iFilibi 1:21 - ɛWee ne ìTsɛm iHywas

²¹ Sɛ so te me wo, wu nzo ɛken ne nzo ɛKiriti ye nɛ, wu nggɛ ne ku iphɛ ne ma yung phyin.

iFilibi 1:21 ပူးပေါင်းရင်းမြစ်များ

iGalatiya 2:20

Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”

2 iKɔrɔntos 5:8

Ɛɛy! Njwɛɛn bok irway nviit, njwɛɛn i ta phyin sim te sɛɛ yɔng yaa hosobhe ne ibek ɛzay yɛdee wo bhɛ shɛɛ ne ɛDaray ya daa ne ijwee wo.

2 iKɔrɔntos 5:1

Njwii yɛɛ, sɛ́ sɛ ipho yɛdee wo ne njwɛɛn sonɛ ndɔ ɛzay yɛghaa, kaabi ibek ge ne njwɛɛn bok ndɔ ɛzay yɛghaa wo, kɛ bees se; ɛTaanggbey ya ne ito ɛbhɛ sɛ ne ryɔng njwɛɛn ijwee daa ne irywa. Sɔng ɛten ɛsii bhɛ sɛ ryɔng ijwee yɛwoo nggyɛ wo nang, ifɛ sɛ soye ihoo ne inat.

iFilibi 1:23

Gbik nikɔn ifaa yɛnaa wo i ne hɔ ihywɛɛ nge. Nzi yang sim te nzɛ kyii ɛlɔ ɛKiriti gha mbɛ shɛɛ ne ɛbhɛ. iPhɛ phɛ kɛ jam iphɛ shɛs.

iKɔlɔsi 3:4

Sɛ ne sɛ ɛKiriti gha ne ɛbhɛ ɛ soye iken mon de kɛ tɔɔl le, ˆɛ sɛ ne ma tɔɔl nyini ne ɛbhɛ ndɔ ne ito-ndiinday ɛbhɛ de.

2 iKɔrɔntos 5:6

iPhɛ phɛ kɛ te njwɛɛn bok irway nviit da cɛcɛɛy yo. Njwɛɛn i yɛɛ wu njwɛɛn so ndɔ ne ibek ɛzay yɛdee wo, njwɛɛn ne so kyakyak ne ijwee njwɛɛn no ne ɛTaanggbey ya kɛ ryɔng ngo.

iFilibi 1:20

Nggɛ yɛk ne irway nzi has irway ɛlɔ ne naa yung bak ito nge ncwa ndɔ ɛtomɛ ɛKiriti gha, te n yang bol tang ɛnik. Te gbik ɛkɔn na ne naa mɔn no te ɛKiriti gha sɛ ndiinday ndɔ ne ishwɛɛ nge ɛlyilyɛghaa wo, ɛli ne iphɛ ku so wo. Hang nzo ɛken yɔɔ, hang nggɛ ku yɔɔ.

Nikɔn ne kɛ Phaal 14:13

Ne n phok idɛ izɔlɔs de le daa ne irywa ihywɛ bo, “Haal ɛbɛ, yaa tsa ɛlyilyɛghaa wo, ɛhaa ɛwɛng ngaa nggyɛ ne aa ku ɛ bok ìnang ne itin de ndɔ ɛDaray ya.” iKabyik ge ne i bo, “ɛTsak! Nibhɛ sɛ́ phɔng ndɔ ne nggbang nibhɛ da daa ɛli ne ɛtomɛ nibhɛ gha sɛ́ roos nibhɛ.”

iGalatiya 6:14

Sɛɛ so te me wo, sɔng naa ne hal ɛgyɛy ya nang. Wu naa yung hal ɛgyɛy ya, naa ne hal daa ne bol ne gangat ɛDaray njwɛɛn ɛYɛso ɛKiriti ye, daa ɛli ne ibol ne gangat ɛYɛso yede kɛ te nikɔn ɛzay ya te te ikom ɛlɔ nge gha, nggɛ ne ma te te ikom mɛ ɛlɔ nikɔn ɛzay ya.

1 iKɔrɔntos 1:30

ɛTaanggbey ya ɛbhɛ kɛ te ɛ so ɛn ndɔ ɛYɛso ɛKiriti gha, ɛbhɛ ta te ɛKiriti gha teye ntsɛntsɛng njwɛɛn. Kɛ ne lenɛ ne ɛKiriti gha ɛTaanggbey ya say njwɛɛn wu njwɛɛn so cik ɛnu ɛyisɛ ɛbhɛ, njwɛɛn ta teye ninyi ne wɛwɛy ɛTaanggbey ya, njwɛɛn ta teye ninyi ne kɛ phɔt.

iFilibi 2:21

ɛByin ninyi na ku tas nikɔn nɛ nibhɛ yaa phyik nibhɛ zɔng, sɔng ninaa nɛ nibhɛ soye ninaa ɛYɛso ɛKiriti nang.

1 iKɔrɔntos 3:22

hang ɛBulus yɔɔ, hang ɛPolos yɔɔ, hang ɛKyɛfas yɔɔ, hang ɛzay yɛghaa wo yɔɔ, hang iken yɔɔ, hang iku yɔɔ, hang nikɔn ɛlyilyɛghaa yɔɔ, hang ninaa ɛgɔɔ ɛyisɛ yɔɔ, gbik nibhɛ soye ninaa mon.

iFilibi 1:22

Wu iphɛ ne so naa shɛɛ ɛken na ndɔ ne ibek, kaabi naa ne mɔn ɛtomɛ ne aa jam. Sɔng nzi ne ji yɛɛ ɛhiha ne na kasa nang.