iFilibi 4:7 - ɛWee ne ìTsɛm iHywas

⁷ Yaa ne lenɛ ɛlɛ wo ɛTaanggbey ya ne nang nyini irway ne laal ɛbhɛ ne ifɛ phyin icwas ɛten ɛsii gbik. iPhɛ yaa ne boos irway mon ne icwas mon ndɔ ɛYɛso ɛKiriti gha.

iFilibi 4:7 ပူးပေါင်းရင်းမြစ်များ

ɛLuka 1:79

Te iphɛ tol ninaa gbyik ka ne iku de kɛ cwaal nibhɛ wo, te iphɛ hyel ne njwɛɛn nkiinɛ ne irway ne laal.”

ɛLuka 2:14

“ito-ndiinday so idee ɛTaanggbey ɛdaa ne irywa! Te irway ne laal ne shɛɛ ɛzay ya, ndɔ ninaa ne ɛTaanggbey ya i phok iyɛnɛng nibhɛ de.”

ɛYohana 14:27

Naa tek nyini ne irway ne laal; irway ne laal nge ne naa nang nyini. Sɔng nzi nang ifɛ ɛli ne ɛzay ya nang ngo nang. Sɔng ɛ tek ɛn irway mon tak nyini iyɔm mang, sɔng ne ɛ wum ɛn ɛnik kang.”

ɛYohana 16:33

“Nggɛ tɔng nyini nikɔn nɛnaa wo te ɛ bok ɛn irway ne laal ndɔ me wo. Aa sɔ ɛn nggbang ndɔ ɛzay ya. Nzi ne bok, te ɛn irway nviit daa ɛli ne nggɛ ku phoo ɛzay ya nɛ.”

iRooma 1:7

Nyinɛn no ne ɛ so ɛn iRooma de ne ɛTaanggbey ya i sim nyini ɛ kɛ ta yel-le nyini te ɛ shɛɛ ɛn kang, Te izɛɛng ne irway ne laal ɛTaanggbey ne ɛ so ɛkyɛɛ njwɛɛn gbik ne ɛDaray ɛYɛso ɛKiriti shɛɛ ne nyinɛn.

iRooma 14:17

Daa ɛli ne sɔng igbɔm ɛTaanggbey ba so daa ne ibol ne re i sɔ nang, ifɛ yang so daa ne ibol icik, ne irway ne laal, ne irway ihwala ne iKabyik ɛTaanggbey i naas.

iRooma 15:13

Te ɛTaanggbey ya ne ɛ so ɛhaa ne te ɛnyi gha ɛ sit irwisɛ da, yɛk nyini ne irway ihwala hyɔrɔ, ne irway ne laal ndɔ nang ne itin de ne ɛ kɛ nang ɛn nɛ ne ɛbhɛ wo, te iKabyik ɛTaanggbey de te nyini ɛ raras ɛn ndɔ ne sit irwisɛ mon da.

iRooma 5:1

iPhɛ ɛlɛy, ɛlyilyɛghaa wo ne kɛ say njwɛɛn wu njwɛɛn so icik ɛnu ɛyisɛ ɛTaanggbey ya lenɛ ne nang ne itin de, njwɛɛn ne bok irway ne laal ɛnu ɛyisɛ ɛTaanggbey lenɛ ne ɛDaray njwɛɛn ɛYɛso ɛKiriti.

iRooma 8:6

iKyii ne ihywɛɛ de daa ɛkɔn na ne ibek ge i sim mo i yɛɛs ne iku, ikyii ne ihywɛɛ de daa ɛkɔn na ne iKabyik ge i sim mo i yɛɛs ne iken ne irway ne laal.

2 iKɔrɔntos 10:5

Njwii bunga ishamas ninaa ne hal ɛgyɛy de gbik nɛ nikɔn na nɛ nibhɛ ring ne seng ɛTaanggbey yegha, njwii ne yaak ninyi nɛ nibhɛ kyii ne icwas nibhɛ ndɔ ne roos ibol ɛKiriti de.

2 iKɔrɔntos 13:11

ɛTsim mɛ nigwaa nge, te n tek nyini ncaang. See ɛn ito te ɛ tɔk ɛn ihyɔrɔ, phok ɛn ibol de ne nggɛ roo nyini wu te ɛ roos ɛn no, te icwas mon teye ijwaan nɛ, shɛɛ ɛn ne irway ne laal. ɛLɛ wo ne ɛTaanggbey ya ne ɛbhɛ ɛ so ɛTaanggbey ne ishwim ba ne irway ne laal da yaa shɛɛ ne nyinɛn.

iGalatiya 5:22

Nikɔn na ne iKabyik ɛTaanggbey de ne yaak ko nibhɛ naa lɛ: ishwim, irway ihwala, irway ne laal, ɛbɔk, iyɛnɛng, irway ne phyik nigwaa, ìnang ne itin,

iFisus 3:19

Te ˆɛ ta seng ɛn ishwim ɛKiriti da ne ifɛ phyin nikɔn na ne ishweng ngga gbik ko te ˆɛ te ɛn hyɔrɔ ne ihyɔrɔ ɛTaanggbey de.

iFilibi 1:1

ɛWee yɛwoo wo le ɛlɔ ɛBulus ne ɛTimɔti, nikpuru ɛYɛso ɛKiriti ɛbhɛ phɛɛs ɛlɔ ninyi ɛTaanggbey nɛ nibhɛ so ne iFilibi, gbik nɛ nindiinday ne idira ne ninaa ne roos gbik nɛ ninaa ne phyik ne ɛtomɛ ndɔ ne idira ninaa ne roos de.

iFilibi 1:2

Te ɛTaanggbey ne ɛ soye ɛTaa njwɛɛn, ne ɛDaray ɛYɛso ɛKiriti nang nyini izɛɛng gbik ne irway ne laal.

iFilibi 4:19

ɛTaanggbey ya ne nzi re ɛbhɛ ntsong ngga yaa ne nang nyini gbik nikɔn na ne ˆɛ tɔk ɛn ndɔ ne iryat ne ito-ndiinday ɛbhɛ ne ihywɛ le ɛlɔ ɛYɛso ɛKiriti.

iFilibi 4:21

Kyili ɛn mɛɛn ninyi ɛTaanggbey nɛ nibhɛ soye ninaa ɛYɛso ɛKiriti na gbik. Nigwaa na nɛ nibhɛ so ɛbɛ wo ne mee wo i kyiisi nyini.

iFilibi 4:9

Gbik ɛkɔn na ne ˆɛ kɛ mɛmɛ ɛn nɛ ɛlɔ nge gha, ne ɛhaa ne ˆɛ kɛ say ɛn ɛlɔ nge gha, ne ɛhaa ne ˆɛ kɛ phok ɛn ɛlɔ nge gha gbik ne ɛhaa ne ˆɛ kɛ yaang ɛn ɛlɔ nge gha, mɔn ɛn nibhɛ. ɛTaanggbey ne irway ne laal da yaa ne shɛɛ ne nyinɛn.

iKɔlɔsi 3:15

Te irway ne laal ɛKiriti da hyel ne nyinɛn ndɔ nikɔn na ne ˆaa mɔn ɛn gbik, daa ɛli ne kɛ lenɛ ne irway ne laal lɛdaa wo ɛTaanggbey ya yel-le nyini ndɔ ne ibek idaan. Te ɛ te ɛn nyini ninaa ne tɔɔsel ɛTaanggbey yegha irway ihwala.

2 iTasɔlɔnika 3:16

Te ɛDaray ya ne ito ɛbhɛ, ne ɛ soye ɛhaa ne irway ne laal la nang nyini irway ne laal cɛcɛɛy ndɔ ne nikɔn na gbik. Te ɛDaray ya shɛɛ ne nyinɛn gbik.

iBirani 13:20

ɛTaanggbey ne irway ne laal la kɛ yiisik ɛDaray njwɛɛn ɛYɛso yegha ne ikpuu. Ɛ mɔn ɛlɛ wo lenɛ nɛ neyi ne ìtsɛm ne inat ne kɛ rop. ɛYɛso yeghaa wo ɛbhɛ ɛ soye ɛGbaang ɛHaa ne Hyep ntsabhak ge.

ɛYahuza 1:1

ɛWee yɛwoo wo le ɛlɔ ɛYahuza ne ɛ so ɛkpuru ɛYɛso ɛKiriti, ɛ ta so ɛgwaa ɛYakub. Ɛbhɛ phɛɛs ɛlɔ ninyi na ne ɛTaanggbey kɛ yel-le, nɛ nibhɛ shɛɛ ndɔ ne ishwim ɛTaanggbey ne ɛ so ɛTaa, ninaa ne ɛYɛso i hyep nibhɛ.

Nikɔn ne kɛ Phaal 1:4

ɛWee yɛwoo le ɛlɔ ɛYohana, ɛbhɛ phɛɛs ɛlɔ ne ijwira ninaa ne roos ɛniitaa na nɛ nibhɛ so ne ivel ne iSiya. Te izɛɛng ne irway ne laal ne ifɛ le ɛlɔ ɛTaanggbey shɛɛ ne nyinɛn. iZɛɛng ne irway ne laal ɛTaanggbey ya ne ɛ sonɛ ɛlyilyɛghaa. ɛHaa ne ɛ kaa ku sonɛ wo, ne haa ne ɛ se ta yaaso. Ne izɛɛng ne irway ne laal de ne ifɛ le ɛlɔ ne ikpabyik ɛniitaa da ne ifɛ so ɛnu ɛyisɛ ɛcuruu ne igbɔm ɛTaanggbey ya.

Nikɔn ne kɛ Phaal 2:17

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, naa ne nang ɛbhɛ idɛng ndɔ ne imana de ne kɛ rɛɛ wo. Naa ne ta nang ɛbhɛ ikɛɛ ihala ne kɛ haa ne irywɛɛk ifas ne hame ɛnyi iyɛɛ kang ne ɛnyi gha ne ɛ kɛ say iphɛ wo.