iFilibi 3:20 - ɛWee ne ìTsɛm iHywas

²⁰ Njwɛɛn ne soye ninaa ne igbɔm ɛdaa ne irywa. Njwɛɛn i ne hyep ɛHaa ne Phɔt njwɛɛn ɛDaray ɛYɛso ɛKiriti yegha ne aa le daa ne irywa wo.

iFilibi 3:20 ပူးပေါင်းရင်းမြစ်များ

iFisus 2:19

iPhɛ ɛlɛy yang, nyinɛn no ne ˆɛ sang so ɛn niYahodawa na, sɔng ne ˆɛ tɔ ɛn kyakyak tɛ ninaa ne kpoo nang, sɔng ne ˆɛ sang ihop daa ɛkɔn ninaa ɛTaanggbey ya nang. ˆƐ kɛ yang te ɛn nyini nidaan nɛ ne ninyi ɛTaanggbey ya, ninaa ne ijwee ɛTaanggbey ya.

2 iKɔrɔntos 4:18

Sɔng njwi kɛ ne sit irwisɛ mos da daa nikɔn na ne i yaang nang, njwi kɛ yang sit daa nikɔn na ne i sang yaang. Daa ɛli nɛ nikɔn na ne i yaang ngo so ninaa ne phee, ninaa ne i ne sang yaang ngo ne so ninaa ne inat.

iBirani 12:22

ˆƐ kɛ ne yang yɛɛs ɛn ne ɛwarang ne iSihiyɔɔna, ne iYɛrushɛlɛm ɛdaa ne irywa, ɛgarang ɛTaanggbey ne iken. ˆƐ kɛ yɛɛs ɛn ɛlɔ ne idira ne nimalɛka nɛ nibhɛ kɛ hɔn ninom ma daa ɛco ninom, nibhɛ so irway ihwala.

iKɔlɔsi 1:5

Daa ɛli ne ìnang ne itin mon de so daa nikɔn na ne ɛ kɛ yɛk ɛn ne irway ne kɛ tek nyini nɛ daa ne irywa. Ɛ kaa tsa ɛ phok ɛn ibol nikɔn nɛdee wo ndɔ ne ibol ne itin de ne iphɛ so ibol iyɛnɛng ngge.

iFisus 2:6

Ndɔ ne ìtsɛm njwɛɛn de ne ɛYɛso ɛKiriti gha, ɛTaanggbey ya kɛ ne yiisik njwɛɛn gbik ɛKiriti gha, ɛ nang njwɛɛn ɛcuruu ne igbɔm ɛzay ɛdaa ne irywa ne ɛKiriti gha.

2 iKɔrɔntos 5:8

Ɛɛy! Njwɛɛn bok irway nviit, njwɛɛn i ta phyin sim te sɛɛ yɔng yaa hosobhe ne ibek ɛzay yɛdee wo bhɛ shɛɛ ne ɛDaray ya daa ne ijwee wo.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.

1 iTasɔlɔnika 1:10

ɛ ta i hyep ɛn bhɛ kyii ɛNgɔn ɛTaanggbey da daa ne irywa wo. ɛNgɔn na ne ɛTaanggbey ya kaa yiisik ɛbhɛ ndɔ ne ikpuu da. Kaabi ɛYɛso gha ne ɛbhɛ kɛ phɔt njwɛɛn ɛlɔ ne njenjek ge ne ihywɛ yaaso wo.

iBirani 9:28

ɛLɛy ne iphɛ ne ma so, kɛ ne nang ɛKiriti yegha ɛdaan zɔng te ɛ bo ɛfɔt ninyi gbom. Ɛ sɛ ne ta bhɛ kyii, ikyii ne ifaa yɛ, sɔng te ɛ ta ba ɛfɔt to nang, ɛ sɛ yang bhɛ kyii te ɛ phɔt ninaa nɛ nibhɛ hyep ɛbhɛ wo.

iGalatiya 4:26

Kaa ne i bok ɛhaa ne ifaa yɛ ɛSaratu, sɔng ɛ kaa ne so ɛkpuru nang, ne ɛ so te iYɛrushɛlɛm ɛdaa ne irywa da. Ɛbhɛ so ɛgyinɛ ninaa ne nang ne itin na.

ɛTitus 2:13

Njwɛɛn i shɛɛ ɛlɛ wo i hyep ɛtuk ɛwɛng nga ne njwɛɛn kɛ yɛk ne irway da. Nten de ne ito-ndiinday ɛTaanggbey ne nindiinday ɛHaa ne Phɔt njwɛɛn ɛYɛso ɛKiriti gha sɛ tɔɔl le wo.

1 iKɔrɔntos 1:7

iPhɛ ɛlɛy, sɔng ɛ kɛ ne wɔs ɛn ɛdɛ ɛwɛng ne ikabyik ka ɛli ne ɛ kɛ sit ɛn irwisɛ ɛ hyep ɛn ibhɛ kyii ɛDaray njwɛɛn ɛYɛso ɛKiriti yegha nang.

ɛTomɛ 1:11

Nibhɛ ne yɔngɔ, “Ninyi ne iGalili iKyee phɛ kɛ te ɛ kɛ kyinasek ɛn ɛbɛ woo ɛ wɛɛ ɛn ɛdaa ne irywa woo? Kɛ bo ɛYɛso yeghaa i hyel lɛ phɛɛs nɛ daa ne irywa, ɛhak ɛtuk, ɛ sɛ ne bhɛ kyii ɛli ne ɛ kɛ yaang ɛn ihywel lɛ wo.”

ɛMacu 19:21

ɛYɛso gha ne kyii nɛ ɛ yaak ɛbhɛ, “Wu ˆɛ sim te aa ji ku te hyɔrɔ wo, cwi ɛbhɛ lɛbhɛl nikɔn mo na gbik ˆɛ naas nihala ijam mɛ, aa ne sɛ iryat ɛdaa ne irywa de, te nɛ yɛɛs ˆɛ roos me.”

1 iTasɔlɔnika 4:16

Daa ɛli ne ɛDaray ya ne ito ɛbhɛ sɛ le daa ne irywa wo ɛ tɔm ne yel-le ne ɛgbaang ne izɔlɔs, ne izɔlɔs ɛndiinday nimalɛka gbik ne ɛntuntuung ɛTaanggbey. Ninaa nɛ nibhɛ kɛ ne kus ndɔ ɛKiriti gha ne ji tsa nibhɛ yilitsik.

ɛLuka 14:14

Yaa ne ji sit tɛ ne ɛwɛng, daa ɛli ne hame nibhɛ sɛ yɛɛ ne tal lɛ. ɛTaanggbey ya bhɛ sɛ ne ji tal lɛ ɛtuk ka nɛ ninyi nicik ka sɛ yilitsik ne ikpuu ba.”

Nikɔn ne kɛ Phaal 1:7

Yaang ɛn! Ɛ yaaso ndɔ ne inɔp, ninyi na gbik sɛ yaang ɛbhɛ, nɛ ninaa nɛ nibhɛ kɛ tolo ɛbhɛ ne nibhɛ kugha wo. iLwem ɛzay da gbik sɛ san ɛbhɛ. ɛTsak! Ɛlɛy ne phɛ sɛ te. Ɛɛy.

iFilibi 1:10

ɛKɔn nɛghaa wo yaa ne phyik nyini ˆɛ yɛɛ ne kasa ɛn ɛkɔn na ne ɛ kɛ jam, te ˆɛ shɛɛ ɛn wɛwɛy, wɛlɛng ɛkɔn ne tok phyii bhɛ hɔn ɛtuk ka ne ɛKiriti gha sɛ bhɛ kyii wo.

ɛLuka 12:21

ɛYɛso gha ne ji taal ivol ɛbhɛ ba, ɛ yɔngɔ, “Ɛlɛy ne iphɛ sɛ ne te daa ninyi na nɛ nibhɛ tumɛ itso nibhɛ nikɔn ɛzay ya gbik ko, nibhɛ ji kyii sang iryat de ɛlɔ ɛTaanggbey ya.”

1 iKɔrɔntos 15:48

Ninyi na ne kɛ ne ryɔng nibhɛ ne ne ivel ɛzay yɛdaa wo ne so te ɛnyi gha ne kɛ ryɔng ɛbhɛ ne ne ivel da, ninyi na ne nɛ nibhɛ so ninaa ɛdaa ne irywa na ne so te ɛnyi gha ne ɛ le daa ne irywa wo.

iFilibi 1:27

Gbik ɛkɔn na ne ɛ kɛ te, shɛɛ ɛn ishwɛɛ da ne ifɛ kancɛng ne ibol iyɛnɛng ɛKiriti de. Shɛɛ ɛn ɛlɛ wo, te yaa sɛ nggɛ yɛɛs ne yaang nyini, hang nggɛ ma sang yɛɛs yɔɔ, te ne n phok wu ˆɛ kɛ kyinak ɛn ne ihwet ndɔ ne ikabyik idaan, ˆɛ kɛ byinki ɛn ito mon ˆɛ tabha ɛn ilong ndɔ ɛtomɛ ne ibol iyɛnɛng ngge te ɛnyi ɛdaan lenɛ ne ìnang ne itin mon da ne bol iyɛnɛng ngge.