iFilibi 2:21 - ɛWee ne ìTsɛm iHywas

²¹ ɛByin ninyi na ku tas nikɔn nɛ nibhɛ yaa phyik nibhɛ zɔng, sɔng ninaa nɛ nibhɛ soye ninaa ɛYɛso ɛKiriti nang.

iFilibi 2:21 ပူးပေါင်းရင်းမြစ်များ

1 iKɔrɔntos 10:24

Sɔng ɛ wɛɛ ito mo de zɔng ngo nang, ma wɛɛ ɛkɔn na ne aa phyik ɛgwaa mo ne mang.

ɛMacu 16:24

ɛYɛso gha ne ji yaak ninɔn ne icwam ɛbhɛ na, “Gbik ɛnyi gha ne ɛ sim aa roos me wo, te ne ɛ mbaray ito ɛbhɛ, ɛ tɔɔk ihon ne gangat ɛbhɛ ɛ kungus me nɛ.

iFilibi 2:4

Sɔng ɛ wɛɛ ɛn ito mon de zɔng ngo nang, ma wɛɛ ɛn nidɛng ne mang.

2 ɛTimɔti 3:2

Ninyi na sɛ teye ninaa ne sim ito nibhɛ. Nɛ ninaa ne sim ijam. Nɛ ninaa ne ton ito nibhɛ. Nɛ ninaa ne tɔɔsek ito, nɛ ninaa ne towos ninyi. Nɛ ninaa ne bɛɛs nikyɛɛ. Nɛ ninaa ne sang tɔɔl irway ihwala daa ɛkɔn ne kɛ nang nibhɛ. Nɛ ninaa ne hame nibhɛ kɛ tul en kang.

1 iKɔrɔntos 10:33

Mɔn ɛn ɛli ne nzi mɔn no. Nzi kyangas me nɛ ndɔ nikɔn na ne nzi mɔn gbik tɛ ninyi na phok iyɛnɛng. Sɔng nzi mɔn ito nge nɛ zɔng nang, nzi mɔn te iphɛ phyik ninyi gbom, tɛ nibhɛ sɛ iphɔrɔt.

1 iKɔrɔntos 13:5

sɔng ifɛ bok tɔɔk ito nang, sɔng ifɛ sobho irway nang, sɔng ifɛ bok sim ito nang, sɔng ifɛ bok icɔk irway nang, sɔng ifɛ boos ivol icwɛl nang.

ɛLuka 14:26

“Gbik ɛnyi gha ne ɛ sim te aa roos me wo nang, te ne ɛ sim me ɛ phyin ɛkyɛɛ ɛbhɛ, ne ɛgyinɛ ɛbhɛ, ne ɛkuk ɛbhɛ, nɛ ninɔn ɛbhɛ, nɛ nigwaa ɛbhɛ, gbik ne ito ɛbhɛ. Wu ɛ kɛ ne sang mɔn ɛlɛy wo, sɔng ɛ kɛ ne hɔn aa teye ɛngɔn ne icwam nge gha nang.

2 ɛTimɔti 4:10

Mɔn ɛlɛ wo daa ɛli ne ɛDimas sa kɛ yɛk irisɛ nikɔn ɛzay yɛdee wo, ɛ kɛ tek me ɛ yeghe ne iTasɔlɔnika, ɛKirisɛn ne yeghe ne iGalatiya, ɛTitus ne ma yeghe ne iDamatiya.

2 iKɔrɔntos 1:5

ɛLi ne njwɛɛn i sɔ nggbang ga ɛli ne ɛKiriti gha ne ito ɛbhɛ de kɛ sɔ wo, ɛlɛy ne yaa ne ma ta lenɛ ne ɛDaray ya njwɛɛn sɛ iwɔrɔp ɛTaanggbey da.

2 ɛTimɔti 4:16

Kaa sɛ ɛli ne naa bol ivol ne phɔt ito nge de ndɔ ne icwam ɛshara ɛyisɛ nge gha, wɛlɛng ɛnyi ne ɛ kaa ne roos ɛduu nge, ɛrɔngɔ kaa tel ɛ tek me. Sɔng nzi ne bo te ɛTaanggbey rop nibhɛ nɛ daa ne ibol lɛdee wo nang.

ɛTomɛ 15:38

Sɔng ɛBulus sa ne yaang iphɛ kɛ jam ɛlɛy nang, daa ɛli ne ɛMarakus sa kaa bhɛ tek nibhɛ ne iPamifiliya ɛ kɔɔng nge tang tɔ roos nibhɛ ndɔ ɛtomɛ gha.

ɛTomɛ 13:13

ɛBulus sa nɛ nyini ɛbhɛ na ne tek iPafos de, nibhɛ berey ndɔ ne ikparak, nibhɛ phɛ ne iFaga ne ivel ne iPamifiliya. ɛNggyɛ wo ne ɛYohana gha ne i bok ɛbhɛ ɛMarakus sa kaa bhɛ tek nibhɛ nɛ, ɛ kyii ɛ phɛ ne iYɛrushɛlɛm be.

2 ɛTimɔti 1:15

ˆƐ yɛɛ ɛli ne gbik ninaa ne ivel ne iSiya na kɛ hyere me ɛtsim ma, ndɔ nibhɛ wo, ɛFijelus gbik ne ɛHamɛjɛnɛs sonɛ.