21 Ɛbhɛ ɛ bok ihwet ne kyii nɛ nikɔn na gbik ndɔ ne igbɔm ɛbhɛ. Sɛ ne lenɛ ne ihwet ɛbhɛ yɛdaa nggyɛ wo, ɛ hyere ibek ne taasek njwɛɛn nɛdee wo iphɛ teye idee ne ito-ndiinday te idee ɛbhɛ.
Nigwaa nge ne nzi sim, njwɛɛn soye ninɔn ɛTaanggbey ɛlyilyɛghaa wo. Sɔng kɛ ne ku tɔɔl njwɛɛn ɛkɔn na ne njwɛɛn sɛ teye nɛ nang, njwɛɛn i yang yɛɛ wu sɛ́ sɛ ɛKiriti gha kɛ tɔɔl le wo njwɛɛn sɛ ne ma te tɛ ɛbhɛ, daa ɛli ne njwɛɛn sɛ yaang ɛbhɛ ɛli ne ɛ so.
Ninyi na ne ɛTaanggbey ya kaa ku yɛɛ ne ile de ɛ kaa ku kasa nibhɛ tɛ nibhɛ te tɛ ɛNgɔn ɛbhɛ, te ɛNgɔn na ɛbhɛ ji teye ɛngɔn ɛkɔɔn nɛ ndɔ nigwaa ɛbhɛ na nɛ nibhɛ so gbom mo.
ɛDaray ɛTaanggbey ya bo, “Mee nzo me ɛHaa ɛYisɛ yɛ ne ɛHaa ɛTsim mɛ. Mee nzo ɛTaanggbey ya ne ɛ sonɛ ɛlyilyɛghaa, ɛhaa ne ɛ kaa ku sonɛ, ɛhaa ne ɛ sɛ ta yaaso, ɛHaa ne iGbɔm Gbik.”