iFilibi 4:1 - ɛWee ne ìTsɛm iHywas

¹ iPhɛ ɛlɛy, nyinɛn nigwaa nge ne nzi sim, ˆɛ so ɛn ne irway nge, nzi has irway ne yaang nyini, ɛ so ɛn irway ihwala nge gbik ne ɛkɔn ne ito ne igbɔm nge daa ɛtomɛ nge. Nzi roro ne nyinɛn, kyinak ɛn ne ihwet ndɔ ɛDaray ya, nyinɛn no ne nzi sim mo.

iFilibi 4:1 ပူးပေါင်းရင်းမြစ်များ

iFilibi 1:27

Gbik ɛkɔn na ne ɛ kɛ te, shɛɛ ɛn ishwɛɛ da ne ifɛ kancɛng ne ibol iyɛnɛng ɛKiriti de. Shɛɛ ɛn ɛlɛ wo, te yaa sɛ nggɛ yɛɛs ne yaang nyini, hang nggɛ ma sang yɛɛs yɔɔ, te ne n phok wu ˆɛ kɛ kyinak ɛn ne ihwet ndɔ ne ikabyik idaan, ˆɛ kɛ byinki ɛn ito mon ˆɛ tabha ɛn ilong ndɔ ɛtomɛ ne ibol iyɛnɛng ngge te ɛnyi ɛdaan lenɛ ne ìnang ne itin mon da ne bol iyɛnɛng ngge.

1 iKɔrɔntos 16:13

Shɛɛ ɛn ɛ ɛkanang, kyinak ɛn nting ndɔ ne ìnang ne itin mon de, rop ɛn irway te ɛ yɛk ɛn ihwet.

iFilibi 2:16

ˆɛɛ ta naas ɛn nibhɛ ibol ne nang iken de. iPhɛ sɛ te n hal ɛgyɛy ne nyinɛn ɛtuk ka ne ɛYɛso ɛKiriti gha sɛ bhɛ kyii wo, te iphɛ tɔɔrek wu hang nggbang nge da ne ilong nge kɛ te buu.

1 iKɔrɔntos 15:58

iPhɛ ɛlɛy nigwaa nge ne nzi sim, kyinak ɛn ne ihwet, sɔng ɛkɔn sungki nyini nang. See ɛn ito cɛcɛɛy ndɔ ɛtomɛ ɛDaray ya, daa ɛli ne ɛ yɛɛ ɛn sɔng ɛdɛ ɛkɔn na ne ɛ kɛ mɔn ɛn ɛDaray yegha nɛ wo sɛ te buu nang.

iFilibi 1:8

ɛTaanggbey ya ɛbhɛ so ɛshɛɛda nge, ɛ yɛɛ ɛli ne nzi has irway ne yaang nyini gbik, ne ishwim ɛYɛso ɛKiriti.

iBirani 10:23

Nɛ njwɛɛn ta kyinak gɛgɛy daa ne sit irwisɛ yɛdaa nggyɛ wo ne njwɛɛn ku bok ko, i ta bol lo, daa ɛli ne ɛTaanggbey ya ne ɛbhɛ kɛ ku sim njwɛɛn nɛwo so sɛ kyinak daa ne ibol ɛbhɛ.

iRooma 2:7

Nidɛng ne sonɛ nɛ nibhɛ kɛ see ito nibhɛ mɔn iyɛnɛng cɛcɛɛy, nibhɛ tɔk ndiinday ne igbom gbik ne iken ne iphɛ sang taal le. Nibhɛ ne ɛTaanggbey ya sɛ ne nang nibhɛ iken ne inat.

ɛYohana 8:31

ɛYɛso gha ne yaak niYahodawa na nɛ nibhɛ kɛ nang ne itin nɛ ne ɛbhɛ wo, “Wu ɛ kɛ wum ɛn ibol nge de, ne ɛ ji so ɛn ninɔn ne icwam nge na ntin nɛ.

2 ɛTimɔti 2:1

iGyɛ ne ɛngɔn nge wo, kyinak gɛgɛy ndɔ ne izɛɛng ngge ne ɛTaanggbey ya kɛ nang ngɛ ndɔ ɛYɛso ɛKiriti gha.

iFilibi 2:26

ɛBafaratus sa i has irway te sɛ yɔng aa yaang nyini, ibol lɛ i ma yung tak ɛbhɛ iyɔm gbom daa ɛli ne ˆɛ kɛ phok ɛn ɛli ne ɛ so shwa wo.

2 iKɔrɔntos 1:14

wu ɛ kɛ ne ma yung sang seng njwii ɛlyilyɛghaa wo, sɛ ne sɛ igbey yo ne ɛDaray njwɛɛn ɛYɛso gha sɛ bhɛ kyii wo, ɛ sɛ ne lɛng ɛn ɛgyɛy ne njwit ɛli ne njwii ma lɛng ne nyinɛn no.

ɛTomɛ 11:23

Kɛ ne sɛ ɛBanabas sa kɛ bhɛ tuu iNtakiya de ɛ yaang izɛɛng ngge ne ɛTaanggbey ya kɛ nang nibhɛ wo, ne ɛ yɛk irway ihwala. ɛBanabas sa ne kpɛng nibhɛ wu tɛ nibhɛ shɛɛ ndɔ ne itin ne ibol ɛDaray de ne irway nibhɛ gbik.

ɛTomɛ 2:42

Nibhɛ ne nang irway nibhɛ gbigbik daa nikɔn na ne ninɔn ne tom ma mɛmɛ nibhɛ nɛ wo, nibhɛ ne i byingis ìtsɛm, nibhɛ re ire ɛlɔ ɛdaan, nibhɛ ne jii roro.

2 ɛBiturus 3:17

iPhɛ ɛlɛy, nigwaa nge ne nzi sim, daa ɛli ne ɛ ku yɛɛ ɛn ɛlɛ wo, ne ɛ shɛɛ ɛn ɛkanang, ɛlɔ nɛ imɛmɛ ne irywɛɛk ne ninaa ne sang roos ikpii da yaa yung hɔ ihywɛɛ mon nibhɛ te nyini ɛ ho ɛn.

iBirani 4:14

iPhɛ ɛlɛy, nɛ njwɛɛn kyinak gɛgɛy daa ìnang ne itin ne njwɛɛn de ne njwɛɛn tɔng ngo. Te njwɛɛn mɔn ɛlɛ wo daa ɛli ne njwɛɛn bok ɛgbaang ɛgɔm nibo wo ne ɛ kɛ phɛ daa ne irywa wo, ɛnu ɛyisɛ ɛTaanggbey ya, ɛbhɛ so ɛYɛso ne ɛ so ɛNgɔn ɛTaanggbey.

iBirani 3:14

Njwɛɛn kɛ ne byinki ito njwɛɛn ne ɛKiriti gha wu njwɛɛn kɛ boos ìnang itin ne ibol njwɛɛn da gɛgɛy ɛli ne njwɛɛn kaa tsa wo phyii bhɛ taal.

2 iTasɔlɔnika 2:15

iPhɛ ɛlɛy nigwaa en, kyinak ɛn gɛgɛy, te ɛ wum ɛn nikɔn na ne njwi kɛ mɛmɛ nyini nɛ wo. Ninaa ne njwi kɛ tɔng nyini ne ɛnu nɛ ninaa ne njwi kɛ haa nyini nɛ ndɔ ne ɛwee wo.

iKɔlɔsi 4:12

ɛPafaras ne ɛ so ɛdaan ndɔ mon, ɛ ta soye ɛkpuru ɛYɛso ɛKiriti gha i kyiisi nyini. Ɛ kyangase ne bol ne ɛTaanggbey ya gbom ɛlɔ mon na te ɛ kyinak ɛn gɛgɛy ndɔ ne ìnang ne itin mon de, ɛ te ɛn hyɔrɔ ndɔ nikɔn na ne ɛTaanggbey ya sim gbik, wɛlɛng ito irway.

iGalatiya 5:1

ɛKiriti ɛbhɛ kɛ phɔt njwɛɛn, sɔng njwɛɛn ne tɔ nikpuru nang. iPhɛ ɛlɛy, ne ɛ kyinak ɛn nting sɔng ɛ ta sim ɛn ta rop nyini ne nyang ngge tɛ nikpuru na nang.

ɛTomɛ 14:22

Nibhɛ ne kpɛng ninaa ne roos sa nibhɛ te nibhɛ itsɔngɔl gɛgɛy wu tɛ nibhɛ ma boos ìnang ne itin de gɛgɛy. Nibhɛ bok nibhɛ, “iPhɛ so sɔ nggbinggbing njwɛɛn sɔ nggbang gbom nyɛɛn njwɛɛn kyi bhɛ lel ne igbɔm ɛTaanggbey ba.”

1 iTasɔlɔnika 3:13

Te ɛDaray ya yɛk ngɛ irway mon hante ne ihwet, te tul nyini kang, wɛlɛng ɛkɔn ne tok ɛnu ɛyisɛ ɛTaanggbey ya ne ɛbhɛ ɛ so ɛTaa gha, ɛtuk ka ne ɛDaray njwɛɛn ɛYɛso gha sɛ bhɛ kyii nɛ ninyi ɛbhɛ na.

ɛMacu 10:22

Gbik ninyi na sɛ ne yaa mbaray nyini ɛlɔ me wo, ɛhiha ɛnyi ne ɛ kɛ ne kyinak ne ihwet, ɛbhɛ ɛ sɛ ne iphɔrɔt.