iFilibi 3:18 - ɛWee ne ìTsɛm iHywas

¹⁸ Nidɛng ninyi na sonɛ ne nggɛ ku tɔng nyini ibol nibhɛ, nzi ne ta tɔng nyini ɛlyilyɛghaa wo nɛ niyilis wu nibhɛ kɛ teye ninaa ne iphup ne iku ɛKiriti de daa ne ihon ne gangat to.

iFilibi 3:18 ပူးပေါင်းရင်းမြစ်များ

iFisus 4:17

iPhɛ ɛlɛy, nzi ne tɔng nyini, nzi kpɛng nyini ndɔ ne irywɛɛk ɛDaray, sɔng ˆɛ tɔ shɛɛ ɛn tɛ ninaa nɛ nibhɛ doo ɛTaanggbey yegha ne icwas nibhɛ da so icwas ɛbuu da nang.

iGalatiya 6:12

Ninyi na nɛ nibhɛ sim tɛ nibhɛ yaa yɛk nyini nɛ nggbinggbing ɛ hyɛghɛ ɛn icwee da, nibhɛ sim te sɛɛ yɔng wu nibhɛ mɔn ɛkɔn ɛyɛnɛng. Nibhɛ mɔn nyini ɛlɛ wo ɛlɔ nɛ nibhɛ yaa yung sɔ nggbang daa ne ibol ne gangat ɛKiriti ye.

iGalatiya 2:14

Ne sɛ nggɛ yaang ɛli nɛ nibhɛ sang roos itin de, ne nggu wuru ɛBiturus segha kpas ɛnu ɛyisɛ nibhɛ n yaak ɛbhɛ; “Yaang! Ɛ soyɛ ɛdɛng ndɔ niYahodawa na, sɔng ɛ ne mɔn te ɛnyi ne niYahodawa gha nang, aa ne mɔn ɛli ɛ yɛk ninyi na nɛ ne hame nibhɛ soye niYahodawa na nggbinggbing wu tɛ nibhɛ roos ikpii niYahodawa daa?”

iGalatiya 1:7

ɛTsak, sɔng idɛ ibol iyɛnɛng ngge sonɛ kang nang. Nggɛ boote ɛlɛ wo, daa ɛli nɛ nidɛng ninyi na sonɛ nɛ nibhɛ hyeem ibol iyɛnɛng ɛKiriti de ne nggɛ tɔng nyini wo.

2 ɛBiturus 2:10

iHyɛ ɛshara yɛghaa nggyɛ wo sɛ ne phyin ne ihwet daa ninaa nɛ nibhɛ roos ihyop igywebhe ne ibek nibhɛ nɛ, gbik nɛ ninaa nɛ nibhɛ bɛɛs igbɔm. Sɔng nikyɛɛ ne icwam ne irywɛɛk kɛnaa nggyɛ wo bok ncwa nang, kɔɔ ncɛt! Nibhɛ tɔɔsek ito, sɔng bok ɛnik nang, nibhɛ ma yung towos nimalɛka ɛTaanggbey.

1 iTasɔlɔnika 4:6

Sɔng ɛdɛ mon ne bees ɛgwaa ɛbhɛ irway, ɛ mɔn ɛbhɛ ibebhe daa nikɔn nɛnaa wo nang. Njwi kɛ ku tɔng nyini, njwii ne ta kpɛng nyini wu ɛDaray ya sɛ baasek ninaa ne mɔn nikɔn nɛnaa wo nggbang.

iFilibi 1:4

Gbik nten de ne nzi bol ne ɛTaanggbey ya daa mon no gbik ko, nzi ne i bol ne ɛbhɛ ne irway ihwala.

iGalatiya 5:21

ne ɛnkyis, ishwɛɛ ziizii, ne sim ijwira ne sɔ igbuut, nɛ ɛbyin nɛ. Nzi kpɛng nyini ɛlyilyɛghaa wo, ɛli ne nggɛ ta ku kpɛng nyini wo. Nzi bo, ninyi na nibhɛ mɔn nikɔn nɛnaa nggyɛ wo, sɔng nibhɛ sɛ ne bhɛ sɛ ɛwɛng ne igbɔm ɛTaanggbey da nang.

iGalatiya 2:21

Sɔng nggɛ bo izɛɛng ɛTaanggbey de te ɛkɔn ɛbuu nang. Wu ɛTaanggbey ya sɛ ne bhɛ say ɛnyi gha wu ɛ so cik ko, daa ɛli ne ɛ kɛ roos ɛShara da gbik ko, kaa ne so iku ɛKiriti de ne soye buu yɛ.

2 iKɔrɔntos 11:29

Wu ɛdɛng kɛ te kyɔkyɔt, naa ne ma te kyɔkyɔt, wu kɛ te ɛdɛng ɛ mɔn ɛfɔt, ibol lɛ yaa ne tak me iyɔm.

2 iKɔrɔntos 11:13

iHywee ninyi yɛdee nggyɛ wo soye ninɔn ne tom ne irywɛɛk, sɔng ninaa ne itin nɛ nang. Nibhɛ luk, nibhɛ sim tɛ ninyi sɛɛ yɔng wu nibhɛ so ninɔn ne tom ɛKiriti na.

2 iKɔrɔntos 2:4

Nggaa haa nyini nɛ wo nten de ne nggaa so ndɔ ne nggbang ne irway ishwii gbom nɛ niyilis. Sɔng nggaa mɔn ɛlɛ wo te n bak nyini irway ishwii nang, nggaa yang i sim te ɛ sɛ seng ɛn, ɛli ne nzi sim nyini ndɔ ɛkyukyum ne irway nge.

1 iKɔrɔntos 6:9

Ɛ doo ɛn ɛli nɛ ninaa ne sang so cik ko sɛ sang bhɛ lel dak ne igbɔm ɛTaanggbey da naa? Sɔng ˆɛ luk ɛn itso mon nang. Daa ɛli nɛ ninaa ne ra nzangas sa, nɛ ninaa ne re igunkyi de ntsong ngga, nɛ ninaa ne sang kyinak yak ko, ne nkpilik ga, nɛ ninaa ne tɔk nkpilik ga.

1 iKɔrɔntos 1:18

Ninyi na nɛ nibhɛ so nkiinɛ ne iku wo i wɛɛ ibol ne gangat ɛYɛso yede daa ne ihon no te iwamang, njwɛɛn no ne njwɛɛn ne so ne nkiinɛ ne phɔrɔt to ne yaang ɛli ne igbom ɛTaanggbey da so.

iRooma 9:2

N bok irway ishwii gbom, irway nge ne bees se cɛcɛɛy.

ɛLuka 19:41

Kɛ ne sɛ ɛYɛso gha yek cɛcɛk ne iYɛrushɛlɛm be, ne ɛ yaang ɛgarang nga, ne ɛ sit niyilis.

ɛYahuza 1:13

Nibhɛ sos te igbugbung inɛn, nikɔn ncwa nibhɛ na ne so te ifurum mɛ ne ifɛ i phele ifɛ kyi ifɛ phu, ifɛ birit. Nibhɛ so tɛ niyuyɔrɔ nɛ nibhɛ kaan shwaa, ninaa ne kɛ ku tul ɛlɔ gbyighilik ne inat kang i tek nibhɛ nɛ.

2 iTasɔlɔnika 3:11

Njwii phok wu nidɛng sonɛ ndɔ mon no nɛ nibhɛ bok itek. Sɔng nibhɛ mɔn ɛtomɛ nang, nibhɛ kaan tsik zɔng, nibhɛ cwaasek ninu ndɔ ne ivol ne ifɛ sang so ivaa nibhɛ.

ɛTomɛ 20:19

Nggɛ laasek ito nge n mɔn ɛtomɛ ɛDaray ya nɛ niyilis ne irwisɛ nge. Nggɛ kyinak gɛgɛy daa ne ihywee ne cɔk irway da nɛ niYahodawa na kɛ cɔk me nɛwo.

iGalatiya 6:14

Sɛɛ so te me wo, sɔng naa ne hal ɛgyɛy ya nang. Wu naa yung hal ɛgyɛy ya, naa ne hal daa ne bol ne gangat ɛDaray njwɛɛn ɛYɛso ɛKiriti ye, daa ɛli ne ibol ne gangat ɛYɛso yede kɛ te nikɔn ɛzay ya te te ikom ɛlɔ nge gha, nggɛ ne ma te te ikom mɛ ɛlɔ nikɔn ɛzay ya.