iFisus 1:10 - ɛWee ne ìTsɛm iHywas

¹⁰ iCwas ɛbhɛ da so ɛlɛ, sɛ́ sɛ nten nɛ kɛ shwaak ghe, ɛ sɛ ne byingis nikɔn na gbik ndɔ ne igbɔm ɛKiriti ba, kaabi nikɔn ɛdaa ne irywa na nɛ ninaa ndɔ ɛzay ya gbik.

iFisus 1:10 ပူးပေါင်းရင်းမြစ်များ

iKɔlɔsi 1:20

iPhɛ so ɛTaanggbey yegha ɛkɔn ne irway ihwala ɛ kyii nɛ nikɔn na ne ɛ kɛ ryɔng ngo gbik ɛlɔ ɛbhɛ lenɛ ne ɛNgɔn na. Kaabi kɛ lenɛ nɛ neyi na ne ɛNgɔn na kɛ lok daa ne ihon, ɛ kyii ne ìtsɛm ndɔ nikɔn na ne ɛ kɛ ryɔng ngo ne ɛbhɛ, nikɔn gbik, ninaa ɛzay nɛ ninaa ɛdaa ne irywa.

iGalatiya 4:4

Kaa ne ji sɛ nten de ne ɛTaanggbey ya kɛ yɛk ngɛ wo kɛ shwaak ghe, ɛTaanggbey ya ne tom ɛNgɔn ɛbhɛ, ɛkuk yɛk ɛbhɛ. Ne ɛ ma shɛɛ ndɔ ikpii ɛShara da.

ɛMarakus 1:15

Ɛ kaa ne tɔng nibhɛ, ɛ bok nibhɛ, “Nten nɛ kɛ tuu. iGbɔm ɛTaanggbey ba yek cɛcɛk! San ɛn ɛbɔk te ɛ nang ɛn ne itin nɛ ibol iyɛnɛng ngedee wo!”

iBirani 1:2

ɛLyilyɛghaa, ndɔ nituk ɛtsim mɛnaa wo, ɛTaanggbey ya i ne bol ne njwɛɛn lenɛ ne ɛNgɔn ɛbhɛ ne kɛ lenɛ ne ɛbhɛ i ryɔng ɛzay ya. Ɛbhɛ ne ɛTaanggbey ya kɛ ta kasa ɛbhɛ ɛ tek ɛbhɛ nɛ nikɔn na gbik.

iKɔlɔsi 1:16

Daa ɛli ne kɛ lenɛ ne ɛbhɛ i ryɔng nikɔn na gbik, nikɔn ɛdaa ne irywa nɛ ninaa ndɔ ɛzay, nɛ nikɔn na ne i yaang nɛ ninaa ne hame i yaang. Kɛ lenɛ ne ɛbhɛ i ryɔng ikpabyik, ne igbɔm ne i yaang ne igbɔm ne hame i yaang, nɛ nigɔm mɛ. Gbik nikɔn na ne kɛ ryɔng ngo kɛ lenɛ ne ɛbhɛ te i nang ɛbhɛ ne ndiinday.

1 ɛBiturus 1:20

Ɛbhɛ ne ɛTaanggbey ya kaa ku kasa ɛli ne tang ryɔng ɛzay ya, kɛ ne ma ji phaal ɛbhɛ nten ɛtsim mɛdee wo daa ne ibol mon.

iFisus 3:15

ɛTaa gha ne kɛ lenɛ ne ɛbhɛ icwaang ɛdaa ne irywa wo gbik icwaang ɛzay yo sɛ irywɛɛk nibhɛ wo.

Nikɔn ne kɛ Phaal 5:9

Nibhɛ ne ji yaak ne iywel ifas, nibhɛ bo, “ˆƐ kɛ hɔn aa bo ɛwee ne ihuhu wo, ˆɛ ta bal icwɛɛm mɛ. Daa ɛli ne kaa phoo yɛ, ne lenɛ nɛ neyi mo na ɛ say ɛTaanggbey ye ninyi gbarang. Ninyi yɛ ne le ne itaang ɛzay de, gbik ne ilwem ɛzay de, ne ihywee ɛzay de gbik ne igbagha ɛzay yo.

iFisus 1:22

ɛTaanggbey ya kɛ ne tek nikɔn na gbik ndɔ ne ita ɛKiriti de, ɛ ta yɛk ɛbhɛ nɛ ɛ teye ito nikɔn na gbik te ɛ re igbɔm ɛ phyik idira ninaa ne roos de.

1 iKɔrɔntos 11:3

ɛLyilyɛghaa wo, nzi ne sim te ɛ sɛ seng ɛn wu ɛKiriti gha ɛbhɛ ɛ so ɛndiinday ninyi na gbik, ɛras sa ɛbhɛ ne ɛ ma so ɛndiinday ɛkuk ɛbhɛ, ɛTaanggbey ɛbhɛ ne ɛ ma ji so ɛndiinday ɛKiriti gha.

iBirani 11:40

daa ɛli ne ɛTaanggbey ya kɛ ku ryɔng njwɛɛn ɛdɛ ɛkɔn ɛyɛnɛng nga, te njwɛɛn no nɛ nibhɛ wo sɛ te hyɔrɔ nten idaan nɛ.

iKɔlɔsi 3:11

Ɛli ne ˆɛ kɛ bo ɛn ishwɛɛ ifas da, sɔng ihosop ne ta tɔ nɛ ndɔ mon no nang. niYahodawa nɛ ninaa ne hame nibhɛ soye niYahodawa, ɛhaa ne kɛ hyɛ ɛbhɛ itee ne ɛhaa ne hame kɛ hyɛ itee, ɛnyi ne ito iben, ne ɛhaa ɛhay nang, ne ɛkpuru ne ɛngɔn ne ijwee nang. Nibhɛ so ɛkɔn ɛdaan nɛ daa ɛli ne ɛKiriti gha ɛbhɛ bok nikɔn na gbik, ɛbhɛ ɛ ta so ndɔ njwɛɛn gbik.

iFisus 2:15

Ɛ kɛ tek iMɛmɛ ɛMuusaa da ne ikpii yɛ gbik nɛ nikabhak kɛ gɔɔ, lenɛ ne iku ɛbhɛ, te ɛ kyii ryɔng icwaang ifas ndɔ itaang iphaa yɛdee nggyɛ wo. ɛLɛ wo ne ɛ kɛ ne yɛɛs ne irway ne laal ndɔ nibhɛ wo.

1 iKɔrɔntos 10:11

Nikɔn nɛnaa wo kɛ tes te tɔɔrek njwɛɛn ɛkɔn, kɛ ne ta haa te sɛ hɔwɔ njwɛɛn itsoro. Daa ɛli ne njwɛɛn so nten de ne ɛzay ya yungaa taal le.

ɛMacu 25:32

iGbagha ɛzay yo sɛ ne ji tumɛy gbik ɛnu ɛyisɛ ɛbhɛ gha. Ne ɛ ji kasa nibhɛ ɛ tuul nibhɛ kang-ka-kang ɛli ne ɛhaa ne hyep ᐩigyol i tul ᐩigyol ntsabhak ndɔ ne ᐩigyol ishii.

iBirani 9:10

Nikɔn nɛnaa nggyɛ wo kaa so daa ne re ne sɔ gbik ne ikpii ne tes en wɛwɛy ihywee-ihywee. iKpii yɛdaa nggyɛ wo kaa ne so ivaa ne ibek zɔng te ji hyep nten de ne de sɛ yɛɛs ne ishwɛɛ ifas da.

iFisus 3:2

ɛTsak, ˆɛ kɛ phok ɛn wu ɛTaanggbey ya ndɔ ne izɛɛng ɛbhɛ de kɛ nang me ɛtomɛ yɛghaa wo te iphɛ phyik nyini,