iFisus 1:4 - ɛWee ne ìTsɛm iHywas

⁴ Ɛbhɛ kaa kasa njwɛɛn lenɛ ne ɛYɛso ɛKiriti. Ɛ kaa ne kasa njwɛɛn no ɛli ne kaa tang tum ɛzay ya wu te njwɛɛn tul en kang, wɛlɛng ɛkɔn ne tok. Kaa ne lenɛ ne ishwim ne ɛ bok ne njwɛɛn,

iFisus 1:4 ပူးပေါင်းရင်းမြစ်များ

ɛMacu 24:22

Sɛ́ sang yɔng ɛTaanggbey ya kɛ tɛ nituk kɛnaa nggyɛ wo, sɔng ɛnyi ne sonɛ ne ɛ saa ne shɛɛ ɛken nang. ɛTaanggbey ya kɛ ne ku tɛ nituk kɛ nibhɛ te ncɛt ɛlɔ ninyi na ne kɛ kasa wo.

ɛMacu 24:24

Daa ɛli nɛ nikiriti ne irywɛɛk ka nɛ ninabawa ne irywɛɛk ka sɛ wuusi, nibhɛ tɔɔsel nyu ne igbaang nikɔn ne kparat tɛ nibhɛ luk ninyi na ne ɛTaanggbey ya kɛ ku kasa wo, wu nibhɛ yaa yɛɛ nɛ.

ɛMacu 24:31

Sɛ ne wuute ɛntuntuung, ne ɛ tom nimalɛka ɛbhɛ ndɔ ne ibap naas ɛzay de. Nibhɛ sɛ ne bhɛ tumɛ ninyi ɛbhɛ ne ɛ kɛ ku kasa wo ne ibap naas ɛzay de gbik. Nibhɛ sɛ ne tsa ne iwap ɛdak nibhɛ te ɛzay ya gyɔɔ gbik.

ɛMacu 25:34

“ɛNggyɛ wo, ɛgɔm ma sɛ ne ji yaak ninaa nɛ nibhɛ so ne iwɔ ne irwye ɛbhɛ wo, ‘Yɛɛs ɛn ɛKyɛɛ nge gha kɛ ku sit nyini ne ɛwɛng; ngga ɛn isha mon de, igbɔm ba ne kɛ ku ryɔng nyini nɛ wo nten de ne kaa ryɔng ɛzay ya.

ɛYohana 10:16

Ne n bok idɛ ntsabhak de ne hame ihywɛ so ndɔ ne ibang ngɛdee wo. Naa ne bhɛ yɛɛs ne ihywɛ, ihywɛ ne yaa tenes izɔlɔs nge. iHywɛ ne ji teye iwa ijwaan, ɛhaa ntsabhak ɛdaan.

ɛYohana 15:16

Sɔng nyinɛn ɛ kɛ kasa mɛɛn nang; mɛɛ nggɛ yang kasa nyini n ji yɛk nyini nɛ te ɛbhɛ yaak ɛn ikpam ne ifɛ yaa shɛɛ. Ɛlɛy ɛkyɛɛ gha yaa ne ji nang nyini gbik ɛkɔn na ne ɛ kɛ phom ɛn daa ɛli ne ɛ so ɛn ninaa nge.

ɛYohana 17:24

“ɛTaa! Ɛ kɛ nang me nibhɛ, nzi ne sim tɛ nibhɛ sɛ ɛbhɛ so ne mee ɛlɔ gha ne nzo nɛ wo, tɛ nibhɛ yaang ito-ndiinday nge idee ne ɛ kɛ nang me wo daa ɛli ne ɛ kaa ku sim me tang ryɔng ɛzay ya.

ɛTomɛ 13:48

Ne sɛ ninyi na ne hame nibhɛ so niYahodawa na kɛ phok ɛlɛ wo, nibhɛ ne yɛk irway ihwala nibhɛ nang ibol ɛTaanggbey de ne ndiinday. Ninyi na ne ɛTaanggbey ya kɛ ku kasa nibhɛ nibhɛ aa sɛ iken ne inat de ne nang ne itin nɛ.

ɛTomɛ 15:18

ɛLɛ wo ne ɛDaray ya kaa bol. Ɛbhɛ ɛ kaa ne tɔɔl nikɔn nɛnaa wo ne ile ne ile.’ ”

ɛTomɛ 18:10

Nzo ne igyɛ sɔng ɛnyi yaa ne dat te ɛ phok kɛ ikpom nang daa ɛli ne n bok ninyi gbom ndɔ ɛgarang ngɛgha wo nɛ nibhɛ so ninaa nge.”

iRooma 8:33

ɛHay ɛbhɛ aa ne yɔng bok ibol nɛ ninyi na ne ɛTaanggbey ya kɛ kasa wo? Wɛlɛng ɛnyi! Daa ɛli ɛTaanggbey ya ne ito ɛbhɛ ɛbhɛ kɛ say nibhɛ wu nibhɛ so cik.

1 iKɔrɔntos 1:8

ɛYɛso gha ya ne boos nyini gɛgɛy ndɔ ne ìnang ne itin de ɛli ne hame sɛ́ sɛ nyini ne ɛkɔn ne rip ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

iGalatiya 5:13

Nyinɛn nigwaa en no, sɔng kɛ yel-le nyini te ɛ shɛɛ tɛ nikpuru nang. Sɔng ishwɛɛ yɛdaa nggyɛ wo ne te nyini ɛ yaa mɔn ɛn nikɔn na ne ɛ sim ɛn nang. Te ishwɛɛ yɛ yang te ɛ te ɛn nyini nikpuru nigwaa mon lenɛ ne ishwim.

iGalatiya 5:22

Nikɔn na ne iKabyik ɛTaanggbey de ne yaak ko nibhɛ naa lɛ: ishwim, irway ihwala, irway ne laal, ɛbɔk, iyɛnɛng, irway ne phyik nigwaa, ìnang ne itin,

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

iFisus 2:10

Njwɛɛn no ne ito njwɛɛn, njwɛɛn soye ɛtomɛ ne iwɔ ɛTaanggbey ya. Ɛ kɛ ryɔng njwɛɛn ndɔ ɛYɛso ɛKiriti gha te njwɛɛn mɔn nitomɛ niyɛnɛng ninaa ne ɛTaanggbey ya kaa ku ryɔng njwɛɛn nɛ.

iFisus 3:17

Te ɛKiriti gha shɛɛ ndɔ ne irway mon lenɛ ne ìnang ne itin. Nzi ne bol ne ɛTaanggbey ya te ˆɛ see ɛn iling kyukyum ndɔ ne ishwim,

iFisus 4:2

Shɛɛ ɛn lyaak cɛcɛɛy, te ɛ so ɛn hywɛɛ, ne ɛbɔk. Boos ɛn nigwaa ndɔ ne ishwim.

iFisus 5:2

Shɛɛ ishwɛɛ ne ishwim ɛli ne ɛKiriti gha kɛ sim njwɛɛn no, ɛ phyii nang ito ɛbhɛ de ɛlɔ njwɛɛn na te ɛkɔn ne hap itsanga gha ne ɛ bok ɛnkyinkyɔp ɛyɛnɛng nga ne kɛ hap ɛTaanggbey yegha ne itsanga de.

iFisus 5:27

Te sɛ́ ne sɛ aa nang ito ɛbhɛ idira ninaa ne roos de, tɛ nibhɛ ne so ɛkɔn ne ɛ kɛ jam byirik, wɛlɛng irwirwik, ne ɛkɔn ɛkpɛɛ. Tɛ nibhɛ so kang wɛlɛng ɛkɔn ne tok.

iFilibi 2:15

Te ˆɛ te ɛn kang wɛlɛng ɛkɔn ne tok, ninɔn ɛTaanggbey wɛlɛng inyuu, ndɔ ɛzay ɛnggyuk ɛbebhe yɛghaa wo, ɛzay ya ne ˆɛ tol ɛn nɛ tɛ niyuyɔrɔ na,

iKɔlɔsi 1:22

ɛlyilyɛghaa wo, ne lenɛ ne iku ne ibek ɛKiriti de ne iphɛ soye inwam ba nɛ neyi na, ɛTaanggbey ya kɛ ne te ˆɛ te ɛn nyini nitaay ɛbhɛ. ɛKiriti gha kɛ ne phɛ ne nyinɛn, ˆɛ so ɛn kang, wɛwɛy tang ɛkɔn ne tok ɛnu ɛyisɛ ɛTaanggbey ya.

iKɔlɔsi 2:2

Nzi mɔn ɛkɔn nɛghaa wo tɛ nibhɛ te itsɔngɔl gɛgɛy, nibhɛ teye nidaan nɛ ndɔ ne ishwim. Tɛ nibhɛ seng ɛTaanggbey yegha hyɔrɔ wɛlɛng ito irway. Nibhɛ sɛ ishweng ne ihywɛ soye iryat ne ihywɛ shɛs gbik. iShweng ngɛdaa wo yaa ne phyik nibhɛ, nibhɛ seng ɛkyukyum ne ibol igying ɛTaanggbey de ne kaa ku rɛɛ wo, kaabi ɛKiriti gha.

iKɔlɔsi 3:12

ɛTaanggbey ya kɛ kasa nyini te ˆɛ te ɛn nyini ninyi ɛbhɛ ne kɛ tul kang, ninaa ne ɛ sim gbom. iPhɛ ɛlɛy, ne ˆɛ yɛk ɛn irway ne san iyɔm nigwaa, ˆɛ mɔn ɛn nikɔn niyɛnɛng, ˆɛ te ɛn lyaak, ˆɛ laasek ɛn ito, ˆɛ bo ɛn ɛbɔk.

1 iTasɔlɔnika 3:12

Tɛ ɛDaray yɛk ngɛ ˆɛ hante ɛn nyini nɛ ndɔ ne ishwim ne ˆɛ bok ɛn ndɔ mon nɛ ninyi na gbik, te ishwim mɛ hɔn ifɛ ngisit gbom ifɛ te ɛli ne ishwim ba ne njwi bok ne nyinɛn no so.

1 iTasɔlɔnika 4:7

ɛTaanggbey ya kɛ yel-le njwɛɛn te njwɛɛn shɛɛ kang, sɔng i shɛɛ ishwɛɛ ne irwirwik nang.

2 ɛTimɔti 1:9

Ɛbhɛ kɛ phɔt njwii, ɛ ji yel-le njwii te njwi shɛɛ ɛbhɛ kang. Sɔng yel-le yɛdaa wo ne le daa ɛkɔn ne njwi kɛ mɔn nang, iphɛ yang lenɛ ne yɔngɔ ɛbhɛ ne izɛɛng ɛbhɛ ne ɛ bok daa mos. Kaa ne nang njwii izɛɛng ngɛdee wo lenɛ ne ɛYɛso ɛKiriti ne ile ne tang tum ɛzay.

2 ɛTimɔti 2:10

iPhɛ ɛlɛy, nggɛ ne tɔɔk nggbang nikɔn da gbik, ɛlɔ ninaa ne kɛ kasa nibhɛ wo, tɛ nibhɛ sɛ iphɔrɔt da ne ifɛ so ndɔ ɛYɛso ɛKiriti gha, nibhɛ ne ta sɛ ndiinday ne inat de.

2 ɛTimɔti 2:19

Gbik ne iphɛ ɛlɛy, ibol ɛTaanggbey de kɛ ne ku see ye te ikɛɛ ɛtum ne ijwee gɛgɛy. Kɛ ku baa ne icwɛɛm, i haa ne ibol de ne iphɛ bo, “ɛTaanggbey ya i ku yɛɛ ninaa ɛbhɛ na.” Gbik ne “ɛNyi gha ne ɛ bo wu i soye ɛhaa ɛDaray ya, te ɛ shɛɛ kyakyak ne ɛtomɛ ɛbebhe gha.”

ɛYakub 2:5

Phok ɛn nigwaa nge ne nzi sim, ɛDaray ya kɛ sang kasa nihala ɛzay yɛnaa wo tɛ nibhɛ teye ninaa ne iryat ndɔ ne ìnang ne itin ne i? Nibhɛ bhɛ sang soye ninaa nɛ nibhɛ sɛ re isha ne igbɔm ba ne ɛ kɛ ku sim-mɛ daa ninaa nɛ nibhɛ i sim ɛbhɛ woo?

1 ɛBiturus 1:2

Nyinɛn no ne ɛTaanggbey ya ne so ɛTaa gha kaa ku i yɛɛ nyini ɛ kasa nyini ne ile lenɛ ne iKabyik ɛbhɛ de, ɛ tul nyini kang ɛ te ɛn nyini ninyi ɛbhɛ, te ɛ roos ɛn ɛYɛso ɛKiriti ye, ɛ sɛ ɛn iyɛnɛng daa ne neyi ɛbhɛ na ne ɛ kɛ lok ko. Te iyɛnɛng ne irway ne laal ɛTaanggbey shɛɛ ne nyinɛn cɛcɛɛy.

1 ɛBiturus 1:20

Ɛbhɛ ne ɛTaanggbey ya kaa ku kasa ɛli ne tang ryɔng ɛzay ya, kɛ ne ma ji phaal ɛbhɛ nten ɛtsim mɛdee wo daa ne ibol mon.

1 ɛBiturus 2:9

Ne ɛ so ɛn ninyi ne ɛTaanggbey kɛ kasa, ɛguu nibo ɛTaanggbey ɛgbaang ɛgɔm, igbagha ne kɛ tul kang, idira ninyi nɛ nibhɛ so ninaa ɛTaanggbey. ɛTaanggbey ya kɛ tul nyini ndɔ gbyik ka ɛ yɛɛs ne nyinɛn ndɔ ne iwɛwɛy ɛbhɛ ne iphɛ so ɛkɔn ne kparat te ɛ sanga ɛn ibol nikɔn niyɛnɛng ne ɛ kɛ mɔn no.

2 ɛBiturus 3:14

iPhɛ ɛlɛy, nigwaa nge ne nzi sim, ɛli nɛ ɛɛ ne hyep ɛn ɛtuk kɛghaa nggyɛ wo, ne ɛ mɔn ɛkɔn na ne aa yɛ ne mɔn ɛn te ɛ shɛɛ ɛn ɛnu ɛyisɛ ɛTaanggbey ya wɛwɛy tang ɛkɔn ne rip, te ne ɛ bok ɛn irway ne laal ne ɛnu ɛyisɛ ɛbhɛ gha.

1 ɛYohana 4:16

ɛTsak, Njwii yɛɛ, njwi kɛ ne ta nang ne itin nɛ ɛTaanggbey ya i sim njwii. ɛTaanggbey ya so ishwim, gbik ɛnyi gha ne ɛ tɔɔsel ishwim ba, ɛ ne shɛɛ ndɔ ɛTaanggbey ya ɛTaanggbey ya ma i shɛɛ ndɔ ɛbhɛ.

Nikɔn ne kɛ Phaal 13:8

Gbik ninyi ɛzay ya sɛ́ ne re inyam be ntsong kang nɛ ninaa ne kaa ku haa irɛɛk nibhɛ de ndɔ ne ɛWee ne iKen no. ɛWee ne iKen no soye ɛwoo ɛNgɔn ne ɛpharak ko ne kaa phoo ɛbhɛ wo. Kaa ne ku haa irɛɛk nibhɛ de nten de ne kaa tang ryɔng ɛzay ya.

Nikɔn ne kɛ Phaal 17:8

iNyam igywebhe de ne ˆɛ kɛ yaang ngo, ihywɛ kaa ku sonɛ itsen nɛ, sɔng ihywɛ ne sonɛ ɛlyilyɛghaa wo itsen nɛ nang. iHywɛ ne yungaa wuru ndɔ ne iBong kyukyum be ihywɛ phɛ ɛlɔ gha ne yaa bhɛ phoo ihywɛ nɛ. Ninyi ɛzay ya ne hame kɛ ku haa irɛɛk nibhɛ de ndɔ ne ɛWee ne iKen no ne ile ne ɛtum ɛzay yo sɛ́ ne wum en zii. Nibhɛ sɛ́ wum en zii nten de nɛ nibhɛ kɛ yaang inyam igywebhe de, daa ɛli ne ihywɛ kaa ku sonɛ itsen nɛ, sɔng ihywɛ ne sonɛ itsen nɛ ɛlyilyɛghaa wo nang, ihywɛ sɛ́ ne ta bhɛ kyii dɔng.”