iFilibi 3:9 - ɛWee ne ìTsɛm iHywas

⁹ n shɛɛ ndɔ ɛbhɛ. Sɔng yaa ne lenɛ ne icik nge ne nggɛ roos iMɛmɛ ɛMuusaa da gbyak ko nang, yaa yang lenɛ ne icik ge ne iphɛ le ne ìnang ne itin ne ɛKiriti. Kaabi icik ge ne i sɛ iphɛ ɛlɔ ɛTaanggbey lenɛ ne ìnang ne itin de.

iFilibi 3:9 ပူးပေါင်းရင်းမြစ်များ

ɛMacu 9:13

Cwi ɛbhɛ mɛmɛ ɛn nɛ, ˆɛ seng ɛn ɛkɔn na ne ibol lɛdee wo i bol ne iphɛ bo, ‘Nzi sim san iyɔm, sɔng hap itsanga nang, sɔng nggɛ yɛɛs te n yeres ninaa nɛ nibhɛ sang ɛfɔt tang, nggɛ yang yɛɛs ɛlɔ ninaa ne ɛfɔt ta.’ ”

iRooma 1:17

Daa ɛli iBol iYɛnɛng ngge iphɛ phaal ɛli ɛTaanggbey ya i say ɛnyi wu ɛ so cik. Ninyi na ne say icik kɛdee nggɛ wo lenɛ ne nang ne itin nɛ, ɛli ne kɛ haa i bo: “ɛCik ka yaa shɛɛ ɛken lenɛ ne nang ne itin nɛ.”

iRooma 10:10

Daa ɛli ne ɛɛ nang ne itin de ndɔ ne irway mo ne say yɛ wu ɛ so cik ɛnu ɛyisɛ ɛTaanggbey ya, aa ne ta boote ne ɛnu mo dɔng ɛ sɛ iphɔrɔt da.

iRooma 16:7

Kyili ɛn mɛɛn ɛNdoronikus se ne ɛYuniyas, nɛ nibhɛ so niYahodawa tɛ mee, ne kaa rop njwi ne nyang nɛ nibhɛ. Nibhɛ so ninyi ne yɛɛ nibhɛ gbom ndɔ ninɔn ne tom ma, nibhɛ kaa ne teye ninaa ne roos ɛKiriti yegha ɛyisɛ nge.

iRooma 5:21

Kaabi i bo wu ɛli ne ɛfɔt to kaa bok ihwet daa ninyi gbom daa ɛli ne ɛbhɛ yɛɛs ne iku de, ɛlɛy ne izɛɛng ɛTaanggbey de ne bok ihwet daa ne ninyi na daa ɛli ne ihywɛ te i say nibhɛ wu nibhɛ so cik ɛnu ɛyisɛ ɛTaanggbey. iCik ge ne iphɛ nang iken ne inat lenɛ ne ɛYɛso ɛKiriti gha.

iRooma 8:1

iPhɛ ɛlɛy, sɔng yaa ne tang hyɛ ninyi na nɛ nibhɛ kɛ byinki ishwɛɛ da ne ɛYɛso ɛKiriti gha ɛshara ne iku nang.

iRooma 8:3

ɛKɔn na ne iMɛmɛ ɛMuusaa da kɛ sang yɛɛ ne mɔn nɛ daa ɛli ne ɛten ɛsii gha kɛ taasek, ɛTaanggbey ya kɛ ne mɔn. ɛTaanggbey ya kɛ phoo ihwet ne ɛfɔt to ndɔ ne ibek ɛten ɛsii de lenɛ ne ɛ kɛ tom ɛNgɔn ɛbhɛ ndɔ ne ibek ɛten ɛsii ne iphɛ so cɛcɛɛy idee ne ɛfɔt, te ɛ bunga ɛfɔt to.

1 iKɔrɔntos 1:30

ɛTaanggbey ya ɛbhɛ kɛ te ɛ so ɛn ndɔ ɛYɛso ɛKiriti gha, ɛbhɛ ta te ɛKiriti gha teye ntsɛntsɛng njwɛɛn. Kɛ ne lenɛ ne ɛKiriti gha ɛTaanggbey ya say njwɛɛn wu njwɛɛn so cik ɛnu ɛyisɛ ɛbhɛ, njwɛɛn ta teye ninyi ne wɛwɛy ɛTaanggbey ya, njwɛɛn ta teye ninyi ne kɛ phɔt.

2 iKɔrɔntos 5:17

iPhɛ ɛlɛy, gbik ɛnyi gha ne ɛ so ndɔ ɛKiriti gha ɛ kɛ ne teye ɛnyi ɛphas, nikɔn nitɛl la kɛ ne phebhe ɛ kɛ ne teye ɛphas sɛ!

2 iKɔrɔntos 5:21

Sɔng ɛKiriti gha kɛ ku mɔn ɛfɔt nang, gbik ne phɛ ɛlɛy, ɛTaanggbey ya kɛ ne bo ɛbhɛ te ɛhaa ne ɛfɔt, te ne lenɛ ne ɛKiriti gha njwɛɛn ne te cik ɛnu ɛyisɛ ɛTaanggbey ya.

iGalatiya 2:16

Gbik ne iphɛ ɛlɛy, njwi ne yɛɛ wu ɛTaanggbey ya say ɛnyi gha wu ɛ so cik ko ne ɛ kɛ nang ne itin nɛ ne ɛYɛso ɛKiriti zɔng. iPhɛ ɛlɛy sɔng ɛTaanggbey i say ɛnyi gha wu ɛ so cik ko daa ɛli ne ɛ kɛ roos ɛShara gha nang, daa ɛli ne sɔng daa ne iroos ɛShara gha i te i say ɛnyi gha wu ɛ so cik kang.

iFilibi 3:6

Nggɛ has irway gbom daa ne ibol ne roos ikpii ne re ntsong niYahodawa na, gbik ne baasek idira ninaa ne roos ɛKiriti yede nggbang ngga. Nggɛ ne roos ikpii ne iMɛmɛ ɛMuusaa da gbyak, sɔng nggɛ ben idɛng nang.

2 ɛTimɔti 1:9

Ɛbhɛ kɛ phɔt njwii, ɛ ji yel-le njwii te njwi shɛɛ ɛbhɛ kang. Sɔng yel-le yɛdaa wo ne le daa ɛkɔn ne njwi kɛ mɔn nang, iphɛ yang lenɛ ne yɔngɔ ɛbhɛ ne izɛɛng ɛbhɛ ne ɛ bok daa mos. Kaa ne nang njwii izɛɛng ngɛdee wo lenɛ ne ɛYɛso ɛKiriti ne ile ne tang tum ɛzay.

ɛTitus 3:5

ɛTaanggbey ya ne phɔt njwɛɛn, sɔng daa nikɔn nicik ne njwɛɛn kɛ mɔn nang. Kɛ yang lenɛ ne isan iyɔm ɛbhɛ ɛ phɔt njwɛɛn no lenɛ ne ikabyik ɛTaanggbey de ne iphɛ kɛ kuus njwɛɛn, iphɛ nang njwɛɛn iyɛk ifas, iphɛ ta i tes njwɛɛn niphas sɛ.

iBirani 6:18

ɛTaanggbey ya kɛ nang nikɔn ifaa, ibol ne ɛ kɛ rop ne iLɛlɛm ihywa. Sɔng i ne yɛɛ ne hyere nikɔn nɛnaa nggyɛ wo nang, daa ɛli ne sɔng ɛTaanggbey ya i yɛɛ ne hyɛ irywɛɛk nang. iPhɛ ɛlɛy, njwɛɛn no ne kɛ tel bhɛ kyɛngɛy ɛlɔ ɛbhɛ gha, njwɛɛn yaa ne yɛɛ ne kyinak ne ihwet i hyep ibol ɛbhɛ de ne ɛ kɛ ku rop po ne njwɛɛn kɛ sit irwisɛ da.

ɛYakub 3:2

Njwɛɛn no gbik i ibenes gbom. ɛNyi gha ne ɛ sang ben ndɔ ne ivol ɛbhɛ da ne ɛ so hyɔrɔ, ɛɛ ne ta yɛɛ ne boos ibek de ɛbhɛ byirik.

2 ɛBiturus 1:1

ɛWee yɛwoo wo le ɛlɔ ɛSimɔn ɛBiturus ne ɛbhɛ ɛ so ɛkpuru ne ɛngɔn ne tom ɛYɛso ɛKiriti. Ɛbhɛ phɛɛs ɛlɔ ninyi ne kɛ lenɛ ne icik ɛTaanggbey ne ɛhaa ne phɔt njwɛɛn ɛYɛso ɛKiriti nibhɛ say ìnang ne itin ne iphɛ shɛs ne yɛnɛng te idee mos.

1 ɛYohana 3:4

Gbik ɛnyi gha ne ɛ mɔn ɛfɔt to, ɛ ne tselem iMɛmɛ ɛTaanggbey da. ɛFɔt to ɛbhɛ so iyɔm ne roos iMɛmɛ ɛTaanggbey da.