iFilibi 1:8 - ɛWee ne ìTsɛm iHywas

⁸ ɛTaanggbey ya ɛbhɛ so ɛshɛɛda nge, ɛ yɛɛ ɛli ne nzi has irway ne yaang nyini gbik, ne ishwim ɛYɛso ɛKiriti.

iFilibi 1:8 ပူးပေါင်းရင်းမြစ်များ

ɛLuka 1:78

ɛTaanggbey njwɛɛn na so ɛhaa ne san iyɔm, ne ɛ ta bok ɛbɔk. Ɛ sɛ́ ne yɛk ngɛ iwɛwɛy ne phɔt ɛzay de le ne irywa iphɛ tol njwɛɛn.

iRooma 1:9

ɛTaanggbey ya ne nzi mɔn ɛtomɛ ɛbhɛ gha ne irway nge ijwaan da daa ne sanga iBol iYɛnɛng ɛNgɔn ɛbhɛ de, ɛbhɛ ne ito ɛbhɛ ɛ kɛ tɔɔrek ɛli ne nzi ku tas ne nyinɛn cɛcɛɛy,

iRooma 9:1

Nzi tɔng itin nɛ ndɔ ɛKiriti, sɔng irywɛɛk ne nzi tɔng nang. Ndɔ ne icwas ne irway nge nzi yɛɛ iphɛ ɛlɛy ɛli ne iKabyik ɛTaanggbey kɛ ne ma tɔɔrek iphɛ ɛlɛy.

2 iKɔrɔntos 13:9

Njwii bok irway ihwala ne i sɛ njwi so kyɔkyɔt to ɛ ji bok ɛn ihwet da. iPhɛ ɛlɛy njwii bol ne ɛTaanggbey te ɛ te ɛn hyɔrɔ.

2 iKɔrɔntos 6:12

Sɔng njwit njwi kɛ sang tɔɔrek nyini ishwim ba nang, yang so nyinɛn ɛ kɛ sang phaal irway mon ɛ sim ɛn njwii.

2 iKɔrɔntos 7:15

iShwim ba ne ɛTitus sa i sim nyini wo i hanas se nɛ gbom, i sɛ ɛ kɛ taate ɛli ne ɛ kaa sim ɛ roos ɛn ibol ɛbhɛ de, ɛli ne ɛ kaa say ɛn ɛbhɛ ndɔ ndiinday de ne ɛnik ko.

iGalatiya 1:20

iBol lɛ de wo ne nzi haa wo iphɛ soye itin nɛ. ɛTaanggbey i yɛɛ sɔng irywɛɛk ne nzi wul nang.

iGalatiya 3:26

Gbik mon no ɛ kɛ ne te nyini ninɔn ɛTaanggbey lenɛ ne nang ne itin nɛ ndɔ ɛYɛso ɛKiriti gha.

iGalatiya 4:19

Ninɔn nge! iBol mon de rɔ me te ɛli ne ɛngɔn i rɔ ɛkuk. Naa ne maa sɔ nggbang ngɛdaa wo bhɛ hɔn nten de ne yaa yaang ɛKiriti ndɔ mon no.

iFilibi 2:1

iShwɛɛ mon ndɔ ɛKiriti gha i tes nyini itsɔngɔl gɛgɛy yee? iShwim ɛbhɛ da i laasek nyini irway yee? ˆƐ so ɛn ndɔ ne ìtsɛm ne iKabyik gee? ˆƐ sim ɛn nyini ˆɛ ta i san ɛn iyɔm ne itso mon ne i?

iFilibi 2:26

ɛBafaratus sa i has irway te sɛ yɔng aa yaang nyini, ibol lɛ i ma yung tak ɛbhɛ iyɔm gbom daa ɛli ne ˆɛ kɛ phok ɛn ɛli ne ɛ so shwa wo.

iFilibi 4:1

iPhɛ ɛlɛy, nyinɛn nigwaa nge ne nzi sim, ˆɛ so ɛn ne irway nge, nzi has irway ne yaang nyini, ɛ so ɛn irway ihwala nge gbik ne ɛkɔn ne ito ne igbɔm nge daa ɛtomɛ nge. Nzi roro ne nyinɛn, kyinak ɛn ne ihwet ndɔ ɛDaray ya, nyinɛn no ne nzi sim mo.

iKɔlɔsi 2:1

Nzi sim te ˆɛ sɛ seng ɛn ihywee ɛtomɛ de ne nzi kyangas me nɛ ɛlɔ mon na, nɛ ninyi ne iLɔdakiya na, gbik nɛ ninyi na ne hame nibhɛ kɛ ku yaang me wo.

iKɔlɔsi 3:12

ɛTaanggbey ya kɛ kasa nyini te ˆɛ te ɛn nyini ninyi ɛbhɛ ne kɛ tul kang, ninaa ne ɛ sim gbom. iPhɛ ɛlɛy, ne ˆɛ yɛk ɛn irway ne san iyɔm nigwaa, ˆɛ mɔn ɛn nikɔn niyɛnɛng, ˆɛ te ɛn lyaak, ˆɛ laasek ɛn ito, ˆɛ bo ɛn ɛbɔk.

1 iTasɔlɔnika 2:5

Nyinɛn no ɛ yɛɛ ɛn, sɔng njwi kɛ ku bol nɛ nyinɛn ne ɛnu ɛbel nang. Sɔng njwi kɛ ne yɛɛs ndɔ ne iluk kaabi njwi bok irisɛ nang. ɛTaanggbey ɛbhɛ ɛ so ɛshɛɛda mos.

1 iTasɔlɔnika 2:8

Daa ɛli ne njwi sim nyini gbom mo, sɔng njwi kɛ ne sim te njwi sɛɛ nang nyini iBol iYɛnɛng ngge ne iphɛ le ɛlɔ ɛTaanggbey ya zɔng nang, njwi kɛ ne ta phok yɛnɛng ne nang ikpen mos ɛlɔ mon. ˆƐ so ɛn ne irway mos gbom.

2 ɛTimɔti 1:4

I sɛ nggɛ taate nɛ niyilis mo na, ne n yaa sim te sɛ yɔng nggɛ yaang ngɛ, te n te hyɔrɔ ne irway ihwala.

ɛFilimɔn 1:12

Nzi ne tomos sɛ ne ɛbhɛ ɛlyilyɛghaa wo, irway nge so daa ɛbhɛ gbik.

ɛFilimɔn 1:20

iPhɛ ɛlɛy ɛgwaa nge ɛFilimɔn, nzi roro ne igyɛ, mɔn me iyɛnɛng ngɛdee wo ndɔ ɛDaray. Te ˆɛ nang me irway ihwala daa ɛli ne nzo ɛgwaa mo ndɔ ɛKiriti gha.

1 ɛYohana 3:17

Wu ɛnyi bok iryat ɛ yaang ɛgwaa ɛbhɛ ne ɛ tɔk iphyik, ɛ mbaray tang phyik ɛgwaa ɛbhɛ, ɛnyi yɛghaa nggyɛ wo ne bok ishwim ɛTaanggbey da bɛ?