iFilibi 1:25 - ɛWee ne ìTsɛm iHywas

²⁵ ɛLi ne nzi yɛɛ iphɛ ncɛncɛng ɛlɛ wo, nzi ne yɛɛ naa shɛɛ ne nyinɛn gbik te ˆɛ re ɛn ɛyisɛ ne ndɔ ne ìnang ne itin mon de, ˆɛ yɛk ɛn irway ihwala.

iFilibi 1:25 ပူးပေါင်းရင်းမြစ်များ

iFilibi 2:24

Wu ɛDaray ya kɛ sim, mee wo ne ito nge naa ne yɛɛs ɛlɔ mon na sɔng ne bees nten nang.

2 iKɔrɔntos 1:24

Sɔng njwii bo njwi yaa tɔɔrek nyini ndiinday daa ne ìnang ne itin mon de nang, kwa, njwɛɛn i mɔn ɛtomɛ gha ɛte, te ɛ sɛ ɛn irway ihwala daa ɛli ne ɛ kɛ kyinak ɛn ne ihwet ndɔ ne ìnang ne itin mon de.

iRooma 15:13

Te ɛTaanggbey ya ne ɛ so ɛhaa ne te ɛnyi gha ɛ sit irwisɛ da, yɛk nyini ne irway ihwala hyɔrɔ, ne irway ne laal ndɔ nang ne itin de ne ɛ kɛ nang ɛn nɛ ne ɛbhɛ wo, te iKabyik ɛTaanggbey de te nyini ɛ raras ɛn ndɔ ne sit irwisɛ mon da.

iRooma 5:2

Kɛ lenɛ ne ɛbhɛ ne njwɛɛn kɛ sɛ lel ndɔ ne izɛɛng ngɛdee wo lenɛ ne ìnang ne itin njwɛɛn da. iPhɛ ɛlɛy njwɛɛn ne bok irway ihwala daa ɛli ne njwɛɛn kɛ yɛk ne irway njwɛɛn sɛ so ndɔ ninaa nɛ nibhɛ so ndɔ ne ndiinday ɛTaanggbey de.

ɛTomɛ 20:25

“ɛLyilyɛghaa wo nzi yɛɛ gbik mon no, ne nggɛ roos nyini n tɔng nyini ibol ne igbɔm ɛTaanggbey da, sɔng aa tang yaang ɛn mɛɛn nang.

1 ɛBiturus 1:8

Sɔng ɛ kaa ku yaang ɛn ɛYɛso ɛKiriti yegha nang, gbik ne iphɛ ɛlɛy, ɛɛ ne sim ɛn ɛbhɛ. Sɔng ɛɛ ta yaang ɛn ɛbhɛ ɛlyilyɛghaa wo nang, gbik ne iphɛ ɛlɛy, ɛ kɛ ne nang ɛn ne itin nɛ ne ɛbhɛ, ne ɛ bok ɛn irway ihwala ne ifɛ sang ɛgak, ɛ ta bok ɛn bok ndiinday,

iRooma 15:29

Nzi yɛɛ ncɛncɛng sɛ́ sɛnaa yɛɛs ɛlɔ mon na, nzɛ ne yɛɛs nyini ne ɛwɛng ɛKiriti hyɔrɔ.

iRooma 15:18

Sɔng naa ne boote ne irway nviit daa ɛdɛ ɛkɔn na kang ne ɛkɔn na ne ɛhaa ne ɛKiriti gha kɛ mɔn lenɛ ne mee wo nang. Ɛ kɛ te ninyi na ne hame nibhɛ so niYahodawa na yaa roos ibol ɛTaanggbey de lenɛ ne ivol nge gbik ne ɛtomɛ nge,

ɛTomɛ 14:22

Nibhɛ ne kpɛng ninaa ne roos sa nibhɛ te nibhɛ itsɔngɔl gɛgɛy wu tɛ nibhɛ ma boos ìnang ne itin de gɛgɛy. Nibhɛ bok nibhɛ, “iPhɛ so sɔ nggbinggbing njwɛɛn sɔ nggbang gbom nyɛɛn njwɛɛn kyi bhɛ lel ne igbɔm ɛTaanggbey ba.”

ɛTomɛ 11:23

Kɛ ne sɛ ɛBanabas sa kɛ bhɛ tuu iNtakiya de ɛ yaang izɛɛng ngge ne ɛTaanggbey ya kɛ nang nibhɛ wo, ne ɛ yɛk irway ihwala. ɛBanabas sa ne kpɛng nibhɛ wu tɛ nibhɛ shɛɛ ndɔ ne itin ne ibol ɛDaray de ne irway nibhɛ gbik.

ɛLuka 22:32

Nggɛ ne ku roo ɛTaanggbey ye daa ne ito mo ɛSimɔn ɔɔy, wu hang ìnang ne itin mo de taasek. Yaa ne sɛ ɛ kɛ bhɛ kyii ne ɛ te nigwaa mo na itsɔngɔl gɛgɛy.”

iFilibi 1:24

iPhɛ ne phyin nyini nɛ wu nggyi tɔ ndɔ ne ibek ge.

ɛFilimɔn 1:22

ɛDɛ ɛkɔn nɛghaa bɛ dɔng, nzi sim te ˆɛ sɛɛ ryɔng mɛɛn izuk ne nzɛɛ shɛɛ nɛ, daa ɛli ne nggɛ sit irwisɛ nzi wɛɛ te yaa lenɛ ne ɛroo mon na, ɛTaanggbey ya yaa ne kyii nyini ne mee.