iFilibi 4:17 - ɛWee ne ìTsɛm iHywas

¹⁷ Sɔng nzi bo nzi tɔk ɛkɔn ɛlɔ mon na nang. Kwa! Nzi yang sim te ɛco nikɔn na ne ˆɛ mɔn ɛn mɛɛn nɛ wo sɛ ku i hanas se nɛ.

iFilibi 4:17 ပူးပေါင်းရင်းမြစ်များ

ɛTitus 3:14

iPhɛ so nggbinggbing ninyi njwɛɛn na mɛmɛ ne nang ito nibhɛ ne mɔn iyɛnɛng tɛ nibhɛ yɛɛ ne phyik nɛ nikɔn nɛ nibhɛ so ninyi na nggbinggbing. Sɔng nibhɛ shɛɛ ishwɛɛ ɛbuu da nang.

iBirani 6:10

ɛTaanggbey ya ku so icik, sɔng aa te ne ɛtomɛ mon na bab nang. Sɔng aa ne te ne ishwim mon da ne ɛ kɛ tɔɔrek ɛn ɛbhɛ wo ndɔ iphyik ga ne ɛ kɛ phyik ɛn ninyi ɛbhɛ na, ɛ ma tɔɔ phyighis ɛn nibhɛ wo nang.

ɛYohana 15:8

Wu ɛ kɛ yɛk ɛn ikpam ba gbom mo nang, iphɛ yaa ne tɔɔrek wu ɛ so ɛn ninɔn ne icwam nge. iPhɛ yaa ne tɔɔrek ito-ndiinday ɛKyɛɛ nge de.

1 ɛBiturus 5:2

Nzi bok nyini, hyep ɛn ᐩigyol ɛTaanggbey de ne ɛ kɛ tek ndɔ ne iwɔ mon no, te ɛ wɛɛ ɛn ihywɛ byirik, yɛnɛng. Sɔng ɛ mɔn ɛn te kɛ yɛk nyini nɛ ne ihwet nang, yang mɔn ɛn ne irway mon ijwaan. Sɔng ne ɛ mɔn ɛn ɛtomɛ yɛghaa wo daa ɛli ne ɛ sim ijam nang, yang mɔn ɛn daa ɛli ne ɛ bok ɛn irway ne mɔn ɛTaanggbey ye ɛtomɛ.

ɛTitus 1:7

ɛNdiinday ne idira ninaa ne roos sa so ɛnyi ne kɛ tek ɛbhɛ ne ɛtomɛ ɛTaanggbey ya ndɔ ne iwɔ ɛbhɛ. iPhɛ ne so nggbinggbing ɛ sang ɛkɔn ne tok ɛlɔ ninyi, sɔng ɛ tɔɔrek igbɔm nang, sɔng ɛhaa ne shii te njenjek nang. Sɔng ɛhaa ne sɔ igbuut ɛ te ziizii nang. Sɔng ɛhaa ne lɛng irywen nang, sɔng ɛhaa ne sim ibuu nang.

iFilibi 4:11

Sɔng nzi bo wu nggɛ wɔs ɛkɔn nang. Nggɛ ku mɛmɛ nɛ nggɛ seng ngɛ ɛli ne naa shɛɛ ne irway ne laal ndɔ ne ishwɛɛ da ne nggɛ sɛ ito nge nɛ.

1 iTasɔlɔnika 2:5

Nyinɛn no ɛ yɛɛ ɛn, sɔng njwi kɛ ku bol nɛ nyinɛn ne ɛnu ɛbel nang. Sɔng njwi kɛ ne yɛɛs ndɔ ne iluk kaabi njwi bok irisɛ nang. ɛTaanggbey ɛbhɛ ɛ so ɛshɛɛda mos.

2 iKɔrɔntos 9:5

iPhɛ ɛlɛy, nggɛ ne yaang iphɛ kɛ jam mɛ te n tom nigwaa yɛnaa wo, tɛ nibhɛ ho ɛyisɛ nge nibhɛ tumare ìnang mon da ne ɛ kɛ ku sim ɛn nɛ wo te sɛ ne sɛ nikɔn nɛ ɛlɔ ɛdaan ne ɛ kɛ ku ryɔng ɛn. iPhɛ sɛ ne tɔɔrek wu ɛ kɛ nang ɛn ne irway ihwala, sɔng kɛ yɛk nyini nɛ nggbinggbing nang.

iRooma 15:28

Yaa sɛ nggɛ taal ɛtomɛ yɛghaa wo, nggɛ yaang ninyi nihala ɛTaanggbey ya nɛ nibhɛ so ne iYɛrushɛlɛm be kɛ say iphyik ga ne kɛ tom nibhɛ nɛwo, naa ne wum ɛnkiinɛ ne iSabaniya, n phyii roos ɛlɔ mon na.

ɛYohana 15:16

Sɔng nyinɛn ɛ kɛ kasa mɛɛn nang; mɛɛ nggɛ yang kasa nyini n ji yɛk nyini nɛ te ɛbhɛ yaak ɛn ikpam ne ifɛ yaa shɛɛ. Ɛlɛy ɛkyɛɛ gha yaa ne ji nang nyini gbik ɛkɔn na ne ɛ kɛ phom ɛn daa ɛli ne ɛ so ɛn ninaa nge.

2 iKɔrɔntos 11:16

Nzi ne ta bo, wu hang ɛdɛ mon bo me te nzo ɛwamang nga. Wu ɛ kɛ ne bo mɛɛn te nzo ɛwamang nga, ne ɛ bo ɛn mɛɛn wu nzo ɛwamang nga, te nzɛ ɛkɔn ne naa hale ne ɛgyɛy.

ɛYahuza 1:11

iPhɛ so nibhɛ ɛkɔn ne ɛnik! Nibhɛ kɛ hyel ihywel ɛKɛɛnu. iRisɛ ne ijam kɛ te nibhɛ mɔn ɛkɔn na ne ɛBalamu kaa mɔn. Nibhɛ bɛɛs nindiinday ɛli ne ɛKɔɔra kaa mɔn, ne bunga nibhɛ gbik te ɛKɔɔra gha.

2 ɛBiturus 2:3

Ndɔ ne irisɛ nibhɛ de, nikyɛɛ ne icwam mɛnaa nggyɛ wo sɛ ne tɔng nyini irywɛɛk nɛ nibhɛ kɛ ku ryɔng nge nɛ tɛ nibhɛ sɛ ɛkɔn ne ibek mon. ɛHaa ne bol ɛshara nibhɛ gha kaa ne ku hyɛ nibhɛ ɛshara gha ne ile, ɛshara nibhɛ gha i ne hyep nibhɛ.

1 ɛTimɔti 3:3

Sɔng ɛkpuru ne iguut nang, sɔng ɛhaa ne tɔk irywen nang. Ɛ so yak, ɛɛ sim ishwɛɛ ncaang. Sɔng ɛhaa ne sim ijam gbom nang.

iFilibi 1:11

Te ishwɛɛ mon da te hyɔrɔ nɛ nitomɛ nicik nɛ nibhɛ i le ɛlɔ ɛYɛso ɛKiriti, te i sɛ nang ɛTaanggbey yegha ne ndiinday i ta dɛp ɛbhɛ.

2 ɛBiturus 2:15

Nibhɛ kɛ tek ɛnkiinɛ tsik ko nibhɛ roos ɛnkiinɛ ɛBalamu, ɛngɔn ɛBɛyor, ne kaa lenɛ ne sim ijam ɛbhɛ, ɛ yaa phok yɛnɛng ne mɔn ibebhe.

1 ɛTimɔti 6:10

Daa ɛli ne sim ijam be gbom mo iphɛ phɛ soye ɛtum ne ibebhe de hywee-hywee. Tɔk iryat de gbom mo kɛ te ɛbyin ninyi na kɛ hana ìnang ne itin nibhɛ de, nibhɛ kɛ hɔ ito nibhɛ irway ishwii gbom.