iFilibi 2:14 - ɛWee ne ìTsɛm iHywas

¹⁴ Mɔn ɛn nikɔn na gbik wɛlɛng ivol mumuk gbik ne ishamas.

iFilibi 2:14 ပူးပေါင်းရင်းမြစ်များ

1 ɛBiturus 4:9

Say ɛn nigwaa mon na ndɔ ne idee mon, wɛlɛng ivol mumuk.

1 iKɔrɔntos 10:10

Sɔng njwɛɛn bol ivol mumuk ga ɛli nɛ nidɛng ndɔ nibhɛ wo kaa mɔn no, ɛMalɛka ne Phobho gha phobho nibhɛ wo nang.

iFilibi 2:3

Sɔng ˆɛ mɔn ɛn ɛdɛ ɛkɔn na ndɔ ne sim ito gbik ne tɔɔk ɛn ito nang. Yang laasek ɛn ito mon de, te ɛ ɛrɔngɔ bo ito ɛbhɛ te ɛgwaa ɛbhɛ phyin ɛbhɛ.

ɛYakub 5:9

Nigwaa en, tek ɛn ivol mumuk ga ne ɛrɔngɔ i bol daa ɛrɔngɔ gha, daa ɛli ne sɛ yung hyɛ nyini ɛshara. iPhɛ dee ɛhaa ne hyɛ ɛshara gha yek cɛcɛk ne yɛɛs, ɛ ma yung so ɛnu ne izuk.

iRooma 12:18

Mɔn ɛn ɛkɔn na ne aa yɛɛ ne mɔn ɛn te ɛ shɛɛ ɛn ncaang nɛ ninyi na gbik.

1 iTasɔlɔnika 5:15

Wɛɛ ɛn yɛnɛng, sɔng ɛnyi tal ibebhe ne ibebhe nang. Yang yɛk ɛn irway ne mɔn nikɔn niyɛnɛng ndɔ mon no nɛ ɛbyin ninyi na cɛcɛɛy.

ɛYakub 1:20

Daa ɛli ne sɔng njenjek ɛnyi de i te ɛbhɛ ɛ mɔn ɛkɔn ɛcik ka ne ɛTaanggbey ya i sim mo nang.

iGalatiya 5:26

Sɔng njwɛɛn tɔɔk ito nang, sɔng njwɛɛn sim hɔ irywen nang, sɔng njwɛɛn ta boos ɛnkyis sa nɛ nigwaa na nang.

iGalatiya 5:15

Wu ɛ kɛ ne yaa lɛng ɛn nyini te inyam ɛhay de, ne ɛ wɛɛ ɛn nyini yɛnɛng, ɛlɔ ne aa bees ɛn nyini.

ɛYakub 3:14

Wu ˆɛ boos ɛn ɛnkyis sa ne sim ito de ndɔ ne irway mon da, sɔng ne ˆɛ hal ɛn ɛggyɛy wu ˆɛ so ɛn ninyi ne ntsɛntsɛng nang. Wu ˆɛ kɛ mɔn ɛlɛ wo, ˆɛ kɛ ne hyere ɛn itin de iphɛ kɛ teye irywɛɛk.

iRooma 14:1

Say ɛn ɛnyi gha ne ìnang ne itin ɛbhɛ da so kyɔkyɔt to, sɔng ne ɛ re ɛn ɛbhɛ ne ishamas wu icwas ɛbhɛ labhe ne ivaa mon nang.

ɛYahuza 1:16

Ninyi yɛnaa nggyɛ wo i bol ivol mumuk, nibhɛ tɔk iben nidɛng. Nibhɛ roos ihyop igywebhe nibhɛ nɛ. Nibhɛ hal ɛgyɛy ne itso nibhɛ, nibhɛ bok ilem ibel tɛ nibhɛ sɛ ito nibhɛ ɛkɔn.

1 ɛBiturus 3:11

Te ɛ hyereey ɛ tek ibebhe ɛ tɔk iyɛnɛng. Te ɛ tɔk irway ne laal ne irway ɛbhɛ gbik.

iBirani 12:14

Mɔn ɛn gbik ɛkɔn na ne ˆaa yɛɛ ne mɔn ɛn te ˆɛ shɛɛ ɛn ncaang nɛ ninyi na gbik. iPhɛ ɛlɛy, tul ɛn nyini kang, daa ɛli ne sɔng ɛnyi sɛ yɛɛ ne yaang ɛDaray yegha wu ɛ kɛ sang tul le kang ngo nang.

iRooma 16:17

Nigwaa ɛn, nzi bok nyini te ɛ wɛɛ ɛn nyini yɛnɛng ɛlɔ ninyi na nɛ nibhɛ te nyini ɛ hosop ɛn nyini wo, nibhɛ yɛɛset ne imɛmɛ ifas ne ifɛ soye nikɔn kyibhɛ nɛ nibhɛ labhe nɛ nikɔn na ne kɛ ku mɛmɛ nyini nɛ wo. Shɛɛ ɛn kyakyak nɛ nibhɛ!

ɛTomɛ 15:2

Sɔng ishamas ncɛt ne ɛBulus sa gbik ne ɛBanabas sa kaa ne re nɛ ninyi yɛnaa nggyɛ wo daa ne ibol lɛdee wo nang. iPhɛ ɛlɛy, ninaa ne roos sa ne karase ɛBulus segha ne ɛBanabas sa gbik nɛ nidɛng ninyi na nibhɛ tom nibhɛ ne iYɛrushɛlɛm be tɛ nibhɛ bhɛ sɛ ninɔn ne tom ma nɛ ninu ne ikɔɔn na nibhɛ phom nibhɛ ibol lɛ.

ɛTomɛ 6:1

Ndɔ nituk kɛnaa nggyɛ wo nɛ ninaa ne roos sa kɛ hantey yɛ nibhɛ te gbom mo, niYahodawa na nɛ nibhɛ ibol ilem ne iGirik ge ne yaa bol daa ne ito niYahodawa de nɛ nibhɛ bol ilem ne iRamik ge, nibhɛ bo wu hang i wɛɛ nikusang nibhɛ daa nikɔn na ne i hosop izenge ne ihwɛlɛ wo.

1 iTasɔlɔnika 5:13

Nang ɛn nibhɛ ne ndiinday gbom te ˆɛ sim ɛn nibhɛ ɛlɔ ɛtomɛ yɛghaa nggyɛ wo nɛ nibhɛ i mɔn no. Shɛɛ ɛn ncaang ndɔ mon no.

2 iKɔrɔntos 12:20

N bok ɛnik ɛlɔ ne ya sɛ nggɛ yɛɛs so sɔng na ne sɛ nyini ɛ so ɛn ɛli ne nzi sim nang, sɔng naa ne ma so nyini ɛli ne ɛ sim ɛn nang. N bok ɛnik ɛli ne naa yung i sɛ nidɛng ndɔ mon no nɛ nibhɛ bok ishamas, ne ɛnkyis, ne njenjek, ne sim ito, ne bees ivol, ne ivol mumuk, ne ito ihet, ne ihywel shwalala.

ɛTomɛ 15:39

iShamas ne lel ndɔ nibhɛ gbom daa ne ibol lɛdee, nibhɛ ne hobhoset. ɛBanabas sa ne bo ɛMarakus segha nibhɛ lel ne ikparak nibhɛ phɛ ne iKuburus.

ɛTomɛ 15:7

Ne sɛ kɛ bo nten gbom i sini ne ivol da, ɛBiturus sa ne yilitsik ne ɛ yaak nibhɛ, “Nigwaa en, ɛ yɛɛ ɛn ɛli ne ɛTaanggbey ya kaa ku kasa me ndɔ mon ne ile, te n te me ɛhaa ne tɔng ninyi na nɛ ne hame nibhɛ so niYahodawa na ibol iyɛnɛng ngge, tɛ nibhɛ nang ne itin nɛ.”

ɛMarakus 14:5

Sɛ yɔng kɛ rɛp mpɛ, ijam mɛ sɛ ne hɔn idinari ikpɔl icwat, (iJam mɛ sɛ ne phyin ijam ne sɛ tal ɛhaa ɛtomɛ nɛ ndɔ ne ishay idaan). Sɛ ne bo ijam mɛ i hosop nihala ninyi.” Nibhɛ ne sit ɛkuk ka ne ɛbung.

ɛMacu 20:11

Ne sɛ nibhɛ kɛ say ihywɛ, nibhɛ ne yaa wunga ne ɛnyi ne ihwap ba.

ɛMarakus 9:14

Kɛ ne sɛ niYɛso yena kɛ kyii nibhɛ phɛɛs ne tuu ɛlɔ gha ne ɛbyin ninɔn ne icwam ɛbhɛ na sonɛ wo nang, nibhɛ ne yaang idira ninyi de kɛ cwaal ninɔn ne icwam ɛbhɛ na gbom; nidɛng Ninaa ne kpɛl ɛShara na jung dad ishamas nɛ nibhɛ.

ɛLuka 5:30

Nidɛng ndɔ niFarisawa na, nɛ nidɛng ndɔ Ninaa ne Kpɛl ɛShara gha ne ɛnu nibhɛ so ɛdaan nɛ, ne yaa bol nɛ ninɔn ne icwam ɛYɛso na ivol mumuk nibhɛ bo, “iKyee iphɛ kɛ te ɛ re ɛn, ɛ sɔ ɛn nɛ ninaa ne saasel ijam ne ivel la, gbik nɛ ninaa ne ɛfɔt taa?”