iFilibi 2:1 - ɛWee ne ìTsɛm iHywas

¹ iShwɛɛ mon ndɔ ɛKiriti gha i tes nyini itsɔngɔl gɛgɛy yee? iShwim ɛbhɛ da i laasek nyini irway yee? ˆƐ so ɛn ndɔ ne ìtsɛm ne iKabyik gee? ˆƐ sim ɛn nyini ˆɛ ta i san ɛn iyɔm ne itso mon ne i?

iFilibi 2:1 ပူးပေါင်းရင်းမြစ်များ

iKɔlɔsi 3:12

ɛTaanggbey ya kɛ kasa nyini te ˆɛ te ɛn nyini ninyi ɛbhɛ ne kɛ tul kang, ninaa ne ɛ sim gbom. iPhɛ ɛlɛy, ne ˆɛ yɛk ɛn irway ne san iyɔm nigwaa, ˆɛ mɔn ɛn nikɔn niyɛnɛng, ˆɛ te ɛn lyaak, ˆɛ laasek ɛn ito, ˆɛ bo ɛn ɛbɔk.

1 ɛYohana 4:12

Sɔng ɛnyi kɛ ku yaang ɛTaanggbey yegha nang; gbik ne iphɛ ɛlɛy wu ɛrɔngɔ kɛ ne sim ɛrɔngɔ gha, ɛTaanggbey ya ne i shɛɛ ndɔ njwɛɛn, ishwim ɛbhɛ da ne te hyɔrɔ ndɔ njwɛɛn no.

2 iKɔrɔntos 13:14

Te izɛɛng ɛDaray njwɛɛn ɛYɛso ɛKiriti, ne ishwim ɛTaanggbey ne gbik ìtsɛm ne iKabyik ɛTaanggbey shɛɛ ne nyinɛn gbik. Ɛɛy.

iKɔlɔsi 2:2

Nzi mɔn ɛkɔn nɛghaa wo tɛ nibhɛ te itsɔngɔl gɛgɛy, nibhɛ teye nidaan nɛ ndɔ ne ishwim. Tɛ nibhɛ seng ɛTaanggbey yegha hyɔrɔ wɛlɛng ito irway. Nibhɛ sɛ ishweng ne ihywɛ soye iryat ne ihywɛ shɛs gbik. iShweng ngɛdaa wo yaa ne phyik nibhɛ, nibhɛ seng ɛkyukyum ne ibol igying ɛTaanggbey de ne kaa ku rɛɛ wo, kaabi ɛKiriti gha.

1 iKɔrɔntos 12:13

Daa ɛli ne gbik njwɛɛn no, hang ɛYahodawa yɔɔ, hang ma sang so ɛYahodawa yɔɔ, hang nikpuru yɔɔ, hang ninɔn ne ijwee yɔɔ, kɛ yɛk njwɛɛn ne ibatisima idaan ne ikabyik idaan, njwɛɛn kɛ teye ibek idaan. Kɛ ne ta nang njwɛɛn iKabyik idaan ndɔ ne irway njwɛɛn.

iGalatiya 5:22

Nikɔn na ne iKabyik ɛTaanggbey de ne yaak ko nibhɛ naa lɛ: ishwim, irway ihwala, irway ne laal, ɛbɔk, iyɛnɛng, irway ne phyik nigwaa, ìnang ne itin,

iGalatiya 4:6

ɛLyilyɛghaa wo ne njwɛɛn kɛ tes en ninɔn ɛTaanggbey ya, ɛTaanggbey ya kɛ ne tom iKabyik ɛNgɔn ɛbhɛ ndɔ ne irway njwɛɛn. iKabyik kɛdee wo i ne te njwɛɛn yɔngɔ, “Abba, ɛTaa nge.”

ɛTomɛ 4:32

Gbik ninaa ne roos sa kaa ne ku bok irway ijwaan ne icwas ijwaan, sɔng ɛdɛng kaa bok ɛkɔn kang nang. Gbik ɛkɔn na ne ɛrɔngɔ bok ɛ kaa ne so ɛhaa nibhɛ ɛte.

1 ɛYohana 3:24

Ninaa nibhɛ roos ikpii ɛTaanggbey da i shɛɛ ndɔ ɛTaanggbey ya, ɛTaanggbey ya ne maa shɛɛ ndɔ nibhɛ. ɛLɛ wo ne njwɛɛn i seng wu ɛ shɛɛ ndɔ njwɛɛn no: njwɛɛn i seng lenɛ ne iKabyik ne ɛ kɛ nang njwɛɛn.

ɛYohana 17:13

“ɛLyilyɛghaa wo, ne n yaaso ɛlɔ mo gha. Nzi ne bol nikɔn nɛnaa wo ɛli ne nggyi tɔ ndɔ ɛzay ya tɛ ninaa ne roos nge na ne sɛ irway ihwala nge da hyɔrɔ ndɔ nibhɛ.

1 ɛYohana 4:16

ɛTsak, Njwii yɛɛ, njwi kɛ ne ta nang ne itin nɛ ɛTaanggbey ya i sim njwii. ɛTaanggbey ya so ishwim, gbik ɛnyi gha ne ɛ tɔɔsel ishwim ba, ɛ ne shɛɛ ndɔ ɛTaanggbey ya ɛTaanggbey ya ma i shɛɛ ndɔ ɛbhɛ.

iFilibi 3:3

Njwɛɛn, njwɛɛn yang soye ninaa ne kɛ hyɛghɛ njwɛɛn icwee ne itin da. Njwɛɛn no ne njwɛɛn i re ɛTaanggbey yegha ntsong ngga lenɛ ne iKabyik Ɛbhɛ de. Njwɛɛn no ne njwɛɛn i hal ɛggyɛy ya ne ɛYɛso ɛKiriti gha. Njwɛɛn no ne njwɛɛn i sang hal ɛggyɛy ya daa ne ikpii ɛten ɛsii da ne i yaang ne irwisɛ da.

1 iKɔrɔntos 3:16

Ɛ doo ɛn ɛli ne nyinɛn no ne ito mon de ɛ so ɛn ideng ɛTaanggbey de ne iKabyik ɛTaanggbey de i shɛɛ ndɔ mon no naa?

iRooma 8:26

Ɛlɛy ne iKabyik ge ne phyighis njwɛɛn ndɔ ne taasek njwɛɛn da. Sɔng njwɛɛn ne yɛɛ ɛli ne yaa ma yung boote ne ɛTaanggbey ya nang, iKabyik ge ne ito mpɛ, iphɛ ne bol njwɛɛn ne ɛTaanggbey ya ndɔ, iphɛ tum ndɔ ne ivol da ne hame i yɛɛ ne bol.

iRooma 5:5

Sɔng iyɛk ne irway da yaa ne te buu nang, daa ɛli ne ɛTaanggbey ya kɛ sit ishwim ɛbhɛ da ndɔ ne irway njwɛɛn da lenɛ ne iKabyik ɛTaanggbey de ne ɛTaanggbey ya kɛ nang njwɛɛn.

ɛTomɛ 2:46

iZenge ne ihwɛlɛ, nibhɛ ne i tumɛ ɛn ndɔ ɛsaa ne iDeng nga, nibhɛ ne i roos idee-idee nibhɛ re en ire ndɔ ne izinɛ ne ishwɛ ne irway ilyaak.

1 ɛBiturus 1:2

Nyinɛn no ne ɛTaanggbey ya ne so ɛTaa gha kaa ku i yɛɛ nyini ɛ kasa nyini ne ile lenɛ ne iKabyik ɛbhɛ de, ɛ tul nyini kang ɛ te ɛn nyini ninyi ɛbhɛ, te ɛ roos ɛn ɛYɛso ɛKiriti ye, ɛ sɛ ɛn iyɛnɛng daa ne neyi ɛbhɛ na ne ɛ kɛ lok ko. Te iyɛnɛng ne irway ne laal ɛTaanggbey shɛɛ ne nyinɛn cɛcɛɛy.

iBirani 6:18

ɛTaanggbey ya kɛ nang nikɔn ifaa, ibol ne ɛ kɛ rop ne iLɛlɛm ihywa. Sɔng i ne yɛɛ ne hyere nikɔn nɛnaa nggyɛ wo nang, daa ɛli ne sɔng ɛTaanggbey ya i yɛɛ ne hyɛ irywɛɛk nang. iPhɛ ɛlɛy, njwɛɛn no ne kɛ tel bhɛ kyɛngɛy ɛlɔ ɛbhɛ gha, njwɛɛn yaa ne yɛɛ ne kyinak ne ihwet i hyep ibol ɛbhɛ de ne ɛ kɛ ku rop po ne njwɛɛn kɛ sit irwisɛ da.

iFilibi 1:8

ɛTaanggbey ya ɛbhɛ so ɛshɛɛda nge, ɛ yɛɛ ɛli ne nzi has irway ne yaang nyini gbik, ne ishwim ɛYɛso ɛKiriti.

iFisus 4:4

Ɛ so ɛn ibek idaan, iKabyik ɛTaanggbey idaan nɛ iphɛ so ndɔ mon. ɛLɛy dɔng sit ne irwisɛ ijwaan nɛ ne ta sonɛ ne kɛ yel-le nyini nɛ.

2 iKɔrɔntos 2:14

Te ne dɛp ɛTaanggbey ye! Ɛbhɛ ɛ hyel ne njwit cɛcɛɛy ndɔ ɛlang ninyi na nɛ nibhɛ tɔɔsel irway ihwala ɛKiriti da ne ɛ kɛ re itsom be. Ɛ mɔn ɛtomɛ ne njwit njwi bhɛ sanga ibol ɛKiriti de nilɔ na gbik iphɛ ne ji shwalat te ɛnkyinkyɔp ne ɛturarɛ.

1 iKɔrɔntos 15:31

Nigwaa en, nzi wɛɛ iku izenge ne ihwɛlɛ! ɛGyɛy ne nzi ne hal ne nyinɛn gbik ne ishwɛɛ njwɛɛn tɛ nidaan nɛ ndɔ ɛYɛso ɛKiriti ne ɛ so ɛDaray njwɛɛn, iphɛ phɛ kɛ te nzi mɔn ɛlɛ wo.

ɛYohana 14:27

Naa tek nyini ne irway ne laal; irway ne laal nge ne naa nang nyini. Sɔng nzi nang ifɛ ɛli ne ɛzay ya nang ngo nang. Sɔng ɛ tek ɛn irway mon tak nyini iyɔm mang, sɔng ne ɛ wum ɛn ɛnik kang.”

ɛYohana 14:18

Sɔng naa tek nyini tɛ nicwɛɛn nang; naa yɛɛs ndɔ mon.

ɛLuka 2:25

Nten nɛdee nggyɛ wo, ɛdɛ ɛhelem ma kaa ne sonɛ ndɔ ne iYɛrushɛlɛm de ne kaa bok ɛbhɛ ɛSimiyɔn. Ɛ kaa ne so cik, ne ɛ ta nang ɛTaanggbey ye irway ɛbhɛ gbik. Ɛ kaa ne i hyep aa yaang ɛli ne kɛ phɔt niSɛrɛla na. iKabyik ɛTaanggbey de kaa ne so ndɔ ɛbhɛ.