iFilibi 3:12 - ɛWee ne ìTsɛm iHywas

¹² Sɔng nggɛ ku shɛɛ bhɛ tuu ɛlɔ gha ne nzi sim na bhɛ tuu wo nang. Sɔng nggɛ ku shii te hyɔrɔ nang. Kwa! Nzi yang kyangas me nɛ te nzɛ ɛwɛng nga, daa ɛli ne ɛYɛso ɛKiriti gha kɛ ku hyere me nggɛ teme ɛhaa ɛbhɛ.

iFilibi 3:12 ပူးပေါင်းရင်းမြစ်များ

2 iKɔrɔntos 7:1

Daa ɛli ne kɛ ku sim njwɛɛn nɛ nikɔn nɛnaa wo gbik ko nigwaa nge ne nzi sim, ne njwɛɛn kuus ito njwɛɛn daa nikɔn na nɛ nibhɛ aa te ibek njwɛɛn de ne irway njwɛɛn da yɛk ivebhe da, te njwɛɛn ku tul en kang lenɛ ne ɛnik ɛTaanggbey ne njwɛɛn bok.

iBirani 13:21

Nzi ne roro ne ɛTaanggbey ya te ɛ te nyini hyɔrɔ nɛ nikɔn niyɛnɛng gbik te ˆɛ mɔn ɛn ɛkɔn na ne ɛɛ sim. Nzi roro ne ɛTaanggbey te ɛ ku i mɔn ɛtomɛ ndɔ mon no lenɛ ne ɛYɛso ɛKiriti gha ne aa nang ɛbhɛ irway ihwala. Te ne nang ɛYɛso ɛKiriti yegha ne ndiinday idee ne ishay-ishay! Ɛɛy.

iFisus 1:4

Ɛbhɛ kaa kasa njwɛɛn lenɛ ne ɛYɛso ɛKiriti. Ɛ kaa ne kasa njwɛɛn no ɛli ne kaa tang tum ɛzay ya wu te njwɛɛn tul en kang, wɛlɛng ɛkɔn ne tok. Kaa ne lenɛ ne ishwim ne ɛ bok ne njwɛɛn,

iFilibi 3:16

ɛGbaang ɛkɔn nɛ so, ɛlɔ gha ne njwɛɛn kɛ bhɛ tuu te re ɛnu ɛyisɛ ne nɛ ɛlɔ yɛ.

2 ɛBiturus 3:18

Yang raras ɛn ndɔ ne izɛɛng gbik ne ishweng ɛDaray njwɛɛn ɛYɛso ɛKiriti, ɛhaa ne phɔt njwɛɛn. Te ne nang ɛbhɛ ne ndiinday ne inat! Ɛɛy.

ɛYakub 3:2

Njwɛɛn no gbik i ibenes gbom. ɛNyi gha ne ɛ sang ben ndɔ ne ivol ɛbhɛ da ne ɛ so hyɔrɔ, ɛɛ ne ta yɛɛ ne boos ibek de ɛbhɛ byirik.

iBirani 12:14

Mɔn ɛn gbik ɛkɔn na ne ˆaa yɛɛ ne mɔn ɛn te ˆɛ shɛɛ ɛn ncaang nɛ ninyi na gbik. iPhɛ ɛlɛy, tul ɛn nyini kang, daa ɛli ne sɔng ɛnyi sɛ yɛɛ ne yaang ɛDaray yegha wu ɛ kɛ sang tul le kang ngo nang.

iGalatiya 5:17

Daa ɛli nɛ nikɔn ne ɛfɔt ta ne ibek ge i sim mo, sɔng nibhɛ ne iKabyik ɛTaanggbey de ne sim mang. Nikɔn na ne iKabyik ɛTaanggbey ne ma sim mo, sɔng nibhɛ nɛ nikɔn ne ɛfɔt ta ne ma sim mang. Nikɔn ne ɛfɔt ta ne ibek ge i sim mo ne bok iphup iKabyik ɛTaanggbey de, iphɛ ne ring nyini ne mɔn ɛkɔn na ne ɛ sim aa mɔn ɛn no nang.

1 ɛBiturus 5:10

Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.

2 iTasɔlɔnika 2:13

iPhɛ so nggbinggbing njwi tɔɔrek ɛTaanggbey ye irway ihwala daa mon nigwaa en ne ɛDaray ya i sim mo. Daa ɛli ne ɛTaanggbey ya kaa ku kasa nyini te ɛ te ɛn nyini ninaa ɛyisɛ yɛ ne kɛ phɔt. Ɛ kɛ mɔn ɛlɛ wo lenɛ ne ɛtomɛ ne iKabyik ge ne iphɛ kɛ tul nyini kang gbik ne ìnang ne itin mon ndɔ ne itin de.

iFisus 4:12

Ɛ kɛ mɔn ɛlɛ wo te ɛ ryɔng ninyi ɛTaanggbey ya nibhɛ mɔn ɛtomɛ ɛbhɛ, nibhɛ lɔl ibek ɛKiriti de.

2 iKɔrɔntos 13:9

Njwii bok irway ihwala ne i sɛ njwi so kyɔkyɔt to ɛ ji bok ɛn ihwet da. iPhɛ ɛlɛy njwii bol ne ɛTaanggbey te ɛ te ɛn hyɔrɔ.

1 iKɔrɔntos 13:10

Sɛ́ ne sɛ nikɔn ihyɔrɔ na kɛ yɛɛs, ninaa nɛ nibhɛ sang so hyɔrɔ wo sɛ ne phee.

1 iTasɔlɔnika 5:15

Wɛɛ ɛn yɛnɛng, sɔng ɛnyi tal ibebhe ne ibebhe nang. Yang yɛk ɛn irway ne mɔn nikɔn niyɛnɛng ndɔ mon no nɛ ɛbyin ninyi na cɛcɛɛy.

1 ɛTimɔti 6:19

ɛLɛ wo nɛ nibhɛ yaa mɔn nibhɛ tuma ito nibhɛ iryat ne ihywɛ ihywɛ sɛ soye ɛtum ɛzay ya ne ɛ yaaso wo, tɛ nibhɛ sɛ iken de ne iphɛ phɛ soye iken ne itin de.

ɛTomɛ 9:15

ɛDaray ya ne jung yaak ɛbhɛ, “Cwi, nggɛ ku kasa ɛShawulu yegha te ɛ mɔn me ɛtomɛ. Ɛbhɛ aa bhɛ tɔng ninyi na ne hame nibhɛ so niYahodawa na nɛ nigɔm gbik nɛ niSɛrɛla na ibol nge de.

1 ɛTimɔti 5:10

Te ɛ so ɛkuk ne ngka nitomɛ ɛbhɛ kɛ jam, kaabi ɛ boos ninɔn ɛbhɛ byirik, ɛ say ninaa ne ikpoo, ɛ mɔn ninaa roos ɛTaanggbey ye ɛtomɛ, ɛ phyighis ninaa nɛ nibhɛ i tɔk iphyik, ɛ kɛ see ito daa ne mɔn nikɔn niyɛnɛng cɛcɛɛy.

iBirani 12:23

ˆƐ kɛ yɛɛs ɛn ɛlɔ ne idira ninaa ne roos nɛ nibhɛ so te ɛngɔn ɛkɔɔn ɛTaanggbey, ne kɛ haa irɛɛk nibhɛ de daa ne irywa. ˆƐ kɛ yɛɛs ɛn ɛlɔ ɛTaanggbey, ne ɛbhɛ ɛ so ɛhaa ne bol ninyi na gbik ɛshara, gbik ne ɛlɔ ne ikpabyik ninyi ne icik ne kɛ te nibhɛ hyɔrɔ.

ɛMacu 5:48

Ne ɛ ma te ɛn hyɔrɔ, ɛli ne ɛKyɛɛ ɛdaa ne irywa mon na ma so hyɔrɔ wo.

iRooma 8:39

Sɔng ndaalang yaa ne yɛɛ nɛ nang. Sɔng ikyukyum yaa ne yɛɛ nɛ nang. Sɔng ɛkɔn sonɛ ndɔ nikɔn na ne kɛ ryɔng ngo gbik ko yaa yɛɛ ne hosop njwɛɛn ne ishwim ɛTaanggbey da ne ɛɛ sim njwɛɛn lenɛ ne ɛDaray njwɛɛn ɛYɛso ɛKiriti gha nang.

1 iKɔrɔntos 9:24

Ɛ yɛɛ ɛn ncɛncɛng, ninaa ne mat ishwaa da i so gbom, ɛnyi ɛdaan zɔng ɛbhɛ ne tel ɛbhɛ re ito yɛ. iPhɛ ɛlɛy ne ɛ see ɛn ito ɛli ne aa bhɛ re ɛn ito de.

1 iKɔrɔntos 13:12

ɛLyilyɛghaa wo, njwɛɛn i wɛɛ ɛTaanggbey yegha mbirim te izazurum, ɛtuk kɛghaa nggyɛ wo, njwɛɛn sɛ ne ji yaang ɛbhɛ nkpɔɔng. Sɔng ishweng nge da so hyɔrɔ ɛlyilyɛghaa wo nang, ɛtuk kɛghaa nggyɛ wo nang, nzɛ ne ji seng hyɔrɔ-hyɔrɔ ɛli ɛTaanggbey ya kɛ seng me.

iFilibi 1:1

ɛWee yɛwoo wo le ɛlɔ ɛBulus ne ɛTimɔti, nikpuru ɛYɛso ɛKiriti ɛbhɛ phɛɛs ɛlɔ ninyi ɛTaanggbey nɛ nibhɛ so ne iFilibi, gbik nɛ nindiinday ne idira ne ninaa ne roos gbik nɛ ninaa ne phyik ne ɛtomɛ ndɔ ne idira ninaa ne roos de.

iFilibi 3:3

Njwɛɛn, njwɛɛn yang soye ninaa ne kɛ hyɛghɛ njwɛɛn icwee ne itin da. Njwɛɛn no ne njwɛɛn i re ɛTaanggbey yegha ntsong ngga lenɛ ne iKabyik Ɛbhɛ de. Njwɛɛn no ne njwɛɛn i hal ɛggyɛy ya ne ɛYɛso ɛKiriti gha. Njwɛɛn no ne njwɛɛn i sang hal ɛggyɛy ya daa ne ikpii ɛten ɛsii da ne i yaang ne irwisɛ da.

iFilibi 3:8

Nggɛ bo nikɔn na gbik te isusɔng lenɛ ne nggɛ seng ɛDaray nge ɛYɛso ɛKiriti yegha. iSeng ngga ne nggɛ seng ɛKiriti yegha phyin nikɔn na gbik. Kɛ lenɛ ne ɛbhɛ nggɛ ne wɔs nikɔn na gbik, nggɛ bo nibhɛ te isusɔng te nzɛ iryat ɛKiriti de,