iFilibi 4:5 - ɛWee ne ìTsɛm iHywas

⁵ Te ilyaak mon de teye ɛkɔn ne yaang ɛlɔ ninyi gbik. Seng ɛn, ɛDaray ya yek cɛcɛk.

iFilibi 4:5 ပူးပေါင်းရင်းမြစ်များ

ɛMacu 6:25

“iPhɛ ɛlɛy nzi ne bok nyini, sɔng ˆɛ sap ɛn ibol ɛkɔn de ne ˆaa re ɛn, ˆɛ sɔ ɛn nang. Sɔng ne ˆɛ tas ibol ne itsura de ne aa yɛk ɛn nyini nɛ ne ibek nang. Nzi shɛɛ bo iken de phyin ire de? Nzi ne ta bo ibek ge ne ma ta phyin itsura da nang?

ɛMacu 6:34

iPhɛ ɛlɛy, sɔng ne sap ɛn ibol ne ihwɛlɛ de nang, tek ɛn te ihwɛlɛ wo sap ito ne ifɛ. Te nggbang ne icwas ne izenge da hɔn nyini nɛ ɛlɛy.

ɛLuka 21:34

“Wɛɛ ɛn nyini yɛnɛng, sɔng ɛ sim ɛn irywɛɛk ga, ne isɔ da gbik ne icwas ne ishwɛɛ ɛzay ya kpuru ihywɛɛ mon de nang. ɛTuk kɛgha nggyɛ wo sɛ yung ban nyini dirik te irwa.

1 iKɔrɔntos 16:22

Gbik ɛnyi gha ne ɛ sang sim ɛDaray yegha, ne ɛ soye ɛkawɛy. Yɛɛs, ɛDaray yɔɔy.

1 iKɔrɔntos 6:7

Ɛli ne aa ma yung phɛ ɛn nɛ nigwaa mon na ɛshara gha, iphɛ kɛ tɔɔrek wu ɛ kɛ ku taasek en. iKyee iphɛ yaa te ɛ sang bo ɛn ɛbɔk kaa? Kɛ sim ma yung luk nyini i ta ring nyini ne ɛkɔn na ne ɛ so ɛhaa mon.

1 iKɔrɔntos 8:13

iPhɛ ɛlɛy, wu ire de iphɛ ne te ɛgwaa gha ne ɛ so ɛhaa ne roos sa mɔn ɛfɔt to, sɔng na ne tang re inwam nang, ɛlɔ ne naa yung te ɛdɛ ɛgwaa gha ne ɛ so ɛhaa ne roos sa mɔn ɛfɔt.

1 iKɔrɔntos 9:25

Ninaa ne tel nggbiy da ne bo nten nibhɛ gbaat ibek nibhɛ gbom. Nibhɛ mɔn ɛlɛ wo daa ɛli ne ɛrɔngɔ i tɔk te ɛbhɛ ne sɛ re ito yɛ ne ji tal ɛbhɛ ne ɛkɔn ne aa phyɔngɔle ɛ bees se, njwɛɛn no nang, sɛ ne tal njwɛɛn ne ɛkɔn ne so ɛhaa ne inat.

2 iKɔrɔntos 10:1

Mee ne ɛBulus so ne ito nge nzi roro ne nyinɛn, mee wo ne i bo wu nzo hywɛɛ wo ne i sɛ nzo nɛ nyinɛn no, ne ji yɔng wu nzo nzaratat to ne i sɛ n sang so ne nyinɛn no. Nzi ne roro ne nyinɛn ndɔ ne irywɛɛk ɛKiriti ne ɛ so ihywɛɛ ɛ ta so lyaak.

2 iTasɔlɔnika 2:2

sɔng ɛ shii te ɛn buruburu ɛ kpaate ɛn ndɔ ne irway mon daa ne idɛ bol de ne iphɛ kɛ yaak nyini wu ɛtuk ɛDaray ɛYɛso gha kɛ ku tuu nang. Yaa rɔk ɛdɛ ɛnyi gha sɛ boote ɛlɛ wo, hang ndɔ ne ibol yɔɔ, hang ndɔ ne ikabyik yɔɔ, hang ndɔ ne ɛwee yɔɔ, ɛ yɔng wu iphɛ le ɛlɔ mos.

ɛTitus 3:2

Sɔng nibhɛ bol ivol ikpɛɛ daa ɛnyi nang. Tɛ nibhɛ bok irway ne laal, nibhɛ shɛɛ hywɛɛ, nibhɛ laasek itso nibhɛ ɛlɔ ninyi na gbik.

iBirani 10:25

Sɔng njwɛɛn shɛɛ en itumɛ ne re ntsong ngga te ɛli nɛ nidɛng i mɔn no nang. Te njwɛɛn yang i tes en itsɔngɔl gɛgɛy, te njwɛɛn hante ne mɔn ɛlɛ wo daa ɛli ne ɛtuk ɛDaray ya yek cɛcɛk.

iBirani 10:37

Daa ɛli ne ɛWee ne iBol ɛTaanggbey yo i bo, “Yaa phyɔngɔle ncɛt, ɛhaa ne yaaso gha ne yɛɛs, sɔng aa rɔn nang.

1 ɛBiturus 1:11

Nibhɛ kaa sim tɛ nibhɛ sɛɛ seng nten nɛ, gbik ɛli ne iphɛ sɛ yɛɛs. Nten de ne iKabyik ɛKiriti de ne iphɛ so ndɔ nibhɛ kaa tɔng nibhɛ wo. iKabyik ge kaa tɔng nibhɛ ibol ne nggbang ngga ne ɛKiriti gha sɛ sɔ wo, ne ndiinday de ne iphɛ sɛ roos ɛtsim mɛ wo.

1 ɛBiturus 4:7

Nten ne taal ɛzay de yek cɛcɛk. iPhɛ ɛlɛy, ne ɛ wum ɛn ihywɛɛ mon ɛlɔ ɛdaan, ɛ shɛɛ ɛn ɛkanang, daa ɛli ne ɛkɔn yaa yung ring nyini ne bol ne ɛTaanggbey ya.

Nikɔn ne kɛ Phaal 22:20

ɛNyi gha ne ɛ kɛ nang ishɛɛda ne ivol lɛdaa wo i bo; “ɛTsak n yek cɛcɛk ne yɛɛs.” Ɛɛy! Ne ɛ yɛɛs ɛDaray ɛYɛso yɔɔy!

Nikɔn ne kɛ Phaal 22:7

ɛYɛso gha ne yɔngɔ, “Phok ɛn! N yek cɛcɛk ne yɛɛs! Ninaa ɛwɛng ngaa nggyɛy nɛ nibhɛ kɛ hyep ivol da ne kɛ tɔng ndɔ ne ɛwee yɛwoo wo!”