbhɛ dak ne ihon.

ɛTomɛ 4:28

Nibhɛ kaa byinkit gbik tɛ nibhɛ mɔn ɛkɔn na ne ɛ kɛ ku lɔl lɛ lenɛ ne ihwet mo ne ishwim mo.

iRooma 11:25

Nigwaa en, nzi sim te ɛ sɛɛ seng ɛn ɛdɛ ɛkɔn na ne ɛ so nyini gying, aa yung yaa tɔɔsek ɛn itso mon gbom. Nidɛng ninyi niYahodawa na bok ito ihet, iphɛ yaa shɛɛ ɛlɛ wo iphɛ hyep nten de ne sɛ shwaak ɛnu ninyi na ne hame nibhɛ so ɛn niYahodawa ɛli ne ɛTaanggbey ya kaa yɔngɔ wo.

iRooma 8:28

Njwii yɛɛ ndɔ nikɔn na gbik ɛTaanggbey ya mɔn ninyi na nibhɛ sim ɛbhɛ nikɔn niyɛnɛng, ninyi na ne kɛ yel-le tɛ nibhɛ shwaak nikɔn na nɛ nibhɛ kɛ te i yel-le nibhɛ wo.

1 iKɔrɔntos 1:21

ɛTaanggbey ya ndɔ ne ntsɛntsɛng ɛbhɛ de ɛ kɛ ring ninyi ɛzay ya ne seng ɛbhɛ lenɛ ne ntsɛntsɛng nibhɛ. ɛTaanggbey ya kɛ yang mɔn ɛtomɛ ne ibol de nɛ ninyi na i bok iphɛ, “iBol iwamang ngge,” ne njwii sanga wo, ɛ phɔt ninaa nɛ nibhɛ kɛ nang ne itin nɛ ne iphɛ.

iGalatiya 1:12

Sɔng nggɛ say iphɛ ɛlɔ ɛten ɛsii nang. Sɔng nggɛ ne ta mɛmɛ nɛ ɛlɔ ɛnyi nang. ɛYɛso ɛKiriti gha ne ito ɛbhɛ ɛbhɛ kɛ tɔɔrek me.

iGalatiya 1:15

Kaa ne lenɛ ne izɛɛng ɛTaanggbey de ɛ kaa ne ku kasa me ɛli ne kɛ tang yɛk me, ne ɛ ji yel-le me nten de ne ɛ kɛ sim.

iGalatiya 1:16

Te ɛ phaal me irwisɛ ne seng ɛngɔn ɛbhɛ gha, te mbɛ tɔng ninyi na ne hame nibhɛ ne so niYahodawa na ibol iyɛnɛng ɛbhɛ de. Kaa ne sɛ ɛ kɛ mɔn ɛlɛ wo, sɔng nggaa ne bhɛ phom ɛnyi ɛli ne naa mɔn nang.

iFisus 1:11

Ndɔ ɛKiriti gha ne kɛ kasa njwɛɛn nɛ te njwɛɛn teye ninyi ɛTaanggbey ya. Kaa ne ku kasa njwɛɛn no lenɛ ne iyɔngɔ ɛbhɛ, ɛbhɛ wo ne ɛɛ mɔn nikɔn na gbik ɛli ne icwas ɛbhɛ da so wo.

iFisus 1:8

iZɛɛng ngɛdee wo ne ɛ kɛ nang njwɛɛn walala ndɔ ne ntsɛntsɛng ne iseng ɛbhɛ ne ifɛ sang ɛgak.

iFisus 3:11

ɛTaanggbey ya kaa mɔn ɛlɛ wo lenɛ ne icwas ɛbhɛ ne ɛ kaa ku bok, ne ɛ kɛ shwaak ifɛ ndɔ ɛDaray njwɛɛn ɛYɛso ɛKiriti gha.

1 ɛTimɔti 3:16

Sɔng ito irway sonɛ nang, ɛduk ne ìnang ne itin njwɛɛn na ne ɛTaanggbey ya kɛ phaal lo so kyukyum. Kɛ tɔɔrek ɛKiriti yegha ndɔ ne ibek Kɛ tɔɔrek ɛ soye ne itin lenɛ ne iKabyik. Kɛ yaang ɛbhɛ lenɛ nɛ niMalɛka, kɛ tɔng ibol ɛbhɛ ndɔ ne igbagha, Kɛ nang ne itin nɛ ne ɛbhɛ ɛzay ya gbik, kɛ bo ɛbhɛ ndɔ ne ndiinday.

2 ɛTimɔti 1:9

Ɛbhɛ kɛ phɔt njwii, ɛ ji yel-le njwii te njwi shɛɛ ɛbhɛ kang. Sɔng yel-le yɛdaa wo ne le daa ɛkɔn ne njwi kɛ mɔn nang, iphɛ yang lenɛ ne yɔngɔ ɛbhɛ ne izɛɛng ɛbhɛ ne ɛ bok daa mos. Kaa ne nang njwii izɛɛng ngɛdee wo lenɛ ne ɛYɛso ɛKiriti ne ile ne tang tum ɛzay.