iFilibi 1:30 - ɛWee ne ìTsɛm iHywas

³⁰ ɛLyilyɛghaa wo, ˆɛɛ ne ma sɔ ɛn ihywee ne nggbang ngga ne ˆɛ kɛ yaang ɛn nggɛ sɔ, ˆɛ ta phok ɛn ndɔ sɔ wo.

iFilibi 1:30 ပူးပေါင်းရင်းမြစ်များ

ɛYohana 16:33

“Nggɛ tɔng nyini nikɔn nɛnaa wo te ɛ bok ɛn irway ne laal ndɔ me wo. Aa sɔ ɛn nggbang ndɔ ɛzay ya. Nzi ne bok, te ɛn irway nviit daa ɛli ne nggɛ ku phoo ɛzay ya nɛ.”

iFilibi 1:13

iGanke da ne kɛ gangke me wo kɛ te nisooja ne ijwee ɛgɔm ma gbik nɛ ɛbyin ninyi na ɛbɛ wo seng wu kɛ gangke me ɛlɔ ne bol ɛKiriti.

iKɔlɔsi 1:29

ɛKɔn nɛghaa wo ɛbhɛ kɛ te nzi luu me, nzi kyangas me ne ihwet da ne ɛKiriti gha i naas me. iHwet da ne ifɛ mɔn ɛtomɛ ndɔ me wo.

iKɔlɔsi 2:1

Nzi sim te ˆɛ sɛ seng ɛn ihywee ɛtomɛ de ne nzi kyangas me nɛ ɛlɔ mon na, nɛ ninyi ne iLɔdakiya na, gbik nɛ ninyi na ne hame nibhɛ kɛ ku yaang me wo.

1 iTasɔlɔnika 2:2

Nyinɛn no ˆɛ yɛɛ ɛn ihywee ne nggbang ngga ne kɛ baasek njwii, ne ihywee ne towos da ne kɛ towos njwi ndɔ ne iFilibi nyɛɛn njwi kyi yɛɛs ɛlɔ mon na ne iTasɔlɔnika. Kaa baasek njwii nggbang, i bees njwi irway, gbik ne iphɛ ɛlɛy ɛTaanggbey mos sa ne phyik njwii, njwi ne te irway nviit njwi tɔng nyini iBol iYɛnɛng ngge ne iphɛ le ɛlɔ ɛbhɛ gha.

1 ɛTimɔti 6:12

Tel nggbiy ne ìnang ne itin da yɛnɛng. Wum ibol ne iken ne inat de ne kɛ yel-le yɛnɛ wo ne ihwet. iBol de ne ɛ kɛ ku nang ishɛɛda iyɛnɛng ngɛ ɛnu ɛyisɛ nishɛɛda na gbom mo.

2 ɛTimɔti 4:7

Nggɛ ta itsom be yɛnɛng, nggɛ taal nggbiy da, nggɛ boos ìnang ne itin de byirik.

iBirani 12:1

iHywee nishɛɛda yɛdee wo so gbom nɛ nibhɛ kɛ te njwɛɛn gyɔɔ. Daa ɛli ne ihywee nishɛɛda yɛdee wo ne sonɛ ɛlɛ wo, ninaa nɛ nibhɛ kɛ tɔɔrek njwɛɛn ɛli ìnang ne itin da so wo, nɛ njwɛɛn hana gbik ɛkɔn na ne ɛ ring njwɛɛn ne ihywel da. Te njwɛɛn ta hana ɛfɔt to ne ɛbhɛ kɛ wum njwɛɛn no, te njwɛɛn rop irway i tel nggbiy yɛdaa wo ne mpɛ so ɛyisɛ njwɛɛn na.

iBirani 12:4

Ndɔ ne cwaasek ghe mon da ne ɛfɔt to, sɔng iphɛ kɛ ku hɔn ɛli ne ɛ kɛ lok ɛn neyi mon nang.

Nikɔn ne kɛ Phaal 12:11

Nibhɛ kɛ re ɛwɛng nga ne ɛhaa ne banga ikun njwɛɛn na, lenɛ nɛ neyi ɛNgɔn ne ɛpharak ka, gbik ne ishɛɛda nɛ nibhɛ kɛ nang. Gbik ɛli ne kɛ tɔk te yaa phoo nibhɛ wo, nibhɛ ne jung nang iken nibhɛ, kɛ sim nibhɛ ku.