iFilibi 2:8 - ɛWee ne ìTsɛm iHywas

⁸ Ndɔ ne ibek ɛten ɛsii de, ɛ kɛ laasek ito ɛbhɛ, ɛ roos ɛTaanggbey yegha nɛ. iRoos sɛ phyii bhɛ hɔn ɛbhɛ iku, iku ɛdaa ne ihon ne gangat.

iFilibi 2:8 ပူးပေါင်းရင်းမြစ်များ

ɛYohana 10:18

Sɔng ɛnyi yaa ne phɔt iken nge de nɛ me wo nang, mee nzi naas iken de ne ishwim nge. N bok ito ne nang iphɛ, gbik ne ito ne bo iphɛ dɔng. ɛKyɛɛ nge gha ɛbhɛ kɛ yɛk me nɛ te mɔn ɛlɛ wo.”

iBirani 12:2

Nɛ njwɛɛn sit irwisɛ daa ɛYɛso gha ne ɛbhɛ ɛ kɛ phaal ɛnkiinɛ ne ìnang ne itin de, ɛ ta so ɛhaa ne te ìnang ne itin njwɛɛn de te hyɔrɔ wo. Kaa lenɛ ne irway ihwala da ne ifɛ hyep ɛbhɛ wo, ne ɛ rop iku daa ne ihon ne gangat to, sɔng ne ɛ bo ncwa yɛ te mpɛ ɛkɔn nang. Ɛ kɛ ne ji bhɛ soos ne iwɔ ne irwye ɛcuruu ne igbɔm ɛTaanggbey ya.

iRooma 5:19

Ɛli ne kɛ lenɛ nɛ ɛnyi ɛdaan na ne ɛ kɛ sang roos ibol ɛTaanggbey de ninyi na gbom teye ninaa ne mɔn ɛfɔt to, ɛlɛy ne kɛ ne ma lenɛ ne ɛnyi ɛdaan ne ɛ kɛ roos ibol ɛTaanggbey de kɛ ne say ninyi na gbom wu nibhɛ so cik ɛnu ɛyisɛ ɛTaanggbey ya.

1 ɛBiturus 2:24

ɛKiriti gha ne ito ɛbhɛ, ɛ kɛ bo ɛfɔt njwɛɛn no ne ibek ɛbhɛ daa ne ihon ne gangat te njwɛɛn te te ikpom ne kɛ ɛlɔ ne ɛfɔt to, kaabi ɛlɛy njwɛɛn so niken i ihywel icik. Te ɛli ne kɛ haa i bo, “Kɛ lenɛ ne inuu de ne kaa yaak ɛKiriti yegha nɛ wo, ɛ kɛ ne tes ɛn niken.”

1 ɛBiturus 3:18

ɛLɛy ne iphɛ kaa ne so daa ɛKiriti gha. Ɛ kaa so cik ne ɛ ku ɛlɔ ninyi nɛ nibhɛ sang so cik. Ɛ kaa ku ɛlɔ ne ɛfɔt ɛdaan zɔng te ɛ phɛ nɛ nibhɛ ɛlɔ ɛTaanggbey. Kaa phoo ɛKiriti yegha ndɔ ne ibek, ne yiisik ɛbhɛ ndɔ ne ikabyik.

2 iKɔrɔntos 8:9

Ɛ yɛɛ ɛn izɛɛng ɛDaray njwɛɛn ɛYɛso ɛKiriti de. Ɛ kɛ soye ɛhaa ne iryat, ɛ kɛ ne teye ɛhala daa ne igboo mon. iHala ɛbhɛ de kɛ ne te nyini ɛ te ɛn nyini ninaa ne iryat.

ɛMacu 26:39

ɛYɛso gha kɛ shompeey gyigyɔɔ, ɛ ho ne ivel, ɛyisɛ ɛbhɛ ne so ne ivel da, ne ɛ roo ɛ yɔngɔ, “ɛKyɛɛ nge, sɛɛ yɔng ˆaa sim ˆɛ sɛɛ ne ba me ɛhyihyangas nggbang ngɛdaa wo, gbik ne iphɛ ɛlɛy, sɔng nzi ne bo wu te ɛ roos idee nge nang, idee mo ne yaa roos.”

ɛTomɛ 8:33

Kaa bɛɛs ɛbhɛ i ring ɛbhɛ ne itin nɛ. Ɛ kɛ ku tang ɛngɔn, daa ɛli ne kɛ bo iken ɛbhɛ ndɔ ɛzay yɛghaa wo.”

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.

iGalatiya 3:13

Njwɛɛn kɛ phɔrɔt ndɔ ɛkawɛy ɛShara ɛMuusaa gha daa ɛli ne ɛKiriti gha kɛ phɔt njwɛɛn ndɔ ɛkawɛy ya lenɛ ne ɛ kɛ teye ɛhaa ɛkawɛy ya ɛlɔ njwɛɛn. Daa ɛli ne kɛ haa i bo: “Gbik ɛnyi gha ne kɛ gangat ɛbhɛ daa ne ihon no, ne ɛ soye ɛhaa ɛkawɛy.”

ɛYohana 14:31

iPhɛ ne so nggbinggbing ɛzay ya seng wu nzi sim ɛKyɛɛ nge gha. iPhɛ phɛ kɛ te nzi mɔn nikɔn na gbik ne ɛ kɛ yɛk me nɛ wo.” ɛYɛso gha ne ji yɔngɔ, “Yɛɛs ɛn njwɛɛn tek ɛbɛ wo.”

ɛYohana 15:10

Wu ɛ kɛ roos ɛn ikpii nge da, aa ne shɛɛ ɛn ndɔ ne ishwim nge da, ɛli ne nggɛ roos ikpii ɛKyɛɛ nge da n da shɛɛ ndɔ ne ishwim ɛbhɛ da.

ɛMacu 26:42

ɛYɛso gha ne ta kyii, ikyii ne ifaa yɛ ɛbhɛ boote ne ɛTaanggbey ya ɛ yɔngɔ, “ɛKyɛɛ nge, wu phɛ so ngbingbing te ne roos ibol mo de.”

ɛMacu 17:2

ɛNggyɛ wo ibek ɛYɛso de ne hyereey ɛnu ɛyisɛ nibhɛ. ɛYisɛ ɛbhɛ gha te te iroy, itsura ɛbhɛ da ne te ihwala yɛ hyahyak.

ɛYohana 4:34

ɛYɛso gha ne yaak nibhɛ, “iRe nge de so; te mɔn ɛkɔn na ne ɛnyi gha ne ɛ kɛ tom me wo ɛ sim, te ne n taal ɛtomɛ gha ne ɛ kɛ nang me wo.

ɛLuka 9:29

Kɛ ne sɛ ɛYɛso gha so ndɔ ɛroo gha, ɛyisɛ ɛbhɛ ne hyereey, itsura ɛbhɛ ne te ihwala yɛ hyahyak.

iBirani 12:4

Ndɔ ne cwaasek ghe mon da ne ɛfɔt to, sɔng iphɛ kɛ ku hɔn ɛli ne ɛ kɛ lok ɛn neyi mon nang.