iFilibi 2:12 - ɛWee ne ìTsɛm iHywas

¹² iPhɛ ɛlɛy, nyinɛn no ne nzi sim mo, ɛli ne ɛ ku roos ɛn ibol nge de ne i sɛ nzo nɛ nyinɛn no, nzi ne roro nɛ nyinɛn ɛlyilyɛghaa wo ne n sang sonɛ nɛ nyinɛn no, hante ɛn ne roos sɛ. Mɔn ɛn ɛtomɛ ne irway mon gbik ɛli ne iphɔrɔt mon da yaa tɔɔl le kpas. Mɔn ɛn ndɔ ne kparat ne ɛnik ɛTaanggbey.

iFilibi 2:12 ပူးပေါင်းရင်းမြစ်များ

1 iKɔrɔntos 15:58

iPhɛ ɛlɛy nigwaa nge ne nzi sim, kyinak ɛn ne ihwet, sɔng ɛkɔn sungki nyini nang. See ɛn ito cɛcɛɛy ndɔ ɛtomɛ ɛDaray ya, daa ɛli ne ɛ yɛɛ ɛn sɔng ɛdɛ ɛkɔn na ne ɛ kɛ mɔn ɛn ɛDaray yegha nɛ wo sɛ te buu nang.

iBirani 4:11

iPhɛ ɛlɛy, te njwɛɛn kyangkey yɛ gbom te bhɛ lel ndɔ ne ìfɔng ngɛdaa nggyɛ wo. Sɔng ɛdɛ ɛnyi shɛɛ tang bhɛ lel daa ɛli ne ɛ kɛ roos ngkɔɔl ninaa ne mbaray ibol ɛTaanggbey de nang.

1 ɛBiturus 2:11

Nigwaa nge ne nzi sim, nzi bok nyini, daa ɛli ɛ so ɛn ninaa ne ikpoo na ndɔ ɛzay ya, ne ɛ hosop ɛn nyini ne roos ihyop ne ibek ge ne iphɛ so ɛfɔt to. iHyop pɛdee nggyɛ wo i ta itsom ne irway mon da.

ɛMacu 11:29

Nang ito mon ndɔ ne ikpii nge da tɛ nɛ mɛmɛ ɛn nɛ ne mee. Nzo lyaak, ne n da so hywɛɛ, aa ne sɛ ɛn ifɔng ndɔ ne irway mon.

iFilibi 1:27

Gbik ɛkɔn na ne ɛ kɛ te, shɛɛ ɛn ishwɛɛ da ne ifɛ kancɛng ne ibol iyɛnɛng ɛKiriti de. Shɛɛ ɛn ɛlɛ wo, te yaa sɛ nggɛ yɛɛs ne yaang nyini, hang nggɛ ma sang yɛɛs yɔɔ, te ne n phok wu ˆɛ kɛ kyinak ɛn ne ihwet ndɔ ne ikabyik idaan, ˆɛ kɛ byinki ɛn ito mon ˆɛ tabha ɛn ilong ndɔ ɛtomɛ ne ibol iyɛnɛng ngge te ɛnyi ɛdaan lenɛ ne ìnang ne itin mon da ne bol iyɛnɛng ngge.

2 ɛBiturus 3:18

Yang raras ɛn ndɔ ne izɛɛng gbik ne ishweng ɛDaray njwɛɛn ɛYɛso ɛKiriti, ɛhaa ne phɔt njwɛɛn. Te ne nang ɛbhɛ ne ndiinday ne inat! Ɛɛy.

iBirani 5:9

ɛLɛ wo ne ɛYɛso gha kaa ne taal nikɔn ne ɛ kɛ yɛɛs ne mɔn no, ɛ ji teye itin ne iphɔrɔt ne inat ɛlɔ ninaa ne roos ibol ɛTaanggbey de.

2 ɛTimɔti 2:10

iPhɛ ɛlɛy, nggɛ ne tɔɔk nggbang nikɔn da gbik, ɛlɔ ninaa ne kɛ kasa nibhɛ wo, tɛ nibhɛ sɛ iphɔrɔt da ne ifɛ so ndɔ ɛYɛso ɛKiriti gha, nibhɛ ne ta sɛ ndiinday ne inat de.

iBirani 4:1

ɛTaanggbey ya kɛ nang njwɛɛn ibol ne iphɔrɔt de ne ɛ kɛ ku sim-mɛ wo, iphɛ ɛlɛy nɛ njwɛɛn ne wɛɛ ɛn hywɛɛ ɛlɔ ne ɛdɛ mon sɛ yung bhɛ wɔs.

iBirani 12:1

iHywee nishɛɛda yɛdee wo so gbom nɛ nibhɛ kɛ te njwɛɛn gyɔɔ. Daa ɛli ne ihywee nishɛɛda yɛdee wo ne sonɛ ɛlɛ wo, ninaa nɛ nibhɛ kɛ tɔɔrek njwɛɛn ɛli ìnang ne itin da so wo, nɛ njwɛɛn hana gbik ɛkɔn na ne ɛ ring njwɛɛn ne ihywel da. Te njwɛɛn ta hana ɛfɔt to ne ɛbhɛ kɛ wum njwɛɛn no, te njwɛɛn rop irway i tel nggbiy yɛdaa wo ne mpɛ so ɛyisɛ njwɛɛn na.

iFilibi 4:1

iPhɛ ɛlɛy, nyinɛn nigwaa nge ne nzi sim, ˆɛ so ɛn ne irway nge, nzi has irway ne yaang nyini, ɛ so ɛn irway ihwala nge gbik ne ɛkɔn ne ito ne igbɔm nge daa ɛtomɛ nge. Nzi roro ne nyinɛn, kyinak ɛn ne ihwet ndɔ ɛDaray ya, nyinɛn no ne nzi sim mo.

iRooma 2:7

Nidɛng ne sonɛ nɛ nibhɛ kɛ see ito nibhɛ mɔn iyɛnɛng cɛcɛɛy, nibhɛ tɔk ndiinday ne igbom gbik ne iken ne iphɛ sang taal le. Nibhɛ ne ɛTaanggbey ya sɛ ne nang nibhɛ iken ne inat.

1 iTasɔlɔnika 1:3

Njwii tas ne nyinɛn ɛnu ɛyisɛ ɛTaanggbey ya ne ɛ so ɛTaa gha. Njwii tas ne ɛtomɛ gha ne ìnang ne itin mon da i tɔɔsel lo, ne ɛtomɛ gha ne ɛ mɔn ɛn lenɛ ne ishwim mon da, gbik ne rop iku mon de ne ɛ bok ɛn lenɛ ne sit ne irwisɛ da daa ɛDaray njwɛɛn ɛYɛso ɛKiriti gha.

iFilibi 1:29

Daa ɛli ne sɔng kɛ nang nyini izɛɛng ngge te ˆɛ nang ɛn ne itin nɛ ne ɛKiriti gha zɔng nang, kɛ nang nyini te ˆɛ ma sɔ ɛn nggbang ngga ɛlɔ ɛbhɛ gha ne mang.

2 iKɔrɔntos 7:15

iShwim ba ne ɛTitus sa i sim nyini wo i hanas se nɛ gbom, i sɛ ɛ kɛ taate ɛli ne ɛ kaa sim ɛ roos ɛn ibol ɛbhɛ de, ɛli ne ɛ kaa say ɛn ɛbhɛ ndɔ ndiinday de ne ɛnik ko.

1 iKɔrɔntos 2:3

Nggaa tsa n yɛɛs ɛlɔ mon na kyɔkyɔt, nzi kparat daa ɛli nggaa bok ɛnik.

iFisus 6:5

Nyinɛn nikpuru wo, roos ɛn ibol nikyɛɛ ne ijwee mon ɛzay yɛghaa wo. Nang ɛn nibhɛ ne ndiinday te ˆɛ phok ɛn ɛnik nibhɛ ndɔ nikɔn na gbik ne irway ijwaan ɛli ne ɛ roos ɛn ɛKiriti yegha.

ɛMacu 11:12

Kaa ne ku nten ɛYohana ne Yaak ne iBatisima de i phyii hɔn izenge wo, igbɔm ɛTaanggbey da i ne sɔ nggbang, ninaa ne baasek nggbang ngga nibhɛ bhɛ tɔk tɛ nibhɛ sɛɛ phɔt igbɔm ɛTaanggbey da ne ihwet.

iFilibi 1:5

Nzi bok irway ihwala da daa ɛli ne ɛ kɛ byinki ɛn ito ne mee ndɔ ne sanga iBol iYɛnɛng ngge ne ile ɛtuk ne tsa yɛ phyii hɔn izenge wo.

ɛTomɛ 9:6

Yilitsik te ɛ phɛ ndɔ ɛgarang ne iDimaskus de, yaa ne bhɛ tɔng ngɛ ɛkɔn na ne iphɛ so nggbinggbing ɛ mɔn.’ ”

iFilibi 2:19

Wu ɛDaray ɛYɛso gha kɛ sim, nggɛ yɛk ne irway nzi tas te nzɛ tom ɛTimɔti ye ɛlɔ mon na ndɔ ne nituk kɛnaa wo, te ibol mon de hante ne te me itsɔngɔl gɛgɛy.

1 iKɔrɔntos 4:14

Sɔng nggɛ haa nyini nɛ te n bak nyini ncwa nang, nzi yang kpɛng nyini daa ɛli ne ɛ so ɛn nyini ninɔn nge ninaa ne nzi sim.

iFilibi 4:15

Nyinɛn ninyi ne iFilibi na, ˆɛ yɛɛ ɛn ɛli ne nggaa tsa ɛtomɛ ne sanga iBol iYɛnɛng ngge nten de ne nggaa tek ivel ne iMakyidɔniya da, sɔng idɛ idira ninaa ne roos de kaa phyik me kang ne nyinɛn no nang.

ɛTomɛ 16:29

Ɛhaa ne hyep ijwee ne nyang nga ne yɔng te yɛɛs ne igboo. Ne ɛ lel ndɔ ne izuk ko, ɛ kparat ɛbhɛ ho ɛBulus segha ne ɛSila gha ne ita.

iFilibi 1:6

Nzi ne yɛɛ ncɛncɛng ɛhaa ne ɛ kɛ tsa ɛtomɛ ɛyɛnɛng ngɛ gha wo ndɔ mon no, aa ne re ɛnu ɛyisɛ ɛ taal ɛtuk ka ne ɛYɛso ɛKiriti gha sɛ bhɛ kyii wo.