iFilibi 4:8 - ɛWee ne ìTsɛm iHywas

⁸ ɛTsim mɛ gbik nigwaa nge, te icwas mon da kyii daa ɛkɔn na ne ɛ so itin, ne ɛkɔn na ne ɛ kɛ hɔn sɛ nang ɛbhɛ ne ndiinday, ne ɛkɔn na ne ɛ sɛ so kancɛng, ne ɛkɔn na ne ɛ so wɛwɛy, ne ɛkɔn na ne ɛ yɛɛs ne ishwim, ne ɛkɔn na ne ɛ kɛ jam wɛɛ. Wu ɛdɛ ɛkɔn na sonɛ ne ɛ kɛ jam ɛ shɛs, ne ɛhaa ne ɛ kɛ hɔn idɛp, te icwas mon da ne kyii ne ɛdak kɛ.

iFilibi 4:8 ပူးပေါင်းရင်းမြစ်များ

ɛMacu 22:16

Nibhɛ ne bhɛ tom ninɔn ne icwam nibhɛ gbik nɛ nidɛng ninyi ɛHyiridus sa, ɛlɔ ɛYɛso gha, nibhɛ ne yaak ɛbhɛ, “ɛKyɛɛ ne icwam, njwii ku yɛɛ ɛli ne ɛ so ɛnyi ɛcik. Ɛ ku mɛmɛ ninyi na nɛ nikɔn ɛTaanggbey ya nɛ ne itin nɛ. Sɔng ɛ sim ɛbyin ninyi ɛ mbaray nidɛng nang, sɔng ɛ tɔɔl sim ito daa ne ninyi nang.

ɛMarakus 6:20

ɛHyiridus sa kaa ne i phok ɛnik ɛYohana wo, ne ɛ kyɛngɛse ɛbhɛ daa ɛli ne ɛ ku yɛɛ wu ɛYohana gha so cik, ɛ ta so ɛnyi kɛ tul kang. Kaa ne i sɛ ɛHyiridus tenes ɛYohana yegha nang ivol lɛ ne i tak ɛbhɛ iyɔm, gbik ne iphɛ ɛlɛy ne ɛ sak ghe ne tenes ɛbhɛ.

ɛLuka 16:15

Ne ɛ yaak nibhɛ, “Nyinɛn ɛ bo ɛn tɛ ninyi na ji ton nyini wo nang? ɛTaanggbey ya yɛɛ ɛduk ne irway mon ba gbik. Nikɔn na nɛ ninyi na ji wɛɛ tɛ nibhɛ so ɛkɔn na, nibhɛ ne so ɛkɔn ne ishis ɛnu ɛyisɛ ɛTaanggbey ya.”

ɛLuka 2:25

Nten nɛdee nggyɛ wo, ɛdɛ ɛhelem ma kaa ne sonɛ ndɔ ne iYɛrushɛlɛm de ne kaa bok ɛbhɛ ɛSimiyɔn. Ɛ kaa ne so cik, ne ɛ ta nang ɛTaanggbey ye irway ɛbhɛ gbik. Ɛ kaa ne i hyep aa yaang ɛli ne kɛ phɔt niSɛrɛla na. iKabyik ɛTaanggbey de kaa ne so ndɔ ɛbhɛ.

ɛLuka 23:50

ɛDɛ ɛnyi ne itɔrɔng niYahodawa na kaa ne sonɛ ne kaa bok ɛbhɛ ɛYisifu, ɛ kaa so ɛnyi ɛyɛnɛng ɛ ta so cik.

ɛYohana 7:18

ɛNyi gha ne ɛ bol ivol ne ito ɛbhɛ da, ɛ mɔn ɛlɛy te ɛ sɛ ito ɛbhɛ ndiinday. ɛNyi gha ne ɛ sim te sɛ nang ɛhaa ne ɛ kɛ tom ɛbhɛ ndiinday de, ɛ so ɛhaa ne itin nɛ; sɔng irywɛɛk ne so ndɔ ɛbhɛ wo nang.

ɛTomɛ 10:22

Ninyi na ne yaak ɛBiturus segha, “ɛDɛ ndiinday nisooja na ne i bok ɛbhɛ ɛKɔnɛliyas ɛbhɛ kɛ tom njwii. Ɛɛ phok ɛnik ɛTaanggbey, niYahodawa na gbik i naas ɛbhɛ ne ndiinday. ɛMalɛka ne kɛ tul kang ne yaak ɛbhɛ wu te ɛ yel-le yɛ ne ijwee ɛbhɛ te ɛ tenes ibol de ne aa tɔng ɛbhɛ.”

ɛTomɛ 22:12

“ɛDɛ ɛnyi gha ne kaa bok ɛbhɛ ɛHananiya ne yɛɛs ɛ sɛ me. ɛHananiya gha so ɛnyi gha ne ɛ roos ɛTaanggbey ye ɛli ne ɛShara ɛMuusaa gha bo wo, gbik niYahodawa na nɛ nibhɛ so ɛnggyɛ wo kaa ne i naas ɛbhɛ ne ndiinday gbom.

ɛTomɛ 6:3

iPhɛ ɛlɛy nigwaa en, ne ɛ kasa ɛn ninyi ɛniitaa ndɔ mon no nɛ nibhɛ so hyɔrɔ ne ikabyik ne ntsɛntsɛng. Nibhɛ ne njwi yaa ne yɛk nibhɛ ne ɛtomɛ ne wɛɛ ire gha.

iRooma 13:13

Te njwɛɛn hyel byirik tɛ ninyi nɛ nibhɛ so ndɔ ne iwɛwɛy. Sɔng njwɛɛn teye ninaa sim ijwira ne sɔ i re i tes ziizii wo nang, sɔng njwɛɛn ne teye ninaa ne nzangas sa nang, sɔng njwɛɛn ne phok iyɛnɛng nikɔn na nɛ nibhɛ ninaa ne iyɔm ncwa na nang, sɔng njwɛɛn teye ninaa ne ishamas sa nang, sɔng yɛk ɛnkyis sa nɛ nigwaa na nang.

iRooma 13:3

Sɔng nigɔm ma so ɛkɔn ne ɛnik ɛlɔ ninyi na nɛ nibhɛ mɔn nikɔn niyɛnɛng nga nang, ifɛ yang so ɛkɔn ne ɛnik ɛlɔ ninyi na nɛ nibhɛ mɔn nikɔn nibebhe. ˆƐ sim te hame ɛ sɛ tel ɛgɔm maa? Ne ɛ mɔn ɛkɔn ɛyɛnɛng, ɛgɔm ma yaa ne ton nɛ.

iRooma 14:18

Gbik ɛnyi gha ne ɛ re ɛKiriti yegha ntsong ngga ɛlɛ wo, aa ne i naas ɛTaanggbey ye irway ihwala ninyi na ne i sim ɛbhɛ.

iRooma 2:29

ɛYahodawa ne itin na so ɛnyi ne ɛ kɛ nang ɛTaanggbey irway ɛbhɛ gbik. iHyɛ itee ntin da ne so hyere irway lenɛ ne iKabyik ɛTaanggbey. Sɔng iphɛ so ibol ne hyep ɛkɔn ne kɛ haa ne ɛwee ɛShara zɔng nang. iHywee ɛnyi yɛdee nggyɛ wo ɛTaanggbey ɛbhɛ dɛp ɛbhɛ, sɔng ɛten ɛsii ɛbhɛ dɛp ɛbhɛ nang.

1 iKɔrɔntos 4:5

iPhɛ ɛlɛy sɔng ne ɛ hyɛ ɛn ɛshara gha nten nɛ tɔ wo nang, hyep ɛn te ɛDaray ya kyi bhɛ kyii nyɛɛn. Ɛbhɛ sɛ phaal nikɔn na nɛ ninyi na kɛ rɛɛ ndɔ gbyik ka, ɛ ta te i seng icwas ne irway ninyi na. Nten nɛdee nggyɛ wo ɛrɔngɔ sɛ ne ji say idɛp ɛTaanggbey da cɛcɛɛy ne ɛtomɛ ɛbhɛ.

2 iKɔrɔntos 13:7

Njwii bol ne ɛTaanggbey ɛli ne aa yung mɔn ɛn ɛkɔn ne ɛ sang so ɛyɛnɛng ngɛ. Sɔng njwii ne bo wu njwi kɛ ku taal yɛnɛng nang, njwii yang sim te ɛ sɛ mɔn ɛn ɛkɔn ɛyɛnɛng, gbik ɛli ɛbyin ninyi na i wɛɛ te njwi taasek ko.

2 iKɔrɔntos 6:8

I naas njwi ne ndiinday ne kyii bɛɛs njwi. I ne dɛp njwii ne kyii towos njwii. I bo wu njwi so ninaa ne wul irywɛɛk, gbik ne ɛlɛy njwi ne soye ninaa ne tɔng itin nɛ.

2 iKɔrɔntos 8:18

Njwi kɛ ne tom ɛTitus segha nibhɛ nɛ ɛdɛ ɛgwaa gha ne ngka ɛbhɛ kɛ shwalat gbom ɛlɔ ne sanga ibol iyɛnɛng ngge ndɔ ninaa ne idira ninaa ne roos de.

2 iKɔrɔntos 8:21

iCwas mos da so, te njwi mɔn ɛkɔn na ne aa jam, sɔng ɛnu ɛyisɛ ɛDaray zɔng nang, gbik ne ɛnu ɛyisɛ ninyi.

iGalatiya 5:22

Nikɔn na ne iKabyik ɛTaanggbey de ne yaak ko nibhɛ naa lɛ: ishwim, irway ihwala, irway ne laal, ɛbɔk, iyɛnɛng, irway ne phyik nigwaa, ìnang ne itin,

iFisus 4:25

iPhɛ ɛlɛy yang, ne ˆɛ kɔɔng ɛn irywɛɛk ga! Te ɛrɔngɔ i tɔng ɛhaa ɛcɛcɛk ɛbhɛ itin nɛ daa ɛli ne njwɛɛn so ibap ne ibek idaan nɛ.

iFisus 5:9

Daa ɛli ne iwɛwɛy de iphɛ i yɛɛs nɛ nikɔn niyɛnɛng, ne ishwɛɛ cik, gbik ne itin ne ibol.

iFisus 6:14

iPhɛ ɛlɛy, kyinak ɛn nting, te itin de teye ɛgagha mon, te ihywel icik ga teye ɛtura ne igyɔs ne ta itsom mon.

iFilibi 3:1

ɛTsim mɛ gbik nigwaa nge ne nzi sim, yɛk ɛn irway ihwala daa ɛli ne ˆɛ so ɛn ndɔ ɛDaray ya. Sɔng iphɛ some ɛkɔn ne tak iyɔm nggyi ta haa nyini nikɔn nɛnaa wo nang. Nikɔn nɛnaa wo yang so tɛ nibhɛ phyik nyini.

iKɔlɔsi 4:5

Te ɛn ntsɛntsɛng ɛli ne ˆaa shɛɛ ɛn nɛ ninyi na ne hame nibhɛ so ɛn ninaa ne iroos sa. Gbik nten de ne ɛ kɛ sɛ ɛn, mɔn ɛn ɛtomɛ ne iphɛ.

1 iTasɔlɔnika 4:12

Wu ˆɛ kɛ mɔn ɛn ɛlɛ wo, ˆaa ne te ɛn ninyi na ne hame nibhɛ soye ninaa ne iroos sa nang nyini ne ndiinday. Sɔng ˆaa ne tɔk ɛn ɛkɔn ɛlɔ ɛnyi nang.

1 ɛTimɔti 2:2

Te bol ne ɛTaanggbey ya ɛlɔ nigɔm gbik nɛ ninaa nibhɛ bok igbɔm ba, te njwɛɛn shɛɛ ncaang, ne irway ne laal, njwɛɛn nang ɛTaanggbey yegha ne ndiinday ndɔ ne nkpiinɛ da gbik ne ishwɛɛ ne ifɛ so kancɛng ne ishwɛɛ ninaa ne roos.

1 ɛTimɔti 3:11

ɛLɛy nɛ nikuk ne mɔn ɛtomɛ ne idira ninaa ne roos ne mang, tɛ nibhɛ so ihywɛɛ, sɔng ninaa ne bol ivol ne bees irywɛɛk nang. Tɛ nibhɛ so lyaak, ninaa ne sɛ kyinak daa ne ibol nibhɛ ndɔ nikɔn na gbik.

1 ɛTimɔti 3:4

iPhɛ so nggbinggbing ɛ so ɛnyi ne ɛ yɛɛ ne boos ijwee ɛbhɛ yɛnɛng, ɛ te ninɔn ɛbhɛ roos ibol ɛbhɛ nibhɛ nang ɛbhɛ ne ndiinday.

1 ɛTimɔti 4:12

Sɔng ɛ sim ɛnyi bɛɛs sɛdaa ɛli ne ɛ tɔ ne ifas nang. Yang teyɛ ɛkɔn ne mɛmɛ nɛ ɛlɔ ninaa ne roos sa ndɔ ne ivol mo, ne ishwɛɛ mo, ne ishwim mo, ne ìnang ne itin mo gbik ne ishwɛɛ wɛwɛy mo.

1 ɛTimɔti 5:10

Te ɛ so ɛkuk ne ngka nitomɛ ɛbhɛ kɛ jam, kaabi ɛ boos ninɔn ɛbhɛ byirik, ɛ say ninaa ne ikpoo, ɛ mɔn ninaa roos ɛTaanggbey ye ɛtomɛ, ɛ phyighis ninaa nɛ nibhɛ i tɔk iphyik, ɛ kɛ see ito daa ne mɔn nikɔn niyɛnɛng cɛcɛɛy.

1 ɛTimɔti 5:2

boos nikuk niharak ka te nigyinɛ mo, te ɛ boos nikuk niphas sa te nigwaa mo, ndɔ ne iwɛwɛy gbom.

ɛTitus 1:8

Te ɛndiinday ya yang teye ɛhaa ne say ninaa ne kpoo, ɛhaa ne sim ɛkɔn ɛyɛnɛng. ɛNyi ne ɛ kɛ wum ito ɛbhɛ, ɛhaa ne itin, ɛnyi ne kɛ tul kang, ɛ kɛ ku gbaat ito ɛbhɛ.

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.

ɛTitus 2:2

Mɛmɛ nihelem niras sa nɛ tɛ nibhɛ shɛɛ ihywɛɛ, nibhɛ wum ito nibhɛ, tɛ nibhɛ gbaat ito nibhɛ, tɛ nibhɛ kyinak gɛgɛy ndɔ ne ìnang ne itin de, ne ishwim gbik ne irop iku.

ɛTitus 2:7

Ndɔ nikɔn na gbik teyɛ ɛkɔn ne mɛmɛ nɛ ɛlɔ nibhɛ gha daa ne mɔn nikɔn niyɛnɛng. Ndɔ ne imɛmɛ mo da tɔɔrek itin nɛ, sɔng ˆɛ ra ne ijɔwɔ nang.

ɛTitus 3:14

iPhɛ so nggbinggbing ninyi njwɛɛn na mɛmɛ ne nang ito nibhɛ ne mɔn iyɛnɛng tɛ nibhɛ yɛɛ ne phyik nɛ nikɔn nɛ nibhɛ so ninyi na nggbinggbing. Sɔng nibhɛ shɛɛ ishwɛɛ ɛbuu da nang.

iBirani 11:2

Kaa lenɛ ne ìnang ne itin de ninaa ne ile na sɛ idɛp ɛTaanggbey.

iBirani 13:18

Boote ɛn ne ɛTaanggbey daa ne ito mos. Njwi yɛɛ ncɛncɛng, sɔng irway mos da bok ɛkɔn ne tok nang, daa ɛli ne njwi sim te njwi sɛɛ ku i mɔn ɛkɔn na ne ɛ so cik.

ɛYakub 1:27

iRoos da ne ɛTaanggbey ya ne ɛ so ɛTaa gha kɛ say wu ifɛ so itin nɛ wo ne kɛ ta tul kang ngo so ɛlɛ: te i wɛɛ nicwɛɛn nɛ nikusang ndɔ ne nggbang nɛ nibhɛ i sɔ, te ɛnyi yɛ ne tul ito ɛbhɛ ndɔ ne ishwɛɛ ivebhe ɛzay da.

ɛYakub 3:17

Ntsɛntsɛng ngge ne ihywɛ ne le ɛlɔ ɛTaanggbey ya nang, idee ɛyisɛ yɛ, ihywɛ so wɛwɛy, ihywɛ i ne yɛɛs ne shɛɛ ncaang, ihywɛ bok ihywɛɛ, ihywɛ so lyaak, ihywɛ bok isan iyɔm, ihywɛ bok izɛɛng, sɔng ihywɛ i tɔɔrek sim ito nang, sɔng ihywɛ ne bok iluk nang.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.

1 ɛBiturus 2:12

Shɛɛ ɛn ishwɛɛ iywɛnɛng ndɔ ninyi na nɛ nibhɛ sang yɛɛ ɛTaanggbey yegha. Te yaa ne sɛ nibhɛ bol ivol ne rip ba daa mon no nang, ne yang kyii lenɛ nɛ nikɔn niyɛnɛng nga ne ɛ mɔn ɛn no nibhɛ nang ɛTaanggbey ye ne ndiinday ɛtuk ka ne ɛTaanggbey ya sɛ yɛɛs ɛlɔ njwɛɛn na.

1 ɛBiturus 4:8

ɛKɔn na ne ɛ phyin gbik ɛbhɛ ghaa lɛ, te ɛrɔngɔ sim ɛgwaa ɛbhɛ gbom, daa ɛli ne ishwim ba i te han ninyi na ne ɛfɔt to gbom.

2 ɛBiturus 3:1

Nigwaa nge ne nzi sim, ɛwee ne ifaa yɛwoo wo ne nzi haa nyini nɛ. Ngge ne haa nyini ifɛ gbik te n taate nyini nɛ te ɛ tas ɛn ihywee ne icwas da ne ɛTaanggbey ye i sim ne irway mon gbik.

1 ɛYohana 3:18

Nyinɛn ninɔn nge ne nzi sim, sɔng njwɛɛn tɔɔrek ishwim ba daa ne igbɛrɛ ɛnu nang, te njwɛɛn yang tɔɔrek ifɛ daa ɛtomɛ ne njwɛɛn i mɔn nɛ ne itin nɛ.

1 ɛYohana 3:3

Gbik ɛnyi gha ne ɛ bok iyɛk ne irway yɛdaa wo daa ɛKiriti gha, te ɛ te ito ɛbhɛ wɛwɛy ɛ shɛɛ wɛwɛy daa ɛli ne ɛKiriti gha so wɛwɛy.

1 ɛYohana 4:1

Nyinɛn nigwaa nge ne nzi sim, sɔng ˆɛ nang ɛn ne itin nɛ ne gbik ɛnyi gha ne ɛ bo wu i bok ikabyik ɛTaanggbey de nang. Yang tɛrɛk ɛn nibhɛ te ˆɛ seng ɛn hang iphɛ le ɛlɔ ɛTaanggbey ya yɔɔ, daa ɛli nɛ ninabawa ne irywɛɛk gbom kɛ shwalat ndɔ ɛzay ya.