iFilibi 1:7 - ɛWee ne ìTsɛm iHywas

⁷ Gbik mon no ˆɛ so ɛn ne irway nge. iPhɛ kɛ ne jam mɛ nzi tas nɛ nyinɛn ɛlɛ wo, daa ɛli ne ˆɛ kɛ byinki ɛn ito ne mee ndɔ ne izɛɛng ɛTaanggbey de nten de ne kɛ gangke me ndɔ ne ijwee ne inyang ngo, ˆɛ phyik ɛn mɛɛn nten de ne nggɛ kyinak ne ihwet daa ne itin ne iBol iYɛnɛng ngge ɛnu ɛyisɛ ninaa nɛ nibhɛ mbaray yo.

iFilibi 1:7 ပူးပေါင်းရင်းမြစ်များ

ɛTomɛ 20:23

Nzi yang yɛɛ iKabyik ɛTaanggbey de kɛ ku yaak me wu gbik ɛgarang nga ne naa bhɛ lel ndɔ ne iYɛrushɛlɛm de, nggbang i hyep me, ijwee ne nyang ne ta sonɛ.

ɛTomɛ 21:33

Ɛndiinday ya ne yɛɛs ɛ wum ɛBulus segha, ɛ yɛk ngɛ rop ɛbhɛ ne inyang ihywɛɛ ihywaa. Nɛ ji phom ɛBulus segha ɛ yaak ɛbhɛ. “I bok kɛ ɛhay? Kyee ne ɛ kɛ mɔn no?”

1 iKɔrɔntos 13:7

iShwim ba i yɛɛs ne ɛbɔk ndɔ nikɔn na gbik, ifɛ ne yɛɛs ne ìnang ne itin ndɔ nikɔn na gbik, ifɛ ne yɛɛs ne iyɛk ne irway ndɔ nikɔn na gbik, ifɛ ne yɛɛs ne rop iku ndɔ nikɔn na gbik.

1 iKɔrɔntos 9:23

Nggɛ mɔn ɛlɛ wo gbik ɛlɔ ne bol iyɛnɛng ngge, te nzɛ ɛhaa nge ɛwɛng ndɔ ne sanga ibol iyɛnɛng ngge.

2 iKɔrɔntos 3:2

Nzo nyinɛn no ne ito mon ɛ so ɛn nyini ɛwee mos so, ne kɛ haa ndɔ ne irway mos tɛ ninyi na gbik yaang nibhɛ ta i tɔng.

2 iKɔrɔntos 7:3

Sɔng nggɛ boote ɛlɛ wo nzi bo nggɛ hyɛ nyini ɛshara nang. ɛLi ne nggaa ku mɔng nyini ɛyisɛ gha, ɛ so ɛn ndɔ ne irway mos, njwɛɛn yaa ne ku i shɛɛ ɛlɛ wo, hang iken yɔɔ, hang iku yɔɔ.

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

iFisus 3:1

ɛKɔn nɛghaa wo bhɛ kɛ te mee ɛBulus sa, nzo ne nyang, ɛlɔ ɛYɛso ɛKiriti te iphɛ phyik nyini, nyinɛn no ne ɛ sang so ɛn niYahodawa. Nzi ne bol ne ɛTaanggbey ya daa ne ito mon de.

iFisus 4:1

iPhɛ ɛlɛy, mee wo ne nzo ne nyang ngge daa ɛli ne nzi roos ɛKiriti yegha, nzi roro ne nyinɛn, shɛɛ ɛn ishwɛɛ da ne ifɛ so kancɛng yel-le da ne kɛ yel-le nyini nɛ wo.

iFisus 6:20

ɛTomɛ ne iBol iYɛnɛng ngɛghaa wo ɛbhɛ kɛ te nzo me ɛhaa ne nzi bol daa ne ncwincway ɛTaanggbey da, gbik ɛli ne n jung so ne nyang ngge. Bol ɛn ne ɛTaanggbey ya daa mee te yaa ne sɛ nzi sanga ibol ɛbhɛ de, ne n sanga ne irway nviit, ɛli ne iphɛ kɛ jam mɛ.

iFilibi 1:12

Nigwaa en, nzi sim te ɛ sɛ seng ɛn, wu ɛkɔn na ɛ kɛ sɛ me wo, ɛ kɛ te ibol ɛTaanggbey de hante ne shwalat.

iFilibi 1:13

iGanke da ne kɛ gangke me wo kɛ te nisooja ne ijwee ɛgɔm ma gbik nɛ ɛbyin ninyi na ɛbɛ wo seng wu kɛ gangke me ɛlɔ ne bol ɛKiriti.

iFilibi 1:14

iGanke da ne kɛ gangke me wo kɛ te nigwaa na gbom ndɔ ɛDaray ya hante ne irway nviit, nibhɛ tɔng ibol ɛTaanggbey de wɛlɛng ɛnik.

iFilibi 1:5

Nzi bok irway ihwala da daa ɛli ne ɛ kɛ byinki ɛn ito ne mee ndɔ ne sanga iBol iYɛnɛng ngge ne ile ɛtuk ne tsa yɛ phyii hɔn izenge wo.

iFilibi 2:22

ˆƐ yɛɛ ɛn ɛTimɔti yegha ɛli ne ɛ so, daa ɛli ne njwi kɛ mɔn ɛtomɛ ne sanga ibol iyɛnɛng ngge ne ɛbhɛ wo te ɛngɔn ne ɛkyɛɛ.

iFilibi 4:14

Gbik ne phɛ ɛlɛy, iphɛ kɛ ne jam mɛ ne ˆɛ kɛ phyik ɛn mɛɛn nten de ne ngga so ndɔ ne nggbang ngga.

iFilibi 4:15

Nyinɛn ninyi ne iFilibi na, ˆɛ yɛɛ ɛn ɛli ne nggaa tsa ɛtomɛ ne sanga iBol iYɛnɛng ngge nten de ne nggaa tek ivel ne iMakyidɔniya da, sɔng idɛ idira ninaa ne roos de kaa phyik me kang ne nyinɛn no nang.

iFilibi 4:3

iGyɛ ne ɛtaay ɛtomɛ nge gha, nzi roro ne igyɛ, phyik nikuk kɛnaa wo daa ɛli ne nɛ nibhɛ kɛ tak iyɔm ɛtomɛ ne mee ndɔ sanga ibol iyɛnɛng ngge. ɛLɛy ne ɛKɛlɛmɛn ne ɛbyin nitaay ɛtomɛ nge gha ninaa ne irɛɛk nibhɛ so ndɔ ne ɛWee ne iKen no.

iKɔlɔsi 4:18

Mee ɛBulus, nzi haa kyiisi yɛdaa wo ne iwɔ nge. Sɔng ˆɛ te ɛn bap wu nzo ne nyang ge nang. Te izɛɛng ɛTaanggbey shɛɛ ne nyinɛn. Ɛɛy.

iKɔlɔsi 4:3

Ma bol ɛn ne ɛTaanggbey ya ɛlɔ mos ne mang, te ɛTaanggbey ya phaal njwi ɛnu ne izuk ne tɔng ibol ɛbhɛ de, te njwi tɔng ibol igying ɛbhɛ de daa ɛKiriti gha. iBol igying ngɛdee wo iphɛ iphɛ kɛ te nzo ne nyang ge.

1 iTasɔlɔnika 5:5

Gbik mon no ˆɛ so ɛn ninɔn ne iwɛwɛy, ninaa nibhɛ hyel ne igbey. Sɔng njwɛɛn soye ninaa ɛtuk ka nang, sɔng njwɛɛn ne ta soye ninaa ndɔ gbyik ka nang.

2 ɛTimɔti 1:8

iPhɛ ɛlɛy, sɔng ne ˆɛ phok ncwa ne tɔng ibol ɛDaray ɛYɛso njwɛɛn de ne ncwa nge ne nzo ne inyang ngge ɛlɔ ɛDaray ɛYɛso gha nang. Yang byinki ito ne mee ndɔ ne nggbang ɛlɔ ne sanga ibol iyɛnɛng ngge, te ɛTaanggbey ya nang njwii ihwet tɛ.

2 ɛTimɔti 2:9

Daa ɛli ne nzi tɔng iBol iYɛnɛng ngge, nzi ne sɔ nggbang gbom, kɛ phyii rop me te ɛnyi ɛbebhe. Gbik ne iphɛ ɛlɛy, sɔng yaa ne yɛɛ ne rop ibol ɛTaanggbey de nang.

ɛFilimɔn 1:13

Nggɛ sim te nzɛɛ tek ɛbhɛ ɛlɔ nge ɛbɛ wo ne nzo ne nyang ngge te ɛ bo ɛlɔ mo ndɔ ɛtomɛ ne sanga iBol iYɛnɛng ngge.

iBirani 3:1

iPhɛ ɛlɛy, nigwaa nge ne kɛ tul kang, ne ɛTaanggbey kɛ ma yel-le nyini, sit ɛn irwisɛ daa ɛYɛso gha ne ɛbhɛ so ɛNgɔn ne Tom ma ne ɛGɔm nibo gha ne njwi tɔng ibol ɛbhɛ de.

1 ɛBiturus 4:13

Yang yɛk ɛn irway ihwala, daa ɛli ne ɛɛ ma sɔ ɛn ihywee ne nggbang ngga ne ɛKiriti gha kaa sɔ wo, te ɛ sɛ ne ma bok ɛn irway ihwala wɛlɛng ɛgak, nten de ne ɛYɛso gha sɛ wuru ndɔ ne ndiinday ɛbhɛ de.

1 ɛBiturus 5:1

Mee wo ne nzo ɛnu ne ikɔɔn na, ɛgwaa mon ɛhaa ne roos sa, nzi ne bol nɛ nigwaa ninu ne ikɔɔn na nɛ nibhɛ so ndɔ mon no. Nggɛ yaang ne irwisɛ nge nggbang ngga ne ɛKiriti gha kɛ sɔ wo, nzɛ ne ma sɛ ihop ndɔ ne ndiinday ɛbhɛ de ɛtuk ka ne ɛ sɛ yɛɛs so.

2 ɛBiturus 1:13

Nzi wɛɛ te iphɛ kɛ jam mɛ nzɛɛ ku i tas nyini nɛ nikɔn nɛnaa nggyɛ gbik nten de ne nzo ɛken,

1 ɛYohana 3:14

Njwɛɛn i yɛɛ kɛ ku phee iku de, so niken daa ɛli ne njwɛɛn i sim nigwaa njwɛɛn. ɛNyi gha ne ɛ ne sang sim ɛgwaa ɛbhɛ gha, ne ɛ tɔ shɛɛ ishwɛɛ ne iku de.