iFisus 1:3 - ɛWee ne ìTsɛm iHywas

³ Te dɛp ɛTaanggbey ye ne ɛ soye ɛKyɛɛ ɛDaray njwɛɛn ɛYɛso ɛKiriti. Te dɛp ɛbhɛ wo daa ɛli ne ɛ kɛ nang njwɛɛn gbik Niwɛng ne iKabyik nɛ nibhɛ so ne igbɔm ɛzay ɛdaa ne irywa lenɛ ne ɛYɛso ɛKiriti gha.

iFisus 1:3 ပူးပေါင်းရင်းမြစ်များ

ɛLuka 2:28

ɛSimiyɔn na ne say ɛbhɛ, ɛ wum ɛbhɛ ne ibɔ ɛbhɛ; ɛ ji ho ne dɛp ɛTaanggbey ye, ɛ bo,

ɛYohana 14:20

ɛTuk kɛghaa nggyɛ wo, ɛ sɛ ne seng ɛn ɛli ne nzo ndɔ ɛKyɛɛ nge gha; ɛ ta seng ɛn ɛli ne ɛ so ɛn ndɔ me wo, ma nzo ndɔ mon no.

ɛYohana 17:21

ɛTaa, nzi roro te gbik nibhɛ ne teye nidaan nɛ, ɛli ɛ so ndɔ nge de ma nzo ndɔ ne mo de. Tɛ nibhɛ shɛɛ ndɔ mos, te ɛzay ya ne nang ne itin nɛ wu igyɛ ɛ kɛ tom me.

ɛYohana 20:17

ɛYɛso gha ne yɔngɔ, “Sɔng ɛ wum me nang, daa ɛli ne nggyi tɔ tang kyii mbɛ daa ɛlɔ ɛkyɛɛ gha. Yang cwi ɛlɔ nigwaa nge na ɛbhɛ mɔng nibhɛ ɛ yaak nibhɛ, ɛYɛso gha bo, ‘Naa kyii daa ɛlɔ ɛKyɛɛ ngɛ gha ne ɛ ma so ɛKyɛɛ mon na, ɛlɔ ɛTaanggbey nge gha ne ɛ ma so ɛTaanggbey mon na.’ ”

iRooma 12:5

Ɛlɛy ndɔ ɛKiriti gha, njwɛɛn no ne njwɛɛn so gbom mo ne so ibek idaan, kɛ ne byingis njwɛɛn tɛ nilɔ kang-ka-kang ndɔ ne ibek idaan de.

iRooma 15:6

Te gbik nyinɛn no ɛ te ɛ ɛnu ɛdaan ɛ dɛp ɛn ɛTaanggbey ye ne irway ijwaan ne ɛbhɛ so ɛKyɛɛ ɛDaray njwɛɛn ɛYɛso ɛKiriti.

1 iKɔrɔntos 1:30

ɛTaanggbey ya ɛbhɛ kɛ te ɛ so ɛn ndɔ ɛYɛso ɛKiriti gha, ɛbhɛ ta te ɛKiriti gha teye ntsɛntsɛng njwɛɛn. Kɛ ne lenɛ ne ɛKiriti gha ɛTaanggbey ya say njwɛɛn wu njwɛɛn so cik ɛnu ɛyisɛ ɛbhɛ, njwɛɛn ta teye ninyi ne wɛwɛy ɛTaanggbey ya, njwɛɛn ta teye ninyi ne kɛ phɔt.

1 iKɔrɔntos 12:12

Te ɛli ne ibek ge so iphɛ idaan de, iphɛ ne bok nilɔ na gbom, ɛli nɛ nilɔ yɛ ne so gbom mo, nibhɛ ne so ne ibek idaan. ɛLɛy ne phɛ ne so ɛlɔ ɛKiriti gha.

2 iKɔrɔntos 1:3

Te dɛp ɛTaanggbey ye ne ɛ so ɛKyɛɛ ɛDaray ɛYɛso ɛKiriti njwɛɛn, ɛbhɛ so ɛTaa gha ne ɛ so hyɔrɔ ne san iyɔm, ne ɛTaanggbey ne wɔrɔp irway gbik.

2 iKɔrɔntos 11:31

ɛTaanggbey i yɛɛ sɔng irywɛɛk ne nzi tɔng nang. ɛTaanggbey ya ne ɛbhɛ so ɛKyɛɛ ɛDaray ɛYɛso ɛKiriti gha. Te ne dɛp irywɛɛk ɛbhɛ cɛcɛɛy.

2 iKɔrɔntos 5:17

iPhɛ ɛlɛy, gbik ɛnyi gha ne ɛ so ndɔ ɛKiriti gha ɛ kɛ ne teye ɛnyi ɛphas, nikɔn nitɛl la kɛ ne phebhe ɛ kɛ ne teye ɛphas sɛ!

2 iKɔrɔntos 5:21

Sɔng ɛKiriti gha kɛ ku mɔn ɛfɔt nang, gbik ne phɛ ɛlɛy, ɛTaanggbey ya kɛ ne bo ɛbhɛ te ɛhaa ne ɛfɔt, te ne lenɛ ne ɛKiriti gha njwɛɛn ne te cik ɛnu ɛyisɛ ɛTaanggbey ya.

iGalatiya 3:9

iPhɛ ɛlɛy, gbik ninaa nɛ nibhɛ kɛ ne nang ne itin nɛ wo, sɛ ne ma sit nibhɛ ne ɛwɛng nga gbik ɛBaraying nga ne ɛ soye ɛhaa ne ɛ kɛ nang itin nɛ wo.

iFisus 1:10

iCwas ɛbhɛ da so ɛlɛ, sɛ́ sɛ nten nɛ kɛ shwaak ghe, ɛ sɛ ne byingis nikɔn na gbik ndɔ ne igbɔm ɛKiriti ba, kaabi nikɔn ɛdaa ne irywa na nɛ ninaa ndɔ ɛzay ya gbik.

iFisus 1:17

Nzi bo wu te ɛTaanggbey ɛDaray njwɛɛn ɛYɛso ɛKiriti gha, ɛTaa ne ito-ndiinday ya nang nyini iKabyik ne ntsɛntsɛng, ɛ ta phaal nyini ito ɛbhɛ te ˆɛ seng ɛn ɛbhɛ yɛnɛng.

iFisus 1:20

iHwet tɛdaa wo ne ɛTaanggbey ya kaa mɔn ɛtomɛ ne ifɛ nten de ne ɛ kaa yiisik ɛKiriti yegha nɛ ne ikpuu da, ɛbhɛ nang ɛbhɛ ɛlɔ ne soos ɛndiinday ne iwɔ ne irwye ɛbhɛ wo ndɔ igbɔm ɛzay ɛdaa ne irywa da.

iFisus 2:6

Ndɔ ne ìtsɛm njwɛɛn de ne ɛYɛso ɛKiriti gha, ɛTaanggbey ya kɛ ne yiisik njwɛɛn gbik ɛKiriti gha, ɛ nang njwɛɛn ɛcuruu ne igbɔm ɛzay ɛdaa ne irywa ne ɛKiriti gha.

iFisus 3:10

iCwas ɛbhɛ da kaa so wu te lenɛ ne idira ninaa ne roos de ɛlyilyɛghaa wo, tɛ nigɔm gbik nɛ ninaa ne igbɔm ɛzay ɛdaa ne irywa na mɛmɛ ne ntsɛntsɛng ɛTaanggbey de hywee-hywee.

iFisus 6:12

Daa ɛli ne sɔng njwɛɛn cwaasek en nɛ niten ne sii nang. Njwɛɛn i yang cwaasek en ne ikpabyik ivebhe ɛdaa ne irywa, nɛ nigɔm ne ikpabyik ivebhe da nɛ nibhɛ bok igbɔm ɛzay yɛdaa wo, gbik ne ikpabyik ivebhe ne ifɛ i hyel daa ne igbil.

iFilibi 2:11

Tɛ ilwem ba gbik nang ishɛɛda wu, ɛYɛso ɛKiriti gha ɛbhɛ ɛ soye ɛDaray ya. Te ne nang ɛTaanggbey ye ne ɛ soye ɛTaa ne ndiinday.

iBirani 8:5

Nibo yɛnaa nggyɛ wo kaa i mɔn ɛtomɛ nibhɛ gha ɛLɔ ne kɛ Tul Kang ndɔ ɛzay yɛghaa wo. ɛLɔ ɛtomɛ nibhɛ gha kaa ne so te izazurum ne i ten-nɛ nɛ nikɔn ɛdaa ne irywa. iPhɛ phɛ kaa ne te kaa yaak ɛMuusaa yegha nten de ne aa ryɔng ipho ɛTaanggbey de, “Wɛɛ yɛnɛng te ɛ lɔl iphɛ kancɛng ɛli ne kaa tɔɔl lɛ izazurum mɛdaa ne ɛwarang ngo.”

iBirani 9:23

iPhɛ kaa so nggbinggbing i te nikɔn nɛnaa wo, nɛ nibhɛ so izazurum nikɔn ɛdaa ne irywa de wɛwɛy ɛlɛ wo, daa ɛli nɛ nibhɛ kaa so izazurum nikɔn ɛdaa ne irywa na. iPhɛ kaa ne so nggbinggbing i te nikɔn ɛdaa ne irywa na nɛ nibhɛ ne ji sɔ ɛnting nikɔn nɛnaa wo wɛwɛy nɛ nikɔn ne hap itsanga nɛ nibhɛ phyin ninaa wo.

1 ɛBiturus 1:3

Te njwɛɛn dɛp ɛTaanggbey yegha ne ɛbhɛ so ɛkyɛɛ ɛDaray njwɛɛn ɛYɛso ɛKiriti gha. Ɛbhɛ kɛ san iyɔm njwɛɛn gbom, ɛ nang njwɛɛn ishwɛɛ ifas lenɛ ne iyilitsik ɛKiriti ndɔ ne ikpuu. iBol lɛ kɛ ne te njwɛɛn bok ìyɛk ne irway ne iphɛ so iken.