iFilibi 3:14 - ɛWee ne ìTsɛm iHywas

¹⁴ Nzi kyangas me nɛ te mbɛ sɛ ɛwɛng ɛdaa ne irywa gha. ɛWɛng nga ne ɛTaanggbey ya kɛ yel-le me nɛ wo lenɛ ne ɛYɛso ɛKiriti gha.

iFilibi 3:14 ပူးပေါင်းရင်းမြစ်များ

1 iKɔrɔntos 9:24

Ɛ yɛɛ ɛn ncɛncɛng, ninaa ne mat ishwaa da i so gbom, ɛnyi ɛdaan zɔng ɛbhɛ ne tel ɛbhɛ re ito yɛ. iPhɛ ɛlɛy ne ɛ see ɛn ito ɛli ne aa bhɛ re ɛn ito de.

1 ɛBiturus 5:10

Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.

Nikɔn ne kɛ Phaal 3:21

Gbik ɛnyi gha ne ɛ kɛ re ɛwɛng ndɔ ne itsom mɛdee wo, nzɛ ne nang ɛbhɛ ɛnkiinɛ ɛ soos ne mee ɛcuruu ne igbɔm nge gha te ɛli ne nggɛ ma re ɛwɛng nga nggɛ soos ne ɛKyɛɛ nge gha ɛcuruu ne igbɔm ɛbhɛ gha.

1 iTasɔlɔnika 2:12

Njwi kɛ bol nɛ nyinɛn, njwi tes nyini itsɔngɔl gɛgɛy, njwi roro nyini te ˆɛ shɛɛ ɛn ishwɛɛ da ne ifɛ kɛ jam mɛ ne yel-le da ne ɛTaanggbey ya kɛ yel-le nyini nɛ ndɔ ne igbɔm ɛbhɛ da ne ndiinday ɛbhɛ de.

2 ɛBiturus 1:3

ɛTaanggbey ya ndɔ ne ihwet ne ndiinday ɛbhɛ de kɛ nang njwɛɛn nikɔn na gbik nɛ nibhɛ yaa hɔn njwɛɛn te njwɛɛn yɛɛ ne shɛɛ ihywee ne ishwɛɛ da ne ifɛ so ivaa ninyi ɛTaanggbey da. Nikɔn nɛnaa wo ne so ninaa njwɛɛn gbik lenɛ ne ishweng njwɛɛn ne njwɛɛn kɛ seng ɛKiriti yegha gbom. Ɛ kɛ yel-le njwɛɛn te njwɛɛn shɛɛ ne ɛbhɛ njwɛɛn sɛ ihop ndɔ ne ndiinday ɛbhɛ.

iBirani 3:1

iPhɛ ɛlɛy, nigwaa nge ne kɛ tul kang, ne ɛTaanggbey kɛ ma yel-le nyini, sit ɛn irwisɛ daa ɛYɛso gha ne ɛbhɛ so ɛNgɔn ne Tom ma ne ɛGɔm nibo gha ne njwi tɔng ibol ɛbhɛ de.

1 ɛBiturus 1:13

iPhɛ ɛlɛy, ne ɛ ryɔng ɛn irway mon da ɛli ne aa mɔn ɛn ɛtomɛ gha. Tek ɛn itso mon ɛlɔ ɛdaan, te ɛ yɛk ɛn irway daa ne izɛɛng ngge ne sɛ nang nyini wo nten de ne sɛ phaal igbagha ɛzay ɛYɛso ɛKiriti yegha.

iBirani 6:1

iPhɛ ɛlɛy, ne ɛ njwɛɛn re ɛnu ɛyisɛ te hɔn ndɔ ne imɛmɛ ne ibol ɛKiriti de, te njwɛɛn tek tɔk ɛli ne yaa kyii ta mɛmɛ njwɛɛn ne ilwing ne ibol ɛTaanggbey de. Sɔng njwɛɛn kyi ta yaa tɔk ɛli sɛɛ phok ibol ne ilwing ne ibol ɛTaanggbey de ne iphɛ tɔɔsel njwɛɛn ɛli ne yaa san ɛbɔk ka i tek nikɔn nikpɛɛ na, ne ìnang ne itin de ne ɛTaanggbey ya nang.

2 iKɔrɔntos 4:17

Daa ɛli ne nggbang ncɛt tɛdaa wo ne mpɛ yaa sang phyɔngɔle wo yaa yɛɛs njwɛɛn ne ito-ndiinday ne inat gbom ne iphɛ phyin nggbang ngga ne njwii sɔ wo wu kɛ ten-nɛ.

ɛLuka 16:16

“Kaa ne sanga ibol ɛShara ɛMuusaa de ne idee niNabawa de phyii bhɛ hɔn nten ɛYohana, ne ji le ɛnggyɛ wo, ne yaa tɔng ibol iyɛnɛng ne iGbɔm ɛTaanggbey da, ɛrɔngɔ ne yɛk ne ɛhyɛhyɛk ne lel nɛ ndɔ yɛ.

iRooma 11:29

Sɔng ɛTaanggbey ya i sunu irway ɛbhɛ daa ɛnyi gha ne ɛ kɛ ku kasa ɛ yel-le ɛ sit ɛbhɛ ne ɛwɛng nga nang.

iFilibi 3:3

Njwɛɛn, njwɛɛn yang soye ninaa ne kɛ hyɛghɛ njwɛɛn icwee ne itin da. Njwɛɛn no ne njwɛɛn i re ɛTaanggbey yegha ntsong ngga lenɛ ne iKabyik Ɛbhɛ de. Njwɛɛn no ne njwɛɛn i hal ɛggyɛy ya ne ɛYɛso ɛKiriti gha. Njwɛɛn no ne njwɛɛn i sang hal ɛggyɛy ya daa ne ikpii ɛten ɛsii da ne i yaang ne irwisɛ da.

iKɔlɔsi 2:18

iPhɛ ɛlɛy sɔng ne ˆɛ tek ɛn ɛdɛ ɛnyi gha hosop nyini ne ɛwɛng nga ne ɛ kɛ re ɛn daa nikɔn nɛnaa wo nang. Sɔng ɛ hosop nyini nɛ lenɛ ne ɛ kyangase ne ring ito ɛbhɛ ne phok yɛnɛng te ɛ sɛ ɛkɔn ne yaa tal ɛbhɛ nang. Sɔng ne ɛ hosop nyini nɛ lenɛ ne ɛ mɛmɛ nyini nɛ wu iphɛ so nggbinggbing i re nimalɛka ntsong nang. Sɔng ne ɛ hosop nyini nɛ lenɛ ne ɛ hal ɛgyɛy wu kɛ phaal le iyuwa ɛ ta i tɔɔsek ito ɛbuu nang. iRway ne ihywee ninyi yɛdee nggyɛ wo soye ishwɛɛ ɛten ɛsii ne ifɛ i te nibhɛ mɔn ɛlɛ wo.

2 ɛTimɔti 1:9

Ɛbhɛ kɛ phɔt njwii, ɛ ji yel-le njwii te njwi shɛɛ ɛbhɛ kang. Sɔng yel-le yɛdaa wo ne le daa ɛkɔn ne njwi kɛ mɔn nang, iphɛ yang lenɛ ne yɔngɔ ɛbhɛ ne izɛɛng ɛbhɛ ne ɛ bok daa mos. Kaa ne nang njwii izɛɛng ngɛdee wo lenɛ ne ɛYɛso ɛKiriti ne ile ne tang tum ɛzay.