iFilibi 3:11 - ɛWee ne ìTsɛm iHywas

¹¹ Te ma n yɛk ne irway i sɛ ma yiisik me ne ikpuu da.

iFilibi 3:11 ပူးပေါင်းရင်းမြစ်များ

Nikɔn ne kɛ Phaal 20:5

ɛBɛ wo ɛbhɛ ɛ so yilitsik ne ikpuu ɛyisɛ yɛ. Sɔng ɛbyin ninyi na nɛ nibhɛ kɛ kus so kaa ne ma yilitsik ne ikpuu da nang, nibhɛ kaa hyep ishay ɛnom ɛdaan de kyi taal le nyɛɛn.

ɛTomɛ 26:7

ɛKɔn nɛghaa wo ne kaa ku sim-mɛ wo ne ihywee ɛnduwubɔ ne ihywɛɛ ihywaa de kɛ yɛk ne irway nibhɛ hyep tɛ nibhɛ yaang kɛ shwaak, ɛli nɛ nibhɛ kyangase nɛ ne re ɛTaanggbey yegha ntsong ngga izenge ne ihwɛlɛ wo. iGyɛ ne ɛgɔm, kɛ ne lenɛ ne iyɛk ne irway da nzi hyep te shwaak ibol lɛdee wo nɛ niYahodawa na kɛ yaa yaang iben nge da ɛgɔm ɔɔy!

ɛTomɛ 23:6

Ne sɛ ɛBulus sa kɛ seng wu itɔrɔng ngge kɛ byingis se nɛ niSadukyawa gbik nɛ niFarisawa na ne ɛ yinɛ izɔlɔs ɛbhɛ ɛ yɔngɔ, “Nigwaa nge, nzo me ɛdaan ndɔ niFarisawa na, ɛkyɛɛ nge so ɛdaan ndɔ niFarisawa na; i ne bol me ɛshara daa ɛli ne nggɛ yɛk irway nge ne yilitsik ne ikpuu.”

iBirani 11:35

Kaa ne lenɛ ne ìnang ne itin de nikuk ka nɛ ninyi nibhɛ na kaa ku kus so ne kyii nibhɛ niken nɛ. Ne baasek nidɛng nggbang, nibhɛ ne mbaray tang i biri nibhɛ ndɔ ne nggbang ngga, daa ɛli nɛ nibhɛ i sim te sɛ bhɛ mɔn nibhɛ iyɛnɛng ɛtuk ne yilitsik ne ikpuu gha.

2 iTasɔlɔnika 2:3

Sɔng ɛ sim ɛn ɛdɛ ɛnyi luk nyini ne idɛ ɛnkiinɛ wo kang nang. Daa ɛli ne sɔng ɛtuk ɛDaray ya yaa yɛɛs nang, sɛ yang kyi tsa ne isang-phok ge nyɛɛn, ɛgɔm nisang-phok ka ne tɔɔrek ghe, ɛhaa ne ɛ ku ryɔng sɛ́ bees gbik ko.

1 iTasɔlɔnika 3:5

iPhɛ ɛlɛy, kɛ sɛ nggɛ yaang naa sang yɛɛ ne bo ɛbɔk ka daa ne yɔm ne yaang nyini wo, ne n tom ɛTimɔti ye te n phok ɛli ne ìnang ne itin mon de so. Daa ɛli ne nggɛ wum ɛnik, nzi wɛɛ te ɛhaa ne luk ka yaa yung luk nyini ˆɛ hoghɛse ɛn, ɛtomɛ mos sa te buu.

2 iKɔrɔntos 11:3

Ne n bok ɛnik wu irway mon yaa yung hyereey, ɛ tek ɛn ishwim iywɛnɛng mon da ne ɛ sim ɛn ɛKiriti yegha. Aa yung hyere nyini ɛli ne ɛWaawu gha kaa hyereey yo nten de ne izɔ de kaa luk ɛbhɛ ne ntsɛntsɛng igywebhe ne ihywɛ de.

1 iKɔrɔntos 9:27

Nzi ne gbaat ibek nge de gbom, nggɛ bo iphɛ te ɛkpuru nge, ɛlɔ ne yaa yung sɛ ɛtsim mɛ ne nggɛ sanga nidɛng ibol iyɛnɛng ngge, ji kyi bhɛ ring me ne say ilong nge.

1 iKɔrɔntos 9:22

I ne sɛ nzo ɛlɔ ninaa ne ìnang ne itin nibhɛ da so kyɔkyɔt to, ne ma n te te ɛhaa ne ìnang ne itin ɛbhɛ so kyɔkyɔt te nzɛ n hɔ nibhɛ. Nggɛ tes me nikɔn na gbik ɛlɔ ninyi na gbik, te n yaang nggɛ phɔt ɛbyin nɛ.

iRooma 11:14

Nzi mɔn ɛlɛ wo, te nzɛ n yaang nigwaa nge niYahodawa na kɛ yɛk ɛnkyis te ne lenɛ ɛlɛy i phɔt nidɛng ndɔ nibhɛ.

ɛYohana 11:24

ɛMata gha ne kyii nɛ ɛ yɔngɔ, “Nzi yɛɛ ɛ sɛ yilitsik ɛtuk ne yiisitsik ne ikpuu, ne ɛ soye ɛtuk ne taal ɛzay.”

ɛLuka 14:14

Yaa ne ji sit tɛ ne ɛwɛng, daa ɛli ne hame nibhɛ sɛ yɛɛ ne tal lɛ. ɛTaanggbey ya bhɛ sɛ ne ji tal lɛ ɛtuk ka nɛ ninyi nicik ka sɛ yilitsik ne ikpuu ba.”

ɛTomɛ 27:12

Sɔng iphɛ kaa ne jam mɛ nigyirigyi inɛn na shɛɛ ɛlɔ gha ne i bok ɛbhɛ ɛlɔ nɛ Nigyirigyi iNɛn i Sɛ ne iPhɔrɔt da ne ikos sang, nten nɛ kaa ne so nten ne ikos, iphɛ ɛlɛy iday ninyi de ne sim wu te re ɛnu ɛyisɛ ne ihywel da te yung yaang hang yaa bhɛ hɔn iFɔnis yɔɔ. iFɔnis de kaa so ɛdɛ ɛlɔ gha ne ikop ne iKɛrɛt nɛ nigyirigyi na i kyinasek ngɛ ne ikos de daa ɛli ne sɔng igbil i sonɛ nɛ ɛlɔ yɛ nang.

1 iKɔrɔntos 15:23

Sɛ ne yiisik ɛrɔngɔ nten ɛbhɛ: ɛKiriti gha ɛbhɛ so te ire ɛyisɛ yɛ ne kɛ tsa pha, sɛ ne sɛ nten de ne ɛ kɛ bhɛ kyii, ne ma ji yiisik ninyi na nɛ nibhɛ soye ninaa ɛbhɛ na.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.