iFilibi 2:30 - ɛWee ne ìTsɛm iHywas

³⁰ Daa ɛli ne ɛ kɛ phyii ne ku ɛlɔ ɛtomɛ ɛKiriti gha. Ɛ kɛ ne ta nang ito ɛbhɛ te ɛ phyik me ne ɛkɔn na ne hame ˆɛ kɛ yɛɛ ne phyik ɛn mɛɛn nɛ.

iFilibi 2:30 ပူးပေါင်းရင်းမြစ်များ

ɛTomɛ 20:24

Gbik ne iphɛ ɛlɛy, sɔng nggɛ ne bo iken nge ɛnu ɛkɔn nang wu naa yang yɛɛ ne taal ɛtomɛ gha ne ɛDaray ɛYɛso gha kɛ yɛk me nɛ wo, ɛtomɛ ne tɔng ninyi na ibol iyɛnɛng ne izɛɛng ɛTaanggbey de.

iRooma 16:4

Nibhɛ kɛ phɔt ɛwɛt nge. N bok irway ihwala nɛ nibhɛ, sɔng nɛ so mee zɔng n bok irway ihwala da nang ninaa ne iroos sa ne hame nibhɛ so niYahodawa na ma bok.

1 iKɔrɔntos 15:53

Daa ɛli ne iphɛ so nggbinggbing ibek ne sa yɛdee wo hyereey iphɛ teye idee ne sang sa de, ne sunu ibek ne ku yɛdee wo idee ne sang ku de.

1 iKɔrɔntos 16:10

Yaa sɛ ɛTimɔti gha kɛ tuu ɛlɔ mon na, te ne ɛ say ɛn ɛbhɛ ne irway ijwaan, daa ɛli ne ɛ ma so ɛhaa ɛtomɛ ɛTaanggbey ya te me wo ne mang.

1 iKɔrɔntos 16:17

Nggɛ bok irway ihwala ne iyɛɛs ɛTifanos sa, ne ɛFatunatus sa gbik ne ɛKayakus sa. Nibhɛ kaa mɔn nikɔn na ne sɛɛ yɔng nyinɛn ɛ kɛ mɔn ɛn.

2 iKɔrɔntos 12:15

iPhɛ ɛlɛy naa ne phoo gbik ɛkɔn na ne n bok daa mon no ne irway ihwala, naa ma yung nang ito nge. Wu nzi ne sim nyini gbom ɛlɛ wo aa ne ji sim ɛn mɛɛn ncɛt bɛ?

2 iKɔrɔntos 4:12

iPhɛ phɛ kɛ te njwi so ɛnu ne iku gha te nyinɛn no ɛ sɛ ɛn iken de.

iFilibi 2:17

ìNang ne itin mon de gbik ne ɛtomɛ mon na ndɔ ɛDaray ya so te hap itsanga ɛlɔ ɛbhɛ gha. Sɛ ne kyi yɔng yaa lok neyi nge na daa ne hap itsanga yɛdee wo, nzɛ ne phok iyɛnɛng, n da bok irway ihwala nɛ nyinɛn no gbik.

iFilibi 2:27

ɛTsak ɛBafaratus sa kaa so sha te aa ku. ɛTaanggbey ya kaa ne san iyɔm ɛbhɛ. Sɔng ne so iyɔm ɛbhɛ zɔng ne ɛTaanggbey ya kɛ sang nang, ɛ kɛ ma san iyɔm nge. Daa ɛli ne sɔng ɛTaanggbey ya kɛ sim aa hante me ne irway ishwii daa ne irway ishwii nang.

iFilibi 4:10

N bok irway ihwala ne ɛDaray ya gbom, daa ɛli ne ˆɛ kɛ kyi ta taate ɛn ne mee wo. Nzi yɛɛ ˆɛ ku tas ɛn ne mee, sɔng ˆɛ kɛ ne ku sɛ ɛn ɛnkiinɛ yɛ ne ˆaa tɔɔrek ɛn mɛɛn nang.

iFilibi 4:18

Kɛ tal me nikɔn na gbik nibhɛ ne phyin igbak. Sɔng n da sang ɛkɔn ɛlyilyɛghaa wo nang, daa ɛli ne nggɛ say nikɔn na ne ˆɛ kɛ tom ɛn ɛBafaratus segha nɛ wo. ìNang ngɛdaa wo ne bok ɛnkyinkyɔp, iphɛ so te ihap itsanga, ɛTaanggbey yaa ne say, ɛ phok iyɛnɛng ngɛ.

ɛFilimɔn 1:13

Nggɛ sim te nzɛɛ tek ɛbhɛ ɛlɔ nge ɛbɛ wo ne nzo ne nyang ngge te ɛ bo ɛlɔ mo ndɔ ɛtomɛ ne sanga iBol iYɛnɛng ngge.

Nikɔn ne kɛ Phaal 12:11

Nibhɛ kɛ re ɛwɛng nga ne ɛhaa ne banga ikun njwɛɛn na, lenɛ nɛ neyi ɛNgɔn ne ɛpharak ka, gbik ne ishɛɛda nɛ nibhɛ kɛ nang. Gbik ɛli ne kɛ tɔk te yaa phoo nibhɛ wo, nibhɛ ne jung nang iken nibhɛ, kɛ sim nibhɛ ku.