iFilibi 1:19 - ɛWee ne ìTsɛm iHywas

¹⁹ daa ɛli ne nzi yɛɛ yaa lenɛ ne ivol da ne ˆɛ bol ɛn ne ɛTaanggbey ya daa me wo, ne iphyik ne iKabyik ɛYɛso ɛKiriti de, ne i tul me ne inyang nge.

iFilibi 1:19 ပူးပေါင်းရင်းမြစ်များ

iRooma 8:28

Njwii yɛɛ ndɔ nikɔn na gbik ɛTaanggbey ya mɔn ninyi na nibhɛ sim ɛbhɛ nikɔn niyɛnɛng, ninyi na ne kɛ yel-le tɛ nibhɛ shwaak nikɔn na nɛ nibhɛ kɛ te i yel-le nibhɛ wo.

ɛTomɛ 16:7

Ne sɛ nibhɛ kɛ tuu ɛgak ne ivel ne iMasiya, nibhɛ ne i sim tɛ nibhɛ yaa phɛ ne ivel ne iBitaniya, iKabyik ɛYɛso de ne ring nibhɛ nɛ.

2 iKɔrɔntos 1:11

Phyik ɛn njwii ne boote ne ɛTaanggbey. Yaa ne lenɛ ɛlɛ wo ninyi na gbom yaa ne tɔɔrek ɛTaanggbey ye irway ihwala daa ne ito mos, lenɛ ne ɛwɛng nga ne kɛ nang njwii daa ɛli ne ɛTaanggbey ya kɛ say ɛroo gha nɛ ninyi na gbom kɛ roro njwii nɛ wo.

iGalatiya 4:6

ɛLyilyɛghaa wo ne njwɛɛn kɛ tes en ninɔn ɛTaanggbey ya, ɛTaanggbey ya kɛ ne tom iKabyik ɛNgɔn ɛbhɛ ndɔ ne irway njwɛɛn. iKabyik kɛdee wo i ne te njwɛɛn yɔngɔ, “Abba, ɛTaa nge.”

iRooma 8:9

Nyinɛn no wu ikabyik ɛTaanggbey de ne shɛɛ ndɔ mon, sɔng icwas ne irway ɛten ɛsii da ifɛ ne hyel ne nyinɛn nang, iKabyik ɛTaanggbey iphɛ hyel ne nyinɛn. Gbik ɛnyi gha ne ɛ sang bok iKabyik ɛKiriti de, sɔng ne ɛ soye ɛhaa ɛKiriti gha nang.

1 iKɔrɔntos 4:17

iPhɛ ɛlɛy nggɛ ne tom nyini ne ɛTimɔti ne ɛ soye ɛngɔn nge ndɔ ɛDaray ne nzi sim ɛbhɛ, ɛnyi ne sɛ kyinak daa ne ibol ɛbhɛ. Aa ne taate nyini ne ihywee ne ihywel da ne nggɛ hyel ndɔ ɛYɛso ɛKiriti gha ne ifɛ so kancɛng ne ɛkɔn na ne nzi tɔng nilɔ na gbik ndɔ ne idira ninaa ne roos sa.

1 ɛBiturus 1:11

Nibhɛ kaa sim tɛ nibhɛ sɛɛ seng nten nɛ, gbik ɛli ne iphɛ sɛ yɛɛs. Nten de ne iKabyik ɛKiriti de ne iphɛ so ndɔ nibhɛ kaa tɔng nibhɛ wo. iKabyik ge kaa tɔng nibhɛ ibol ne nggbang ngga ne ɛKiriti gha sɛ sɔ wo, ne ndiinday de ne iphɛ sɛ roos ɛtsim mɛ wo.

iGalatiya 3:5

ɛTaanggbey ya kaa nang nyini iKabyik ɛbhɛ de ɛ ta mɔn nikɔn ne kparat ta ndɔ mon. Ɛ wɛɛ te ɛTaanggbey ya kɛ mɔn ɛlɛ wo daa ɛli ne ɛ roos ɛn ɛShara da gbik ghe? Hang kɛ lenɛ ne ibol iyɛnɛng ngge ne ɛ kɛ phok ɛn ɛ nang ne itin nɛ wo?

iFilibi 1:18

Sɔng ɛkɔn kɛ ne te nang. Hang nibhɛ kɛ bok icwas ne irywɛɛk yɔɔ, hang ivaa ne itin yɔɔ, ɛkɔn na ne kɛ mɔn no, ɛ so i kɛ sanga ibol ɛKiriti de. iPhɛ kɛ ne te me n bok irway ihwala. Naa ne re ɛnu ɛyisɛ ne irway ihwala da,