Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




iFilibi 3:3 - ɛWee ne ìTsɛm iHywas

3 Njwɛɛn, njwɛɛn yang soye ninaa ne kɛ hyɛghɛ njwɛɛn icwee ne itin da. Njwɛɛn no ne njwɛɛn i re ɛTaanggbey yegha ntsong ngga lenɛ ne iKabyik Ɛbhɛ de. Njwɛɛn no ne njwɛɛn i hal ɛggyɛy ya ne ɛYɛso ɛKiriti gha. Njwɛɛn no ne njwɛɛn i sang hal ɛggyɛy ya daa ne ikpii ɛten ɛsii da ne i yaang ne irwisɛ da.

အခန်းကိုကြည့်ပါ။ ကော်ပီ




iFilibi 3:3
32 ပူးပေါင်းရင်းမြစ်များ  

Ndɔ ɛbhɛ dɔng ne kɛ ne hyɛ nyini ne itee de. Sɔng ne so ihywee ne idee ne i hyɛ ne iwɔ nang, yang so idee ne ɛKiriti gha kɛ hyɛ nyini nɛ lenɛ ne ɛ kɛ tul nyini ndɔ ne ishwɛɛ ne ibek ne iphɛ so ishwɛɛ ɛten ɛsii.


ɛLyilyɛghaa wo, njwɛɛn kɛ ne sɔrɔt ndɔ ne iMɛmɛ ɛMuusaa da daa ɛli ne njwɛɛn kɛ ku ɛlɔ ɛkɔn na ne ɛ kaa rop njwɛɛn no. iPhɛ ɛlɛy njwɛɛn kɛ ne yaa re ɛTaanggbey yegha ntsong ngga ndɔ ne ɛnkiinɛ ɛphas ne ikabyik ge kɛ yɛɛs nɛ, sɔng ndɔ ne ɛnkiinɛ ɛtɛl lo ne iMɛmɛ ɛMuusaa da kaa nang ngo nang.


iKabyik ɛTaanggbey de iphɛ kɛ nang njwɛɛn iken de, iphɛ ɛlɛy te njwɛɛn roos ɛkɔn na ne iKabyik ge kɛ tɔɔrek njwɛɛn no gbik.


Daa ɛli ne iKabyik ge ne ɛTaanggbey ya kɛ nang nyini wo sɔng iphɛ soye dee ne aa te ɛn nyini nikpuru ɛ yɛk ɛn ɛnik nang. Kwa! iKabyik kɛdee wo kɛ yang te nyini ɛ te ɛn nyini ninɔn ɛTaanggbey, i ne lenɛ ne iphɛ wo, njwɛɛn ne yel-le ɛTaanggbey yegha i yɔngɔ: “Abba! ɛTaa nge.”


Te nɛ i bol ɛn ne ɛTaanggbey cɛcɛɛy ɛli ne iKabyik ge i hyel ne nyinɛn. Bol ɛn ɛTaanggbey ya daa nikɔn na gbik ne ɛ sim ɛn. Shɛɛ ɛn ɛkanang te ˆɛ nang ɛn ihwet mon daa ne bol ne ɛTaanggbey ya daa ninyi ɛbhɛ.


ɛTaanggbey ya ne nzi mɔn ɛtomɛ ɛbhɛ gha ne irway nge ijwaan da daa ne sanga iBol iYɛnɛng ɛNgɔn ɛbhɛ de, ɛbhɛ ne ito ɛbhɛ ɛ kɛ tɔɔrek ɛli ne nzi ku tas ne nyinɛn cɛcɛɛy,


Nyinɛn no nigwaa nge ne nzi sim, te ɛrɔngɔ ne phyik ɛrɔngɔ te ˆɛ lɔl ɛn itso mon daa ne ɛtum ne ìnang ne itin mon de ne kɛ tul kang i shɛs so. Bol ɛn ne ɛTaanggbey ya ndɔ ne ihwet ne iKabyik ɛbhɛ de.


iPhɛ ɛlɛy nzɛ ne yɛɛ ne hale ɛgyɛy ndɔ ɛYɛso ɛKiriti gha daa ɛtomɛ gha ne nzi mɔn ɛTaanggbey yegha nɛ wo.


Sɔng ndaalang yaa ne yɛɛ nɛ nang. Sɔng ikyukyum yaa ne yɛɛ nɛ nang. Sɔng ɛkɔn sonɛ ndɔ nikɔn na ne kɛ ryɔng ngo gbik ko yaa yɛɛ ne hosop njwɛɛn ne ishwim ɛTaanggbey da ne ɛɛ sim njwɛɛn lenɛ ne ɛDaray njwɛɛn ɛYɛso ɛKiriti gha nang.


Sɔng nzi bo ibol ɛTaanggbey de kɛ te buu daa ne ito ninyi ɛbhɛ na nang, daa ɛli ne sɔng gbik ɛnyi gha ne so ihywee niSɛrɛla de ɛ soye ɛnyi ɛTaanggbey ya nang.


Daa ɛli nɛ ninyi na gbom i hal ɛgyɛy ya ɛli nɛ ninaa ɛzay ya mɔn no, na ne ma mɔn ɛlɛy.


Te irway ne laal, ne san iyɔm ɛTaanggbey shɛɛ daa ninaa nɛ nibhɛ roos ikpii yɛdaa wo, nibhɛ bhɛ soye ninyi niphas ɛTaanggbey ya!


ɛWee yɛwoo wo le ɛlɔ ɛBulus ne ɛTimɔti, nikpuru ɛYɛso ɛKiriti ɛbhɛ phɛɛs ɛlɔ ninyi ɛTaanggbey nɛ nibhɛ so ne iFilibi, gbik nɛ nindiinday ne idira ne ninaa ne roos gbik nɛ ninaa ne phyik ne ɛtomɛ ndɔ ne idira ninaa ne roos de.


Sɔng nggɛ ku shɛɛ bhɛ tuu ɛlɔ gha ne nzi sim na bhɛ tuu wo nang. Sɔng nggɛ ku shii te hyɔrɔ nang. Kwa! Nzi yang kyangas me nɛ te nzɛ ɛwɛng nga, daa ɛli ne ɛYɛso ɛKiriti gha kɛ ku hyere me nggɛ teme ɛhaa ɛbhɛ.


Nzi kyangas me nɛ te mbɛ sɛ ɛwɛng ɛdaa ne irywa gha. ɛWɛng nga ne ɛTaanggbey ya kɛ yel-le me nɛ wo lenɛ ne ɛYɛso ɛKiriti gha.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ