iFilibi 2:7 - ɛWee ne ìTsɛm iHywas

⁷ Ɛ kɛ yang kyii ne ito ɛbhɛ de te ɛkɔn ɛbuu. Ɛ kyii ne ito ɛbhɛ te ɛkpuru, ndɔ ne ibek ɛten ɛsii ne kɛ yɛk ɛbhɛ nɛ, ɛ yɛɛs te ɛten ɛsii.

iFilibi 2:7 ပူးပေါင်းရင်းမြစ်များ

2 iKɔrɔntos 8:9

Ɛ yɛɛ ɛn izɛɛng ɛDaray njwɛɛn ɛYɛso ɛKiriti de. Ɛ kɛ soye ɛhaa ne iryat, ɛ kɛ ne teye ɛhala daa ne igboo mon. iHala ɛbhɛ de kɛ ne te nyini ɛ te ɛn nyini ninaa ne iryat.

ɛMacu 20:28

ɛLɛy ne ɛNgɔn ɛNyi gha ne mang, sɔng ɛ kɛ yɛɛs tɛ ninyi na mɔn ɛbhɛ nitomɛ nang, ɛ kɛ yang yɛɛs te ɛ mɔn ninyi na nitomɛ na, ɛ phyii nang iken ɛbhɛ ɛ phɔt nɛ ninyi gbom.”

ɛYohana 1:14

iBɔrɔk ne ibol de kaa ne teye ɛTen ɛsii ɛ shɛɛ ndɔ njwɛɛn, njwɛɛn ne yaang ndiinday ɛbhɛ, ndiinday de ne iphɛ so idee ɛNgɔn ɛDaan ɛKyɛɛ. Ɛ kaa ne so hyɔrɔ ne izɛɛng gbik ne itin ne ibol.

iRooma 8:3

ɛKɔn na ne iMɛmɛ ɛMuusaa da kɛ sang yɛɛ ne mɔn nɛ daa ɛli ne ɛten ɛsii gha kɛ taasek, ɛTaanggbey ya kɛ ne mɔn. ɛTaanggbey ya kɛ phoo ihwet ne ɛfɔt to ndɔ ne ibek ɛten ɛsii de lenɛ ne ɛ kɛ tom ɛNgɔn ɛbhɛ ndɔ ne ibek ɛten ɛsii ne iphɛ so cɛcɛɛy idee ne ɛfɔt, te ɛ bunga ɛfɔt to.

iGalatiya 4:4

Kaa ne ji sɛ nten de ne ɛTaanggbey ya kɛ yɛk ngɛ wo kɛ shwaak ghe, ɛTaanggbey ya ne tom ɛNgɔn ɛbhɛ, ɛkuk yɛk ɛbhɛ. Ne ɛ ma shɛɛ ndɔ ikpii ɛShara da.

iBirani 4:15

Sɔng ɛGɔm Nibo njwɛɛn na ne so ɛnyi ne ɛ sang tas itaasek njwɛɛn da nang. Ɛ yang so ɛnyi ne kɛ ma ku tɛɛsek ɛbhɛ ndɔ nikɔn na gbik te njwɛɛn no, gbik ne iphɛ ɛlɛy sɔng ne ɛ mɔn ɛfɔt nang.

iRooma 15:3

Sɔng ɛKiriti gha kaa mɔn ɛkɔn na ne aa nang ito ɛbhɛ irway ihwala nang, ɛli ne ɛWee ne iBol ɛTaanggbey yo i bo, “iTowos ninyi da nɛ nibhɛ towos sɛ wo kɛ ho daa mee.”

iBirani 12:2

Nɛ njwɛɛn sit irwisɛ daa ɛYɛso gha ne ɛbhɛ ɛ kɛ phaal ɛnkiinɛ ne ìnang ne itin de, ɛ ta so ɛhaa ne te ìnang ne itin njwɛɛn de te hyɔrɔ wo. Kaa lenɛ ne irway ihwala da ne ifɛ hyep ɛbhɛ wo, ne ɛ rop iku daa ne ihon ne gangat to, sɔng ne ɛ bo ncwa yɛ te mpɛ ɛkɔn nang. Ɛ kɛ ne ji bhɛ soos ne iwɔ ne irwye ɛcuruu ne igbɔm ɛTaanggbey ya.

ɛLuka 22:27

Ɛhay ɛbhɛ phyin ne igbom bee? ɛNyi gha ne ɛ kɛ soos, ku i mɔn ɛbhɛ woo, hang ɛhaa gha ne ɛbhɛ tak iyɔm be? Nzo nzi bo ɛhaa ne soos sa. Mee woo ne nzo ndɔ mon te ɛhaa ne mɔn nyini.”

iRooma 15:8

Nzi tɔng nyini, ɛKiriti gha kaa ne mɔn ɛtomɛ gha ndɔ niYahodawa na te tɔɔrek wu ɛTaanggbey ya so ɛhaa ne shwaak ɛkɔn na ne ɛ kɛ ku ibol, te ne ta shwaak ɛkɔn na ne kaa sim nikyɛɛ-nikyɛɛ nibhɛ na nɛ wo.

iFilibi 2:6

Gbik ɛli ne ɛ so ɛTaanggbey ya, sɔng ɛ kɛ ne bo iTaanggbey ɛbhɛ de te ɛkɔn ne aa wum gɛgɛy nang.

ɛMacu 12:18

“ɛKpuru ngeghaa bɛ ne nggɛ kasa, nzi ne sim ɛbhɛ, nzi phok yɛnɛng ɛbhɛ. Naa sit ɛbhɛ ne ikabyik nge, aa ne tɔng ɛzay ya ibol ne iphɔrɔt de.

iBirani 13:3

Taate ɛn nɛ ninaa nɛ nibhɛ so ne ijwee ne nyang ngo te ˆɛ so ɛn ne inyang ngge nɛ nibhɛ. Ne ˆɛ ta taate ɛn nɛ ninaa nɛ nibhɛ sɔ nggbang ngga te ɛ sɔ ɛn nggbang ngga nɛ nibhɛ.

iRooma 1:3

iBol iYɛnɛng ngge kaa ne so daa ɛNgɔn ɛbhɛ, ɛhaa ne ndɔ ne ibol ne ibek ɛten ɛsii, i kɛ yɛk ɛbhɛ ndɔ ne icwaang ɛDoda.

ɛMarakus 9:12

ɛYɛso gha ne kyii nɛ ɛ yaak nibhɛ, “iPhɛ so ɛtsak ne kɛ haa ndɔ ne iWee ne ibol ɛTaanggbey yo i bo wu ɛLiya gha se tsa ɛ yɛɛs so ɛ ryɔng nikɔn na. Kɛ ne ma ta haa i bo wu ɛNgɔn ɛNyi gha sɛ ne sɔ nggbang ngga hywee-hywee, ne ta mbaray ɛbhɛ. Hang ma sang so ɛ ɛlɛy naa?

2 iKɔrɔntos 13:4

Gbik ɛli ne kaa gangat ɛKiriti yegha ndɔ ne kyɔkyɔt de, ne ɛ so ɛken lenɛ ne ihwet ne ndiinday ɛTaanggbey. Njwi ne ma so kyɔkyɔt ndɔ ɛKiriti gha, gbik ne iphɛ ɛlɛy, njwi ne so niken lenɛ ne ihwet ne ndiinday ɛTaanggbey te njwi mɔn ɛtomɛ gha ne njwi yaa mɔn ndɔ mon no.