iFisus 1:15 - ɛWee ne ìTsɛm iHywas

¹⁵ iPhɛ phɛ kɛ te, nten de ne nggaa phok ibol ne ìnang ne itin mon de ndɔ ɛDaray ɛYɛso gha gbik ne ishwim mon da daa ninyi ɛTaanggbey ya,

iFisus 1:15 ပူးပေါင်းရင်းမြစ်များ

ɛTomɛ 20:21

Nggɛ kpɛng niYahodawa na gbik nɛ ninyi na ne hame nibhɛ soye niYahodawa na, n nzi bo tɛ nibhɛ hyere irway nibhɛ ɛlɔ ɛTaanggbey nibhɛ san ɛbɔk nibhɛ nang ne itin nɛ ne ɛDaray njwɛɛn ɛYɛso gha.

iRooma 1:8

Naa tsa n tɔɔrek ɛTaanggbey irway ihwala lenɛ ne ɛYɛso ɛKiriti gha daa mon no gbik, daa ɛli ne i tɔng ngka ne ìnang ne itin de mɔn ndɔ ɛzay ya gbik.

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

iFisus 1:1

ɛWee yɛwoo wo le ɛlɔ ɛBulus ne ɛ so ɛNgɔn ne tom ɛYɛso ɛKiriti lenɛ ne icwas ɛTaanggbey. ɛbhɛ phɛɛs ɛlɔ ninyi ɛTaanggbey ne iFisus nɛ nibhɛ so sɛ kyinak daa ne ibol nibhɛ daa ne ibol ne roos ɛYɛso ɛKiriti ye.

iFisus 3:18

te nyinɛn no gbik nɛ ninyi ɛTaanggbey ya ˆɛ sɛ ɛn ito ne seng ibɛrɛdɛng, ne ndaalang, ne iganga gbik ne ikyukyum ne ishwim ɛKiriti da.

1 iTasɔlɔnika 1:3

Njwii tas ne nyinɛn ɛnu ɛyisɛ ɛTaanggbey ya ne ɛ so ɛTaa gha. Njwii tas ne ɛtomɛ gha ne ìnang ne itin mon da i tɔɔsel lo, ne ɛtomɛ gha ne ɛ mɔn ɛn lenɛ ne ishwim mon da, gbik ne rop iku mon de ne ɛ bok ɛn lenɛ ne sit ne irwisɛ da daa ɛDaray njwɛɛn ɛYɛso ɛKiriti gha.

1 iTasɔlɔnika 4:9

Daa ne ibol ne sim nigwaa de, sɔng iphɛ ji so yaa ta haa nyini nɛ nang. Daa ɛli ne nyinɛn no ne ito mon, ɛTaanggbey ya kɛ ma ku mɛmɛ nyini nɛ, wu te ɛrɔngɔ sim ɛrɔngɔ.

2 iTasɔlɔnika 1:3

Nigwaa en, iphɛ so nggbinggbing, njwi tɔɔsel ɛTaanggbey yegha irway ihwala cɛcɛɛy ɛlɔ mon na. iPhɛ kɛ jam njwi mɔn ɛlɛ wo, daa ɛli ne ìnang ne itin mon de i hanas se nɛ, ishwim ba ne ɛrɔngɔ bok daa ɛrɔngɔ gha i ne ma hanas se nɛ gbom.

1 ɛTimɔti 1:14

ɛDaray njwɛɛn na kaa ne sit izɛɛng ɛbhɛ de walala daa mee, ɛ ta nang me ìnang ne itin ne ishwim ba ne ifɛ so ndɔ ɛYɛso ɛKiriti gha.

1 ɛTimɔti 1:5

ɛKɔn na ne kɛ cwaak ɛyisɛ ndɔ ne ibol lɛdee wo so ishwim, ivaa ne ifɛ le ndɔ ne irway iwɛwɛy, ne izɔlɔs ne irway iywɛnɛng gbik ne ìnang ne itin ne itin.

ɛFilimɔn 1:5

Daa ɛli ne nzi phok ngka ne ìnang ne itin mo de ndɔ ɛDaray ɛYɛso gha gbik ne ishwim ba ne ɛ tɔɔsel ninyi ɛTaanggbey ya.

iBirani 6:10

ɛTaanggbey ya ku so icik, sɔng aa te ne ɛtomɛ mon na bab nang. Sɔng aa ne te ne ishwim mon da ne ɛ kɛ tɔɔrek ɛn ɛbhɛ wo ndɔ iphyik ga ne ɛ kɛ phyik ɛn ninyi ɛbhɛ na, ɛ ma tɔɔ phyighis ɛn nibhɛ wo nang.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.

1 ɛYohana 3:17

Wu ɛnyi bok iryat ɛ yaang ɛgwaa ɛbhɛ ne ɛ tɔk iphyik, ɛ mbaray tang phyik ɛgwaa ɛbhɛ, ɛnyi yɛghaa nggyɛ wo ne bok ishwim ɛTaanggbey da bɛ?

1 ɛYohana 4:21

ɛKiriti gha kɛ ne nang njwɛɛn ikpii da ne ifɛ bo, gbik ɛnyi gha ne ɛ sim ɛTaanggbey yegha, iphɛ ne so nggbinggbing ɛ ma sim ɛgwaa ɛbhɛ ne mang.