iFilibi 2:11 - ɛWee ne ìTsɛm iHywas

¹¹ Tɛ ilwem ba gbik nang ishɛɛda wu, ɛYɛso ɛKiriti gha ɛbhɛ ɛ soye ɛDaray ya. Te ne nang ɛTaanggbey ye ne ɛ soye ɛTaa ne ndiinday.

iFilibi 2:11 ပူးပေါင်းရင်းမြစ်များ

1 ɛYohana 4:15

Gbik ɛnyi gha ne ɛ kɛ boote ne ɛnu ɛbhɛ ɛ yɔngɔ wu ɛYɛso gha soye ɛNgɔn ɛTaanggbey ya, ɛTaanggbey ya i ne shɛɛ ndɔ ɛbhɛ ɛ ma i shɛɛ ndɔ ɛTaanggbey ya.

iRooma 14:11

ɛWee ne bol ɛTaanggbey yo bo: “Ɛtsak, mee nzo ɛDaray ne iken na nzi ne bo, irum ninyi da gbik sɛ ne i te ne irwa-nggburuk ɛnu ɛyisɛ nge, ɛrɔngɔ sɛ ne boote ne ɛnu ɛbhɛ, wu mee n so ɛTaanggbey ya.”

ɛYohana 13:13

Ɛ yeres ɛn mɛɛn ɛKyɛɛ ne icwam, ne ɛDaray, iphɛ ne so kancɛng ɛlɛ wo, daa ɛli ne ɛlɛy ne nzo.

1 ɛYohana 4:2

ɛLɛ ne ˆaa seng ɛn ɛnyi gha ne ɛ bok iKabyik ɛTaanggbey de: gbik ɛnyi gha ne ɛ kɛ nang ishɛɛda wu ɛYɛso ɛKiriti gha kɛ yɛɛs ndɔ ne ibek ɛten ɛsii, ɛnyi yɛghaa nggyɛ wo ne bok ikabyik ne iphɛ le ɛlɔ ɛTaanggbey.

iRooma 14:9

Daa ɛli ne ɛKiriti gha kɛ ku, ɛ ta yilitsik ne iken de te ɛ teye ɛDaray ninaa nɛ nibhɛ so niken nɛ ninaa nibhɛ kɛ kus.

1 iKɔrɔntos 12:3

iPhɛ ɛlɛy, nzi ne sim te ɛ sɛ seng ɛn, sɔng ɛnyi gha ne iKabyik ɛTaanggbey de so ndɔ ɛbhɛ wo sɛ kyii ta yɔngɔ, “ɛYɛso, te ɛkawɛy roos sɛ,” nang! Sɔng ɛnyi sɛ yɛɛ ne yɔngɔ, “ɛYɛso gha ɛbhɛ ɛ so ɛDaray ya,” tang iKabyik ɛTaanggbey de iphɛ hyel ne ɛbhɛ nang.

ɛYohana 14:13

Naa ne mɔn nyini nikɔn na gbik ne ɛ kɛ phom ɛn, daa ɛli ne ɛ so ɛn ninaa nge, te ne lenɛ ne ɛNgɔn na, ito-ndiinday ɛKyɛɛ de tɔɔrek ghe.

1 ɛBiturus 1:21

Kɛ ne lenɛ ne ɛKiriti gha ne ɛ nang ɛn ne itin nɛ ne ɛTaanggbey ne ɛ kɛ yiisik ɛKiriti yegha tsik ne ikpuu da ɛ nang ɛbhɛ ito-ndiinday. iPhɛ ɛlɛy, ìnang ne itin mon da, ne ìyɛk ne irway mon da ne so daa ɛTaanggbey.

1 iKɔrɔntos 8:6

gbik ne iphɛ ɛlɛy, ɛlɔ njwɛɛn na, ɛTaanggbey ya ne so ɛdaan. Ɛbhɛ ɛ so, ɛTaa gha ne ɛ kɛ ryɔng nikɔn na gbik, ɛhaa ne ishwɛɛ njwɛɛn da lenɛ ne ɛbhɛ, ɛDaray ya ta so ɛdaan, ɛbhɛ ɛ so ɛYɛso ɛKiriti gha ne kɛ lenɛ ne ɛbhɛ i ryɔng nikɔn na gbik, i ta lenɛ ne ɛbhɛ njwɛɛn sonɛ wo.

Nikɔn ne kɛ Phaal 3:5

Gbik ɛnyi gha ne ɛ kɛ re ɛwɛng ne itsom mɛghaa wo, sɛ́ ne ma sɔɔl ɛbhɛ ɛtura ɛhala wo tɛ ninyi yɛnaa nggyɛ wo. Sɔng naa ne tul irywɛɛk ɛbhɛ ndɔ ɛwee ne iken no nang. Nzɛ ne kyinak ɛnu ɛyisɛ ɛKyɛɛ nge gha, gbik nɛ nimalɛka n yaak n yɔng wu ɛ soye ɛhaa nge.

ɛMacu 10:32

“ɛHiha ɛnyi ne ɛ kɛ tɔɔl wu i soye ɛhaa nge gha ɛnu ɛyisɛ ninyi na, nzɛ ne ma bhɛ tɔɔl wu nzo ɛhaa ɛbhɛ ɛnu ɛyisɛ ɛKyɛɛ nge gha daa ne irywa wo.

ɛTomɛ 10:36

Ɛ yɛɛ ɛn ibol de ne ɛ kaa tom niSɛrɛla na nɛ wo, iphɛ phɛ so ibol iyɛnɛng ne irway ne laal da ne ɛYɛso ɛKiriti gha kaa yɛɛs nɛ wo. ɛYɛso ɛKiriti gha ɛbhɛ ne ɛ so ɛDaray ninyi na gbik.

ɛTomɛ 2:36

“iPhɛ ɛlɛy, tɛ niSɛrɛla na gbik ne seng ncɛncɛng, ɛTaanggbey ya kɛ yɛk ɛYɛso yɛghaa wo nɛ ne ɛ kaa gangat ɛn no ɛbhɛ teye ɛDaray ya ne ɛKiriti gha.”

ɛYohana 9:22

ɛKyɛɛ gha ne ɛgyinɛ gha kaa boote ɛlɛ wo daa ɛli nɛ nibhɛ kaa phok ɛnik niYahodawa na. niYahodawa na kaa ku sim me nɛ wu gbik ɛnyi gha ne ɛ kɛ nang ne itin nɛ wu ɛYɛso gha so ɛKiriti gha, yaa ne tul ɛbhɛ ne itɔɔy de.

ɛYohana 5:23

Te ne lenɛ ɛnggyɛ wo, ninyi na gbik ne nang ɛNgɔn na ne ndiinday ɛli nɛ nibhɛ naas ɛKyɛɛ nge gha ne ndiinday de. ɛNyi gha ne ɛ kɛ sang nang ɛNgɔn na ne ndiinday de, sɔng ɛ kɛ ne ma nang ɛKyɛɛ gha, ne ɛ kɛ tom ɛbhɛ wo, ne ndiinday de nang.”

2 ɛYohana 1:7

Nidɛng ninaa ne wul irywɛɛk ka, nɛ nibhɛ i bo wu hang ɛYɛso ɛKiriti gha kɛ yɛɛs ɛzay ndɔ ne ibek ɛten ɛsii de, kɛ ne shwalat ndɔ ɛzay ya ɛlyilyɛghaa wo. iHywee ninyi yɛdee nggyɛ wo nɛ nibhɛ luk ninyi na soye ninaa ne iphup ɛKiriti na.

1 iKɔrɔntos 15:47

Ɛnyi ɛyisɛ gha kaa le ɛzay yeghaa, kaa ne ryɔng ɛbhɛ ne ne ivel. ɛHaa ne ifaa gha kaa ne le daa ne irywa.

iRooma 15:9

Tɛ ninyi na ne hame nibhɛ so niYahodawa na ta nang ɛTaanggbey ye ne ndiinday daa ne isan iyɔm ɛbhɛ de. Te ɛli ne ɛWee ne iBol ɛTaanggbey yo i bo, “iPhɛ ɛlɛy ɛDaray, Naa ne nang ngɛ ne ndiinday ndɔ ninyi na ne hame nibhɛ so niYahodawa, naa yɛk ne iywel, te nang irywɛɛk mo wo ne ndiinday.”

ɛYohana 20:28

ɛToma gha ne boote ne ɛYɛso gha ɛ yɔngɔ, “ɛDaray nge, ɛTaanggbey nge.”

ɛYohana 17:1

Kɛ ne sɛ ɛYɛso gha kɛ taal ivol lɛbaa wo, ne ɛ waal ito ɛ yɛɛn daa ne irywa ɛ roo ɛ yɔngɔ: “ɛTaa nten nɛ kɛ tuu. Tɔɔrek ito-ndiinday mo daa ɛNgɔn mo gha, te ɛNgɔn na ne ma tɔɔrek kɛ ito-ndiinday.

ɛYohana 12:42

Gbik ne iphɛ ɛlɛy ɛbyin nindiinday niYahodawa na ne nang ne itin nɛ ne ɛYɛso gha nibhɛ ne i phok ɛnik niFarisawa na; sɔng nibhɛ ne wuru kpas sang wu yaa yung tul en ndɔ ne itɔɔy de,

ɛLuka 2:11

iZenge wo ndɔ ɛgarang ɛgɔm ɛDoda gha, kɛ yɛk nyini ɛhaa ne phɔt ɛzay. Ɛbhɛ soye ɛDaray ɛKiriti gha.

ɛYohana 14:23

ɛYɛso gha ne kyii nɛ ɛ yɔngɔ, “ɛNyi gha ne ɛ sim me wo, aa ne roos ibol nge de. ɛKyɛɛ nge gha yaa ne ma sim ɛbhɛ, njwi yaa yɛɛs njwi shɛɛ ne ɛbhɛ.

ɛYohana 13:14

Mee, ɛDaray mon ne ɛKyɛɛ ne icwam mon nggɛ kuus nyini ita, iphɛ ɛlɛy, ne ɛ ma kuus ɛn nigwaa mon nɛ.