iFilibi 2:29 - ɛWee ne ìTsɛm iHywas

²⁹ Say ɛn ɛbhɛ ne irway ihwala te ɛgwaa ndɔ ɛDaray ya. Nang ɛn ihywee ninyi yɛdee nggyɛ wo ne ndiinday ɛli ne iphɛ kɛ jam mɛ.

iFilibi 2:29 ပူးပေါင်းရင်းမြစ်များ

1 ɛTimɔti 5:17

Te nang nihelem ma nɛ nibhɛ so nindiinday ya, nɛ nibhɛ hyel ne ɛtomɛ nibhɛ gha yɛnɛng ngo ne ndiinday kancɛng ne ɛtomɛ nibhɛ gha, yang ji so ninaa nɛ nibhɛ sanga bol iyɛnɛng ngge, nibhɛ ta mɛmɛ ninyi na nɛ wo.

1 iTasɔlɔnika 5:12

Nigwaa en, njwii roro nɛ nyinɛn, nang ɛn ninaa ne tak iyɔm ne ɛtomɛ gha ndɔ mon ne ndiinday. Kaabi nindiinday mon na ndɔ ɛDaray ya, nɛ nibhɛ kpɛng nyini wo.

1 iKɔrɔntos 16:18

Nibhɛ kɛ nang me irway ihwala gbik ne nyinɛn no, ihywee ninyi yɛdee nggyɛ wo, iphɛ jam mɛ sɛɛ nang nibhɛ ne ndiinday.

iRooma 16:2

Say ɛn ɛbhɛ ndɔ ne irywɛɛk ɛDaray yo ɛli ne iphɛ kɛ jam mɛ i say ninyi ɛTaanggbey ya, te ne ɛ phyik ɛn ɛbhɛ ne ɛkɔn na ne ɛ sim ɛlɔ mon na gbik, daa ɛli ne ɛbhɛ wo ne ito ɛbhɛ ɛ kɛ ma phyighis ninyi na gbom gbik ne mee.

2 iKɔrɔntos 10:18

Sɔng ɛnyi gha ne ɛ ton ito ɛbhɛ de ɛbhɛ ne ɛTaanggbey i say nang, yang so ɛnyi gha ne ɛTaanggbey ya ton ɛbhɛ.

1 iKɔrɔntos 16:10

Yaa sɛ ɛTimɔti gha kɛ tuu ɛlɔ mon na, te ne ɛ say ɛn ɛbhɛ ne irway ijwaan, daa ɛli ne ɛ ma so ɛhaa ɛtomɛ ɛTaanggbey ya te me wo ne mang.

3 ɛYohana 1:10

iPhɛ ɛlɛy, sɛ ne sɛ nggɛ yɛɛs, nzɛ ne phaal ɛbhɛ wɛsɛrɛk daa nikɔn na ne ɛ mɔn no. iVol ivebhe da ne ɛ kɛ bol daa ne ito mos de gbik ne irywɛɛk ga ne ɛ tɔng ngo! ɛKɔn ne ɛ so kpɛɛ ɛ shɛs so iphɛ so ɛ mbaray tang say nigwaa ninaa ne roos sa ne i sɛ nibhɛ kɛ yɛɛs ɛlɔ ɛbhɛ, ɛ ta i ring ninaa nɛ nibhɛ i sim tɛ nibhɛ yaa say nigwaa na, ɛ tuul ninaa nɛ nibhɛ sim tɛ nibhɛ yaa say nigwaa na ndɔ ne idira ninaa ne roos de.

iBirani 13:17

Roos ɛn ibol nindiinday mon de, te ˆɛ mɔn ɛn ɛkɔn na nibhɛ bok nyini tɛ mɔn ɛn, daa ɛli nɛ nibhɛ bhɛ wɛɛ ishwɛɛ mon, nibhɛ sɛ ne bhɛ mɔng ɛTaanggbey ye ɛtomɛ gha nɛ nibhɛ kɛ mɔn. Wu ˆɛ kɛ roos ɛn ibol nibhɛ de, nibhɛ yaa ne mɔn ɛtomɛ gha ne irway ihwala, sɔng ne irway ishwii nang, daa ɛli ne sɔng ɛtomɛ ne irway ishwii gha yaa phyik nyini nang.

iKɔlɔsi 4:10

ɛRisitakus ne njwi so ne nyang ge ɛbɛ wo ne ɛbhɛ i kyisi nyini. ɛLɛy ne ɛMarakus nɛ nibhɛ bok ɛgaay ɛdaan nɛ ne ɛBanabas ne mang. ɛMarakus sa ne nggɛ ku mɔng nyini ibol ɛbhɛ de, yaa ne sɛ ɛ kɛ yɛɛs so, te ne ˆɛ say ɛn ɛbhɛ ne ibɔ iphaa.

2 iKɔrɔntos 7:2

Phaal ɛn njwii irway mon da. Sɔng njwi kɛ mɔn ɛnyi ɛkɔn ɛkpɛɛ nang, sɔng njwi kɛ ne phɔt ɛkɔn ɛnyi nang, sɔng njwi kɛ ne luk ɛnyi njwi say ɛkɔn ɛbhɛ nang.

iRooma 10:15

Yaa ne ta mɔn ɛli ninaa ne sanga ibol la bhɛ sanga ibol de wu kɛ sang tom nibhɛ woo? Te ɛli ne kɛ haa ndɔ ne ɛWee ne iBol ɛTaanggbey yo i bo, “iYɛɛs ninaa ne sanga ibol iyɛnɛng ngge kɛ jam gbom!”

ɛTomɛ 28:10

Nibhɛ ne naas njwii nikɔn na ihywee-ihywee. Ne sɛ njwi aa bo nikɔn njwi lel ɛgyirigyi inɛn na, nibhɛ ne tumɛ njwii nikɔn na gbik ne njwi sim.

ɛTomɛ 8:8

iPhɛ ɛlɛy, ɛgarang nga ne yɛk irway ihwala gbom.

ɛTomɛ 2:46

iZenge ne ihwɛlɛ, nibhɛ ne i tumɛ ɛn ndɔ ɛsaa ne iDeng nga, nibhɛ ne i roos idee-idee nibhɛ re en ire ndɔ ne izinɛ ne ishwɛ ne irway ilyaak.

ɛYohana 13:20

Nzi tɔng nyini itin nɛ, gbik ɛnyi gha ne ɛ kɛ say ɛnyi gha ne nggɛ tom me mo, mee ne ɛ kɛ ne say; ɛnyi gha ne ɛ kɛ ne say me wo nang, ɛ kɛ ne say ɛhaa ne ɛ kɛ tom me.”

ɛLuka 9:5

ɛGarang nga ne nɛ ninyi yɛ kɛ bhɛ mbaray tang say nyini nɛ, ne ɛ te ɛn ɛbung ne ita mon kokok, te ˆɛ nɛ wuru ɛn ne ɛgarang ngɛ, ɛbung ngɛghaa nggyɛ wo bhɛ sɛ ne wum nibhɛ.”

iFilibi 2:28

iPhɛ ɛlɛy ne nggɛ ne ku yɛk ne iyɔk kɛnaa tom nyini ne ɛbhɛ. Ya sɛ ˆɛ kɛ yaang ɛn ɛbhɛ wo dɔng, ˆaa ne yɛk ɛn irway ihwala. Mee wo ne ma n ji sɛ iphyonka.