iFilibi 2:3 - ɛWee ne ìTsɛm iHywas

³ Sɔng ˆɛ mɔn ɛn ɛdɛ ɛkɔn na ndɔ ne sim ito gbik ne tɔɔk ɛn ito nang. Yang laasek ɛn ito mon de, te ɛ ɛrɔngɔ bo ito ɛbhɛ te ɛgwaa ɛbhɛ phyin ɛbhɛ.

iFilibi 2:3 ပူးပေါင်းရင်းမြစ်များ

ɛLuka 18:14

ɛYɛso gha ne ji yaak ninyi na, “Nzi tɔng nyini itin nɛ, ndɔ ninyi ifaa yɛnaa wo, ɛhaa ne saasel ijam ne ivel la kaa ne hyil le ɛ so ɛnyi ɛcik ɛnu ɛyisɛ ne ɛTaanggbey ya, sɔng ɛFarasii gha nang. Gbik ɛnyi gha ne ɛ kɛ tɔɔk ito ɛbhɛ de, yaa ne laasek ɛbhɛ, ɛhaa ne ɛ kɛ ne tɔmɔsek ito ɛbhɛ de yaa ne tɔɔk ɛbhɛ.”

iRooma 12:10

Te ɛrɔngɔ sim ɛrɔngɔ ne ihywee ne ishwim ba ne ifɛ so ivaa ninaa ne roos. Te ɛrɔngɔ nang ɛrɔngɔ ne ndiinday ɛ phyin ito ɛbhɛ.

iRooma 13:13

Te njwɛɛn hyel byirik tɛ ninyi nɛ nibhɛ so ndɔ ne iwɛwɛy. Sɔng njwɛɛn teye ninaa sim ijwira ne sɔ i re i tes ziizii wo nang, sɔng njwɛɛn ne teye ninaa ne nzangas sa nang, sɔng njwɛɛn ne phok iyɛnɛng nikɔn na nɛ nibhɛ ninaa ne iyɔm ncwa na nang, sɔng njwɛɛn teye ninaa ne ishamas sa nang, sɔng yɛk ɛnkyis sa nɛ nigwaa na nang.

iRooma 2:8

Nidɛng ne ma ji sonɛ nɛ nibhɛ ne sim ito, nibhɛ mbaray itin ne ibol nibhɛ ta i mɔn ibebhe, ɛTaanggbey ya sɛ ne tal nibhɛ ne njenjek gbik ne irway njɛt.

1 iKɔrɔntos 15:9

Mee nggɛ taasek n shɛs ndɔ ninɔn ne tom ma gbik, sɔng nggɛ ma yung hɔn ɛli ne sɛ yaak me ɛngɔn ne tom ma nang, daa ɛli ne nggɛ baasek idira ninaa ne roos ɛTaanggbey de nggbang.

1 iKɔrɔntos 3:3

daa ɛli ne ɛ tɔ shɛɛ ɛn tɛ ninyi nɛ nibhɛ roos icwas ɛten ɛsii nɛ. Wu ɛnkyis sa ne ishisim be tɔ ndɔ mon no, iphɛ kɛ ne tɔɔrek wu ɛ tɔ roos ɛn icwas ɛten ɛsii nɛ, ɛ shɛɛ ɛn ɛli ne ɛzay ya sim.

2 iKɔrɔntos 12:20

N bok ɛnik ɛlɔ ne ya sɛ nggɛ yɛɛs so sɔng na ne sɛ nyini ɛ so ɛn ɛli ne nzi sim nang, sɔng naa ne ma so nyini ɛli ne ɛ sim ɛn nang. N bok ɛnik ɛli ne naa yung i sɛ nidɛng ndɔ mon no nɛ nibhɛ bok ishamas, ne ɛnkyis, ne njenjek, ne sim ito, ne bees ivol, ne ivol mumuk, ne ito ihet, ne ihywel shwalala.

iGalatiya 5:15

Wu ɛ kɛ ne yaa lɛng ɛn nyini te inyam ɛhay de, ne ɛ wɛɛ ɛn nyini yɛnɛng, ɛlɔ ne aa bees ɛn nyini.

iGalatiya 5:26

Sɔng njwɛɛn tɔɔk ito nang, sɔng njwɛɛn sim hɔ irywen nang, sɔng njwɛɛn ta boos ɛnkyis sa nɛ nigwaa na nang.

iFisus 4:2

Shɛɛ ɛn lyaak cɛcɛɛy, te ɛ so ɛn hywɛɛ, ne ɛbɔk. Boos ɛn nigwaa ndɔ ne ishwim.

iFisus 5:21

Te ˆɛ ɛrɔngɔ nang ɛrɔngɔ ne ndiinday daa ɛli ne ˆɛ kɛ nang ɛ ɛKiriti yegha ne ndiinday de.

iFilibi 2:14

Mɔn ɛn nikɔn na gbik wɛlɛng ivol mumuk gbik ne ishamas.

iKɔlɔsi 3:12

ɛTaanggbey ya kɛ kasa nyini te ˆɛ te ɛn nyini ninyi ɛbhɛ ne kɛ tul kang, ninaa ne ɛ sim gbom. iPhɛ ɛlɛy, ne ˆɛ yɛk ɛn irway ne san iyɔm nigwaa, ˆɛ mɔn ɛn nikɔn niyɛnɛng, ˆɛ te ɛn lyaak, ˆɛ laasek ɛn ito, ˆɛ bo ɛn ɛbɔk.

iKɔlɔsi 3:8

ɛLyilyɛghaa wo, iphɛ ne so ngbingbing ɛ hosop ɛn nyini ne ihywee ne ishwɛɛ yɛdaa wo. Hosop ɛn nyini ne njenjek, ne ɛndok, ne rop ɛnyi ne irway, ne ibees irywɛɛk, gbik ne ivol ikpɛɛ ɛnu mon na.

1 ɛTimɔti 6:4

ɛ kɛ ne kat ito ihet, sɔng ɛ yɛɛ ɛkɔn nang, ɛɛ sim ishamas ne suruk ivol. iHywee ne ishwɛɛ yɛdaa wo i yɛɛs ne ɛnkyis, ne iphup, ne bees irywɛɛk, ne irip ivebhe,

1 ɛBiturus 3:8

ɛTsim mɛ gbik, te icwas mon da teye ijwaan nɛ. Ɛɛ san ɛn iyɔm nigwaa, ɛɛ sim ɛn nigwaa, ɛ ta i phyighis ɛn nigwaa wɛlɛng itɔɔsek ito.

1 ɛBiturus 5:5

ɛLɛy ne nyinɛn ninɔn niphas sa, roos ɛn ibol ninu ne ikɔɔn de. Gbik mon no, te ɛrɔngɔ laasek ito ɛbhɛ ɛnu ɛyisɛ ɛgwaa ɛbhɛ daa ɛli ne kɛ haa ndɔ ne ɛWee ne iBol ɛTaanggbey yo i bo, “ɛTaanggbey ya mbaray ninyi na nibhɛ tɔɔsek ito de, ne ɛ ji mɔn ninaa nɛ nibhɛ kɛ laasek ito de iyɛnɛng.”