iFilibi 1:27 - ɛWee ne ìTsɛm iHywas

²⁷ Gbik ɛkɔn na ne ɛ kɛ te, shɛɛ ɛn ishwɛɛ da ne ifɛ kancɛng ne ibol iyɛnɛng ɛKiriti de. Shɛɛ ɛn ɛlɛ wo, te yaa sɛ nggɛ yɛɛs ne yaang nyini, hang nggɛ ma sang yɛɛs yɔɔ, te ne n phok wu ˆɛ kɛ kyinak ɛn ne ihwet ndɔ ne ikabyik idaan, ˆɛ kɛ byinki ɛn ito mon ˆɛ tabha ɛn ilong ndɔ ɛtomɛ ne ibol iyɛnɛng ngge te ɛnyi ɛdaan lenɛ ne ìnang ne itin mon da ne bol iyɛnɛng ngge.

iFilibi 1:27 ပူးပေါင်းရင်းမြစ်များ

iFisus 4:1

iPhɛ ɛlɛy, mee wo ne nzo ne nyang ngge daa ɛli ne nzi roos ɛKiriti yegha, nzi roro ne nyinɛn, shɛɛ ɛn ishwɛɛ da ne ifɛ so kancɛng yel-le da ne kɛ yel-le nyini nɛ wo.

1 iKɔrɔntos 1:10

Nigwaa en, nzi roro ne nyinɛn ndɔ ne irywɛɛk ɛDaray njwɛɛn ɛYɛso ɛKiriti, nzi bo te ɛnu mon teye ɛdaan nɛ. Sɔng ɛ hosop ɛn nyini wo nang, yang byinki ɛn nyini te icwas mon te ijwaan nɛ, ivol mon ta te ijwaan nɛ.

2 ɛBiturus 3:14

iPhɛ ɛlɛy, nigwaa nge ne nzi sim, ɛli nɛ ɛɛ ne hyep ɛn ɛtuk kɛghaa nggyɛ wo, ne ɛ mɔn ɛkɔn na ne aa yɛ ne mɔn ɛn te ɛ shɛɛ ɛn ɛnu ɛyisɛ ɛTaanggbey ya wɛwɛy tang ɛkɔn ne rip, te ne ɛ bok ɛn irway ne laal ne ɛnu ɛyisɛ ɛbhɛ gha.

iKɔlɔsi 1:10

Te ne lenɛ ɛlɛy, ˆɛ shɛɛ ɛn ishwɛɛ da ne ifɛ so kancɛng ne ivaa ninaa ne roos ɛDaray yegha, ifɛ nang ɛDaray yegha irway ihwala. Te ishwɛɛ mon da ne tɔɔrek nikɔn niyɛnɛng ndɔ nitomɛ na gbik, ˆɛ raras ɛn ndɔ ne seng ɛTaanggbey yegha.

ɛYahuza 1:3

Nigwaa nge ne nzi sim, nggɛ ku bok icwas ne haa nyini nɛ daa ne ibol ne iphɔrɔt njwɛɛn de, ne nggyi yaang iphɛ kɛ jam mɛ nzɛ kyii haal nyini nɛ te n te nyini itsɔngɔl gɛgɛy ɛli ne ˆaa kyinak ɛn daa ne imɛmɛ ne itin ɛYɛso de ne ɛTaanggbey ya kɛ nang ninaa ne roos ɛbhɛ na ɛdaan na zɔng ngo.

1 iTasɔlɔnika 4:1

ɛTsim mɛ gbik nigwaa en, njwii roro ne nyinɛn, njwii ta bol ne nyinɛn ndɔ ne ɛYɛso irywɛɛk ɛDaray njwii bo wu te ɛ shɛɛ ɛn ihywee ne ishwɛɛ da ne ifɛ nang ɛTaanggbey ye irway ihwala ɛli ne ˆɛ kɛ mɛmɛ ɛn nɛ ɛlɔ mos sa. ɛTsak ɛlɛy ne ˆɛ shɛɛ ɛn ɛlyilyɛghaa wo. Njwii ne roro ne nyinɛn wu te ˆɛ hante ɛn nɛ gbom.

iFilibi 2:12

iPhɛ ɛlɛy, nyinɛn no ne nzi sim mo, ɛli ne ɛ ku roos ɛn ibol nge de ne i sɛ nzo nɛ nyinɛn no, nzi ne roro nɛ nyinɛn ɛlyilyɛghaa wo ne n sang sonɛ nɛ nyinɛn no, hante ɛn ne roos sɛ. Mɔn ɛn ɛtomɛ ne irway mon gbik ɛli ne iphɔrɔt mon da yaa tɔɔl le kpas. Mɔn ɛn ndɔ ne kparat ne ɛnik ɛTaanggbey.

iFilibi 3:18

Nidɛng ninyi na sonɛ ne nggɛ ku tɔng nyini ibol nibhɛ, nzi ne ta tɔng nyini ɛlyilyɛghaa wo nɛ niyilis wu nibhɛ kɛ teye ninaa ne iphup ne iku ɛKiriti de daa ne ihon ne gangat to.

2 iKɔrɔntos 13:11

ɛTsim mɛ nigwaa nge, te n tek nyini ncaang. See ɛn ito te ɛ tɔk ɛn ihyɔrɔ, phok ɛn ibol de ne nggɛ roo nyini wu te ɛ roos ɛn no, te icwas mon teye ijwaan nɛ, shɛɛ ɛn ne irway ne laal. ɛLɛ wo ne ɛTaanggbey ya ne ɛbhɛ ɛ so ɛTaanggbey ne ishwim ba ne irway ne laal da yaa shɛɛ ne nyinɛn.

ɛTomɛ 4:32

Gbik ninaa ne roos sa kaa ne ku bok irway ijwaan ne icwas ijwaan, sɔng ɛdɛng kaa bok ɛkɔn kang nang. Gbik ɛkɔn na ne ɛrɔngɔ bok ɛ kaa ne so ɛhaa nibhɛ ɛte.

2 ɛBiturus 3:11

Daa ɛli ne sɛ ne bees nikɔn na gbik ɛlɛ wo, iphɛ kɛ ne jam mɛ ɛ sɛ te ɛn nyini iya ihywee ninyi daa mɛɛ? iPhɛ kɛ jam mɛ ɛ sɛ tul ɛn nyini kang ɛ te ɛn ninyi ninaa ɛTaanggbey.

1 iKɔrɔntos 15:58

iPhɛ ɛlɛy nigwaa nge ne nzi sim, kyinak ɛn ne ihwet, sɔng ɛkɔn sungki nyini nang. See ɛn ito cɛcɛɛy ndɔ ɛtomɛ ɛDaray ya, daa ɛli ne ɛ yɛɛ ɛn sɔng ɛdɛ ɛkɔn na ne ɛ kɛ mɔn ɛn ɛDaray yegha nɛ wo sɛ te buu nang.

iRooma 1:16

Sɔng n bok ncwa ne iBol iYɛnɛng ngge nang, daa ɛli ne iphɛ so ihwet ɛTaanggbey ne iphɛ phɔt gbik ɛnyi gha ne ɛ kɛ nang ne itin nɛ: i tsa nɛ niYahodawa ne ji kungus nɛ ninyi na ne hame nibhɛ so ɛn niYahodawa.

ɛYakub 3:18

I sɛ ninyi na kɛ shɛɛ ncaang nibhɛ tup ncaang, nibhɛ ne pha icik.

ɛFilimɔn 1:5

Daa ɛli ne nzi phok ngka ne ìnang ne itin mo de ndɔ ɛDaray ɛYɛso gha gbik ne ishwim ba ne ɛ tɔɔsel ninyi ɛTaanggbey ya.

ɛTitus 2:10

Sɔng nibhɛ hyel nikyɛɛ ne idee nibhɛ na ɛyi nang. Tɛ nibhɛ yang tɔɔrek wu nibhɛ so ninyi niyɛnɛng ne sɛ kyinak daa ne ibol nibhɛ. Te ne lenɛ ɛlɛ wo i yaang ndiinday ne imɛmɛ yɛdaa wo ne iphɛ so idee ɛTaanggbey ne phɔt njwɛɛn de.

2 ɛTimɔti 4:7

Nggɛ ta itsom be yɛnɛng, nggɛ taal nggbiy da, nggɛ boos ìnang ne itin de byirik.

1 ɛTimɔti 1:19

ɛ bok ìnang ne itin mo de gɛy ɛ tenes izɔlɔs ne irway iywɛnɛng mo. Nidɛng ninyi na kɛ mbaray tang tenes izɔlɔs ne irway nibhɛ da, ìnang ne itin nibhɛ da kɛ ne bees se.

1 ɛTimɔti 1:11

iMɛmɛ ne itin nɛdaa wo so daa ne ibol iyɛnɛng ne iphɛ shɛs idee ɛTaanggbey ne ɛ so ɛhaa ɛwɛng. iBol iyɛnɛng ngge ne kɛ nang me te n sanga wo.

ɛTomɛ 2:46

iZenge ne ihwɛlɛ, nibhɛ ne i tumɛ ɛn ndɔ ɛsaa ne iDeng nga, nibhɛ ne i roos idee-idee nibhɛ re en ire ndɔ ne izinɛ ne ishwɛ ne irway ilyaak.

ɛMacu 12:25

ɛYɛso gha ne seng icwas nibhɛ da, ne ɛ yaak nibhɛ, “Gbik igbɔm ba ne ifɛ hobhoset to ifɛ yaa ne ho; ɛgarang nga gbik ne ijwee wo nɛ ninyi yɛ kɛ ne hobhoset to, aa ne ho.

1 iTasɔlɔnika 3:6

ɛTimɔti gha kɛ ne bhɛ kyii ɛlɔ mon na ne ibol iyɛnɛng daa ne ìnang ne itin mon de gbik ne ishwim mon da. Ɛ kɛ mɔng njwii wu ˆɛɛ tas ɛn ne njwit byirik, wu ˆɛ sim ɛn te ˆɛ sɛ ma yaang ɛn njwi ɛli ne njwii ma sim te njwi sɛ yaang nyini wo.

iKɔlɔsi 1:4

Daa ɛli ne njwi kɛ phok ibol ne ìnang ne itin mon de ne ɛYɛso ɛKiriti gha gbik ne ishwim ba ne ɛ bok ɛn daa ninyi ɛTaanggbey ya.

iFilibi 2:24

Wu ɛDaray ya kɛ sim, mee wo ne ito nge naa ne yɛɛs ɛlɔ mon na sɔng ne bees nten nang.

iFisus 1:15

iPhɛ phɛ kɛ te, nten de ne nggaa phok ibol ne ìnang ne itin mon de ndɔ ɛDaray ɛYɛso gha gbik ne ishwim mon da daa ninyi ɛTaanggbey ya,

iFisus 1:13

Kɛ lenɛ ne ɛKiriti gha, nyinɛn no ne hame ˆɛ so ɛn niYahodawa na, ˆɛ kɛ ne phok ɛn ibol ne itin de, kaabi iBol iYɛnɛng ne iphɔrɔt da. Nten de ne ˆɛ kaa nang ɛn ne itin nɛ ne ɛYɛso gha, ɛTaanggbey ya ne nang nyini iKabyik ɛbhɛ ɛli ne ɛ kaa ku sim nyini nɛ aa mɔn no. iPhɛ yaa ne teye ɛlamba ne ishɛɛda wu ɛ so ɛn ninaa ɛbhɛ.

iGalatiya 1:7

ɛTsak, sɔng idɛ ibol iyɛnɛng ngge sonɛ kang nang. Nggɛ boote ɛlɛ wo, daa ɛli nɛ nidɛng ninyi na sonɛ nɛ nibhɛ hyeem ibol iyɛnɛng ɛKiriti de ne nggɛ tɔng nyini wo.

2 iKɔrɔntos 9:13

Yaa ne lenɛ ne ishɛɛda ɛtomɛ mon de, ninyi na gbom yaa ne nang ɛTaanggbey yegha ne ndiinday daa ɛli ne ɛ kɛ roos ɛn iBol iYɛnɛng ɛKiriti ne ɛ bo ɛn ɛ kɛ nang ɛn ne itin nɛ wo. Yaa ne ta lenɛ ne iphyik walala mon da ne ɛ kɛ phyik ɛn nibhɛ gbik ne ɛbyin ninyi na ne irway ihwala da.

2 iKɔrɔntos 4:4

ɛShɛtan na ne i re ɛbhɛ ntsong ngaa, ne ɛbhɛ ɛ so ɛTaanggbey ne izam mɛghaa wo ne ɛ phebhe wo kɛ cwaal ninaa nɛ nibhɛ kɛ sang nang ne itin nɛ wo irway, tɛ nibhɛ sang yaang iwɛwɛy ne ito-ndiinday ne iBol iYɛnɛng ɛKiriti de ne ɛbhɛ soye izazurum ɛTaanggbey de.

iRooma 15:29

Nzi yɛɛ ncɛncɛng sɛ́ sɛnaa yɛɛs ɛlɔ mon na, nzɛ ne yɛɛs nyini ne ɛwɛng ɛKiriti hyɔrɔ.

iRooma 15:16

te n te me ɛhaa ne mɔn ɛYɛso ɛKiriti yegha ɛtomɛ gha ɛlɔ ninyi na ne hame nibhɛ so niYahodawa na. Nzi mɔn ɛtomɛ ɛbo ɛTaanggbey ya ɛli ne nzi sanga iBol iYɛnɛng ɛTaanggbey de tɛ ninyi na hame nibhɛ so niYahodawa na teye ɛkɔn ne hap itsanga ne ɛTaanggbey ne kɛ tek ɛTaanggbey ye nɛ lenɛ ne iKabyik ɛTaanggbey.

iRooma 10:8

ɛWee ne bol ɛTaanggbey yo i bo: “iBol ɛTaanggbey de so cɛcɛk ne igyɛ, iPhɛ so ndɔ ɛnu mo, ne ndɔ ne irway mo dɔng.” iBol lɛdee wo ne so idee ne nang ne itin nɛ ne ibol de ne njwii sanga wo.

iRooma 1:9

ɛTaanggbey ya ne nzi mɔn ɛtomɛ ɛbhɛ gha ne irway nge ijwaan da daa ne sanga iBol iYɛnɛng ɛNgɔn ɛbhɛ de, ɛbhɛ ne ito ɛbhɛ ɛ kɛ tɔɔrek ɛli ne nzi ku tas ne nyinɛn cɛcɛɛy,

iRooma 1:5

Kaa ne lenɛ ne ɛDaray ɛYɛso gha, te ne ta nang irywɛɛk ne ndiinday, kɛ ne nang izɛɛng ɛTaanggbey ne ɛ ta yel-le me te n te me ɛhaa ne tom ɛbhɛ mbɛ tɔng ibol ɛbhɛ de ɛlɔ ninyi na ne hame nibhɛ so niYahodawa na gbik, tɛ nibhɛ nang ne itin nɛ, nibhɛ ta roos nɛ ihywɛɛ.

ɛTomɛ 24:24

Ne sɛ nituk kɛ kɛ boy yɛ, ɛgɔm-na ɛFɛlis sa ne bo ɛkuk ɛbhɛ ɛDurusila, ne ɛ kaa so ɛlap niYahodawa na ɛ yɛɛs nɛ. Ne ɛ ji tom mɛ i yɛɛs ne ɛBulus sa ɛ tenes ɛBulus segha ɛ tɔng ibol ìnang ne itin de ndɔ ɛYɛso ɛKiriti gha.

iFilibi 1:5

Nzi bok irway ihwala da daa ɛli ne ɛ kɛ byinki ɛn ito ne mee ndɔ ne sanga iBol iYɛnɛng ngge ne ile ɛtuk ne tsa yɛ phyii hɔn izenge wo.

iFilibi 3:20

Njwɛɛn ne soye ninaa ne igbɔm ɛdaa ne irywa. Njwɛɛn i ne hyep ɛHaa ne Phɔt njwɛɛn ɛDaray ɛYɛso ɛKiriti yegha ne aa le daa ne irywa wo.

iFilibi 4:1

iPhɛ ɛlɛy, nyinɛn nigwaa nge ne nzi sim, ˆɛ so ɛn ne irway nge, nzi has irway ne yaang nyini, ɛ so ɛn irway ihwala nge gbik ne ɛkɔn ne ito ne igbɔm nge daa ɛtomɛ nge. Nzi roro ne nyinɛn, kyinak ɛn ne ihwet ndɔ ɛDaray ya, nyinɛn no ne nzi sim mo.