iFisus 1:1 - ɛWee ne ìTsɛm iHywas

¹ ɛWee yɛwoo wo le ɛlɔ ɛBulus ne ɛ so ɛNgɔn ne tom ɛYɛso ɛKiriti lenɛ ne icwas ɛTaanggbey. ɛbhɛ phɛɛs ɛlɔ ninyi ɛTaanggbey ne iFisus nɛ nibhɛ so sɛ kyinak daa ne ibol nibhɛ daa ne ibol ne roos ɛYɛso ɛKiriti ye.

iFisus 1:1 ပူးပေါင်းရင်းမြစ်များ

iKɔlɔsi 1:2

Ɛbhɛ phɛɛs ɛlɔ ninyi ɛTaanggbey nɛ nibhɛ so ne iKɔlɔsi, nigwaa mos ndɔ ɛKiriti, nɛ nibhɛ so sɛ kyinak daa ne ibol nibhɛ. Te izɛɛng ɛKyɛɛ njwɛɛn ɛTaanggbey gbik ne irway ne laal ɛbhɛ shɛɛ ne nyinɛn.

2 iKɔrɔntos 1:1

ɛWee yɛwoo wo le ɛlɔ ɛBulus ne ɛ so ɛngɔn ne tom ɛYɛso ɛKiriti, lenɛ ne icwas ɛTaanggbey, ne ɛgwaa njwɛɛn ɛTimɔti. Nzi haa idira ninaa ne roos ɛTaanggbey ye nɛ nibhɛ so ne iKɔrɔntos gbik ne ninyi ɛTaanggbey ya nɛ nibhɛ so ne ivel ne iKaya.

iGalatiya 1:1

ɛWee yɛwoo wo le ɛlɔ ɛBulus ne ɛ so ɛNgɔn ne Tom ɛYɛso ɛKiriti. Sɔng ɛnyi ɛbhɛ kɛ kasa me nang, sɔng ninyi nibhɛ kɛ ne ta nang me ɛtomɛ yɛ nang. Yang so ɛYɛso ɛKiriti gha ne ɛTaanggbey ne ɛ so ɛTaa ne ɛ kaa yiisik ɛbhɛ ne ikpuu da ɛbhɛ kɛ yel-le me.

iRooma 1:1

ɛBulus ne ɛ so ɛkpuru ɛYɛso ɛKiriti ne ɛYɛso, ne ɛTaanggbey kɛ yel-le ɛbhɛ te ɛ teye ɛngɔn ne tom ɛDaray, ɛ ta kasa ɛbhɛ te ɛ sanga iBol iYɛnɛng ɛTaanggbey.

iRooma 1:7

Nyinɛn no ne ɛ so ɛn iRooma de ne ɛTaanggbey ya i sim nyini ɛ kɛ ta yel-le nyini te ɛ shɛɛ ɛn kang, Te izɛɛng ne irway ne laal ɛTaanggbey ne ɛ so ɛkyɛɛ njwɛɛn gbik ne ɛDaray ɛYɛso ɛKiriti shɛɛ ne nyinɛn.

iFisus 6:21

Naa ne tom ɛTikyikus se, ɛgwaa mos ne njwii sim, ne ɛ mɔn ɛtomɛ ɛbhɛ gha ndɔ ɛDaray ɛli ne sɛ kyinak daa ne ibol ɛbhɛ. Aa ne tɔng nyini nikɔn na gbik, tɛ ne ˆɛ ma seng ɛn ncaang nge gbik ɛli ne nzo.

1 iKɔrɔntos 4:17

iPhɛ ɛlɛy nggɛ ne tom nyini ne ɛTimɔti ne ɛ soye ɛngɔn nge ndɔ ɛDaray ne nzi sim ɛbhɛ, ɛnyi ne sɛ kyinak daa ne ibol ɛbhɛ. Aa ne taate nyini ne ihywee ne ihywel da ne nggɛ hyel ndɔ ɛYɛso ɛKiriti gha ne ifɛ so kancɛng ne ɛkɔn na ne nzi tɔng nilɔ na gbik ndɔ ne idira ninaa ne roos sa.

ɛLuka 16:10

“Gbik ɛnyi gha ne ɛ yɛɛ ne wɛɛ ɛkɔn ɛncɛt ne kɛ nang ɛbhɛ, ɛ sɛ ne ta yɛɛ wɛɛ ɛgbaang ngɛ. ɛNyi gha ne ɛ kɛ ne doo ne wɛɛ ɛkɔn ɛncɛt ta nang, ɛ sɛ ne ma doo ne wɛɛ ɛgbaang ngo.

Nikɔn ne kɛ Phaal 2:10

Sɔng ɛ phok ɛnik ne nggbang ngga ne ɛ yungaa sɔ wo nang. Nzi tɔng ngɛ ɛShɛtan na yaa bo ɛbyin mon ɛbhɛ rop nibhɛ ndɔ ne ijwee ne nyang te ɛ sɛ ɛ phɔwɔ nyini, ne ɛ sɔ ɛn nggbang ngga nituk ɛnduwubɔ. Kyinak ndɔ ne ìnang ne itin mon de, kɛsim i phoo yɛ, naa ne nang ngɛ ɛkɔn ne ito ne igbɔm ne iken.

Nikɔn ne kɛ Phaal 17:14

Nibhɛ sɛ́ ne ta itsom ne ɛNgɔn ne ɛpharak ka. ɛNgɔn ne ɛpharak ka sɛ́ ne re nibhɛ ne itsom be, daa ɛli ne ɛbhɛ ɛ soye ɛDaray ne niDaray ne ɛGɔm niGɔm. ɛNgɔn ne ɛpharak ka sɛ́ ne re itsom be nɛ ninaa ne ɛbhɛ ɛ kɛ yel-le, ɛ kasa, nibhɛ so sɛ kyinak daa ne ibol nibhɛ.”

iGalatiya 3:9

iPhɛ ɛlɛy, gbik ninaa nɛ nibhɛ kɛ ne nang ne itin nɛ wo, sɛ ne ma sit nibhɛ ne ɛwɛng nga gbik ɛBaraying nga ne ɛ soye ɛhaa ne ɛ kɛ nang itin nɛ wo.

iRooma 8:1

iPhɛ ɛlɛy, sɔng yaa ne tang hyɛ ninyi na nɛ nibhɛ kɛ byinki ishwɛɛ da ne ɛYɛso ɛKiriti gha ɛshara ne iku nang.

ɛTomɛ 16:15

Kɛ ne sɛ ɛtsim mɛ ne kɛ yɛk ɛbhɛ ne ibatisima nɛ ninaa ne ijwee ɛbhɛ gbik, ne ɛ roo njwii ɛ yɔngɔ, “Wu ɛ kɛ sim ɛn wu nggɛ te me ɛhaa ne roos ɛDaray yegha ɛtsak, nɛ njwi ɛn ɛbhɛ shɛɛ ɛn ne ijwee nge.” Ne ɛ roro ne njwit, njwi ne roos ɛbhɛ njwi phɛ ne ijwee ɛbhɛ wo.

Nikɔn ne kɛ Phaal 2:13

Nzi yɛɛ ɛlɔ gha ne ɛ sonɛ wo soye ɛlɔ ne ɛShɛtan bok ne igbɔm. Gbik ne phɛ ɛlɛy, ɛ kɛ ne wum irywɛɛk nge gɛgɛy, sɔng ɛ kɛ hana ìnang ne itin mo da ne mee wo nang. Ɛ kaa ma yung mɔn ɛlɛy nten de ne kaa phoo ɛNtipas se ne ɛ kaa soye ɛshɛɛda nge gha ne sɛ say ibol ɛbhɛ ndɔ ɛgarang mon na ne ɛShɛtan na bok ne igbɔm ba.

1 iKɔrɔntos 4:12

Njwi kyangase ne ɛtomɛ gha ne ibɔ mos. I sɛ kɛ toke njwii, njwi ne sit nibhɛ ne ɛwɛng. Ne sɛ i baasek njwii nggbang, njwi ne rop iku.

ɛTomɛ 9:13

ɛHananiya gha ne kyii nɛ ɛ yɔngɔ, “ɛDaray, ninyi na gbom kɛ ku tɔng me ibol ɛnyi yɛdee nggyɛ wo, ɛli ne ɛ baasek ninyi mo na nggbang ngga ne iYɛrushɛlɛm be.

ɛTomɛ 18:19

Nibhɛ ne bhɛ tuu iFisus, ɛBulus sa ne tek ɛKyila yegha ne ɛPirisila gha ɛnggyɛ wo, ɛ ji bhɛ lel ndɔ ne ijwee ne itɔɔy yo ɛ bol nibhɛ ne i wɛɛ ibol lɛ nɛ niYahodawa na.

ɛTomɛ 18:21

Ne sɛ ɛBulus sa yaa bo nikɔn, ne ɛ yaak nibhɛ, “Nzɛ ta bhɛ kyii n yɛɛs ɛlɔ mon na wu ɛTaanggbey kɛ sim me nɛ, ne ɛ ji tek iFisus de ɛ hyel ndɔ ne ɛgyirigyi inɛn.”

iGalatiya 3:26

Gbik mon no ɛ kɛ ne te nyini ninɔn ɛTaanggbey lenɛ ne nang ne itin nɛ ndɔ ɛYɛso ɛKiriti gha.

iGalatiya 3:28

iPhɛ ɛlɛy ninyi ɛzay ya ne labhe ɛnu ɛyisɛ ɛTaanggbey ya nang. Sɔng niYahodawa na labhe nɛ ninyi na ne hame nibhɛ soye niYahodawa na nang, sɔng ɛkpuru labhe ne ɛngɔn ne ijwee nang, sɔng ɛras labhe ne ɛkuk kang. Gbik mon no ɛ so ɛn nyini nidaan nɛ ndɔ ɛYɛso ɛKiriti gha.

iFisus 1:15

iPhɛ phɛ kɛ te, nten de ne nggaa phok ibol ne ìnang ne itin mon de ndɔ ɛDaray ɛYɛso gha gbik ne ishwim mon da daa ninyi ɛTaanggbey ya,

iFisus 2:6

Ndɔ ne ìtsɛm njwɛɛn de ne ɛYɛso ɛKiriti gha, ɛTaanggbey ya kɛ ne yiisik njwɛɛn gbik ɛKiriti gha, ɛ nang njwɛɛn ɛcuruu ne igbɔm ɛzay ɛdaa ne irywa ne ɛKiriti gha.

iFisus 2:10

Njwɛɛn no ne ito njwɛɛn, njwɛɛn soye ɛtomɛ ne iwɔ ɛTaanggbey ya. Ɛ kɛ ryɔng njwɛɛn ndɔ ɛYɛso ɛKiriti gha te njwɛɛn mɔn nitomɛ niyɛnɛng ninaa ne ɛTaanggbey ya kaa ku ryɔng njwɛɛn nɛ.

iFisus 2:13

ɛLyilyɛghaa wo nang, ne ˆɛ so ɛn ndɔ ɛYɛso ɛKiriti gha. Nyinɛn no ne ˆɛ kaa so ɛn kyakyak ko, kɛ ne yɛɛs ne nyinɛn cɛcɛk lenɛ nɛ neyi ɛKiriti.