iFilibi 3:10 - ɛWee ne ìTsɛm iHywas

¹⁰ Nzi sim te nzɛ seng ɛKiriti yegha yɛnɛng gbik ne ihwet da ne ifɛ kɛ yiisik ɛbhɛ ne ikpuu da. Nzi sim te nzɛ sɔ ihywee ne nggbang ngga ne ɛ kɛ sɔ wo, ne ihywee ne iku de ne ɛ kɛ ku wo.

iFilibi 3:10 ပူးပေါင်းရင်းမြစ်များ

iGalatiya 2:20

Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”

iRooma 8:17

ɛLyilyɛghaa wo, wu njwɛɛn ne soye ninɔn ɛTaanggbey ya, njwɛɛn sɛ ne ma sɛ Niwɛng nga ne ɛ sɛ nang ninyi ɛbhɛ na, njwɛɛn sɛ ne ma ta sɛ Niwɛng nga ne ɛTaanggbey ya kɛ tek ɛKiriti yegha nɛ wo. Wu njwɛɛn kɛ sɔ nggbang ngga gbik ne ɛKiriti gha, sɛ ne ma ta bak njwɛɛn ndiinday ɛbhɛ de.

iFilibi 3:8

Nggɛ bo nikɔn na gbik te isusɔng lenɛ ne nggɛ seng ɛDaray nge ɛYɛso ɛKiriti yegha. iSeng ngga ne nggɛ seng ɛKiriti yegha phyin nikɔn na gbik. Kɛ lenɛ ne ɛbhɛ nggɛ ne wɔs nikɔn na gbik, nggɛ bo nibhɛ te isusɔng te nzɛ iryat ɛKiriti de,

1 ɛYohana 2:3

Wu njwɛɛn kɛ ne roos ikpii ɛTaanggbey da, iphɛ kɛ ne tɔɔrek njwɛɛn wu njwɛɛn i yɛɛ ɛbhɛ wɛlɛng ito irway.

iKɔlɔsi 3:1

Kɛ yiisik nyini ne ikpuu da ne ɛKiriti gha, iphɛ ɛlɛy ne ˆɛ kyii ɛn ne ihywɛɛ mon daa nikɔn nɛ nibhɛ so daa ne irywa, ɛlɔ gha ne ɛKiriti gha kɛ soos nɛ ne iwɔ ne irwye ɛTaanggbey yo.

iKɔlɔsi 1:24

ɛlyilyɛghaa wo, ne n bok irway ihwala ɛlɔ ne nggbang ngga ne nzi sɔ ɛlɔ mon no. Daa ɛli ne yaa lenɛ ne nggbang ngɛdaa wo n shwaak ɛkɔn na ne ɛ kɛ mak ndɔ ne nggbang ngga ne ɛKiriti gha kaa sɔ ɛlɔ idira ninaa ne roos de nɛ nibhɛ soye ibek ɛbhɛ de.

2 iKɔrɔntos 1:5

ɛLi ne njwɛɛn i sɔ nggbang ga ɛli ne ɛKiriti gha ne ito ɛbhɛ de kɛ sɔ wo, ɛlɛy ne yaa ne ma ta lenɛ ne ɛDaray ya njwɛɛn sɛ iwɔrɔp ɛTaanggbey da.

1 ɛBiturus 1:3

Te njwɛɛn dɛp ɛTaanggbey yegha ne ɛbhɛ so ɛkyɛɛ ɛDaray njwɛɛn ɛYɛso ɛKiriti gha. Ɛbhɛ kɛ san iyɔm njwɛɛn gbom, ɛ nang njwɛɛn ishwɛɛ ifas lenɛ ne iyilitsik ɛKiriti ndɔ ne ikpuu. iBol lɛ kɛ ne te njwɛɛn bok ìyɛk ne irway ne iphɛ so iken.

2 iKɔrɔntos 13:4

Gbik ɛli ne kaa gangat ɛKiriti yegha ndɔ ne kyɔkyɔt de, ne ɛ so ɛken lenɛ ne ihwet ne ndiinday ɛTaanggbey. Njwi ne ma so kyɔkyɔt ndɔ ɛKiriti gha, gbik ne iphɛ ɛlɛy, njwi ne so niken lenɛ ne ihwet ne ndiinday ɛTaanggbey te njwi mɔn ɛtomɛ gha ne njwi yaa mɔn ndɔ mon no.

1 ɛYohana 2:5

Gbik ɛnyi gha ne ɛ kɛ ne roos ibol ɛTaanggbey de, ishwim ɛTaanggbey da kɛ ne shwaak ghe hyɔrɔ ndɔ ɛbhɛ. ɛLɛy ne njwɛɛn yaa ne seng wu njwɛɛn so ndɔ ɛTaanggbey ya.

ɛYohana 17:3

iKen ne inat de ne so ɛlɛ: tɛ ninyi na seng ngɛ wu igyɛ zɔng ɛ soyɛ ɛTaanggbey ntin na gbik ne ɛYɛso ɛKiriti yegha ne ɛ kɛ tom mo.

iRooma 8:29

Ninyi na ne ɛTaanggbey ya kaa ku yɛɛ ne ile de ɛ kaa ku kasa nibhɛ tɛ nibhɛ te tɛ ɛNgɔn ɛbhɛ, te ɛNgɔn na ɛbhɛ ji teye ɛngɔn ɛkɔɔn nɛ ndɔ nigwaa ɛbhɛ na nɛ nibhɛ so gbom mo.

Nikɔn ne kɛ Phaal 1:18

Mee nzo ɛhaa iken na! Nggaa ku, ne ɛ yaang nzo ɛken ne ishay-ishay. N bok igbɔm daa ne iku gbik ne ɛlɔ ne ikpom.

iKɔlɔsi 2:13

ˆƐ kaa so ɛn nyini ikpom ɛlɔ ne ɛfɔt mon no gbik ne iyɔm ne hyɛ itee ne tul nyini ndɔ ne ishwɛɛ ne ibek ge, ɛTaanggbey ya ne yiisik nyini niken nɛ ndɔ ɛKiriti gha, ɛtsim mɛ ne ɛ kɛ hana njwɛɛn ne ɛfɔt njwɛɛn no.

iFisus 4:13

ɛLɛ wo ne yaa ne i mɔn nyɛɛn njwɛɛn kyi teye nidaan nɛ ndɔ ne ìnang ne itin da gbik ne ishweng ne seng ɛNgɔn ɛTaanggbey ya. Njwɛɛn teye ninyi nɛ nibhɛ kɛ hɔn, nibhɛ te hyɔrɔ ɛli ne ɛKiriti gha so wo.

2 iKɔrɔntos 1:10

ɛTaanggbey ya kaa phɔt njwi ɛnu ne iku ibebhe yɛdee wo. Aa ne phɔt njwii. Njwi kɛ ne sit ɛbhɛ ne irwisɛ daa ɛli ne ɛ sɛ ta phɔt njwii dɔng.

ɛYohana 10:18

Sɔng ɛnyi yaa ne phɔt iken nge de nɛ me wo nang, mee nzi naas iken de ne ishwim nge. N bok ito ne nang iphɛ, gbik ne ito ne bo iphɛ dɔng. ɛKyɛɛ nge gha ɛbhɛ kɛ yɛk me nɛ te mɔn ɛlɛ wo.”

ɛMacu 20:23

ɛYɛso gha ne yaak nibhɛ, “Ɛ sɛ sɔ ɛn ɛhyihyangas nge gha ɛtsak, daa ne ibol ne soos ne iwɔ ne irwye nge de ne iwɔ ne itsan nge wo, sɔng me nzi ne yɛk ngɛ nang. Nilɔ yɛnaa nggyɛ wo so nilɔ ninaa ne ɛKyɛɛ nge gha kɛ ku ryɔng nibhɛ nɛ.”

iRooma 8:36

Te ɛli ne kɛ haa ndɔ ne ɛwee ne ibol ɛTaanggbey yo bo: “ɛLɔ nggyɛ ne njwi yaang iku cɛcɛɛy kɛ bo njwii te ᐩigyol ntsabhak ne yaa hyɛghɛ.”

iGalatiya 6:17

Naa ne ta yaak nyini, sɔng ɛdɛ ɛnyi ne tang ta tak me iyɔm be nang, daa ɛli ne itsili de ne n bok ne ibek nge de kɛ tɔɔrek wu n some ɛkpuru ɛYɛso gha.

2 ɛBiturus 1:13

Nzi wɛɛ te iphɛ kɛ jam mɛ nzɛɛ ku i tas nyini nɛ nikɔn nɛnaa nggyɛ gbik nten de ne nzo ɛken,