iFisus 1:11 - ɛWee ne ìTsɛm iHywas

¹¹ Ndɔ ɛKiriti gha ne kɛ kasa njwɛɛn nɛ te njwɛɛn teye ninyi ɛTaanggbey ya. Kaa ne ku kasa njwɛɛn no lenɛ ne iyɔngɔ ɛbhɛ, ɛbhɛ wo ne ɛɛ mɔn nikɔn na gbik ɛli ne icwas ɛbhɛ da so wo.

iFisus 1:11 ပူးပေါင်းရင်းမြစ်များ

iRooma 8:28

Njwii yɛɛ ndɔ nikɔn na gbik ɛTaanggbey ya mɔn ninyi na nibhɛ sim ɛbhɛ nikɔn niyɛnɛng, ninyi na ne kɛ yel-le tɛ nibhɛ shwaak nikɔn na nɛ nibhɛ kɛ te i yel-le nibhɛ wo.

1 ɛBiturus 1:4

iPhɛ ɛlɛy, ìyɛk ne irway njwɛɛn da so daa ne isha ne ɛTaanggbey ya kɛ tek njwɛɛn nɛ daa ne irywa. Sɔng isha yɛdee nggyɛ wo sɛ sa nang, sɔng ihywɛ bees se nang, sɔng ihywɛ taal le nang.

iFisus 1:14

iKabyik ɛTaanggbey iphɛ phɛ kɛ tɔɔrek njwɛɛn ncɛncɛng wu ɛTaanggbey ya sɛ nang njwɛɛn isha de ne ɛ kɛ ku sim-mɛ wo, isha de ne ihywɛ sɛ teye izee njwɛɛn nten de ne ɛ sɛ phɔt ninaa nɛ nibhɛ so ninaa ɛbhɛ na. Ɛ kɛ mɔn ɛlɛ wo te ɛ say idɛp gbik ne ito-ndiinday.

iFisus 3:11

ɛTaanggbey ya kaa mɔn ɛlɛ wo lenɛ ne icwas ɛbhɛ ne ɛ kaa ku bok, ne ɛ kɛ shwaak ifɛ ndɔ ɛDaray njwɛɛn ɛYɛso ɛKiriti gha.

iFisus 1:5

ɛTaanggbey ya ne ku kasa njwɛɛn nten nɛ tɔ te njwɛɛn teye ninɔn ɛbhɛ lenɛ ne ɛYɛso ɛKiriti gha. Ɛ kaa ne mɔn ɛlɛ wo lenɛ ne icwas ne izɛɛng ɛbhɛ.

iGalatiya 3:18

Te sɛɛ yɔng ɛwɛng ngɛ gha wo lenɛ ne bol ɛShara, sɔng iphɛ sɛ ne lenɛ daa ne ibol de ne kɛ ku sim-mɛ wo nang. ɛTaanggbey ya kɛ yang ku nang ɛBaraying nge gha izɛɛng lenɛ ne sim-mɛ be ne ɛ kɛ ku sim ɛbhɛ nɛ.

iBirani 6:17

Daa ɛli ne ɛTaanggbey ya i sim aa tɔɔrek ninaa ne re isha ɛbhɛ na wu hang icwas ɛbhɛ da i sunuuy, ɛ kɛ ne lɛlɛm ihywa daa ne ibol de ne ɛ kɛ rop po.

ɛTitus 3:7

Ɛ kɛ mɔn ɛlɛ wo te lenɛ ne izɛɛng ɛbhɛ de njwɛɛn teye ɛkɔn ne say wu hang i bok ɛfɔt ɛnu ɛyisɛ ɛTaanggbey ya, i ta teye ninaa ne re isha ne iken ne inat de ne njwɛɛn kɛ yɛk ne irway da.

iRooma 8:17

ɛLyilyɛghaa wo, wu njwɛɛn ne soye ninɔn ɛTaanggbey ya, njwɛɛn sɛ ne ma sɛ Niwɛng nga ne ɛ sɛ nang ninyi ɛbhɛ na, njwɛɛn sɛ ne ma ta sɛ Niwɛng nga ne ɛTaanggbey ya kɛ tek ɛKiriti yegha nɛ wo. Wu njwɛɛn kɛ sɔ nggbang ngga gbik ne ɛKiriti gha, sɛ ne ma ta bak njwɛɛn ndiinday ɛbhɛ de.

iKɔlɔsi 1:12

Nzi bol ne ɛTaanggbey ya te ˆɛ tɔɔsel ɛn ɛTaa yegha irway ihwala daa ɛli ne ɛbhɛ kɛ te njwɛɛn kɛ hɔn sɛ ma yɛk ne ihop njwɛɛn ne isha de ne kɛ ryɔng ninyi ɛbhɛ na nɛ, nɛ nibhɛ so ndɔ ne igbɔm iwɛwɛy da.

iKɔlɔsi 3:24

Daa ɛli ne ˆɛ yɛɛ ɛn ɛDaray ya bok isha ne iphɛ so iyɛnɛng mon ne ɛ sɛ́ nang nyini, ɛlɔ ne ɛDaray ɛKiriti gha ne ˆɛ mɔn ɛn ɛbhɛ ɛtomɛ gha.

ɛTomɛ 26:18

te ɛbhɛ phaal nibhɛ irwisɛ tɛ nibhɛ tek igbyik ge nibhɛ yɛɛs ne iwɛwɛy, nibhɛ tek igbɔm ɛShɛtan da nibhɛ yɛɛ ne igbɔm ɛTaanggbey. Te ne hana nibhɛ ne ɛfɔt nibhɛ wo nibhɛ sɛ ɛwɛng nga ne sɛ nang gbik ninaa nɛ nibhɛ kɛ te ne iwɛwɛy ya daa ɛli nɛ nibhɛ kɛ nang ne itin nɛ wo.’ ”

ɛTomɛ 20:32

“ɛLyilyɛghaa wo, nzi ne bo te ɛTaanggbey hyep nyini. Te bol ne izɛɛng ɛbhɛ de hyep nyini, te iphɛ nang nyini ihwet iphɛ yɛk ngɛ ɛwɛng ɛbhɛ sɛ nyini, ɛwɛng nga ne ɛ sɛ teye isha ninaa ne roos ɛbhɛ na.

ɛTomɛ 2:23

ɛTaanggbey ya kaa ku lɔl lɛ, ne ɛ ku i yɛɛ iphɛ ɛlɛy. Ɛ kaa nang ɛn ɛYɛso yeghaa wo ndɔ ne iwɔ nibebhe ninyi, nibhɛ ne phoo ɛbhɛ dak ne ihon.

ɛTomɛ 20:27

daa ɛli ne nggɛ tɔng nyini gbik nikɔn na ne ɛTaanggbey ya sim te ɛ sɛ seng ɛn.

ɛTomɛ 4:28

Nibhɛ kaa byinkit gbik tɛ nibhɛ mɔn ɛkɔn na ne ɛ kɛ ku lɔl lɛ lenɛ ne ihwet mo ne ishwim mo.

1 ɛBiturus 3:9

Sɔng ɛ tal ɛn ibebhe de ne bebhe de nang. Sɔng ne ɛ ta tal ɛn tok ge ne tok ge nang. Yang sit ɛn nibhɛ ne ɛwɛng, daa ɛli ne ɛTaanggbey ya kɛ yel-le nyini te ɛɛ mɔn ɛn ɛlɛ wo, te ɛ sɛ ɛn ɛwɛng.

iRooma 11:34

“ɛHay ɛbhɛ yɛɛ irway ɛTaanggbey daa? ɛHay ɛbhɛ sɛ yɛɛ ne te ɛbhɛ ɛ tɔɔrek ibol lee?

ɛYakub 2:5

Phok ɛn nigwaa nge ne nzi sim, ɛDaray ya kɛ sang kasa nihala ɛzay yɛnaa wo tɛ nibhɛ teye ninaa ne iryat ndɔ ne ìnang ne itin ne i? Nibhɛ bhɛ sang soye ninaa nɛ nibhɛ sɛ re isha ne igbɔm ba ne ɛ kɛ ku sim-mɛ daa ninaa nɛ nibhɛ i sim ɛbhɛ woo?

iFisus 1:8

iZɛɛng ngɛdee wo ne ɛ kɛ nang njwɛɛn walala ndɔ ne ntsɛntsɛng ne iseng ɛbhɛ ne ifɛ sang ɛgak.

ɛTomɛ 13:48

Ne sɛ ninyi na ne hame nibhɛ so niYahodawa na kɛ phok ɛlɛ wo, nibhɛ ne yɛk irway ihwala nibhɛ nang ibol ɛTaanggbey de ne ndiinday. Ninyi na ne ɛTaanggbey ya kɛ ku kasa nibhɛ nibhɛ aa sɛ iken ne inat de ne nang ne itin nɛ.

iRooma 8:29

Ninyi na ne ɛTaanggbey ya kaa ku yɛɛ ne ile de ɛ kaa ku kasa nibhɛ tɛ nibhɛ te tɛ ɛNgɔn ɛbhɛ, te ɛNgɔn na ɛbhɛ ji teye ɛngɔn ɛkɔɔn nɛ ndɔ nigwaa ɛbhɛ na nɛ nibhɛ so gbom mo.

iRooma 8:30

Daa ɛli nɛ ninyi na ne ɛTaanggbey ya kɛ ku kasa wo, nibhɛ ne ɛ kɛ yel-le. Ninaa ne ɛ kɛ yel-le wo, nibhɛ ne ɛ kɛ ne say nibhɛ wu nibhɛ so cik, ninaa ne ɛ kɛ ne say nibhɛ wu nibhɛ so cik ko, nibhɛ ne ɛ kɛ nang nibhɛ ne ndiinday.

iRooma 9:11

Kaa ne tang yɛk ninaa ifaa yɛnaa nggyɛ wo. Nibhɛ kaa tɔ tang ku shɛɛ yaa mɔn ɛkɔn ɛyɛnɛng hang ɛkɔn ɛbebhe yɔɔ, ɛTaanggbey ya ne boote ne ɛRɛbɛka gha te i sɛ i shwaak ibol ɛnyi de ne ɛ kɛ ku kasa wo. Sɔng yaa ne shwaak ko daa ɛtomɛ nibhɛ nang, yang so daa ne yel-le ɛTaanggbey.

iFisus 1:9

ɛTaanggbey ya kɛ yɛk ngɛ njwɛɛn seng ɛduk ne icwas ɛbhɛ daa ɛkɔn na ne aa mɔn, ɛhaa ne ɛ kɛ ryɔng ɛ shwaak lenɛ ne ɛKiriti gha.

iFisus 1:18

Nzi ne ta bol ne ɛTaanggbey ya wu te irwisɛ ne irway mon phaal le te ˆɛ seng ɛn ìyɛk ne irway yɛdaa wo ne ɛ kɛ yel-le nyini nɛ wo, ˆɛ ta seng ɛn iryat de ne ihywɛ so gbom ndɔ isha de ne ɛ kɛ sim ninyi ɛbhɛ na nɛ wo.

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.